Президент Республики Таджикистана Эмомали Рахмон

Идомаи сафари корӣ: ба истиқболи Раҳмон 2,5 ҳазор сокинон ноҳияи Зафаробод баромаданд

541
(Таҷдидшуда 10:33 22.08.2019)
Субҳи имрӯз сафари кории Эмомалӣ Раҳмон, раисҷумҳури Тоҷикистон ба вилояти Суғд идома ёфт

ДУШАНБЕ, 22 авг — Sputnik. Субҳи имрӯз Эмомалӣ Раҳмон, раисҷумҳури кишвар бо мақсади шиносоӣ бо вазъи зиндагии мардум ва ифтитоҳи як зумра иншооти дорои аҳамияти гуногун ба ноҳияи Зафарободи вилояти Суғд рафт.

Бино бар иттилои дафтари матбуоти раисҷумҳури Тоҷикистон, Президенти кишварро дар варзишгоҳи марказии ноҳия сокинони касбу кори гуногун, ҷавонон, дар маҷмӯъ зиёда аз 2500 нафар гарму самимӣ истиқбол намуданд.

Тавре манбаъ хабар додааст, дар доираи сафари кории худ ба ноҳияи Зафарободи вилояти Суғд Эмомалӣ Раҳмон аз нашъунамои пахта дар Хоҷагии деҳқонии “Камола” ва намоиши маҳсулоти кишоварзии хоҷагидорони ноҳия дидан намуд.

Хоҷагии деҳконии “Камола” соли 2014 таъсис ёфта, то ба имрӯз ба парвариш ва кишти зироати гуногуни кишоварзӣ, аз ҷумла пахта машғул мебошад.

Бо сафари Раҳмон Мастчоҳ чӣ гуна шуд - гузориши аксӣ

Бояд ёдовар шуд, ки дар Хоҷагии деҳконии “Камола” пахтаи навъи “Хуҷанд-67” парвариш карда мешавад ва саҳмдорон ҳамасола ҳосилнокии хуб ба даст меоранд.

Иттилоъ дода шуд, ки кишоварзони ноҳия дар нимсолаи аввал дар ҳамаи шаклҳои хоҷагидорӣ дар майдони 30 ҳазору 639 гектар кишт гузарониданд, ки аз он 5 ҳазору 767 гектар ғаллагиҳо, 14 ҳазору 354 гектар пахта, 1046 гектар дигар зироати равғандеҳ, 235 гектар картошка, 567 гектар сабзавот, 1223 гектар полезӣ ва дар майдони 7 ҳазору 443 гектар хӯроки чорво мебошанд.

Ҳамчунин манбаъ қайд намудааст, ки дар ин давра майдони 163 гектар заминҳои боир ба гардиши кишоварзӣ ворид карда шуда, дар ин самт корҳои фаҳмондадиҳӣ идома доранд. Танҳо дар шашмоҳаи аввали соли равон ҳаҷми умумии маҳсулоти кишоварзӣ дар ҳамаи шаклҳои хоҷагидорӣ ба 121 миллиону 882 ҳазор сомонӣ расидааст, ки нисбат ба ҳамин давраи соли гузашта 9 миллиону 417 ҳазор сомонӣ зиёд мебошад. Суръати афзоиш дар ин самт 108,4 фоизро ташкил медиҳад.

Эмомалӣ Раҳмон, раисҷумҳури Тоҷикистон барои боз ҳам зиёд намудани майдони кишти зироат аз ҳисоби заминҳои бекорхобида ва афзоиш додани номгӯи маҳсулоти содиротӣ ба масъулон дастуру супоришҳои мушаххас дод.

541
Барчаспҳо:
истиқбол, Суғд, сафари корӣ, Раисҷумҳур, Эмомалӣ Раҳмон, Тоҷикистон
Мавзуҳо:
Раисҷумҳури Тоҷикистон Эмомалӣ Раҳмон (222)
Партия наркотиков

Интиқоли маводи мухаддир аз Афғонистон ба Тоҷикистон 10% коҳиш ёфтааст

38
(Таҷдидшуда 13:01 27.09.2020)
Қисми зиёди маводи мухаддире, ки мехоҳанд ба қаламрави Тоҷикистон интиқол диҳанд, дар марз ё минтақаҳои наздисарҳадӣ бо Афғонистон мусодира карда мешаванд, қайд кард Агентии назорати маводи мухаддир.

ДУШАНБЕ, 27 сен — Sputnik. Дар ду соли охир ҳаҷми интиқоли маводи мухаддир аз Афғонистон ба Тоҷикистон дар масири шимол коҳиш ёфт, хабар медиҳад Агентии назорати маводи мухаддири ҷумҳурӣ.

Тибқи маълумоти расмӣ, аз соли 2017 то 2019 ҳаҷми интиқол аз 15 то 10% коҳиш ёфтааст.

"Интиқоли маводи мухаддир аз Афғонистон ба Тоҷикистон бо роҳи ба истилоҳ Масири Шимолӣ аз соли 2017 инҷониб аз 15 то 10% коҳиш ёфтааст.  Ин ба шарофати афзоиши назарраси назорат, аз сарҳад ва то ба тамоми минтақаҳои кишвар, имконпазир гардид ", - гуфта мешавад, дар гузориши оҷонсӣ "Дастовардҳои Тоҷикистон дар давраи татбиқи Стратегияи миллии мубориза бо гардиши ғайриқонунии маводи мухаддир дар Тоҷикистон барои солҳои 2013-2020".

