Бунёди туркӣ ба 600 хонаводаи Тоҷикистон гӯшти қурбони тақсмим кард

248
(Таҷдидшуда 18:25 15.08.2019)
Бунёди “Ҳамёриҳои башарии Туркия” миёни 600 оилаҳои ниёзманди Тоҷикистон дар атрофи шаҳри Душанбе, гушти 10 чорвои қурбониро тақсим кард

ДУШАНБЕ, 15 авг — Sputnik. Бунёди “Ҳамёриҳои башарии Туркия” (i̇hh), дар нахустин рӯзи Иди саиди Қурбон гушти қурбонии 10 чорвои қурбониро миёни 600 хонаводаи ниёзманди Тоҷикистон дар минтақаи Ваҳдат, наздикии шаҳри Душанбе, тақсим кард иттилоъ додааст хабаргузории Parstoday.

Бунёди “Ҳамёриҳои башарии Туркия” (i̇hh) ба унвони яке аз фаъолтарин ва муассиртарин бунёдҳо ва ниҳодҳои башардӯстонаи Туркия ба ҳисоб меравад

Ҷамшеди Сафаралӣ, мудири анҷумани хайрияи “Сабо”-и Тоҷикистон дар ин замина изҳор дошт, ки  анҷумани мазкур соли 2016 барои фаъолият дар заминаи кумакҳои инсонӣ таъсис шуд. Бо муассисаҳои мухталиф дар дигар кишварҳо барои кумак ба мардуми Тоҷикистон ҳамкорӣ мекунем.

Гӯсфанди гурезпои қурбонӣ дар роҳ ба сӯи масҷид мардуми Санкт-Петербургро тарсонд

“Дар ин росто бо бунёди “Ҳамёриҳои башарии Туркия” барои барномаи тақсими гушти қурбонӣ дар рӯзи Ид иқдом кардем”, - таъкид доштааст вай.

Инчунин вай гуфт, ахиран миёни ҳудуди 600 хонавода гушт тақсим шуд.

“Аз мардуми Туркия бобати ин иқдом бисёр ташаккур мекунем. Умедворем ҳамкории мо бо муассисаҳои Туркия дар оянда афзоиш ёбад”, - зикр намуд Ҷамшеди Сафаралӣ мудири анҷумани хайрияи “Сабо”.

248
Барчаспҳо:
ваҳдат, Ваҳдат, ниёзмандон, тақсим, қурбонӣ, гӯшт, Иди Қурбон, Туркия, Тоҷикистон
Тонущий человек, архивное фото

Дар Ванҷ ду ноболиғи 12 - соларо аз об берун оварданд: яке фавтиду дуюмӣ дар бемористон

36
Кумитаи ҳолатҳои фавқулода аз як ҳодисаи нохуш дар ноҳияи Ванҷ хабар медиҳад, ки ду ноболиғи 12 - сола бидуни калонсолон дар ҳавз оббозӣ намуда ғарқ шуданд

ДУШАНБЕ, 15 июл – Sputnik.  Ду нафар сокини 12 - солаи ноҳияи Ванҷ бе роҳбаладии калонсолон дар ҳавз оббозӣ карданд, ки дар натиҷа ҳар ду зери об рафтанд.

Бар хабари Кумитаи ҳолатҳои фавқулодаи, ҳодисаи мазкур рӯзи 14 - уми июл дар ҳавзи деҳаи Пайшанбеобод рух дод.

Ба кумаки ду ноболиғ чанд сокини ноҳия шитофта онҳоро аз об берун оварданд ва ба бемористони ноҳиявӣ интиқол доданд.

КҲФ: дар кӯлу ҳавзҳои Тоҷикистон 28 нафар ғарқ шуданд: 9 ноболиғ

Манбаъ меафзояд, яке аз ноболиғон дар роҳ ба бемористон фавтид ва кудаки дигар ҳоло таҳти назорати табибон қарор дорад.

Кумитаи ҳолатҳои фавқулодаи Тоҷикистон мегӯяд, зарфи 6 моҳи сипаришуда дар Тоҷикитсон 34 нафар ҳангоми оббозӣ дар нукоти мухталифи кишвар ғарқи об шуданд, ки 10 нафари онҳо аз 4 то 16 сол дошанд.

36
Барчаспҳо:
ғарқ, ноболиғ, оббозӣ, Ванҷ
Аэропорт в Аэропорт в горах Хорога, архивное фото

Дастури Раҳмонзода барои таъмири фурудгоҳи шаҳри Хоруғ

245
(Таҷдидшуда 11:54 15.07.2020)
Бо дастури ёрдамчии Президент дар масъалаҳои рушди иҷтимоӣ ва робита бо ҷомеа Абдуҷаббор Раҳмонзода, фурудгоҳи шаҳри Хоруғ ба таъмир фаро гирифта мешавад

ДУШАНБЕ, 15 июл – Sputnik. Дар Вилояти Мухтори Кӯҳистони Бадахшон ҳайати гурӯҳи корӣ бо роҳбарии Раҳмонзода қарор доранд, ки аз ҷараёни омодагии вилоят ба ҷашни 30 - солагии Истиқлолияти давлатӣ дидан мекунанд.

