Аз даромаду дин то интернету дахлнопазирии Президент: 310 суоле, ки дар шаҳрдорӣ мепурсанд

3001
(Таҷдидшуда 18:08 29.07.2019)
Шаҳрдории Душанбе феҳрасти 310 суолро пешниҳод кардааст, ки зимни озмуни қабул ба кор дар Ҳукумати пойтахт пурсида хоҳанд шуд

ДУШАНБЕ, 29 июл — Sputnik. Рустами Эмомалӣ, шаҳрдори Душанбе имрӯз барои ишғоли беш аз 25 курсии холӣ дар ҳукумати пойтахт озмун эълон кард, ки аз 696 то 1696 сомонӣ маош доранд.

Шаҳрдорӣ дар пайи нашри эълони озмун, инчунин феҳрасти 310 суолро низ ироа намуд, ки бахшҳои гуногун – аз ҳуқуқ то маорифу тандурустӣ ва технологияи иттилоотиро дар бар мегиранд.

Дар бахши иқтисод аз ҷумла пурсида мешавад, ки иқтисоди миллӣ, ММД, даромади шахсӣ,  моликият, ҷамъияти саҳҳомӣ, сабади истеъмолӣ, тавозуни савдои хориҷӣ, иқтисоди пинҳонӣ, сиёсати пулӣ, хусусигардонӣ ва моратория чист.

Дар бахши ҳуқуқ теъдоди аҳзоби сиёсии Тоҷикистон пурсида шуда, инчунин омадааст, ки  аз номи халқи Тоҷикистон кӣ ҳуқуқи сухан гуфтанро дораду киҳо вакили Маҷлиси намояндагон ва узви Маҷлиси миллӣ интихоб шуда метавонанд?

Дар идома омадааст, ки Ҳукумати ҷумҳурӣ аз киҳо иборат аст ва дар кадом ҳолат молу мулки шахс барои эҳтиёҷоти ҷамъият гирифта мешавад.  

“Шохаҳои ҳокимиятро номбар кунед?  Салоҳияти Маҷлиси миллӣ ва Маҷлиси намояндагон, рамзҳои давлатии Тоҷикистон кадомҳоянд? Тақсимоти ҳокимияти давлатиро номбар кунед? Маънои парламент чист? Демократия чи маъно дорад? Аввалин маротиба Конститутсия кай ва дар кадом давлат қабул карда шудааст?  Кодекс чист?  Қонун чист?”, - омадааст дар феҳрасти суолҳо.

Инчунин пурсида мешавад, ки мувофиқи кадом моддаи Конститутсияи Ҷумҳурии Тоҷикистон Президент ҳуқуқи дахлнопазирӣ дораду дар кадом моддаи Конститутсия омадааст,  ки манзили шахс дахлнопазир аст ва ба манзили шахс зуран даромадан ва касеро аз манзил маҳрум кардан манъ аст, ба истиснои мавридҳое, ки қонун муқаррар кардааст.

Дар идома суол аз бахши технологияи иттилоотию коммуникатсионӣ зикр шудаанд. Аз ҷумла иттилоотонӣ  чист, роутер чист, веб, браузер, сайт, домен, драйвер, антивирус ва равзана чисту калимаи Windows чӣ маъно дорад.  Инчунин дар бораи вазифаи тугмачаҳои Win, Tab, Caps Lock, Backspace,  Page Up ва Page Down пурсида мешавад.

Дар бахши маориф аз шумораи мактаб-интернатҳо, муассисаи таҳсилоти олии касбӣ ва муассисиҳои таҳсилоти миёнаи касбӣ суол карда шудааст.

Феҳрасти комили 310 намунаи суолҳо, ки аз довталабони беш аз 25 курсии холӣ дар Ҳукумати Душанбе пурсида мешаванд, дар сомонаи расмии шаҳрдорӣ нашр гардидаанд.

 

3001
Тонущий человек, архивное фото

Дар Лахш дучархарони 14 - сола ба рӯди Қизилсӯ сарозер шуд

22
Кумитаи ҳолатҳои фавқулодаи Тоҷикистон хабар медиҳанд, ки дучархарони 14 - сола дар Лахш ба дарёи Қизилсӯ сарозер шуд

ДУШАНБЕ, 11 авг – Sputnik. Ҳодисаи нохуш рӯзи 10 - уми август, тахминан соати 13:00 дақиқа рух додааст, хабар медиҳад Кумитаи ҳолатҳои фавқулодаи Тоҷикистон.

Ба иттилои манбаъ, сокини 14-солаи деҳаи Қарасойи ҷамоати деҳоти Қашоти ноҳияи Лахш  бо дучарха дар поёнии деҳаи Қарасой ба дарёи Қизилсӯ сарозер шудааст.

Яке худкушӣ карду дигаре аз беэҳтиётӣ ғарқ шуд: фавти бону дар Язгулому ҷавон дар Рашт

Гуфта мешавад, аз сабабе, ки дар гирду атрофи ӯ касе қарор надошт, аз ин рӯ ӯ ғарқи об шуда ҷон бохт.

Зимнан, наҷотбахшон ҷасади ӯро аз мавзеъи "Мирзоқиштов" ҳудуди ҷамоати деҳоти Пилдони ноҳияи Лахш пайдо карданд ва ба волидонаш супурданд.

Кумитаи таъйид намудааст, ки ҷавон аз беэҳтиётӣ ғарқи дарё шуд.

