Саидмукаррам Абдулқодирзода, раиси Шӯрои уламои Тоҷикистон ҳангоми мулоқот бо муҳоҷирон дар Маскав дар моҳи декабри соли 2017

Чаро истеъмоли гӯшти хук дар Ислом ҳаром аст: шарҳи Шӯрои уламо

2529
(Таҷдидшуда 13:13 09.07.2019)
Шӯрои уламои маркази исломшиносии Тоҷикистон дар бораи истеъмоли гӯшти хук гуфт

ДУШАНБЕ, 9 июл — Sputnik. Ибодуллоҳ як корбари сомонаи Маркази исломшиносии Тоҷикистон аз ин ниҳод суол кардааст, ки чаро дар ислом истеъмоли гӯшти хук мамнуъ шудааст.

"Дар Ислом хурдани гӯшти хук манъ аст. Ҳикмати манъ шудани он чист?",-суол додааст Ибодуллоҳ.

"Бародари азиз, аҳкоми шаръӣ ҳама тавқифӣ ҳастанд, Худованд ҳаким аст ва ҳар як кори ӯ ҳикматҳои фаровон дорад, ки мо аз ҳақиқати он огоҳ нестем. Тибқи гуфтаи донишмандон яке аз ҳикматҳои ҳаром будани гӯшти хук ин аст, ки дар таркиби он моддае вуҷуд дорад, ки пас аз истеъмоли гӯшт аз бадани инсон хориҷ намешавад ва ба саломатӣ зарар дорад",-посух додааст Шӯрои уламо.

Қаблан Алишер, як корбари сомонаи Шӯрои уламо дар саҳифаи ин ниҳод навиштааст, ки дар хоб ба ӯ ангуштарин додаанд ва таъбири ин хобашро суол кардааст.

Шӯрои уламо: дар Маркази исломӣ касе ба вазифаи "ҷинбарор" таъйин нашудааст

“Бародари азиз, дидани ангуштарин дар хоб ба издивоҷ кардан ё ноил шудан ба ҷойгоҳе далолат мекунад”, - посух додааст Шӯрои уламо.

Ба хобдидаи дигар, ки худро Абдуллоҳ муаррифӣ кардаасту ангуштарин хоб дидааст,  Шӯрои уламо посух додааст, ки баракотро интизор бошад.

Шӯрои уламо гуфт, наврасони тоҷик дар куҷо намози таровеҳ гузоранд

“Ман дар хоб дидам, ки бо номзадам тўй дорем ва ба якдигар ангуштарин гузаронидем. Ин хоб чӣ таъбир дорад”, - суол кардааст Абдуллоҳ.

Шӯрои уламо посух додааст, ки “ин хоби шумо хайру башорат аст, иншоаллоҳ шумо ба орзуи худ мерасед”.

2529
Барчаспҳо:
фатво, гӯшт, Шӯрои уламо, Маркази исломшиносии назди президенти Тоҷикистон
Линии электропередач в мороз, архивное фото

Тоҷикистон содироти барқро ба Афғонистон афзоиш медиҳад

41
(Таҷдидшуда 13:45 27.02.2021)
Мақомоти Тоҷикистон бо Афғонистон ва Ӯзбекистон дар бораи ҳаҷми интиқоли нерӯи барқ ​​барои соли ҷорӣ гуфтушунид кардаанд, аммо ҳаҷми дақиқи он аз ҷараёни об ба дарёи Вахш вобаста хоҳад буд

ДУШАНБЕ, 27 фев — Sputnik. Тоҷикистон ба нақша гирифтааст, ки содироти нерӯи барқ ​​ба Афғонистони ҳамсояро афзоиш диҳад, хабар медиҳад бахши энержии ҷумҳурӣ.

Мақомоти Тоҷикистон бо Афғонистон ва Ӯзбекистон дар бораи ҳаҷми интиқоли нерӯи барқ ​​барои соли ҷорӣ гуфтушунид кардаанд, аммо ҳаҷми дақиқи он аз ҷараёни об ба дарёи Вахш вобаста хоҳад буд.

