Дети купаются в Черном море

Ҷавоне дар талоши наҷоти дӯсташ ҷон дод: афзоиши қурбониёни шиноварӣ дар Тоҷикистон

2153
(Таҷдидшуда 16:48 11.07.2019)
То санаи 9-уми июли соли ҷорӣ, риштаи умри 64 нафар, ки аз гармои шадиди тобистон панаҳ бурда, зери оби кулу дарёҳои Тоҷикистон фароғат мекарданд, канда шудааст

ДУШАНБЕ, 11 июл — Sputnik. Дар давраи таътили тобистон, руду кулу обанборҳо дар Тоҷикистон, аз ҷойҳои мақбулу дӯстдоштании сокинон ба вижа ҷавонон ба ҳисоб мераванд, аммо шиноварию фароғати ҷавонон дар чунин маконҳо на ҳамеша бо хушӣ поён меёбад.

Ба мисли ҳодисае, ки ахиран риштаи умри ду ҷавон дар канали ноҳияи Масчоҳ канда шуд. Ҷасади ин ду нафар, ки яке сокини ҳамин ноҳия ва дигаре сокини деҳаи Андарвашти ноҳияи Кӯҳистони Масчоҳ аст, аз об берун оварда шуда, дар рӯзи 8-уми июл ба хок супорида шудаанд.

Шоҳидони гуфтаанд, ки вақте яке аз онҳо ба қаъри оби канал фуру рафт, дуюми мехост рафиқашро наҷот диҳад, вале мутаасифона ӯ ҳам ғарқ шуд.

Ғарқ шудани 55 тан дар пайи риоя накардани қоидаҳои бехатарӣ дар Тоҷикистон

Рӯзи 9-уми июл, як рӯз баъд аз маросими хоксупории ин ду ҷавон дар ноҳияи Масчоҳ, КҲФ Тоҷикистон аз ғарқшавии 64 нафар дар вақти шиноварӣ дар кулу дарё ва обанборҳои Тоҷикистон иттилоъ дод.

Бар асоси хабари КҲФ ҳалокшудагон дар кулу обанборҳои Тоҷикистон аксаран ҷавонон мебошанд.

“Бар асари риоя накардани  қоидаҳои шиноварӣ дар кишвар 64 нафар ба ҳалокат расидаанд, ки 28 нафар то 16 - сола, синни 36 тани онҳо болотар аз 17 сола мебошанд”, омадааст, дар хабарнома.

КҲФ бо паҳни шумора ва сину соли ҳалокшудагон ба сокинону меҳмонон ҳушдор додааст, ки ҳангоми оббозӣ қоидаҳои бехатарии шиновариро ҷиддан риоя кунанд.

Омори нигаронкунандаи маргу мири сокинон дар кулу дарёҳо ахиран Раёсати КҲФ дар шаҳри Душанбе ва вилоятҳои Суғду Хатлонро водор намудааст, ки якҷо бо кормандони Вазорати корҳои дохилӣ дар соҳилҳо ва маконҳои тафреҳӣ корҳои назоратиро пурзур намоянд.

Дар дарёи Душанбе боз як ҷавони дигари 18- сола ғарқ шуд-навор

Намояндагони ин ниҳодҳо ба тақсими варақаҳои иттилоотӣ низ машғул шудаанд, ки аз хатароти ғарқшавӣ дар ҷойҳои манъшуда огоҳ мекарданд.

Аммо тарғибот аз хатари ғарқшавӣ дар ҷойҳои манъи оббозӣ дар соҳили дарёҳо дар ҳолест, ки худи сокинон мегуянд, ба сабаби камбуди ҳавзҳои вижаи шиноварӣ дар мисоли шаҳру ноҳияҳо, бисёриҳо, аз ҷумла ҷавонон ночор рӯ ба обанбору дарёву рудҳои шухоби пурхатар мераванд. Аз сӯи дигар мушкили камбуди истироҳатгоҳҳои берун аз синфӣ ҳам ҳаст, ки ниёзи таътили тобистонаи ҳамаи хонандаҳои  мактабҳоро бароварда намесозад.

