Тимур Зульфикаров, архивное фото

Темур Зулфиқоров 83 сола шуд

165
(Таҷдидшуда 14:38 17.08.2019)
Темур Зулфиқоров 17 августи соли 1936 дар Душанбе ба дунё омадааст

ДУШАНБЕ, 17 авг - Sputnik. Темур Зулфиқоров адиби саршиноси тоҷику рус имрӯз зодрӯз дорад.

Темур Зулфиқоров 17 августи соли 1936 дар Душанбе ба дунё омадааст. Ӯ муаллифи сенарияи 9 филм, аз ҷумла "Рояли сафед", "Ошпаз ва овозхон", "Одам аз паси паррандаҳо парвоз мекунад", "Мурғи сиёҳ", "Саробҳои ишқ", "Ишқи аввали Насриддин", "Бозгашти Хоҷа Насриддин" ва "Пешхидмат бо лаълии тилло" мебошад.

© Sputnik
Зульфикаров признался в любви родине романсами

 

Дар суҳбат бо Sputnik Тоҷикистон гуфт, Зулфиқоров гуфт, тӯли солҳои дароз дар асарҳову филмҳояш дар бораи  афроди сарватманд –бонкдорон, тоҷирон, роҳбарони ширкатҳои бузурге, ки дорои пули зиёд ҳастанду қудратманд мебошанд, нақл кардааст.

Вай мегӯяд, ин гуна ашхоси сарватманд барои инсоният хатар доранд.

Темур Зулфиқоров шоире, ки аз Нобел умедашро канда, вале аз Тоҷикистон на

“Вақте, ки ман ҷавон будам мушоҳида мекардам, ки сарватмандони тамоми кишварҳо барои худ паноҳгоҳ аз бомби ҳастаӣ месохтанд. Тамоми роҳбарон дорои паноҳгоҳ аз бомби ҳастаӣ мебошанд. Ин ба он маъност, ки қудратмандон эҳтимолияти рух додани ҷанги ҳастаиро дар сар мепарваранд ва бар онанд, ки дар паноҳгоҳҳояшон наҷот меёбанд, аммо мардум мисли Хиросима ва Нагасакӣ месӯзанд.  

Зулфиқоров: Висотский маро сеюмин барди Русия мегуфт

Барои ин агар имкон медоштам, бунёди паноҳгоҳҳоро манъ мекардам. 

“Худи фикр дар бораи ҷанги эҳтимолии ҳастаӣ нишонаи девонагии мардум аст”, - мегуяд адиби саршинос.

Темур Зулфиқоров барандаи ҷоизаи Бунин шуд

Едрас мешавем, ки авохири моҳи декабри соли 2018 маҷмуъае аз достонҳои Темур Зулфиқоров дар Маскав мунташир шуд.

165
Барчаспҳо:
Темур Зулфиқоров, Русия, Тоҷикистон, Ҷаҳон
Мавзуъ
Темур Зулфиқоров барандаи ҷоизаи Бунин шуд
Темур Зулфиқоров шоире, ки аз Нобел умедашро канда, вале аз Тоҷикистон на
Нашри китоби нави Темур Зулфиқоров: "Чойхонаи лаби ҷар"
Темур Зулфиқоров: тафаккури ҷанг доштан шоҳидии девонагии мардум аст
Президент Республики Таджикистан Эмомали Рахмон

Сӯҳбат аз қурбониёну таъмини силоҳ: Эмомалӣ Раҳмон марзбонони тоҷикро шодбош гуфт

30
(Таҷдидшуда 16:17 28.05.2020)
Президент аз вазъи печидаи ҷаҳонӣ ёдрас шуда, таъкид кард, ки сарҳадбонон бояд интизоми оҳанини низомиро риоя кунанд

ДУШАНБЕ, 28  май — Sputnik. Президенти Тоҷикистон Эмомалӣ Раҳмон ба муносибати Рӯзи сарҳадбонон ба марзбонони тоҷик паёми шодбошӣ ирсол кардааст. Дар ин бора дафтари матбуоти президенти Тоҷикистон гузориш медиҳад.

