Президент Таджикистана Эмомали Рахмон

Тағйироти кадрӣ: аз таъини сардори Хадамоти зиддиинҳисорӣ то барканории Одиназода Назар

4690
(Таҷдидшуда 12:43 24.07.2019)
Эмомалӣ Раҳмон, раисҷумҳури Тоҷикистон дар Кумитаи сармоягузорӣ ва идораи амволи давлатӣ, Вазорати умури хориҷӣ ва Хадамоти зиддиинҳисории назди Ҳукумати кишвар тағйироти кадрӣ анҷом дод

ДУШАНБЕ, 24 июл — Sputnik. Тибқи қарори имзокардаи Эмомалӣ Раҳмон,  Одиназода Назар Санг бо сабаби ба кори дигар гузаштанаш аз вазифаи муовини якуми сардори Хадамоти зиддиинҳисории назди Ҳукумати Тоҷикистон озод карда шуд.

Ҳамчунин, бо қарори дигар Саидмуродзода Абдусамади Абдуваҳоб низ бо сабаби ба кори дигар гузаштанаш аз вазифаи муовини сардори Хадамоти зиддиинҳисории назди Ҳукумати Тоҷикистон озод шуд.

Бо қарори дигари Ҳукумат, Муминзод Абдулмаҷид Мубин аз вазифаи муовини якуми раиси Кумитаи давлатии сармоягузорӣ ва идораи амволи давлатии Тоҷикистон озод шуда, ба вазифаи сардори Хадамоти зиддиинҳисории назди Ҳукумати Тоҷикистон таъин гардид.

Тағйироти кадрӣ: Раҳмон сардорони зиндонҳоро таъйин кард

Президенти кишвар Музаффарзода Дилшод Музаффарро муовини якуми сардори Хадамоти зиддиинҳисории назди Ҳукумати Тоҷикистон ва Мусозода Зайдуллоро ба вазифаи муовини сардори Хадамоти зиддиинҳисории назди Ҳукумати Тоҷикистон таъин кард.

Тағйироти кадрӣ: Раҳмон мансабдорони мақомоти судиро ҷо ба ҷо кард

Инчунин, бо фармони раисиҷумҳур, сафири Тоҷикистон дар Олмон, Ғайратшо Соҳибназар Қаноатшо ҳамзамон сафири кишвар дар Полша таъин карда шуд.

4690
Мавзуҳо:
Тағйироти кадрӣ дар Тоҷикистон (93)
Президент Таджикистана Эмомали Рахмон

Боз як боғи Исмоили Сомонӣ дар маркази ноҳияи Шаҳринав: Раҳмон шахсан ифтитоҳ кард

19
Дар идомаи сафари корӣ дар ноҳияи Шаҳринав имрӯз Президенти Тоҷикистон Эмомалӣ Раҳмон дар маркази ноҳияи Шаҳринав ҳамчунин боғи фарҳангӣ-фароғатии Шоҳ Исмоили Сомониро ифтитоҳ кард

ДУШАНБЕ, 30 сен — Sputnik. Бино бар иттилои дафтари матбуоти раисҷумҳур, иншооти мазкур аз ҷониби мақомоти ноҳияи Шаҳринав дар якҷоягӣ бо соҳибкорону шахсони саховатпеша дар масоҳати умумии 1,98 гектар бунёд шудааст.

Гуфта шудааст, ки корҳои сохтмонӣ ҳанӯз аввали соли равон оғоз гардида, иншоот дар муддати кӯтоҳ ва бо сифати баланд ба итмом расонида шуд.

“Инчунин дар ҳамин боғ Эмомалӣ Раҳмон ҳамчунин аз пайкараи тозабунёди Асосгузори аввалин давлати тоҷикон - Шоҳ Исмоили Сомонӣ пардабардорӣ намуданд”, - қайд кардааст манбаъ.

Тибқи маълумоти дафтари раисҷумҳур пайкараи Шоҳ Исмоили Сомонӣ бо дарназардошти зерибиноаш 5 метрро ташкил дода, он аз ҷониби рассом, ҳайкалтарош Сафарбек Қосимов таҳия шудааст.

Таъкид гардидааст, ки боғи Исмоили Сомонӣ дар ноҳияи Шаҳринав яке аз маконҳои асосии баргузории ҷашну чорабиниҳои давлатию миллӣ ба ҳисоб рафта, ҳамчунин барои истироҳату фароғати сокинон имконоти мусоид фароҳам гардидааст.

Ҳамзамон Президенти кишвар аз намоиши ҳунарҳои мардумӣ ноҳия дидан кард.

Инчунин манбаъ қайд кардааст, ки дар ноҳияи Шаҳринав то истиқболи  ҷашни 30 — солагии Истиқлолият бунёди беш аз 434 иншоот ба нақша гирифта шудааст.

Зикр шудааст, ки то ба имрӯз аллакай 285-тои он мавриди истифода қарор дода шуда, дар боқимонда иншоот корҳои сохтмонӣ бомаром идома доранд.

19
Барчаспҳо:
ифтитоҳ, Исмоили Сомонӣ, "Шаҳринав", боғ, Эмомалӣ Раҳмон, Тоҷикистон
Президент Республики Таджикистан Эмомали Рахмон открыл государственный флаг Таджикистана в селе Гозион

Дар ноҳияи Шаҳринав Парчами 55-метрӣ гузошта шуд

135
(Таҷдидшуда 12:50 30.09.2020)
Майдони Парчами давлатӣ дар ноҳияи Шаҳринав дар кӯчаи Исмоили Сомонӣ сохта шудааст. Баландии сутунпояи парчам 55 метрро ташкил медиҳад

ДУШАНБЕ, 30 сен — Sputnik. Президенти Тоҷикистон Эмомалӣ Раҳмон дар кӯчаи Исмоили Сомонии ноҳияи Шаҳринав Майдони Парчами давлатиро ифтитоҳ кард.

Бино ба гузориши котиботи раисҷумҳур, масоҳати умумии майдони Парчами давлатӣ, ки дар маркази ноҳияи Шаҳринав сохта шудааст, 2100 метри мураббаъ буда, баландии сутунпояи ин рамзи давлатдорӣ 55 метр мебошад.

Матои парчам 7 метр паҳноӣ ва 15 метр дарозӣ дорад.

Гуфта мешавад, ки майдони Парчами давлатӣ сафолакпӯш карда шуда, бо гулу буттаҳои ороишӣ зебу зинат ёфтааст.

Ҳамчунин, ба хотири таъмини истироҳату фароғати сокинону меҳмонон дар Майдони Парчами давлатии ноҳияи Шаҳринав нишастгоҳҳои замонавӣ ва чароғпояҳои гуногунҳаҷму гуногуншакл насб гардидаанд.

Дар ин майдон ҳамчунин фаввора сохта шудааст.

Дар майдони парчам барои баргузор намудани чорабиниҳои фарҳангиву фароғатӣ шароит фароҳам буда, он барои сайру гашт ва тамошои сокинон макони муносиб мебошад.

Эмомалӣ Раҳмон аснои ошноӣ, бунёди Майдони Парчами давлатиро дар ноҳияи Шаҳринав дар самти баланд бардоштани ҳисси ватандӯстиву худогоҳии ҷавонону наврасон ва гиромӣ доштани арзишҳои милливу давлатӣ муҳим арзёбӣ кардааст.

135
Барчаспҳо:
парчам, Эмомалӣ Раҳмон, Шаҳринав