Эмомали Рахмон в ходе рабочей поездки в район Сангвор

Баҳои баланди Раҳмон ба Давлатов, ки ҳаҷ нарафту маркази хизматрасонӣ сохт

1130
(Таҷдидшуда 12:40 12.07.2019)
Эмомалӣ Раҳмон ба корҳои сохтмонии маркази хизматрасонӣ, ки аз ҷониби Давлатов ва фарзандонаш бунёд шудааст, баҳои баланд дод.

ДУШАНБЕ, 12 июл — Sputnik. Дар идомаи сафари корӣ ба Данғара, Эмомалӣ Раҳмон дар деҳаи Талхоби деҳоти Оқсу Маркази омӯзишӣ — хизматрасониро мавриди баҳрабардорӣ қарор дод.

Ба гузориши котиботи раисиҷумҳур, Маркази омӯзишӣ-хизматрасонӣ дуошёна буда, дар ошёнаи якум нуқтаҳои савдо ҷойгир шудаанд.

Президент Таджикистана Эмомали Рахмон
© Sputnik Официальная страница президента РТ в Facebook

Зимни боздид аз маркази хизматрасонӣ Эмомалӣ Раҳмон ба корҳои сохтмонӣ баҳои баланд дод.

"Иншооти нав аз тарафи истиқоматкунандаи деҳаи Талхоб Хайриддин Давлатов ва фарзандони ободкори ин марди накӯ сохта шудааст. Хайриддин Давлатов аз ҳисоби маблағи барои ҳаҷ ҷамъ кардаи худ якҷоя бо фарзандон барои сохтани чунин маркази хизматрасонии бисёрсоҳа дар деҳаи худ иқдом пеш гирифтанд", - омадааст дар хабарнома.

Дар ошёнаи якуми Маркази омӯзишӣ-хизматрасонӣ нуқтаҳои савдои масолеҳи сохтмонӣ, маводи хӯрокӣ, ашёи рӯзгор ва ангишт ҷойгир карда шудаанд.

"Эмомалӣ Раҳмон дар суҳбат изҳор доштанд, ки ташаббуси ин сокини ободкор ва меҳнатдӯсти деҳа қобили дастгирӣ буда, ба истифода додани чунин як маркази хизматрасонӣ имконият фароҳам меорад, ки истиқоматкунандагони деҳаи Талхоб ашёи зарурии худро бе харҷи зиёд харидорӣ намоянд ва бо ҷойи кор таъмин гарданд", - омадааст дар хабарнома.

Гуфта мешавад, ки зимни корҳои сохтмонӣ 15 нафар сокинони маҳаллӣ бо ҷойи кори муваққатӣ таъмин карда шуда, он имрӯз бо сифати баланд ба тифода супурда шуд.

Тибқи лоиҳа, Маркази омӯзишӣ-хизматрасонӣ дорои ҳаммоми замонавӣ бо тамоми шароит мебошад.

Дар ошёнаи дуюми Маркази омӯзишӣ-хизматрасонии “Нури хирад” меҳмонхона, коргоҳи дӯзандагӣ, ҳуҷраи ороиши рӯю мӯйи занона, сартарошхона ва кошонаи ҳусн мавҷуд аст, ки то имрӯз дар ин деҳаи дурдаст чунин шароит муҳайё набуд.

Дар коргоҳи дӯзандагӣ барои омӯзиш ва дӯхти либоси бачагона, мактабӣ ва ғайра 12 дастгоҳи нави дӯзандагӣ оварда шудааст. Занону духтарон аз ба истифода додани Маркази нав, ки дар он барои омӯзиши касби дӯзандагӣ ва ривоҷу равнақ додани ҳунарҳои халқӣ шароити арзанда муҳайё карда шудааст, изҳори хушнудӣ менамоянд.

Инчунин дар дохили иншоот барои ба роҳ мондани забономӯзӣ синфхонаи махсуси таълимӣ ҷой дода шудааст. Дар синфхонаи таълимӣ ба ҷавонон забонҳои русӣ ва англисӣ омӯзонида мешаванд.

