Генерал-майор Қудратулло Назарзода, сардори Раёсати умури дохилии вилояти Суғд

Аз 1 террорист 50-60 симкорт гирифта шуд: аз шарҳи генерал то навбатпоии дурӯзаи Турсунов

1979
(Таҷдидшуда 18:33 08.08.2019)
Генерал-майор Қудратулло Назарзода, сардори Раёсати умури дохилии вилояти Суғд изҳори боварӣ намуд, ки сабти симкортҳо ба воситаи шиносномаҳои пластикӣ барои пешгирии ҷиноятҳо мусоидат мекунад

ДУШАНБЕ, 8 авг — Sputnik. Генерал Қудратулло Назарзода зимни шарҳи зарурати сабти симкортҳо бо шиносномаҳои нав, гуфт бинед имрӯз аз симкортҳо чӣ гуна гурӯҳҳои террористӣ истифода мекунанд.

“Ё аз тарафи он шахсоне, ки ғайриқонунӣ ба нашъаҷаллобӣ даст мезананд. Гурӯҳҳои муташаккли дигар  пайдо шудаанд, ки барои амалишавии нақшаҳои ҷиноии худ аз симкортҳо зиёд истифода мебаранд”, -  гуфт генерал.

Сардори РВКД Тоҷикистон дар Суғд аз ҳодисаҳои солҳои пеш зикр кард, ки гурӯҳҳои террористиву экстремистӣ дар марзи Тоҷикистон аз якчанд симкорт истифода кардаанд.

Ӯ гуфт дар солҳои 2008-2010, қайди симкортҳо дар кишвари мо қариб, ки мавҷуд набуд, вале ба ҳангоми дастгир шудани гурӯҳҳои терористӣ дар шаҳри Исфара аз ҳар яки онҳо 50-60 донагӣ симкорт мусодира гардид.

 “Ин гурӯҳи террористон дар қатли, сардори шӯъбачаи кофтукоби ҷиноии Исфара, захмикунии нозирони минтақавии ШВКД Исфара-2 ва ШВКД Исфара-1 аз силоҳи оташфишон ва ҳам куштори якчанд нафар кормандони бозрасии давлатии автомобилӣ дар солҳои 1994-2009 муҷрим шинохта шудаанд”, - афзуд генерал.

Назарзода Қудратулло Бобо, гуфт сабти симкортҳо тавассути шиносномаҳои пластикии дорои ID, бо дастури роҳбарияти Вазорати корҳои дохилӣ ва Кумитаи амнияти миллии Ҷумҳурии Тоҷикистон сурат гирифта, ин тасмим барои пешгирӣ аз шомилшавии ҷавонон ба сафи гурӯҳҳои ҷиноятпешаи террористӣ роҳандозӣ шудааст.

ВУД Тоҷикистон, ки яке аз ташаббускорони қабули ин Қарори Ҳукумат буд, аз ҳамаи шаҳрвандони Тоҷикистон, ки симкортҳои мобилиашон бо шиносномаи намунаи соли 1996 дар қайд мавҷуд мебошанд, хоҳиш намуда буд, барои иваз намудани шиносномаҳои худ ба шӯъбаҳои шиносномадиҳии шуъбаҳои ВУД дар шаҳру ноҳияҳои ҷумҳурӣ муроҷиат намоянд. Муҳлат барои сабти симкортҳо то нимаи август муқаррар шуда буд.

Зимнан дар назди шуъбаҳои шиносномадиҳӣ дар шаҳру новоҳии Тоҷикистон, таҷаммӯъи зиёди сокинон ба мушоҳида мерасад, ки рӯзу соатҳои зиёд  барои гирифтани паспорти нав дар навбат истодаанд.

Абдураҳмон Турсунов, як сокинони шаҳри Истаравшан иброз намуд, ки дар супоридани ҳуҷҷат, барои шиносномаи ID, ҳамроҳ бо ҳамсараш ду рӯз дар назди идори шиносномадиҳӣ сипарӣ кардаанд.

“Одамони зиёд аз деҳоти дурдаст омада навбат истодаанд. Мо ҳам ночор то расидани навбатамон ду рӯзу як шабро дар назди идораи шиносномадиҳӣ сипарӣ кардем”, - гуфт Турсунов.

Абдураҳмон Турсунов мегӯяд, наздики даҳ сол аст, ки ду фарзандаш ба муҳоҷирати Русия мераванд ва зиндагии хонаводаи онҳо аз ҳамин роҳ таъмин карда мешавад. Дар чунин шароит ӯву ҳамсараш бо фарзандони муҳоҷирашон тариқи телефон бо ҳам ҳолпурсӣ мекунанд. Бино бар ин ба паспортгирӣ омадаанд, то симкорти телефонашонро ба қайд гиранд, дар акси ҳол аз хизмати телефонҳои мобилӣ маҳрум хоҳанд шуд.