Эмомалӣ Раҳмон дар оғоз генералҳо, афсарону прапоршикҳо ва сарбозони Қӯшунҳои сарҳадии Кумитаи давлатии амнияти миллиро бо 26-солагии таъсисёбии Қӯшунҳои сарҳадӣ табрик гуфта, ба онҳо саломатӣ, иродаи қавӣ, нерӯи матин таманно кардааст.

Раисҷумҳур таъкид кардааст, ки Ҳукумати Тоҷикистон ба таҳкиму таъмини ҷузъу томҳои Қӯшунҳои сарҳадӣ аҳамияти муҳим медиҳад.

"Хусусан, дар зарфи солҳои охир дар тамоми мавзеъҳои сарҳади давлатӣ даҳҳо дидбонгоҳи нави сарҳадӣ ва дигар иншооти зарурӣ бунёд ва азнавсозӣ гардиданд. Ҳукумат ба масъалаи таъмини  ҷузъу томҳои марзбонӣ бо техникаву таҷҳизоти замонавӣ, силоҳу муҳиммоти ҷангӣ ва дигар лавозимоти ҳарбӣ низ эътибори зарурӣ медиҳад", афзудааст ӯ.

Раҳмон аз марзбонони қурбоншуда ёдрас шуда, гуфтааст, ки "мардуми сипосгузори Тоҷикистон номи нек ва корномаи ҷавонмардонаи онҳоро ҳаргиз фаромӯш намекунанд".

Фаврӣ: тирандозӣ дар марзи Тоҷикистону Қирғизистон дар рӯзи ид

Президент аз таҳдиду хатарҳои нав,  терроризм, ифротгароӣ, қочоқи маводи мухаддир дар марз ёдрас шуда, гуфтааст, ҳайати шахсии Қӯшунҳои сарҳадӣ, дигар сохторҳои низомӣ ва мақомоти ҳифзи ҳуқуқ вазифадоранд, ки беш аз ҳар вақти дигар бо риояи интизоми оҳанини низомӣ ва талаботи оинномаҳои ҳарбӣ дар ҳоли омодагии доимӣ қарор дошта бошанд.

 

30
Открытие нового здания хирургии в районе Шахристан, архивное фото

Талоши табибони Исфара барои ҳифзи саломатии Шукрона, ки дар марз тир хурд

47
(Таҷдидшуда 15:53 28.05.2020)
Табибони бемористони марказии шаҳри Исфара талош доранд, дар пайи роҳандозӣ намудани ҷарроҳӣ захмҳои аз тир бардоштаи Шукрона Шароповаро тадовӣ кунанд

ДУШАНБЕ, 28 май – Sputnik. Ба гуфтаи манобеъ, Шаропова аз дирӯз ба ин тараф дар шуъбаи эҳёгарии бемористон қарор дорад ва дар назар аст табибони шаҳри Исфара барои наҷоти ӯ аз захми тир имрӯз то пагоҳ амалиёти ҷарроҳиро ба иҷро расонанд.

Бино ба хабари расмӣ Шукрона Шаропова (Муътабархонуми Зуҳриддин) сокини 25 солаи маҳаллаи Қақири ҷамоати деҳоти Чоркӯҳ мебошад, ки дирӯз соати 11:55 дақиқа аз сӯи шаҳрванди Қирғизистон дар марз аз зарби тир маҷруҳ шуд.

Ба иттилоъи манобеъи Sputnik Тоҷикистон ин ҷавонзани тоҷик аз ноҳияи рости тахтапушташ захмин шудааст. Маркази матбуоти Қӯшунҳои сарҳадии Кумитаи давлатии амнияти миллии Тоҷикистон низ дирӯз бо нашри як изҳорот рухдоди тирпарронӣ дар марзро шарҳ дода, гуфтааст, ки дар ин кор шаҳрванди Қирғизистон Бахтибеков Соат, сокини деҳаи Куктоши ҷамоати деҳоти Оқсой муқассир аст.

