Председатель Согдийской области Раджаббой Ахмадзода

Аҳмадзода: нархи фурӯши маҳсулотро арзон кунед, то дастархони идонаи мардум таъмин шавад

614
(Таҷдидшуда 19:27 05.08.2019)
Дар ярмаркаи мазкур хоҷагиҳои кишоварзии вилоят маҷмуъан беш аз 150 тонна маҳсулот пешкаш намуда буданд

ДУШАНБЕ, 5 авг — Sputnik. Субҳи имрӯз бо иштироки Раҷаббой Аҳмадзода, раиси вилояти Суғд, ва Маъруф Муҳаммадзода, раиси шаҳри Хуҷанд ба ярмарка-фурӯши маҳсулоти кишоварзӣ, ширинӣ, обҳои ташнашикан ва дигар ниёзи аввалия ба муносибати Иди саиди Қурбон дар майдони паҳлӯи театри Камоли Хуҷандӣ ҳусни оғоз бахшида шуд.

Дар ин бора дафтари матбуоти раиси шаҳри Хуҷанд хабар додааст.

Бино бар иттилои манбаъ, Раҷаббой Аҳмадзода, раиси вилояти Суғд зимни боздид аз ярмарка ба масъулини дахлдор ҷиҳати боз ҳам фаровон намудани ин тадбири муҳими аҳамияти иҷтимоидошта дастуру супоришҳои мушаххас дод.

Ҳамзамон вай таъкид кард, ки бояд нархи фурӯши маҳсулот аз бозор 10-20 фисад арзон бошад.

Раиси вилояти Суғд ба ба масъулин дастур дод, ки дастархони идонаи мардум бояд бо нархҳои дастрас таъмин карда шавад.

“Ташкили ярмарка-фурӯши маҳсулоти кишоварзӣ, ширинӣ, обҳои ташнашикан ва дигар ниёзи аввалия дар остонаи Иди саиди Қурбон бо мақсади фаровон ва ғанӣ намудани хони алвони идонаи мардум сурат гирифта, минбаъд ҳар ҳафта рӯзҳои истироҳатӣ ташкил карда мешавад. Ҳамзамон ба муносибати Иди саиди Қурбон ба 20 ҳазор нафар оилаҳои камбизоату эҳтиёҷманди шаҳру навоҳии вилоят кӯмаки яквақттаинаи маводи аввали озуқа расонида мешавад”, - гуфт Аҳмадзода.

Тавре манбаъ қайд намудааст, дар ярмарка нархи як халта орди 50 килоӣ 150 сомонӣ, як кило гӯшти гӯсфанд ва гов 38 сомонӣ, як кило гӯшти мурғ 20 сомонӣ, як кило биринҷ 9 сомонӣ, як кило картошка 1 сомонӣ, як кило сабзӣ 2 сомонӣ, як кило пиёз 2 сомонӣ ва ғайра арзиш доштанд.

Дар ярмаркаи мазкур хоҷагиҳои кишоварзии вилоят маҷмуъан беш аз 150 тонна маҳсулот пешкаш намуда буданд.

Дар ҳамин ҳол, Раҷаббой Аҳмадзода, раиси вилояти Суғд муроҷиати як зани камбизоти шаҳри Хуҷанд Тӯхтаҷон Файзиеваро, ки азми тӯйи хонадоршавии писарашро намудааст, мавриди баррасӣ қарор дода, ба номбурда 100 кило биринҷ, 40 кило равған, 40 кило гӯшт ва ҳамин миқдор картошкаю сабзӣ ва меваҷот харидорӣ ва тӯёна намуд.

614
Барчаспҳо:
фурӯш, дастархони идона, ярмарка фурӯши маҳсулот, намоишгоҳ-ярмарка, ярмарка, ярмарка-намоиш, Суғд, Тоҷикистон
Жители города Душанбе в защитных масках на улице

То 400 сомонӣ ҷарима: вакилони тоҷик барои мубориза бо коронавирус чӣ пешниҳод карданд?