Сардори РВКД дар Суғд иттилоъ дод, ки дар ин давра аз ҷониби шуъбаҳои шиносномадиҳӣ шаҳру ноҳияҳои Суғд ба 95 ҳазору 253 нафар, шиносномаҳои нав дода шудааст.

Бо ин вуҷуд аз шумори зиёди сокинони назди идораҳои шиносномадиҳӣ аён мегардад, ки ҳоло ҳазорҳо нафари дигар, барои нав кардани шиносномаҳояшон дар навбат истодаанд ва муҳлати пешбинишудаи 10-уми август, барои гирифтани ID-корт кифоят нахоҳад кард.

1979
Глава налогового комитета Таджикистан Давлатзода Нусратулло, архивное фото

Нақша иҷро нашуд: Кумитаи андоз калонтарин "андозгурезон"-ро гуфт

433
(Таҷдидшуда 12:30 29.10.2020)
Кумитаи андози Тоҷикистон гуфтааст, сарфи назар аз чораҳои андешидашуда зарфи нӯҳ моҳи соли равон нақшаи андоз ва дигар пардохтҳои ҳатмӣ, ки ҷамъовариион ба зимаи ин ниҳод гузошта шудааст, иҷро нашудааст

ДУШАНБЕ, 29 окт — Sputnik.  Ба навиштаи нашрияи Кумита иҷрои нақшаи андозӣ 92,1% иҷро шуда, ба ҷойи ба ҷойи 8 млрд 143,3 млн сомонии пешбинишуда, ба буҷети давлатӣ 7 млрд 497,0 млн сомонӣ ворид гардид, ки нисбат ба нишондиҳандаҳои пешбинишуда 646,2 млн сомонӣ кам мебошад.

“Иҷрои нақшаи воридоти андозҳо ва пардохтҳо дар Вилояти Мухтори Кӯҳистони Бадахшон ба андозаи 104,8%, вилояти Хатлон 100,6%, вилояти Суғд 100,2%, шаҳри Душанбе 100,1% ва Раёсати андози андозсупорандагони калон, ки воридоти маблағҳо аз ин ҳисоб ба буҷети ҷумҳуриявӣ пешбинӣ шудааст - 53,0% таъмин карда шуд”,-афзудааст манбаъ.

Гуфта мешавад, бақияи қарзи андозҳо ба ҳолати 1 октябри соли 2020 дар маҷмӯъ 1021,0 млн. сомониро ташкил дод, ки нисбат ба 1 январи соли 2020 ба андозаи 440,0 млн сомонӣ зиёд мебошад.

Калонтарин қарздорон

Ба иттилои Кумита, маблағи қарзи андозҳо дар ин давра, асосан, аз ҳисоби ҶСК “НБО Сангтуда 1” ба маблағи 115,6 млн сомонӣ, ҶСК “НБО Роғун” 43,2 млн сомонӣ, КВД “Ширкати Алюминийи Тоҷик” 22,0 млн сомонӣ, ҶСК “Тоҷиктелеком” 18,8 млн сомонӣ, КВД “ММЭР” 6,7 млн сомонӣ, фурудгоҳҳо ва ширкатҳои ҳавопаймоӣ 67,8 млн сомонӣ ва дигар корхонаҳо афзоиш ёфтааст.

“Новобаста аз чораҳои зиёди аз ҷониби мақомоти андоз андешидашуда яке аз сабабҳои дар ин давра зиёд шудани бақияи қарзи андозҳо ба сари вақт ва дар ҳаҷми пурра пардохт нагардидани маблағи андозҳои ҳисобшуда аз тарафи баъзе субъектҳои хоҷагидор мебошад”,-афзудааст ин ниҳод.

Дар ин давра Кумита бо мақсади пешгирӣ аз зиёдшавии маблағи бақияи қарзи андозҳо ва ҷиҳати тибқи тартиби муқарраршуда маҷбуран рӯёнидани онҳо, дар давраи ҳисоботӣ аз тарафи мақомоти андоз нисбати 6600 андозсупорандаи қарздор 10600 адад қарор оид ба маҷбуран ситонидани андозҳо ба маблағи 756,8 млн сомонӣ қабул гардид, ки нисбат ба ҳамин давраи соли гузашта, шумораи қарорҳо 4640 адад ва маблағи қарорҳо 104,6 млн сомонӣ зиёд мебошад.

Қарзи ноҳияи Кӯшониён аз андоз наздик ба 40 миллион сомонӣ расид

Аз ин ҳисоб ва аз ҳисоби қарорҳои дар соли 2019 қабулгардида, дар маҷмӯъ, ба буҷет 711,0 млн сомонӣ ворид карда шуд, ки нисбат ба ҳамин давраи соли гузашта 163,3 млн сомонӣ зиёд мебошад.

433
Барчаспҳо:
нақша, қарздор, андоз, Тоҷикистон
Нож в руке, архивное фото

Сокини Истаравшан зани 28 - солаашро кушту гардани худро бурид

270
(Таҷдидшуда 13:11 29.10.2020)
Нисбати сокини Истаравшан дар робита ба қатли ҳамсари худ, парвандаи ҷиноӣ бо моддаи 104 қисми 1 Кодекси ҷиноятии Тоҷикистон оғоз гардида, тафтишот идома дорад

ДУШАНБЕ, 29 окт — Sputnik. Дар шаҳри Истаравшан муноқишаи оилавии зану шавҳари ҷавон ба ҳалокати зани 28 - сола анҷомид, хабар медиҳад Вазорати умури дохилаи Тоҷикистон.

Ба иттилои манбаъ, ҳодисаи мазкур рӯзи 10 октябр, тахминан соати 13:00-дақиқа дар манзили истиқоматии зану шавҳар рух дод.

Манбаъ меафзояд, марди 30 - солаи сокини деҳаи Қадамҷои шаҳри Истаравшан бо ҳамсари 28 - солаи худ муноқиша намуда, бо корд 2 маротиба ба гарданаш задааст.

Ҳамсарро қатл ва хушдоманро захмӣ кард: боздошти сокини 27-солаи Норак бо ҷурми одамкушӣ

Дар натиҷа, ҳамсараш ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.

"Номбурда бо мақсади худро аз ҳаёт маҳрум сохтан бо корд гардани худро бурида, ҷароҳати вазнини ҷисмонӣ гирифта, дар беморхона бистарӣ гардидааст", - таъкид мешавад дар хабар.

ВУД Тоҷикистон мегӯяд, нисбати номбурда парвандаи ҷиноятӣ бо модддаи 104 қисми 1 Кодекси ҷиноятии Ҷумҳурии Тоҷикистон оғоз гардида, тафтишот идома дорад.

270
Барчаспҳо:
боздошт, мард, куштор, Истаравшан
Эмомалӣ Раҳмон бо ниқоб, акс аз бойгонӣ

Қарори Ҳукумат барои сабукӣ: дору, ниқоб ва тестҳо алайҳи СОVID-19 арзон мешаванд?

86
Эмомалӣ Раҳмон, раисиҷумҳури Тоҷикистон, бо имзои қарори Ҳукумат дорую дастгоҳҳои тиббиеро, ки барои мубориза бо СОVID-19 вориди кишвар мешаванд, аз пардохти боҷу андоз озод кард

ДУШАНБЕ, 29 окт — Sputnik. Бар асоси қарор, ки Эмомалӣ Раҳмон охири сентябр имзо кардааст, доруворӣ ва дастгоҳҳое, ки барои муайянсозию мубориза бо коронавирус ворид мешаванд, аз пардохти аксизҳо, боҷҳои гумрукӣ ва андоз аз арзиши иловашуда озод карда мешаванд.

Хадамоти гумруки Тоҷикистон муваззаф шудааст, ки расмиёти заруриро зимни воридоти маводи мубориза бо коронавирус саривақт анҷом диҳад.

Ба феҳрасти колое, ки аз пардохтҳои ҳатмӣ озод шудаанд, аз ҷумла мавод барои истеҳсоли воситаҳои  безараргардонӣ, дору, либосҳои муҳофизатӣ ва таҷҳизот барои муайянсозии бемории сироятии коронавирус зикр гардидаанд.

Аз ҷумла воридоти тестҳое, ки гирифтории шахс ба ин бемориро фавран муайян месозанд, аз боҷу андоз озод гардидаанд.

Дар феҳраст инчунин матоъ барои дӯхтани ниқобу либосворӣ, дастгоҳҳои ҳаводиҳӣ, дастгоҳҳои ренгению ташхиси компютерӣ ва даҳҳо маводу дастгоҳи дигар зикр шудаанд.

Ироаи сабукӣ дар ҳолест, ки қаблан корафтодагон дар шабакаҳои иҷтимоӣ аз гарон будани дорувориҳо ва воситаҳои мубориза бо коронавирус дар Тоҷикистон шикоят карда буданд.

86
Барчаспҳо:
сабукӣ, қарори ҳукумат, дору, Тоҷикистон