Рахмон Юсуф Ахмадзод генеральный прокурор РТ, архивное фото

Раҳмон ба “Фараж”: бе иҷозати ман аксамро чоп накунед, вагарна ба ҷавобгарӣ кашида мешавед

5295
Юсуф Раҳмон, додситони кулли Тоҷикистон зимни нишасти матбуотӣ аз хабарнигори рӯзномаи “Фараж” талаб кард, ки дигар дар рӯзнома аксашро нашр накунанд, вагарна ба ҷавобгарӣ кашида мешаванд

ДУШАНБЕ, 16 июл — Sputnik. Додситони кулли Тоҷикистон дар нишасти матбуотӣ, аз чопи аксҳояш дар рӯзномаи “Фараж” изҳори норозигӣ кард ва қатъиян талаб кард, ки аксашро дигар бе иҷозаташ нашр накунанд.

“Пеш аз суоли Шумо мехоҳам як чизро қайд намоям. Шумо нашркардани аксамро бе иҷозати ман дар рӯзномаатон бас кунед. Набошад ман масъалаи ба ҷавобгарӣ кашидани Шуморо мебинам”, - ҳушдор дод Юсуф Раҳмонӣ ба хабарнигори рӯзномаи “Фараж”.

Аз ҷумла Додситони кулли Тоҷикистон ба масъулини рӯзномаи “Фараж” гуфт, ки аксҳояшро дигар дар рӯзнома дар баробари шахсони ҷинояткор чоп накунанд. 

“Дар бари ягон ҷинояткор мондани акси Прокурори генералиро бас кунед. Ман аз Шумо қатъиян талаб мекунам. Шумо шаҳрванд ҳастед, ҳамчун шаҳрванди қаторӣ ва ҳамчун масъули рӯзномаи “Фараж” ҷавоб мегуед” – таъкид намуд Юсуф Раҳмон.

Вай тавзеҳ дод, ки бидуни далелҳои исботшуда рӯзнома ҳуқуқи нашр кардани мақоларо надоред.

Вай афзуд, тибқи қонун дар бораи матбуот, мавод замоне ба чоп мерасад, ки он тасдиқи худро ёфта бошанд.

Дар ҳамин ҳол, додситони кулл тавзеҳ надод, ки кай ва дар кадом нашрияи “Фараж” аксҳои ӯ дар баробари ҷинояткорон ба чоп расидааст.

5295
Барчаспҳо:
ҷавобгарӣ, ҳушдор, акс, "Фараж", Юсуф Раҳмон, Прокурори генералӣ, Тоҷикистон
Народный поэт Таджикистана Гулназар Келди

Низом Қосим гуфт, ки Гулназар Келдӣ дар куҷо ба хок супурда хоҳад шуд

33
 Ҷанозаи Гулназар Келдӣ, Шоири халқӣ ва муаллифи Суруди миллии Тоҷикистон ба хонааш оварда, сипас ба қабристон интиқол ёфт

ДУШАНБЕ, 13 авг — Sputnik. Ба қавли яке аз шоҳидони ин маросим, ҷанозаи Гулназар Келдӣ аз Шифохонаи "Истиқлол" аввал ба манзилаш, воқеъ дар кӯчаи Исмоили Сомонӣ, 10 интиқол ёфт.

"Низом Қосим, раиси Иттиҳоди нависандагон, як нутқи кутоҳе ироа намуда, эълон кард, ки гирдиҳамоии хайрбод бо Шоири халқии Тоҷикистон дар қабристони Лучоб баргузор хоҳад шуд”, - гуфт ӯ.

Бино ба ин манбаъ, дар маросими видоъ бо Гулназар Келдӣ аз ҷониби мақомоти расмӣ Асадулло Раҳмон, мушовири кадрӣ ва Абдуфаттоҳ Шарифзода, сухангӯи Президенти Тоҷикистон, Низом Қосим, раиси Иттифоқи нависандагон, Шариф Самӣ, раиси Исмоили Сомонӣ ва теъдоде аз адибону шоирони номдори кишвар, назири Камол Насрулло, Меҳмон Бахтӣ, Ато Ҳамдам, Салими Зарафшонӣ, Урун Куҳзод ва дигарон ширкат хоҳанд кард.

33
Барчаспҳо:
Гулназар Келдӣ, Низом Қосим
Народный поэт Таджикистана Гулназар Келди

"Сад дод аз ту, коронавирус": охирон шеъри, ки Гулназар Келдӣ эҷод кард

59
Гулназар Келдӣ шоири маруфи Тоҷикистон, муаллифи матни Суруди Миллии Тоҷикистон имрӯз дар синни 75 - солагӣ ҷаҳони фониро абадан падруд гуфт

ДУШАНБЕ, 13 авг — Sputnik. Охирон шеъри, ки шоири шаҳири Тоҷикистон Гулназар Келдӣ навишта буданд ин "Сад дод аз ту, коронавирус" мебошад.

Шеъри мазкур замоне, ки ин маризӣ дар Тоҷикистон авҷ гирифта буд, эҷод гардида, дар рӯзномаи "Тоҷикистон" мунташир шуд.

Шоири акнун марҳуми тоҷик, аз бурузи маризии сироятии коронавирус сад доду дареғ гуфтааст.

Ба навишта ӯ, замони авҷи ин маризӣ бунёди ҳар кор зеру забар шудааст. Касе дасти нафари дигарро намефишорад, хонаводаҳо мотамзада шудаву хомӯшӣ дар ин оилаҳо ҳукмфармост.

Наздикони Гулназар Келдӣ: вазъаш рӯ ба беҳбуд ва муътадил аст

Зимнан, бар хабари расонаҳо худи Гулназар Келдӣ бо нишони маризии коронавирус бистарии беморхона гардида буд ва бо гузашти ҳамагӣ чанд рӯз, ахиран 13 - уми август ҷон ба Ҷонофарин супорид.

Марҳум чанд рӯз қабл дар сӯҳбат бо  Sputnik Тоҷикистон ба мардум насиҳат карда буд, ки "худатонро эҳтиёт кунед".

Он сӯҳбати шоир ба 11 август,  баъд аз хабари ба бемористон интиқол ёфтани шоир анҷом дода шуд. Гулназар Келдӣ, аз ҳамватанонаш хоҳиш карда буд, ки аз бемории ӯ  ташвиш накашанд.

"Каме хастагиро эҳсос мекунам. Дар умум, вазъи сиҳатиам хуб аст. Ҳоло табобати профилактикӣ мегирам. Аз дӯстон хоҳиш мекунам, ки ташвиш накашанд, аммо худро сахт эҳтиёт кунанд”, - гуфта буд шоири халқии Тоҷикистон.
59
Барчаспҳо:
шеър, Гулназар Келдӣ