Иштироки Эмомалӣ Раҳмон, раисиҷумҳури Тоҷикистон дар мусобиқаи футболбозони наврас дар шаҳри Гулистон

Супориши Раҳмон ба масъулин барои ба роҳ мондани омӯзиши забонҳои русию англисӣ

450
(Таҷдидшуда 14:51 22.08.2019)
Эмомалӣ Раҳмон, раисҷумҳури Тоҷикистон дар идомаи сафари корӣ дар ноҳияи Зафарободи вилояти Суғд бинои Қасри фарҳанг ва кӯдакистони хусусиро ифтитоҳ кард

ДУШАНБЕ, 22 авг — Sputnik. Тавре дафтари матбуоти раисҷумҳур хабар додааст, Эмомалӣ Раҳмон, дар маросими ифтитоҳи бинои Қасри фарҳанги ноҳияи Зафаробод иштирок кард.

Бино бар иттилои манбаъ, бинои Қасри фарҳанг баъд аз таҷдид мавриди истифода қарор гирифт.

Бино бар иттилои манбаъ бинои Қасри фарҳанг аз ду ошёна иборат буда, дорои 9 толори омӯзишӣ ва маҳфилҳо, аз ҷумла маҳфили драма, сурудхонӣ, рубобнавозӣ, иттиҳоди дӯстдорони “Килки сабз”, карнайнавозӣ, доиранавозӣ, шашмақом, рақс, шоҳмот, толори васеъ барои гузаронидани чорабиниҳои фарҳангӣ бо 478 ҷойи нишаст, маҷлисгоҳ, китобхонаи бачагона, осорхона ва дигар ҳуҷраҳои ёрирасон мебошад.

Дафтари матбуоти Президент хотиррасон шудааст, ки бинои Қасри фарҳанг дар маркази ноҳияи Зафаробод ҳанӯз соли 1971 бунёд гардида, бо сабаби солҳои зиёд хизмат намудан фарсуда шуда, ба таъмири асосӣ ниёз пайдо карда буд.

Сипас дар толори Қасри фарҳанг Эмомалӣ Раҳмон, роҳбари кишвар барномаи консертии аҳли фарҳанги ноҳияро, тамошо кард.

Инчунин, манбаъ қайд намудааст, ки дар ҳамин ҷо аз номи Эмомалӣ Раҳмон, раисҷумҳури кишвар ба аҳли фарҳанги ноҳия асбобҳои мусиқӣ тақдим карда шуд.

Баъд аз ифтитоҳи қасри фарҳанг Эмомалӣ Раҳмон дар як маросими тантанавӣ бинои нави кӯдакистони хусусии “Афсона”-ро барои 200 нафар кӯдак ифтитоҳ намуд.

Эмомалӣ Раҳмон дар муассисаи навбунёди таҳсилоти томактабӣ барои беҳтар сохтани сатҳу сифати таълиму тарбия дар муассисаҳои таҳсилоти томактабӣ, инкишофи зеҳнии кӯдакон, ба роҳ мондани омӯзиши забонҳои русию англисӣ ва муҳимтар аз ҳама, дар рӯҳияи хештаншиносӣ тарбия намудани онҳо ба масъулон дастуру супоришҳои мушаххас дод.

Ҳамзамон манбаъ зикр намудааст, ки муассисаи таҳсилоти томактабии хусусии “Афсона” аз ҷониби соҳибкори маҳаллӣ Шаҳло Кенҷаева бунёд гардида аст. Барои таълиму тарбияи хонандагон омӯзгорони ботаҷриба ҷалб карда шуда, таҳсил бо се забон — тоҷикӣ, русӣ ва англисӣ сурат мегирад.

Давоми солҳои соҳибистиқлолӣ дар марказ ва деҳоти ноҳияи Зафарободи вилояти Суғд 6 муассисаи таҳсилоти томактабӣ бо фарогирии 1000 нафар кӯдак мавриди баҳрабардорӣ қарор гирифт.

Инчунин манбаъ қайд намудааст, ки дар доираи корҳои ободонӣ то ҷашни 30 — солагии Истиқлолияти Тоҷикистон дар ноҳия бунёду навсозии боз 2 кӯдакистони дигар ба нақша гирифта шудааст.

450
Барчаспҳо:
кӯдакистон, консерт, Қасри фарҳанг, сафари корӣ, ифтитоҳ, Эмомалӣ Раҳмон, Тоҷикистон
Мавзуҳо:
Раисҷумҳури Тоҷикистон Эмомалӣ Раҳмон (222)
Топор, архивное фото

Ба манзилаш бурд ва се маротиба бо табар ба гарданаш зад: куштор дар Суғд

155
(Таҷдидшуда 18:58 26.10.2020)
Вазорати умури дохилаи Тоҷикистон аз дастгир шудани сокини ноҳияи Бобоҷон Ғафуров ба ҷурми одамкушӣ, хабар медиҳад

ДУШАНБЕ, 26 окт — Sputnik. Бино ба гузориши Вазорати умури дохилаи Тоҷикистон, дар паи баргузории чорабиниҳои оперативӣ-ҷустуҷӯӣ аз ҷониби кормандони милитсия марди 38-солаи сокини ҷамоати деҳоти Исфисори ноҳияи Б.Ғафуров ҳамчун гумонбар дар содир намудани ҷинояти одамкушӣ дастгир карда шуд.

Гуфта мешавад, номбурда, рӯзи 21-уми октябр, дар бозори воқеъ дар маҳаллаи Гулистони шаҳри Хуҷанд, бо марди 32-солаи сокини ҷамоати деҳоти Исфисор вохӯрдааст.

Онҳо дар яке аз ошхонаҳои бозори "Панҷшанбе" хӯрок ва нӯшокии спиртӣ истеъмол намуда, дар ҳолати мастӣ ба хонаи истиқоматии марди 38-сола рафтаанд.

Боздошти Муминов барои қатли тағои 70-солааш: хонаро ба ӯ нею ба додараш додааст-видео

Ба иттилои ВКД, дар аснои даъвои маблағи пулӣ муноқиша ба миён омадааст, ки марди 38-сола аз анборхонааш табарро гирифта, 3 маротиба ба гардан ва сари марди 32-сола задааст.

"Дар натиҷа, номбурда ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст", - омадааст дар хабарнома.

Манбаъ афзуда, ки нисбати гумонбаршаванда парвандаи ҷиноятӣ бо моддаи 104 қисми 1 Кодекси ҷиноятии  Тоҷикистон оғоз шуда, тафтишот идома дорад.

155
Барчаспҳо:
боздошт, ВКД, Суғд, куштор
Арбитр показывает красную карточку на футбольном матче. Архивное фото

Яке ҳарифашро бо мушт заду дуюмӣ даъвои беасос кард: ҷаримаи футболбозони Суғд

56
(Таҷдидшуда 19:22 26.10.2020)
Кумитаи назорат ва одоби Федератсияи футболи вилояти Суғд зимни баргузории ҷаласа, нисбати варзишгоҳи “Ҷавонӣ” ва футболбозони дастаи “Пахтакор” - и ноҳияи Ҷаббор Расулов ва “Зарафшон” - и шаҳри Панҷакент муҷозот таъйин кард

ДУШАНБЕ, 26 окт – Sputnik. Бозӣ миёни дастаