Гирдиҳамоӣ дар оғози ҷанги шаҳрвандӣ, акс аз бойгонӣ

Раҳмон гуфт, ҷонибдори бардоштани ҳаводиси ҷанги шаҳрвандӣ нест ва шарҳ дод чаро

2039
(Таҷдидшуда 17:44 17.07.2019)
Юсуф Раҳмон, додситони кулли Тоҷикистон мухолифаташро ба баррасии ҳаводиси солҳои ҷанги шаҳрвандӣ баён дошт

ДУШАНБЕ, 17 июл — Sputnik. Раҳмон зимни нишасти матбуотӣ дар Душанбе, ба суол дар бораи таҳқиқи ҳаводису ҳолатҳои замони ҷанги шаҳрвандӣ, аз ҷумла бедаракшудаҳо посух дод, ки зарурати зинда кардани хотираҳои он солҳоро намебинад.

Ӯ таъкид кард, ки хушбахтона ҷанги шаҳрвандӣ дар Тоҷикистон зиёда аз 20 сол пеш хотима ёфт ва мухолифаташро бо бардоштани ҳолату ҳодисаҳои он замон баён кард. Додситони кул муътақид аст, ки ҳеч зарурат ба зинда кардани хотираи мардум бо бардоштани ҳаводиси мудҳиши он солҳо ҷой надорад.

Ҷанги шаҳрвандӣ дар Тоҷикистон аз соли 1992 то 1997 давом дошта, ҳудуди 150 ҳазор кушта барҷой гузошт.  Рӯзи 27- уми июни соли 1997 дар Кремли шаҳри Маскав дар нӯҳумин гуфтушунид барои сулҳ, раисҷумҳури Тоҷикистон Эмомалӣ Раҳмон ва роҳбари Иттиҳоди мухолифини Тоҷикистон Саид Абдуллоҳ Нурӣ, “Созишномаи умумии истиқрори сулҳ ва ризоияти миллӣ”-ро ба имзо расониданд.

Санаи имзои ин ҳуҷҷат ҳамасола чун Рӯзи Ваҳдат таҷлил мегардад. Ҷанги шаҳрвандии Тоҷикистон  беш аз 150 ҳазор кушта барҷой гузошта, садҳо ҳазор шаҳрванди дигарро гуреза кард. Тибқи маълумоти мухталиф, хисороти молие, ки ҷанги шаҳрвандӣ ба Тоҷикистон оварда буд, аз 7 то 10 миллиард доллари амрикоӣ арзёбӣ мешавад.

2039
Қоҳир Расулзода, сарвазир ва Қурбон Ҳакимзода, раиси вилояти Хатлон, ҳангоми боздид аз майдони сохтмони беморхонаи Данғара

Қоҳир Расулзода ба хуросониёне, ки бехона монданд, кӯмак кард

129
Бояд гуфт, ки дар маҳалли Чорбоғи ноҳияи Хуросон ба ҳар яке аз 67 оила ба андозаи 8-сотихӣ замин ва масолеҳи сохтмонӣ тақсим карда шудааст. Сохтмони манзилҳои нав шурӯъ шудаанд

ДУШАНБЕ, 3 июн — Sputnik. Қоҳир Расулзода, нахуствазири Тоҷикистон ба хонаводаҳои хуросоние, ки дар пайи ҳодисаи табиӣ осеб диданд, кӯмак кардааст.

Бино бар иттилои расонаҳои расмии Тоҷикистон, кӯмаки Расулзода ба 67 хонаводаи ноҳияи Хуросон, ки манзилҳояшон дар натиҷаи сели рӯзҳои 14-16 майи соли ҷорӣ қисман ва пурра вайрон шудаанд, расидааст.

Гуфта мешавад, кумакҳо аз орд, равған, биринҷ, шакар, макарон ва нахӯд иборат аст.

Ёдрас мешавем, 14 май дар пайи боришоти зиёд ва омадани сели азим дар ноҳияи Хуросон як марди 55-сола фавтида ва ҳамчунин ба як қатор хонаҳо зарар диданд.

Тибқи иттилои сомонаи расмии Кумитаи ҳолатҳои фавқулодаи кишвар  марди фавтида ҳангоми чорвоҷаронӣ дар сел афтодааст.

Ба иттилои манбаъ, дар баъзе манотиқ хонаҳо зери об монданд, роҳҳо вайрон, пулҳо хароб гардида, ба хоҷагии халқи кишвар зарар расид.

Манбаъ мегӯяд, борони шадид боиси омадани сел ва боло рафтани сатҳи об дар дарёи Кофарниҳон шуд ва ин боис гардид, ки масофаи 500 метр кӯчаи Ғалаба, воқеъ дар соҳили чапи дарё шуста шавад,  150 – 200 метр роҳҳои автомобилгарди маҳаллӣ, 3  манзили истиқоматӣ, ки дар наздикии соҳил бунёд шуда буданд, хароб гарданд.

Ба иттилои Кумита ҳамчунин дар пайи боришоти шадид сатҳи оби рӯди Элок дар ноҳияи Файзобод боло рафта, дар рустои Кабкрез харобиҳо орада, пули мошингузари маҳаллие, ки деҳаи Кабгурез ва деҳаи Навбаҳорро бо ҷамоати деҳоти Дӯстмурод Алиев мепайвандад, дар ҳолати садамавӣ қарор додааст.