Дар маҷмӯъ, Тоҷикистон ба нақша гирифтааст, ки дар соли 2021 ба кишварҳои ҳамсоя беш аз 3 миллиард кВт / соат нерӯи барқ ​​содир кунад.

Аммо ниҳод таъкид кардааст, ки ҳама чиз аз ҷараёни об дар дарёи Вахш, ки иншооти асосии тавлидкунандаи кишвар дар он ҷойгир аст, вобаста хоҳад буд.

"Агар захираҳои обӣ расанд, ба кишварҳои ҳамсоя содироти беш аз 3 миллиард кВт /соат нерӯи барқ ​​имконпазир аст. Қарор аст, ки дар мавсими тобистон миқдори зиёди нерӯи барқ ​​интиқол дода шавад", - омадааст дар иттилоия.

Қайд карда мешавад, ки содироти нерӯи барқ ​​ба Ӯзбекистон ба миқдори 1,5 миллиард кВт / соат пешбинӣ шудааст.

Инчунин, ҳаҷми таъминот барои Афғонистон афзоиш хоҳад ёфт.

Бахши энержӣ афзудааст, ки арзиши ҳар киловатт энержӣ барои Афғонистон дар соли гузашта 4,5 сент буд. Имсол ин нишондод 3 дар сад афзоиш хоҳад ёфт.

Қобили зикр аст, ки соли гузашта дар маҷмӯъ 1,53 миллиард кВт / соат нерӯи барқ ​​ба маблағи беш аз 55,4 миллион доллар содир карда шуд.

Вазир гуфт, барқи қимат аз бебарқӣ арзонтар меғалтад: қарори Ҳукумат дар бораи тарофаҳо

Ин рақам нисбат ба соли 2019 тақрибан 1,4 миллиард кВт / соат камтар аст. Ин вазъ аз он сабаб ба амал омадааст, ки дар Тоҷикистон тобистони соли гузашта сатҳи обанбори Норак якбора - 17 метр коҳиш ёфт. Ҳисобкуниҳо нишон доданд, ки захира беш аз 1,5 километри мукааб кам шудааст, яъне ҳафтяки ҳаҷми обанбор.

Аз ин сабаб, истеҳсоли нерӯи барқ ​​дар ҷумҳурӣ коҳиш ёфт ва барои қонеъ кардани талаботи дохилӣ, мақомот маҷбур буданд аз содирот ба кишварҳои ҳамсоя даст кашанд.

Қаблан, ширкати энержии Афғонистон аз Барқи Тоҷик дархост карда буд, ки дар чор моҳ нархи нерӯи барқро коҳиш диҳад.

Душанбе ва Кобул дар бораи интиқоли барқ ​​20 июни соли 2008 созишнома имзо карданд.

41
Вход в интернет, архивное фото

Мавқеи Тоҷикистон дар раддабандии суръати интернет боз пасттар шуд

45
(Таҷдидшуда 13:19 27.02.2021)
Дар раддабандии нави сураъати интернети мобилӣ Тоҷикистон ҷои 129-умро дар байни 140 кишвари дунё ба даст овард

ДУШАНБЕ, 27 фев — Sputnik. Дар Тоҷикистон суръати интернет пасттар шудааст. Далели он маълумотҳои раддабандии глобалии Speedtest. мебошад.

Бино бар иттилои манбаъ, моҳи январи соли 2021 Тоҷикистон байни 140 кишвари дунё ҷои 129-умро гирифтааст ва дар натиҷа дар як моҳ панҷ зина поён рафтааст.

Дар ҳамин ҳол, бино бар маълумотҳо моҳи декабри соли 2020 кишвар мавқеи 124-умро мегирифт.

"Суръати боркунии маълумот дар Тоҷикистон моҳи январ 13,8 Мб/сонияро ташкил дод, моҳи декабри соли 2020 ин нишондод ба 14.66 Мб/сония баробар буд", - омадааст дар ҳисоботи Speedtest.