Бар хабари котиботи раиси шаҳри Хоруғ, ҳайати корӣ нахуст аз фурудгоҳи ҳавоии маркази вилоят дидан намуданд ва Раҳмонзода дастур дод, то фурудгоҳ ба таъмир фаро гирифта шавад.

Гуфта мешавад, дар асоси супориши ёрдамчии Президент, қисматҳои харобгаштаи фурудгоҳ асфалтпӯш мешаванд ва инчунин аломату панҷараҳо низ аз нав рангубор мешаванд.

Қобили зикр аст, ки авохири моҳи гузашта нахустин парвози ҳавопаймо пас аз таваққуфи тӯлонӣ ба ВМКБ сурат гирифта буд.

Нахустин парвози ҳавопаймо ба Бадахшон пас аз таваққуфи 1 сола: 16 сарнишинро бурд

Тайёраи Ан-28 мутааллиқ ба ширкати ҳавопаймоии "Тоҷик Эйр" бо 16 сарнишин аз шаҳри Душанбе дар фурудгоҳи шаҳри Хоруғ нишаст.

Ин нахустин парвоз мебошад, ки бо гузашти як солу чор моҳ анҷом шуда буд.

Ба изҳори халабони ҳавопаймо Шукрихудо Додихудо, бо зиёд шудани мусофирон имкони ҳамарӯза интиқол додани мусофирон аз пойтахт ба ВМКБ мавҷуд аст.

Аммо гарони нархи чипта ба эҳтимоли зиёд теъдоди парвозҳо ба ин вилоятро афзун намекунад.

Зеро нархи чиптаи парвоз аз Душанбе ба ВМКБ 900 сомониро ташкил медиҳад. Ин нарх дар ҳолест, ки давомёбии парвоз на беш аз 1 соату 30 дақиқа тӯл мекашад.

Сокинони ин вилоят пайваста аз гаронии нархи мошину ҳавопаймо изҳори нигаронӣ мекунанд. Зеро масрафи сафар ба Бадахшон ҳам тариқи роҳи заминӣ ва ҳам ҳавоӣ ба фарқ аз вилояти Суғд ниҳоят гарон аст.

245
Барчаспҳо:
таъмир, фурудгоҳ, Хоруғ
Верующий молится, архивное фото

Ҷарима ва ихроҷи шаҳрванди Тоҷикистон аз Русия барои ташкили намоз дар хобгоҳ

52
(Таҷдидшуда 13:19 15.07.2020)
Дар шаҳри Тулаи Русия як муҳоҷири тоҷикро барои ташкили намоз дар хобгоҳи муҳоҷирон ба пардохти 30 ҳазор рубл ҷарима муваззаф намуданд. Ҳамчунин ин шаҳрванди Тоҷикистонро аз қаламрави Русия депорт мекунанд

ДУШАНБЕ, 15 июл – Sputnik. Маркази ҳомии ҳуқуқи инсон ба номи "Сова" аз ҷарима шудан ва ихроҷи як муҳоҷири тоҷик ба далели барпо кардани намози ҷамоат дар хобгоҳи коргарони муҳоҷири тоҷикистонӣ дар Русия хабар дод.

Хабаргузории "Парс тудей" бо такя ба маълумоти маркази ҳомии ҳуқуқи инсони Сова хабар медиҳад, ки мақомоти қудратӣ муддаӣ шудаанд, ки ин шаҳрванди Тоҷикистон дар утоқи хеш дар хобгоҳи коргарони муҳоҷири тоҷикстонӣ дар шаҳри Тулаи Русия барои 15 нафар намоз ташкил мекард, дар ҳоле, ки иҷозатномаи расмии идораи муфтиёти ин минтақаро надоштааст.

То 116 сомонӣ ҷарима: ҳушдори мақомот ба намозгузорон дар рӯзҳои ҷумъа

Додгоҳи маҳаллӣ ин шаҳрванди Тоҷикистонро ба иттиҳоми фаъолитҳои ғайримуҷози таблиғотӣ ва ҳамоҳанг накардани хондани намози ҷамоат бо идораи муфтиёти шаҳри Тула ба пардохти ҷаримаи молӣ ба маблағи 30 ҳазор рубли русӣ ва ихроҷ аз қаламрави Русия маҳкум кардааст.

Ёдовар мешавем, Русия ба мисли дигар кишварҳо дар замони авҷи маризии коронавирус баргузор намудани намози оммаро манъ карда буд.

Анқариб муддати ду моҳ масоҷид дар Русия барои намозгузор баста буд.

52
Барчаспҳо:
намоз, хобгоҳ, ҷарима, истихроҷ, Тоҷикистон, Русия