359
(Таҷдидшуда 19:01 26.05.2020)
Вакилони тоҷик пешниҳод кардаанд, ки барои риоя накардани чораҷӯиҳои беҳдошт ҷиҳати пешгирии сирояти корона ҷарима то 400 сомонӣ боло бурда шавад

ДУШАНБЕ, 26 май — Sputnik. Намояндагони Маҷлиси Тоҷикистон пешниҳод карданд, ки ҷаримаи афроди поймолкунандаи муқаррарот ва қоидаҳои беҳдоштӣ  дар роҳи мубориза бо коронавирус дар кишвар афзоиш ёбад.

Намояндагони маҷлис пофишорӣ доранд, ки ҳамаи шаҳрвандони кишвар тасмими Ситоди муқобила бо коронавирус дар мавриди истифода аз ниқоби тиббӣ дар маконҳои умумиро риоят намекунанд.

Дар ҳоли ҳозир маъмурони иҷроии қонун дар Тоҷикистон фақат нафаронеро, ки бидуни ниқоби тиббӣ дар маконҳои умумӣ равуо мекунанд, ҳушдор медиҳанд ва ё аз 116 то 290 сомонӣ ҷарима мекуанд.

Намояндагони  маҷлис бо ишора ба ин ки ин маблағ барои иҷбори афрод ба истифода аз ниқоби тиббӣ кофӣ нест, пешниҳод карданд ин ҷарима то 406 сомонӣ афзоиш ёбад.

359
Мужчина в защитной маске на улице

Нигаронии Зайнура Азимӣ аз монеаҳои роҳи пирӯзӣ алайҳи “вируси карона”

408
(Таҷдидшуда 18:51 26.05.2020)
Зайнура Азимӣ, муовини раиси вилояти Суғд дар ҷаласаи Ситод оид ба пешгирӣ ва мубориза алайҳи бемории COVID-19 таъкид намудааст, ки таҷаммӯъи зиёди сокинон дар кӯчаву бозор ва дигар ҷойҳои ҷамъиятӣ, роҳи пирӯзи ба ин бемориро мушкил мегардонад

ДУШАНБЕ, 26 май – Sputnik. Муовини раиси вилояти Суғд, дар ҳоле аз камтаваҷҷӯҳи баъзе сокинон дар бораи асароти ин маризӣ таъкид намудааст, ки ду се рӯз ба ин ҷониб гаштузори одамон дар кӯчаву бозорҳо ва дигар ҷойҳои ҷамъиятӣ назар ба рӯзҳои қаблӣ бештар шуда, вале дида мешавад, ки баъзеҳо алакай чораҳои муҳофизатӣ аз ҷумла бастани ниқобро алакай фаромӯш кардаанд.

Маъмури Юсуфзод, роҳбари дафтари матбуоти ҳукумати Хуҷанд дар суҳбат ба Sputnik Тоҷикистон гуфт, ҷаласаи зери роҳбарии Азимӣ, дар меҳмонхонаи “Суғдиён”-и Хуҷанд бо иштироки масъулини муассисаҳои тандурустии Суғд доир гардида, дар кори маҳз ин масъалаи ба баррасӣ гузошта шудааст.

Маъруф Ҳоҷибоев, муовини сардори Раёсати тандурустии Суғд гуфтааст, ки хушбахтона шумори мубталоёни бемории кароновирус дар вилоят рӯз аз рӯз ру ба нузул аст, вале ин маънои онро надорад, ки мо бар алайҳи ин маризӣ, ки вабои аср аст, ғолибяти мутлақ ба даст овардаем.

“Баръакс таҷрибаҳо собит менамоянд, ки аз беэътиноӣ ва нописандӣ вазъи беҳдоштӣ дар баъзе кишварҳо дубора бадтар шуда, ин беморӣ аз нав хуруҷ кардааст. Тақдири талхи кишварҳои минтақа инро бозгӯй менамояд”, - таъкид кардаанд масъулин дар ҷаласа.

Зайнура Азимӣ, муовини Раиси вилояти Суғд иброз намудааст, ки рӯзҳои охир фориғболии шаҳрвандон, бахусус гаштугузори бемаврид дар кӯчаҳо, зиёд будани мусофирон дар нақлиёти ҷамъиятӣ, анбӯҳи одамон дар бозору ҷойҳои истироҳатӣ бе риояи қоидаҳои тиббӣ ба назар мерасад, ки ин ҳол метавонад ба ҷараёни мубориза бо бемории каронавирус таъсири манфӣ гузорад.