Аз нигоҳи суръати интернети симӣ низ, тибқи ҳисобҳои моҳи январ, Тоҷикистон низ  мавқеъро аз даст дод ва дар байни 175 кишвар дар ҷои 99-ум қарор гирифт.

Моҳи декабр Тоҷикистон дар ин рӯйхат ҷои 94-умро ишғол мекард.

Аз кишварҳои ИДМ дар мавриди суръати интерент Русия пешсаф аст, ҷои 93-умро мегирад, Қазоқистон - 105, Қирғизистон - 101, Ӯзбекистон мавқеи 128-умро мегирад.

Ин дар ҳолест, ки Хадамоти алоқаи Тоҷикистон мегӯяд, хизматрасонии пасти ҳам интернетиву ҳам тамосии ширкатҳои мобилии Тоҷикистонро мушоҳида накардаанд.

Ин нуктаро Илҳом Атоев, муовини сардори Хадамоти алоқаи назди ҳукумати Тоҷикистон зимни нишасти хабарии ин ниҳод дар посух ба суоли Sputnik Тоҷикистон, ки ба шикоятҳои мардум дар бораи хизматрасониҳои пасти шикарҳои мобилии кишвар чӣ назар дорад, таъкид карда буд.

Сокинон аз интернету хизматрасонии паст шикоят доранд. Хадамот мегӯяд, мушоҳида накардааст

Номбурда дар бораи ҳам хизматрасонии интернетӣ ва ҳам гуфтугӯӣ гуфт, шояд бошад, аммо мо мушоҳида накардем.

Ӯ гуфт ҳатто аз ҷониби шӯъбаҳои назорати ин самти Хадамоти алоқа чунин камбудиҳо ошкор нашудааст.

Номбурда аз як радабандии байналмилалӣ мисол оварда гуфт, хизматрасониҳои итернетӣ ва ҳам гуфтугӯӣ нисбат ба солҳои қаблӣ хуб шудааст ва миёни давлатҳои минтақа ҷойи созгорро касб намудааст.

Ёдовар мешавем, қаблан дар пайи боло бурдани нархи хизматрасониҳои мобилӣ, мақомот ваъда дода буданд, ки сатҳи хизматрасонӣ беҳтар хоҳад шуд.

Аммо шикояти ҳамарӯзаи сокинон дар расонаҳои иҷтимоӣ оид ба хизматрасониҳои ширкатҳо, махсусан аз сатҳи пасти суръат акси ҳолро нишон медиҳад.

45

Норозигии мухлисон баъди эълони шикасти Ғаффоров ва ваъдаи президенти "Ахмат" - видео

0
(Таҷдидшуда 15:19 27.02.2021)
Дар зӯрозмоии Absolute Championship Akhmat (ACA) 118 дар Маскав дар пайи сабқати Азам Ғаффоров, размикори тоҷик ва рақиби бразилиягияш Чарз Энрике моҷаро бархест

Доварони сабқат пирӯзиро ба размикори бразилиягӣ доданд, ки ин боиси норозигии мухлисони  Азам Ғаффоров шуд.

Нахуст низомиёни “Росгвардия” талош карданд, норозиёнро ором созанд ва сипас ба назди онҳо Абузайд Висмурадов, президенти бошгоҳи “Ахмат” омад. Ӯ ваъда дод, ки қазияро ҳал мекунанд.

Худи Азам Ғаффоров дар пайи сабқат дар суҳбат бо хабарнигорон аз тасмими доварон изҳори норозигӣ кард. Ӯ бо ишора ба рақибаш, ки ба зӯр аз майдон берун омада ҳаракат мекард, изҳор дошт, ки ин ҷо маълум буд, кӣ пирӯз гардид.

Ғаффоров таъкид кард, ки худро пирӯзи ин сабқат медонаду омода буд даври дигар ҳам зӯрозмоӣ кунад.

Феълан Ғаффорови 27-сола 11 пирӯзӣ ва ду бохт дорад.  Ҳар ду шикаст ҳам бо қарори доварон дода шудааст.

0
Барчаспҳо:
сабқат, мухлисон, Тоҷикистон