Тюремный охранник стоит перед тюремной решеткой

Собиқ роҳбари “Аҷам Авиа”, 1 миллион доллари “Тобон Эйр”-и Эронро дуздид

250
(Таҷдидшуда 16:15 12.07.2019)
Додгоҳи Синои шаҳри Душанбе роҳбари собиқи ҶДММ "Аҷам-Авиа", Ҳайраров Р.А.-ро ба мӯҳлати 13 сол равонаи зиндон намуд

ДУШАНБЕ, 12 июл — Sputnik. Додгоҳи Синои шаҳри Душанбе дар қиболи як нафар шаҳрванди Тоҷикистон Ҳайдаров бо гумони фиреб ва доду гирифти ғайриқонунии асъори хориҷӣ ҳукм эълон намудаст.

Дар ин бора дафтари матбуоти Додгоҳи олии Тоҷикистон иттилоъ дода афзуддаст, ки маҳкумшуда собик роҳбари ҶДММ “Аҷам-Авиа” мебошад, ки ин ширкат дар шаҳри Бӯстони вилояти Суғд ҷойгир аст.

Зикр мегардад, ки номбурда ба боварии намояндагони ширкати ҳавопаймоҳии эронии “Тобон Эйр” даромада, се маротиба аз онҳо наздики 1 миллион доллари амрикоӣ маблағ гирифтааст.

Ҳайдаров бояд бар ивази маблағи гирифтааш, ба ҷониби ширкати ҳавонавардии Эрон “Тобон Эйр” муҳаррики ҳавопаймои “Боинг 757-200”-ро харидорӣ мекард.

Ба нафаре дар назди “Султони Кабир” шинос шуду ба 112 ҳазор доллар фиреб хурд

Аммо номбурда 1 миллион доллари амрикоии ин ширкатро аз они худ намуда, ҳамин тавр намояндагони “Тобон Эйр”- ро фиреб додааст.

Гузашта аз ин Ҳайдаров ба ширкати “Нахустлизинги”-и Тоҷикистон низ хисороти калони молӣ расонидааст.

Додгоҳ, Ҳайдаровро тибқи моддаи 247 (фиребгарӣ) ва 286 (додугирифти ғайриқонунии асъори хориҷӣ) айбдор дониста, алайҳи ӯ парвандаи ҷиноятӣ боз намуда буд.

Тибқи қарори додгоҳи ноҳияи Сино, Ҳайдаров ба мӯҳлати 13 сол аз  озодӣ маҳрум гардид.

Ҳамчунин автомашинаи шахсии тамғаи BMW-и Ҳайдаров, ки 16 ҳазор доллар арзиш дорад ва 987,5 ҳазор долларе, ки аз  маҳкумшуда тибқи қарори суд гирифта шуда буд, ба моликияти ширкати эронии “Тобон Эйр” гузаронида шуд.

250
Барчаспҳо:
роҳбар, собиқ, тасарруф, маблағ, ҳавопаймоӣ, ширкат, Эрон, Тоҷикистон

Тавсифи Зеленский аз Раҳмон: сазоворед

93
(Таҷдидшуда 19:04 22.10.2020)
Раисҷумҳури Украина Владимир Зеленский ба унвони раисҷумҳури Тоҷикистон Эмомалӣ Раҳмон ба муносибати интихоб шуданаш ба мансаби президентӣ барқияи шодбошӣ ирсол кардааст

ДУШАНБЕ, 21 окт — Sputnik. Тавре котиботи раисҷумҳури Тоҷикистон менависад, раисҷумҳури Украина кишвардори Тоҷикистон Эмомалӣ Раҳмонро ба муносибати пирӯзӣ дар интихобот муборакбод гуфта, ба Эмомалӣ Раҳмон муваффақият таманно кардааст ва ӯро чун роҳбари сазовор ба боварии мардуми Тоҷикистон тавсиф кардааст.

Президент Республики Таджикистан Эмомали Рахмон
© Официальная страница пресс-службы президента РТ в Facebook

"Ғалабаи Шумо дар интихоботи кунунӣ далели боварии мардуми тоҷик ба Шумо ва дастгирии васеи роҳи интихобкардаи сиёсиву иҷтимоии рушди Ҷумҳурии Тоҷикистон мебошад,-  таъкид кардааст вай.

Раисҷумҳури Украина афзудааст, "аз номи мардуми Украина ва шахсан аз номи худам Шуморо ба муносибати аз нав интихоб шуданатон ба мақоми Президенти Ҷумҳурии Тоҷикистон самимона табрик менамоям".

Зеленский изҳори умедворӣ кардааст, ки минбаъд, муносибатҳои Тоҷикистону Украина ба сатҳи нав мебароянд.

Раҳмон ба Зеленский: мо ба ояндаи муносибатҳои дӯстӣ назари нек дорем

"Аз ин фурсати хурсандибахш истифода бурда, ба Шумо, Ҷаноби Олӣ сиҳатии комил ва дар фаъоляти пурмасъулиятатон минбаъд ҳам муваффақият, ба мардуми дӯсти тоҷик бошад, сулҳ, ризоият ва шукуфоӣ орзумандам", - гуфтааст дар анҷом вай.

Ба иттилои котиботи президент ҳамчунин аз номи резиденти Венгрия Янош Адер ва Президенти Ҷумҳурии Федеративии Бразилия Ҷейр Месиас Болсона ба Эмомалӣ Раҳмон барқияи шодбошӣ расидааст.

93
Президент Республики Таджикистан Эмомали Рахмон встретился с командующим Центральным командованием вооруженных сил США генералом Кеннетом Ф. Маккензи

Раҳмон ва генерал Маккензӣ амнияти Тоҷикистону Афғонистонро баррасӣ карданд

138
Ҷонибҳо атрофи вазъи кунунӣ дар Афғонистон мубодилаи афкор намуда, раванди музокироти сулҳро муҳокима карданд

ДУШАНБЕ, 22 окт – Sputnik. Президенти Тоҷикистон Эмомалӣ Раҳмон бо фармондеҳи Фармондеҳии Марказии Қувваҳои Мусаллаҳи ИМА генерал Кеннет Ф. Маккензӣ, ки бо сафари корӣ дар Тоҷикистон қарор дорад, дидору мулоқот кард.

Бино ба гузориши котиботи раисиҷумҳур, дар рафти мулоқот як қатор масъалаҳои ҳамкориҳои Тоҷикистону Иёлоти Муттаҳидаи Амрико, бахусус дар соҳаи амниятӣ, баррасӣ гардиданд.

Дар ин зимна ба мавзӯъҳои мубрами таъмини сулҳу суботи минтақавӣ ва хатару таҳдидҳои глобалии амниятӣ таваҷҷуҳи хосса зоҳир карда шуд.

Ҷонибҳо ҳамчунин атрофи вазъи кунунӣ дар Афғонистон мубодилаи афкор анҷом дода, раванди музокироти сулҳро дар ин кишвари ба мо ҳамҷавор муҳокима карданд.

Раҳмон таъкид карда, ки ҷараёни рушди вазъият дар Афғонистони ҳамсоя пайваста дар маркази диққат қарор дорад ва Тоҷикистон аз талошҳои Ҳукумати Афғонистон дар самти истиқрори сулҳу суботи пойдор дар кишвар ҳамеша ҷонибдорӣ менамояд.

Манбаъ афзуда, ки дар ҷараёни суҳбат ҷонибҳо, ҳамчунин, роҷеъ ба дигар ҷанбаҳои муносибатҳои Тоҷикистон ва Иёлоти Муттаҳидаи Амрико ибрози ақида намуда, алоқамандиашонро ба таҳкиму тақвияти ҳамкориҳояшон дар самти муборизаи муштарак алайҳи хатару таҳдидҳои муосир, аз ҷумла терроризм, ифротгароӣ, гардиши ғайриқонунии маводи мухаддир ва дигар ҷиноятҳои муташаккили фаромиллӣ қайд кардаанд.

138
Барчаспҳо:
Эмомалӣ Раҳмон, ИМА, мулоқот, дидор, Тоҷикистон