Як шаҳрванди Узбакистон ба рӯди Варзоб ғарқ шуд

Бар пояи маълумоти оморӣ имсол танҳо синфҳои 9-11-и  мактабҳои вилояти Суғдро  беш аз 75 ҳазор нафар хатм мекунанд. Аммо на ҳамаи шӯъбаҳои маориф дар шаҳру ноҳияҳои Суғд,  истироҳтгоҳҳои берун аз шаҳрии истироҳати хонандаҳоро доранд. Аз ҷумла шӯъбаи маорифи шаҳри Хуҷанд, ки танҳо як истироҳатгоҳи берун аз шаҳрӣ дар ихтиёр дорад ва дар як маротиба, метавонад 150 хонадаро қабул кунад.

Ҳукумати шаҳри Хуҷанд чанде пеш дар остонаи ҷашни Ваҳдати миллӣ бо харҷи як милион сомонӣ дар масофаи 300 метр дар соҳили чапи руди Сир, як маҷмааи фароғатию шиноварӣ ифтитоҳ кард. Ин ҳоло дуюмин шиногоҳ, баъди шиногоҳи воқеъ дар соҳили рости Сирдарё, ки соли гузашта барқарор карда шуд, мебошад.

Шиногоҳи аввалӣ дар соҳили рости дарё то замони барқарорсозиаш, солҳо боз беназорат ва ба як соҳили қимишзори Сирдарё боқӣ монда буд.

Марҳамат ба шиноварӣ: Аҳмадзода се шиногоҳи Хуҷандро бозсозӣ кард

Зимнан ин ду макони шиноварӣ барои сокинон сохта шудааст, аммо бо дарназардошти шумори мавҷудаи сокинони соҳили дарё кифоят намекунад.

Камбуди инчунин маконҳои муқаррар барои шиноварӣ ба ҳисоби Хуҷанд дар шаҳру навоҳии Тоҷикистон мушкили аслӣ аст, ки бисёриҳо ба умеди шиноварию фароғати тобистонӣ ба соҳили дарёву кулу обанборҳо мераванд, аммо баъзеҳо на бо таасуроти неку амиқ ба назди пайвандони худ ба хона бармегарданд.

2153
Барчаспҳо:
оббозӣ, шиноварӣ, кул, дарё, Суғд, ҷавонон, ғарқшавӣ, Тоҷикистон
Парламентские выборы в Таджикистане

Мақомоти шаҳри Исфара шумори дақиқи овоздиҳандагонро эълон кард

87
(Таҷдидшуда 19:33 22.09.2020)
Дар шаҳру деҳоти Исфара як ҳавза ва 83 участкаҳои интихоботӣ ташкил ва ҳамаи онҳо бо лавозимоту маводи зарурӣ таъмин карда шудаанд

ДУШАНБЕ, 22 сен — Sputnik. Бино бар иттилои дафтари матбуоти раиси шаҳри Исфара, дар “Ҳавзаи интихоботии Исфара, №27” шумораи пешакии интихобкунандагони ин ҳавза 162 105 нафарро ташкил медиҳад, ки 4307 нафари онҳо бори аввал овоз хоҳанд дод.

Манбаъ таъкид доштааст, ки барои дар доираи талаботи Конститутсияи Тоҷикистон, қонунҳои амалкунанда, дар сатҳи баланди ташкилӣ ва маърифати ҳуқуқӣ, шаффофу озод, ба таври демократӣ ва бо иштироки фаъолонаи интихобкунандагон баргузорнамоии ин чорабинии сиёсӣ дар шаҳри Исфара тамоми тадбирҳои зарурӣ андешида шудаанд.

Ҳамзамон қайд шудааст, ки дар ҳамаи участкаҳои интихоботии ҳавзаи Интихоботии “Исфара” корҳои омодагӣ барои дар сатҳи баланд доир намудани интихоботи дарпешистода идома дошта, бо аҳолӣ оид ба иштироки фаъолонаи онҳо дар ин маъракаи муҳими сиёсӣ корҳои фаҳмондадиҳӣ ба роҳ монда шудааст.

