Сход селей в Таджикистане

Шарҳи КҲФ дар бораи фаромадани сел дар Сангвор

259
(Таҷдидшуда 18:27 15.07.2019)
Кумитаи ҳолатҳои фавқуллода мегӯяд, бар асари фаромадани сел дар ноҳияи Сангвор талафоти ҷонӣ ба қайд гирифта нашудаст

ДУШАНБЕ, 15 июл — Sputnik. Бар асари боришоти шадиди борон дирӯз дар ҷамоати Тавилдара, деҳаи Ёзганд, сел фаромадаст, хабар медиҳад Кумитаи ҳолатҳои фавқуллода ва мудофиаи гражданӣ.

Бар хабари манбаъ, бар асари фаромадани сел, пул ва роҳи мошингард дар километри 57 хароб гардид.

Ҳамчунин сел қитъаҳои наздиҳавлигии сокинони маҳаллиро низ пахш намудаст. Зарари бештар аз ин офати табиӣ ба заминҳои кишти ҷамоат расидааст.

Кумитаи ҳолатҳои фавқуллода мегӯяд, ки бар асари фаромадани сел дар ин навоҳӣ талафоти ҷонӣ ба қайд гирифта нашудаст.

"Сел ду бачаро бурд, ҳо ана бурд...": навори сели азим дар Панҷакент, ки ду танро кушт

Гуфта мешавад, алъон гурӯҳи кории Кумитаи ҳолатҳои фавқуллода бо сарварии муовини аввали раиси Кумита генерал-майор Рустам Шоҳиён дар минтақаи офатзадаи Сангвор қарор дорад.

Ба ин гурӯҳ ҳамчунин муовини Вазири нақлиёти кишвар низ шомил шудааст. Зимнан ба ноҳияи офатзада, барои бартараф намудани оқибатҳои сели азим, нерӯҳо ва воситаҳои зарурӣ равона карда шудааст. 

Сарвари КҲФ дастур дод, ки якҷо бо Комиссияи ҳолатҳои фавқулодаи ноҳияи Сангвор ба тартиби фаврӣ корҳои наҷот ва бартарафсозӣ поён дода шаванд.

Дар айни замон корҳои барқарорсозӣ ва бартараф намудани оқибатҳои офат идома дорад. Барои муайян кардани зарари расида Комиссияи ҳолатҳои фавқулода ба кори худ идома медиҳад.

259
Барчаспҳо:
Кумитаи ҳолатҳои фавқулодда, сел, Сангвор, Тоҷикистон
Мавзуҳо:
Сел дар Дарвоз (13)

Давоми шаш моҳ дар Тоҷикистон 5486 оила вайрон шудааст

0
Вазорати адлияи Тоҷикистон мегӯяд, омори вайроншавии оилаҳо дар шашмоҳаи соли равон нисбат ба ҳамин давраи соли гузашта коҳиш ёфтааст.

ДУШАНБЕ, 13 июл – Sputnik. Саодатбибӣ Сироҷзода, сардори Раёсати сабти асноди ҳолати шаҳрвандӣ Вазорати адлия гфт тайи шаш моҳи соли равон дар кишвар 5486 оила аз ҳам пошидааст.

Номбурда ин нуктаро имрӯз зимн нишасти хабарии вазорат иттилоъ дода гуфт, ин нишондиҳанда нисбат ба ҳамин давраи соли гузашта 570 адад кам мебошад.

Ба иттилои манбаъ аз ин теъдод 3 974 оила бо қарори додгоҳҳои шаҳру навоҳӣ  ва бо аризаи якяҷоя 1490 оила аз ҳам чудо шудаанд.

Манбаъ мегӯяд,  дар пайи ин азҳампошии оилаҳо 5356 кӯдакон ба тарбияи яке аз волидон гузаштанд

Гуфта мешавад, камшавии оилавайроншавӣ танҳо тайи се моҳи охир ба назар мерасад.

0
Хаким Фузайлов. Архивное фото

Ҳаким Фузайлов сармураббии нави "Хуҷанд" таъйин шуд

33
(Таҷдидшуда 09:21 13.07.2020)
Ҳаким Фузайлов, собиқ футбобози машҳур ва мураббии шинохтаи кишвар, сармураббии тими “Хуҷанд”-и Хуҷанд таъйин гардид

ДУШАНБЕ, 13 июл – Sputnik. Тибқи иттилои дафтари матбуотии бошгоҳ, Ҳаким Фузайлов, собиқ сармураббии тими миллии Тоҷикистон  то охири мавсим “Хуҷанд”-ро тамрин хоҳад дод.

Ба иттилои манбаъ, Никол Лазаревич, ки дар аввали сол сармураббии даста таъйин шуда буд, бинобар бастани сарҳадҳои байни кишварҳо бар асари пандемияи ҷаҳонии коронавирус, ба даста кӯмак карда наметавонад.

Манбаъ мегӯяд, Ҳоло Лазаревич дар зодгоҳаш Сербия қарор дорад.

“Мо маҷбур шудем, ки бо сабаби вазъияти ҷаҳонӣ ва алахусус дар тим баамаломада, сари мизи гуфтушунид нишинем. Дар натиҷаи гуфтушунидҳои пурсамар бо ҳайати мураббиёни кунунӣ ва роҳбарияти клуб, ҷонибҳо ба хулосае омаданд, ки даста сармураббии ниёз дорад. Мутаассифона, Никола Лазаревич дар Сербистон аст ва имкони ҳамроҳ шудан ба дастаро бо сабабҳои, ба ҳама маълум, надорад. Мо бо Ҳаким Каюмович ба мувофиқа расидем, ки ӯ дастаро ба мусобиқаҳои дар пешистодаи ватанӣ ва байналмилалӣ омода мекунад ва мӯҳлати шартнома то охири сол эътибор дорад”-гуфт Муроҷон Умаров, директори иҷроияи Хуҷанд.

Фаъолияти мураббигии Фузайлов охири солҳои 90-ум аз роҳбарии бошгоҳи “Бухоро” ва “Динамо”-и Самарқанд оғоз кардааст. Аз соли 2005 то декабри соли 2011 дар “Ростов” ва “Локомотив”-и Маскав мураббии селексионер буд.

Моҳи январи соли 2012 вай ноиби президенти “Локомотив”  Тошканд оид ба масъалаҳои тарбияи бозигарон таъйин карда шуд. Моҳи майи он сол ба ҳайати мураббиён дохил шуд ва баъдан сармураббии даста шуд.

Ӯ ҳамчунин тими миллииТоҷикистон, дасҳои “Истиқлол”, “Куктош” –ро тамрин дода ахиран  аввали моҳи июл ӯ вазифаи сармураббии бошгоҳт “Каганат”-и Қирғизистонро тарк кард.

33