Эмомалӣ Раҳмон бунёди Маркази омӯзишӣ — хизматрасониро дар арафаи ҷашни 30 — солагии Истиқлолияти давлатии Ҷумҳурии Тоҷикистон туҳфаи арзанда барои сокинони деҳа маънидод карданд.

Дар маҷмуъ дар Маркази омӯзишӣ-хизматрасонӣ қариб 20 нафар сокини маҳаллӣ бо ҷойи кори доимӣ таъмин карда шудаанд.

1130
Барчаспҳо:
роҳи мошингард, Эмомалӣ Раҳмон, Тоҷикистон, Данғара
Тонущий человек, архивное фото

Дар Ванҷ ду ноболиғи 12 - соларо аз об берун оварданд: яке фавтиду дуюмӣ дар бемористон

33
Кумитаи ҳолатҳои фавқулода аз як ҳодисаи нохуш дар ноҳияи Ванҷ хабар медиҳад, ки ду ноболиғи 12 - сола бидуни калонсолон дар ҳавз оббозӣ намуда ғарқ шуданд

ДУШАНБЕ, 15 июл – Sputnik.  Ду нафар сокини 12 - солаи ноҳияи Ванҷ бе роҳбаладии калонсолон дар ҳавз оббозӣ карданд, ки дар натиҷа ҳар ду зери об рафтанд.

Бар хабари Кумитаи ҳолатҳои фавқулодаи, ҳодисаи мазкур рӯзи 14 - уми июл дар ҳавзи деҳаи Пайшанбеобод рух дод.

Ба кумаки ду ноболиғ чанд сокини ноҳия шитофта онҳоро аз об берун оварданд ва ба бемористони ноҳиявӣ интиқол доданд.

КҲФ: дар кӯлу ҳавзҳои Тоҷикистон 28 нафар ғарқ шуданд: 9 ноболиғ

Манбаъ меафзояд, яке аз ноболиғон дар роҳ ба бемористон фавтид ва кудаки дигар ҳоло таҳти назорати табибон қарор дорад.

Кумитаи ҳолатҳои фавқулодаи Тоҷикистон мегӯяд, зарфи 6 моҳи сипаришуда дар Тоҷикитсон 34 нафар ҳангоми оббозӣ дар нукоти мухталифи кишвар ғарқи об шуданд, ки 10 нафари онҳо аз 4 то 16 сол дошанд.

33
Барчаспҳо:
ғарқ, ноболиғ, оббозӣ, Ванҷ
Аэропорт в Аэропорт в горах Хорога, архивное фото

Дастури Раҳмонзода барои таъмири фурудгоҳи шаҳри Хоруғ

218
(Таҷдидшуда 11:54 15.07.2020)
Бо дастури ёрдамчии Президент дар масъалаҳои рушди иҷтимоӣ ва робита бо ҷомеа Абдуҷаббор Раҳмонзода, фурудгоҳи шаҳри Хоруғ ба таъмир фаро гирифта мешавад

ДУШАНБЕ, 15 июл – Sputnik. Дар Вилояти Мухтори Кӯҳистони Бадахшон ҳайати гурӯҳи корӣ бо роҳбарии Раҳмонзода қарор доранд, ки аз ҷараёни омодагии вилоят ба ҷашни 30 - солагии Истиқлолияти давлатӣ дидан мекунанд.

Бар хабари котиботи раиси шаҳри Хоруғ, ҳайати корӣ нахуст аз фурудгоҳи ҳавоии маркази вилоят дидан намуданд ва Раҳмонзода дастур дод, то фурудгоҳ ба таъмир фаро гирифта шавад.

Гуфта мешавад, дар асоси супориши ёрдамчии Президент, қисматҳои харобгаштаи фурудгоҳ асфалтпӯш мешаванд ва инчунин аломату панҷараҳо низ аз нав рангубор мешаванд.

Қобили зикр аст, ки авохири моҳи гузашта нахустин парвози ҳавопаймо пас аз таваққуфи тӯлонӣ ба ВМКБ сурат гирифта буд.

Нахустин парвози ҳавопаймо ба Бадахшон пас аз таваққуфи 1 сола: 16 сарнишинро бурд

Тайёраи Ан-28 мутааллиқ ба ширкати ҳавопаймоии "Тоҷик Эйр" бо 16 сарнишин аз шаҳри Душанбе дар фурудгоҳи шаҳри Хоруғ нишаст.

Ин нахустин парвоз мебошад, ки бо гузашти як солу чор моҳ анҷом шуда буд.

Ба изҳори халабони ҳавопаймо Шукрихудо Додихудо, бо зиёд шудани мусофирон имкони ҳамарӯза интиқол додани мусофирон аз пойтахт ба ВМКБ мавҷуд аст.

Аммо гарони нархи чипта ба эҳтимоли зиёд теъдоди парвозҳо ба ин вилоятро афзун намекунад.

Зеро нархи чиптаи парвоз аз Душанбе ба ВМКБ 900 сомониро ташкил медиҳад. Ин нарх дар ҳолест, ки давомёбии парвоз на беш аз 1 соату 30 дақиқа тӯл мекашад.

Сокинони ин вилоят пайваста аз гаронии нархи мошину ҳавопаймо изҳори нигаронӣ мекунанд. Зеро масрафи сафар ба Бадахшон ҳам тариқи роҳи заминӣ ва ҳам ҳавоӣ ба фарқ аз вилояти Суғд ниҳоят гарон аст.

218
Барчаспҳо:
таъмир, фурудгоҳ, Хоруғ
Верующий молится, архивное фото

Ҷарима ва ихроҷи шаҳрванди Тоҷикистон аз Русия барои ташкили намоз дар хобгоҳ

0
(Таҷдидшуда 13:19 15.07.2020)
Дар шаҳри Тулаи Русия як муҳоҷири тоҷикро барои ташкили намоз дар хобгоҳи муҳоҷирон ба пардохти 30 ҳазор рубл ҷарима муваззаф намуданд. Ҳамчунин ин шаҳрванди Тоҷикистонро аз қаламрави Русия депорт мекунанд

ДУШАНБЕ, 15 июл – Sputnik. Маркази ҳомии ҳуқуқи инсон ба номи "Сова" аз ҷарима шудан ва ихроҷи як муҳоҷири тоҷик ба далели барпо кардани намози ҷамоат дар хобгоҳи коргарони муҳоҷири тоҷикистонӣ дар Русия хабар дод.

Хабаргузории "Парс тудей" бо такя ба маълумоти маркази ҳомии ҳуқуқи инсони Сова хабар медиҳад, ки мақомоти қудратӣ муддаӣ шудаанд, ки ин шаҳрванди Тоҷикистон дар утоқи хеш дар хобгоҳи коргарони муҳоҷири тоҷикстонӣ дар шаҳри Тулаи Русия барои 15 нафар намоз ташкил мекард, дар ҳоле, ки иҷозатномаи расмии идораи муфтиёти ин минтақаро надоштааст.

То 116 сомонӣ ҷарима: ҳушдори мақомот ба намозгузорон дар рӯзҳои ҷумъа

Додгоҳи маҳаллӣ ин шаҳрванди Тоҷикистонро ба иттиҳоми фаъолитҳои ғайримуҷози таблиғотӣ ва ҳамоҳанг накардани хондани намози ҷамоат бо идораи муфтиёти шаҳри Тула ба пардохти ҷаримаи молӣ ба маблағи 30 ҳазор рубли русӣ ва ихроҷ аз қаламрави Русия маҳкум кардааст.

Ёдовар мешавем, Русия ба мисли дигар кишварҳо дар замони авҷи маризии коронавирус баргузор намудани намози оммаро манъ карда буд.

Анқариб муддати ду моҳ масоҷид дар Русия барои намозгузор баста буд.

0
Барчаспҳо:
намоз, хобгоҳ, ҷарима, истихроҷ, Тоҷикистон, Русия