22
Барчаспҳо:
ғарқ, дарё, дучархарон, Лахш
Сотрудник милиции проверяет салон маршруток в Душанбе

Пулис сокини 30 - солаи Кӯлобро меҷӯяд: аз чор нафар 1.5 миллион сомонӣ гирифту ғайб зад

393
Кормандони Вазорати умури дохилии Тоҷикистон сокини 30 - солаи Кӯлобро меҷӯянд, ки дар фиреби 4 мард муттаҳам дониста мешавад

ДУШАНБЕ, 11 авг – Sputnik. Аз болои сокини 30 - солаи шаҳри Кӯлоб марди 40 - сола, ки низ аз ҳамин шаҳр мебошад, ба ШВУД дар шаҳри Кӯлоб муроҷиат намуд, хабар медиҳад котиботи ВУД.

Бар тибқи даъвои сокини Кӯлоб, ҷавони 30 - сола соли гузашта ба боварияш даромада аз ӯ 1 миллиону 147 ҳазору 500-сомонӣ гирифта, ғайб задааст.

Зимнан, ин ҷавон бо ҳамин тарзу усул бо роҳи фиреб ба воситаи шахси сеюм ба боварии марди 34 - солаи сокини ҳамин шаҳр даромада, аз ӯ 88 ҳазор сомониро гирифта, барнагардондаст.

Раис аз дасти коргар фиреб хурд: боздошти корманди ширкати “Афзалият-Групп” барои қаллобӣ

Инчунин ӯ бо роҳи фиреб ба воситаи марди 34 - сола ба боварии марди 32 - солаи сокини шаҳри мазкур даромада, аз ӯ 115 ҳазор сомонӣ гирифта, маблағи мазкурро ба эҳтиёҷоти шахсиаш сарф намудааст.

"Боз ӯ бо роҳи фиреб ба боварии марди 30 - солаи сокини ҳамин шаҳр даромада, ба воситаи ӯ аз марди 34 - солаи сокини ҷамоати деҳоти Балхоби ноҳияи Муъминобод, 234 ҳазор сомонӣ, чорвои майдаи шохдор гирифта ба эҳтиёҷоти шахсиаш сарф намудааст", - таъкид мешавад дар хабар.

ВУД Тоҷикистон тавзеҳ медиҳад, ки  дар маҷмӯъ номбурда ба шахсони дар боло зикршуда, маблағи умумии 1 миллиону 584 ҳазору 500  сомонӣ зарари махсусан калони моддӣ расонидааст.

Манбаъ меафзояд, нисбати гумонбаршаванда бо моддаи 247 қисми 4 банди "б"-и Кодекси ҷиноии Тоҷикистон парвандаи ҷиноятӣ оғоз гардида, тафтишот идома дорад.

393
Барчаспҳо:
қаллобӣ, пулис, ҷустуҷӯ, сокин, Кӯлоб
Паспорт гражданина США

Беш аз 5,5 ҳазор амрикоӣ аз шаҳрвандии худ даст кашиданд: сабаб дар чист?

0
Соли гузашта, ҳамагӣ 2072 амрикоӣ аз баҳри шаҳрвандии худ гузаштанд ва шаҳрвандии дигар давлатро пазируфтанд

ДУШАНБЕ, 11 авг – Sputnik. Ширкати "Бамбриҷ" дар Ню - Йорк гузорише дар мавриди афзун шудани теъдоди шаҳрвандони амрикоӣ, ки аз шаҳрвандии худ даст мекашанд, интишор намуд.

Ба гузориши ин ширкат, дар шаш моҳи аввали соли ҷорӣ дасти кам 5800 нафар аз шаҳрвандони Амрико аз баҳри шаҳрвандии худ гузаштанд.

Дар ҳоле, ки соли гузашта ҳамагӣ 2072 нафар аз шаҳрвандии худ даст кашиданд.

Манбаъ меафзояд, афроде, ки тарки шаҳрвандӣ кардаанд аз иттифоқоте, ки дар давраи раёсатҷумҳурии Доналд Трамп, раиси ҷумҳурии ин кишвар рӯй додааст, аз наҳваи мудирияти ҳамагирии корона ва сиёсатгузориҳо дар Амрико хаста шудаанд.

Трамп пешниҳод намуд, интихоботи раёсатҷумҳурӣ дар Амрико ба таъхир гузошта шавад

Бар асоси ин гузориш, ҳар шаҳрванди амрикоӣ агар дар Амрико набошад ва бихоҳад шаҳрвандии амрикоии худро канор бигузорад, бояд 2350 доллар бипардозад ва шахсан дар сафорати Амрико дар кишваре, ки зиндагӣ мекунад, ҳузур пайдо кунад.

Бамбриҷ пешбинӣ кард бо вуҷуди хатарҳое, ки дар канор гузоштани шаҳрвандии амрикоӣ вуҷуд дорад, ин раванд ҳамчунон рӯ ба афзоиш хоҳад буд.

Дар ин гузориш омадааст, агар Трамп дар интихоботи раёсатҷумҳурии ноябри имсол пирӯз шавад, мавҷи наве аз шаҳрвандонеро шоҳид хоҳем буд, ки шаҳрвандии амрикоии худро канор хоҳанд гузошт.

0
Барчаспҳо:
даст кашидан, шаҳрвандӣ, Амрико