Инчунин, рӯзи 14-уми май, қарибиҳои аср дар ҳудуди ҷамоатҳои деҳоти Ҳилолӣ, С.Айнии ноҳияи Хуросон бар асари боронҳои пуршиддат ва давомдор сел омада, ба як қатор хонаҳои истиқоматии шаҳрвандон зарар расонидааст.

КҲФ зарари сел дар ноҳияи Хуросонро эълон кард

Ин ноустувории ҳаво дар Тоҷикистон то 19 май боқӣ монд.

 

129

Бо риояи масофа: футзалбозони Тоҷикистон ба тамрин баромаданд

44
(Таҷдидшуда 15:37 03.06.2020)
Маъмурияти дастаи футзали Тоҷикистон аъзои дастаҳоро даъват намудааст, ки чунин машқҳои инфиродиро бо иштироки ками варзишгарон ва дар вақтҳои алоҳида баргузор намоянд

ДУШАНБЕ, 3 июн - Sputnik. Федератсияи футболи Тоҷикистон иттилоъ медиҳад, давоми чанд рӯзи охир футзалбозони Лигаи касбии футзали кишвар, ки дар дастаҳои гуногун, аз ҷумла дар дастаи мунтахаби Тоҷикистон ҳунарнамоӣ  менамоянд, тамринро барои оғози мавсими нави футзал сар карданд.

Таъзияномаҳои ФФТ: аз фавти бародари котиби генералӣ то довар Қосимов-аксҳо

Тибқи иттилои ин ниҳод футболбозон бо риояи масофаи байни ҳамдигарӣ ва қоидаҳои беҳдоштӣ ба машқҳо пардохтаанд.

Бино ба гузориши ФФТ, маъмурияти дастаи футзали мамлакат аъзои дастаҳоро даъват намудааст, ки чунин машқҳои инфиродиро бо иштироки ками варзишгарон ва дар вақтҳои алоҳида баргузор намоянд.

Раҳмон дар Хуррамзамини Данғара майдончаи варзишии универсалиро ба истифода дод

Манбаъ афзуда, ки аъзои дастаи мунтахаби Тоҷикистон низ бо риояи қоидаҳои беҳдоштӣ марҳила ба марҳила ба тамрин шурӯъ карда, ба ғайр аз баргузории машқҳо дар хона, инчунин дар майдончаҳои варзишӣ низ чунин тамринҳоро баргузор менамоянд.

44
Барчаспҳо:
вируси нав, Футбол, шаҳри Кӯлоб
Мавзуҳо:
Пайомадҳои COVID-19 дар Тоҷикистон ва ҷаҳон
В ночном клубе, архивное фото

Шабнишинии блогери тоҷикистонӣ бо ситораҳои Русия дар замони авҷи COVID - 19 - видео

0
(Таҷдидшуда 16:28 03.06.2020)
Блогери тоҷикистонӣ Мадина Басаева ба маҳдудиятҳои замони авҷи коронавирус нигоҳ накарда шабнишинӣ доир кард

ДУШАНБЕ, 3 июн - Sputnik. Блоги машҳури Русия Мадина Басаева (Дина Исаева) қоидаҳои ҷоришудаи карантиниро нақз карда шабнишинӣ доир кардааст ва ситораҳои санъати Русияро ба он даъват намудааст, хабар медиҳад шабакаи "360".

Дискотекаро блогер ба муносибати рӯзи барояш бисёр муҳим - бештар шудани шумораи ҳамвандонаш дар TikTok, ки аз 10 миллион нафар гузаштааст, барпо намуд.

Ӯ ба қоиҳаои карантинӣ дар кишвар нигоҳ накарда ин шабнишиниро барпо кардааст.

Аз наворе, ки Мадина дар саҳифааш дар инстаграм нашр кардааст, дида мешавад, ки барои муборакбодии ӯ Дима Билан ва Клава Кока омадаанд.

Дар шабнишинии блогер ҳамчунин ҳамкори дигараш блогери тоҷикистонӣ - Sasha Masskva низ ҳузур дошт.

Аз афташ дар ин шабнишинӣ касе хавфи гирифторӣ ба коронавирусро надоштааст, чун аз видео дида мешавад, чигуна меҳмонон биидуни ниқоб, дастпӯш ва риояи масофаи иҷтимоӣ ҳамдигарро ба оғӯш мекашанд ва рақс мекунанд.

Бояд гуфт, Мадина дар пойтахти Тоҷикистон шаҳри Душанбе ба дунё омадааст. Ӯ ҳамроҳи хонаводааш аввал ба шаҳри Екатеринбург ва баъдтар ба Маскав кӯчиданд.

Дар аввал ӯ бо фонаграмма суруд мехонд ва ҳаргуна видеоҳоро дар саҳифааш нашр мекард. Баъдтар ӯ ба TikTok гуфзашту акнун Мадинаро маликаи TikTok дар Русия унвон кардаанд.

Ахиран ӯ дар намоҳанги сарояндаи рус Егор Крид нақш офарид ва бо ширкатҳои бонуфузи Coca-Cola ва Dolce & Gabbana шартномаи ҳамкорӣ баст.

0
Барчаспҳо:
шабнишинӣ, тоҷикистонӣ, Русия
Мавзуҳо:
Пайомадҳои COVID-19 дар Тоҷикистон ва ҷаҳон