"Ин амали иғвоангезонаи сокини ҶҚ нишонаи кӯшиши ба таври сунъӣ ноором кардани вазъият дар хати сарҳади давлатӣ арзёбӣ мегардад, ки метавонад вокуниши ҷавобиро аз ҷониби сокинони наздисарҳадӣ дар ин минтақаи ҳассос барангезад", - омадааст дар иттилоия.

Баъди рухдоди ҳодиса, дирӯз мақомоти расмии ду давлат дар ҷойи ҳодиса қарор дошта, барои мушаххас намудани ҷузъиёти қазияи бамиёномада миёни аҳолӣ корҳои фаҳмондадиҳӣ гузаронидаанд.

Шукрона Шаропова ҳоло дуюмин нафарест, дар сарҳади миёни Исфара бо Қирғизистон захмин шуда ва зери тадовии духтурон қарор дорад. Қушунҳои сарҳадии КДАМТ рӯзи 24-уми май аз захмин шудани пойи сарбози қаторӣ Зоиров Давлатёр Миронбекович, соли таваллудаш 2001 дар пайи як муноқиша бо сарҳадбонони қирғиз дар ҳудуди деҳаи Пули Офтобрӯяи ҷамоати деҳоти Ворухи шаҳри Исфара хабар дода буд.

Вышка на пограничном посту Максат в Лейлекском районе Баткенской области.
© Фото / пресс-служба правительства / Алишер Алиев

Бар пояи иттилоъи мақомоти Тоҷикистон, ин муноқиша тавре рух додааст, ки шуморе аз қирғизҳо бар хилофи созишномаҳои қаблан ба имзо расида вориди минтақаи то ҳол аломатгузоринашудаи қаламрави Тоҷикистон шуда, бо сокинони наздимарзии шаҳри Исфара ҷанҷол барангехтаанд.

"Ҷониби қирғиз ба ҷойи риояи иҷрои созишномаҳои дуҷониба, ки аломатгузориро дар минтақаҳои баҳснок мушаххас мекунад, ба маҳалли ҳодиса қувваҳои иловагии сарҳадбононро сафарбар карда, ба сӯи сокинони бесилоҳи деҳаи Пули Офтобрӯя аз яроқи оташфишон тирпаронӣ намуд. Дар натиҷаи тирпаронии сарҳадбонони қирғиз, сарбози қаторӣ Зоиров Давлатёр Миронбекович, соли таваллудаш 2001 аз пояш захм бардоштааст", - омадааст дар изҳороти КДАМ.

Ба иттилоъи манобеъи Sputnik Тоҷикистон, ҳоло вазъи саломатии ин сарбози тоҷик хуб шуда, ӯ аз шуъбаи эҳё ба шуъбаи осебшиносии бемористон интиқол ёфтааст. Ҳоло ин чандумин мавриди захминшавии сокинон дар муноқишаҳои чанд вақти охир дар марзи Тоҷикистону Қирғизистон ба ҳисоб меравад.

Фазлиддин Фозилови 37 сола ҳам яке дигар аз сокинони ҷамоати Чоркӯҳ аст, ки то рухсат шудан ба манзилаш, чанд рӯзро барои тадовии захмҳояш дар бемористон сипарӣ кард. Ӯ дар муноқишаи марзии рӯзи 8-уми май аз тири яроқи шикории марзбонони қирғиз захм бардошта ба бемористон интиқол дода шуд.

Дар ин рӯз ба ҳисоби Фозилов, Аёмиддин Шарипов сокини 49 солаи Чоркӯҳ ҳам ҳадафи сангпартоии қирғизҳо қарор гирифту чанд ҷои сараш аз зарби сангандозии қирғизҳо лат бардошт ва баъди интиқолёбӣ дар бемористон осори санг дар баданаш бартараф шудааст.