Ӯ аз ҳозирин даъват кардааст, ки дар самти мубориза алайҳи паҳншавии бемории “COVID-19” дар вилояти Суғд аз имкониятҳо истифода намуда, корҳоро тақвият диҳанд.

Ба иттилои дафтари матбуоти ҳукумати Хуҷанд дар ин ҷаласа масъулин таъкид намудаанд, ки то ба эътидол омадани вазъият шаҳрвандонро лозим аст, ки аз баргузор намудани тӯйю маъракаҳои хеш худдорӣ намоянд.

Вазорати тандурустӣ ва ҳифзи иҷтимоии аҳолии Тоҷикистон, рӯзи 30-уми апрел нахустин бор аз гирифтории 15 сокини кишвар ба бемории коронавирус хабар дода буд.

 

Бино ба оморе, ки имрӯз 26 - уми май ин Вазорат эълон кард, теъдоди умумии беморон ба 3266 нафар баробар шуда, то кунун 1417 нафар аз ин шумор сиҳат шудаанд.

Вазорати тандурустӣ теъдоди қурбониён аз ин бемориро то ин сана 47 нафар арзёбӣ мекунад.

Ҳукумати Тоҷикистон бо таъсиси Ситод оид ба пешгирӣ ва мубориза бо бемории COVID -19 аз тамоми сокинони кишвар даъват мекунад, ки ҷиҳати пешгирии сирояти мазкур пеш аз ҳама, қоидаҳои беҳдошти шахсиро қатъиян риоя намоянд.

 

408
Министр иностранных дел РФ Сергей Лавров

Лавров дар бораи танишҳо дар марзи Тоҷикистону Қиғизистон: Русия омодаи кӯмак аст

0
(Таҷдидшуда 19:58 26.05.2020)
Вазири умури хориҷаи Русия Сергей Лавров аз Тоҷикистону Қирғизистон даъват кардааст, ки дар марз аз истифодаи нерӯ худдорӣ кунанд

ДУШАНБЕ, 26 мая — Sputnik. Ҷониби Русия аз Тоҷикистон ва Қирғизистон даъват меорад, ки дар марз аз истифодаи силоҳ даст кашанд ва омода аст, ки ҳамчун миёнрав хизмат кунад. Дар ин боравазири умури хориҷии Русия Сергей Лавров баъди нишасти вазирони умумири хориҷа дар ҷаласаи СПАД гуфтааст.

 "Ин вазъ дар марзи Тоҷикистону Қирғизистон, мутаассифона бори аввал нест. Мо аз шариконамон даъват меорем, ки онҳо роҳи маслиҳатомезро пеш гиранд ва ҳарчи тавонанд аз истифодаи қувва худдорӣ кунанд. Мо омодаем ҳамчун миёнрав хизмат кунем. Ҳарчи зудтар вазъият ба эътидол ояд, ҳарчи беҳтар аст. Дар ин бора имрӯз ба дӯстонамон ҳам гуфем", - таъкид кардааст Лавров.

Ёдрас мешавем, 24 май бар марзи Тоҷикистону Қирғизистон таниши навбатӣ ба миён омад. Марбонони ҳарду кишвар тир кушоданд.

Марзбонии ду давлат ҳодисаро гуногун тавзеҳ доданд.

Фаврӣ: тирандозӣ дар марзи Тоҷикистону Қирғизистон дар рӯзи ид

Қирғизистон сокинони Ворухро дар гузаштан ба минтақаи қирғизҳо барои чарронидани чорво муттаҳам кард, аммо ба иттилои КДАМ Тоҷикистон баръакс, чӯпонҳои қирғиз дар ҳудуди деҳаи Пули Офтобрӯяи ҷамоати деҳоти Ворухи шаҳри Исфара, ки бо деҳаи қирғизнишини Мойнок ҳамсарҳад мебошад, вориди қаламрави Тоҷикистон гардида, ба муноқишаи навбатӣ бо сокинони наздимарзии ҶТ даст заданд.

0