Гуфта мешавад, ки аксари маводи мухаддире, ки онҳо мехостанд ба қаламрави Тоҷикистон интиқол диҳанд, дар марз ё минтақаҳои наздисарҳадӣ мусодира карда мешаванд.

Ҳамин тавр, соли 2019 дар ҷумҳурӣ беш аз 1,6 ҳазор килограмм маводи мухаддир мусодира карда шудааст, ки 48% аз он дар минтақаҳои наздисарҳадӣ мусодира шудааст.

Мақомот дигар мухаддирот намехаранд: Салимзода гуфт, чаро гардиши нашъа 2 тон кам шуд

Ин ниҳод қаблан гуфт, ки мақомоти ҳифзи ҳуқуқи Тоҷикистон давоми солҳои 2017-2020 35 гурӯҳи муташаккили ҷиноии трансмиллиро ошкор ва нест карда, инчунин 84 роҳбар ва аъзои фаъолро боздошт карданд.

38
Барчаспҳо:
Агентии назорати маводи нашъаовар, Афғонистон, Тоҷикистон
Министр культуры Узбекистана Озодбек Назарбеков

Вазири фарҳанги Ӯзбекистон Озодбек Назарбеков ба Тоҷикистон омад

190
Моҳи  равон якчанд мулоқотҳои ҳамаҷонибаи намояндагони расмии Ӯзбекистон ва Тоҷикистон идома хоҳад кард

ДУШАНБЕ, 27 сен — Sputnik. Намояндагони Ӯзбекистон бо роҳбарии Вазири фарҳанги ин кишвар Озодбек Назарбеков ба вилояти Суғд омаданд, менависад нашри минтақавии “SugdNews”.

Ба иттилои манбаъ, дар марз меҳмонони фахриро муовини вазири фарҳанги Тоҷикистон Обид Назаров ва муовини раиси вилояти Суғд Анвар Ёқубӣ пешвоз гирифтанд.

Гуфта мешавад, ҳадафи сафари гурӯҳи корӣ- рушди муносибатҳои фарҳангии дуҷонибаи Тоҷикистону Узбекистон, табодули таҷриба ва дурнамои ҳамкориҳои минбаъда мебошад.

Тибқи маълумоти пешакӣ, ҳайат ҳадди аққал ду рӯз дар Тоҷикистон хоҳад буд.

  26 сентябр намояндагони Узбекистон ба Хуҷанд ташриф оварданд ва як қатор чорабиниҳо санаи 27 сентябр дар Душанбе ба нақша гирифта шудааст.

Марзи Тоҷикистону Ӯзбекистон кай боз мешавад?

Ба ҳайати гурӯҳи меҳмонони ӯзбек сарвари Академияи рассомии Ӯзбекистон Акмал Нур, ректори Консерваторияи давлатӣ Камолиддин Уринбоев, директори Театри драма ва мазҳакаи ба номи Муқимӣ Мирзо Азизов ва дигар намояндагону зиёиён ва эҷодкорон шомиланд.

190
Барчаспҳо:
Озодбек Назарбеков, Ӯзбекистон, Тоҷикистон
Связка ключей от квартир многоэтажного жилого дома, архивное фото

Баъди 20 соли бехонагӣ: соҳибкорон ба Ҷонаковҳо аз номи Президент хона доданд

55
Оилаи Ҷонаковҳо баъди 20 соли бехонагӣ, ахиран дар шаҳри Леваканти вилояти Хатлон соҳиби манзили дуҳуҷрагӣ гардидаанд

ДУШАНБЕ, 27 сен — Sputnik. Оилаи Ҷонаковҳо, ки панҷ фарзанд доранд, аз сабаби бехонагӣ тайи 20 сол дар нуқтаҳои сузишворӣ, вагонҳои хоҷагии деҳқонӣ ва ба ин монанд дар бошишгоҳи саҳроӣ бо азобу машаққати зиёд зиндагӣ мекарданд, навиштааст сомонаи "Фараж".

Манбаъ хабар дод, ки зимни сафари ахири Эмомалӣ Раҳмон, раисиҷумҳури Тоҷикистон, ба шаҳри Левакант аз номи роҳбари давлат ба Ҷонаковҳо калиди хонаи дуҳуҷрагӣ дода шуд. Ин хонаро ба оилаи Ҷонаковҳо соҳибкорони хайрхоҳи вилояти Хатлон туҳфа карданд, илова намудаст нашрия.

Муҳаббат Ҷонакова, модари хонадон ба “Фараж”  гуфтааст, ҳеҷ бовар надошт, ки баъди солҳои зиёди сарсониву саргардонӣ дар вагонҳои вайрона ва бошишгоҳи саҳроӣ соҳиби манзили зист ва замин мешавад.

Зикр шудааст, ки инчунин раиси ноҳияи Кӯшониён, Вализода Икромиддин дар ҳудуди ҷамоати шаҳраки Бохтариёни ноҳия барои Ҷонаковҳо 0,05 га замини наздиҳавлигӣ ҷудо карда, ҳуҷҷатҳои замин низ бо супориши раиси ноҳия барои онҳо ройгон омода гардидаанд.

55
Барчаспҳо:
кумак, хона, Тоҷикистон