“То ин замон рӯйхати интихобкунандагон тартиб дода шудааст”, - зикр кардааст мақомоти шаҳри Исфара

Ҳамзамон манбаъ илова кардааст, ки тибқи дастури Комиссияи марказии интихобот ва раъйпурсии Тоҷикистон бо мақсади баланд бардоштани фарҳанги сиёсии интихобкунандагон корҳои тарғиботиву ташвиқотӣ роҳандозӣ мегарданд.

87
Барчаспҳо:
шумораи овоздиҳандагон, Исфара, Интихоботи президентӣ, интихобот, Тоҷикистон

Вазорати тандурустӣ: шабонарӯзи гузашта боз 44 ҳодисаи нави бемории COVID-19 сабт шуд

325
(Таҷдидшуда 19:02 22.09.2020)
Вазорати тандурустии Тоҷикистон омори нави гирифторшавӣ, фавт ва шифоёбӣ аз маризии сироятии коронавирусро нашр кард

ДУШАНБЕ, 22 сен — Sputnik. Бино бар иттилои вазорати тандурустии Тоҷикистон дар шабонарӯзи гузашта боз 44 мавриди ҷадиди гирифторшавӣ ба маризии коронавирус сабт гардид.

Бино бар иттилои манбаъ, дар як шабонарӯзи охир 110 нафар гумонбарон зери назорати табибон қарор дошта, 47 нафар баъд аз муолиҷа ба хонаҳояшон рухсат дода шуданд.

“Инчунин,  дар як шабонарӯзи охир дар ҷумҳурӣ 44 ҳодисаи нави бемории  COVID-19 дарёфт гардида,  дар маҷмӯъ шумораи гирифторони ин беморӣ ба  9432  нафар баробар гардид”, - таъкид доштааст вазорати тандурустӣ.  

Ҳамзамон манбаъ қайд кардааст, ки то санаи  22 сентябр дар кишвар  8199  (86,9%) нафар аз бемории COVID-19 шифо ёфта,  бар асари он 73  нафар фавтидаанд.

Вазорати тандурустии Тоҷикистон бори дигар аз тамоми сокинони кишвар хостааст, ки барои пешгирӣ аз ин беморӣ пеш аз ҳама  қоидаҳои беҳдошти шахсиро қатъиян риоя намоянд.

325
Барчаспҳо:
нашр, омор, Вазорати тандурустӣ, вазорат, фавт, вируси корона, Тоҷикистон

Оғози машқҳои низомии “Қафқоз-2020”

0
(Таҷдидшуда 01:15 23.09.2020)
Машқҳои байналмилалии низомӣ “Қафқоз-2020” дар вилояти Астрахани Русия оғоз ёфтанд. Дар ин машқҳои низомӣ бе аз 80 ҳазор аскару афсар, инчунин 250 тонк, 450 худрави ҷангии пиёданизом, 200 тӯпу рокетандоз иштирок хоҳанд кард

Машқҳои низомӣ санаи 21 сентябри соли равон оғоз ёфтанд. Таи ҳафтаи ахир  низомиён таҷҳихзоту аслиҳаро барои иштирок дар машқҳои низомӣ омода карданд. 

Аз ҷумла пеш аз оғози машқҳои байналмилалӣ тамоми низомиён аз санҷиши вируси корона гузаронида шуданд.

Дар машқҳо беш аз 80 ҳазор нафар аскару афсар, инчунин 250 тонк, 450 худрави ҷангии пиёданизом, 200 тӯпу рокетандоз иштирок доранд.

Русия барои иштирок дар ин машқҳо ҳамчунин низомиёни Арманистон, Мянма, Покистон ва Эронро низ даъват кардааст.

Низомиёни Тоҷикистон ба ин машқҳои низомӣ ба ҳайси нозир даъват шудаанд.  

Ҳамчунин дар феҳристи кишварҳои даъватшуда Озарбойҷон ва Ҳиндустон низ буд, аммо мақомоти ин кишварҳо имсол аз иштирок дар ин машқҳои низомӣ “Қафқоз-2020”худдорӣ карданд.

0
Барчаспҳо:
Афсар, аскар, Астрахан, артиш, тамрин, машқи низомӣ, машқ, Русия