Тавре қаблан, Иқбол Тешаев, сухангӯи ҳукумати шаҳри Исфара дар суҳбат ба Sputnik Тоҷикистон гуфта буд, ин ихтилоф дар марз бо қирғизҳо дар ҳоле сар мезанад, ки сокинони маҳаллаи Чеки ноҳияи Бодканд "худсарона ва дидаву дониста" ба марзи Тоҷикистон, заминҳои саҳроии маҳаллаи Қуммазори ҷамоати деҳоти Чоркӯҳ ворид шуда, 60 сотих замини як қитъаи 4 гектараро, ки ҷуворимакка кишт шуда буд, ғасб кардаанд.

Дар идомаи муноқиша, ба қавли ҳамсӯҳбати мо, тақрибан соати 17. 05 – и бегоҳии рӯзи 8 май, аввалан миёни сокинони маҳаллаҳои наздисарҳадӣ ҷанҷоли лафзӣ сурат гирифт, ки баъдан ба сангпартоӣ табдил ёфт ва дар натиҷа Саймиддин Шаропов аз сар ҷароҳати сахт бардошта, ба шифохона интиқол ёфт.

"Аммо дар як фурсати кам зиёда аз 80 сокини ноҳияи Бодканд таҳти пуштибонии неруҳои марзбонии Қирғизистон ва 10 милитсионери қирғиз муноқишаро тақвият бахшида, бо истифода аз силоҳи шикорӣ ба сӯи сокинони Қуммазори Исфара тир кушоданд. Дар натиҷа Фазлиддин Фозилов ҷароҳати вазнин бардошта, ба беморхонаи шаҳри Исфара интиқол дода шуд”, - гуфта буд, Иқбол Тешаев.

Тайибаю Шукрона ҳамсинфони ҳамтақдир: ҳар ду дар марз тир хурдаанд. Аммо тирхурии Шукрона дар пайи муноқишаи марзӣ дар ҳолест, ки ахиран Тайиба Сафарова, як ҷавонзан ва ҳамсинфи мактабии ӯ низ дар моҳи декабри соли 2019 аз тири шикории ҷониби қирғизҳо маҷрӯҳ шуда буд.

Дар шарҳи ҳодисаи захминшавии ин сокини он замон 24 солаи деҳаи Сомониёни ҷамоати Чоркӯҳи Исфара мақомот гуфта буданд, ки "Тайиба Сафарова тақрибан соати 9:45 дақиқа аз хона барои овардани об баромада, ҳадафи тири камони шикорӣ қарор гирифтаст. Тир аз хонаи Файзулло Назаров, сокини деҳаи Қоқ-тоши Қирғизистон холӣ карда шудаст".

Тайиба Сафарова ҳамроҳ бо Шукрона Шаропова дар мактаби таҳсилоти миёнаи умумии № 25 и ҷамоати Чоркӯҳ таҳсил кардаанд. Аз он замон то ин ҷониб рухдоди муноқишаҳои марзиро як амали иғвобарангезонаи ҷониби қирғизҳо маънидод мекунанд.

Тоҷикистону Қирғизистон ду ҳамсоякишвар, ки то ба ҳол ба тақсими одилонаи хатти марз комёб нашудаанд. Даҳҳо километри марз миёни ин ду кишвар то ба ҳол муайян ва аломатгузорӣ нашуда боқӣ мондааст. Чунин номуайянӣ, то ин дам ба рухдоди муноқишаву танишҳо бар сари тақсими замину об дар марз боис шудааст.

47
Барчаспҳо:
саломатӣ, Исфара, марз, тир, Хуҷанд
Мавзуҳо:
То кай?: танишҳои марзӣ миёни Тоҷикистону Қирғизистон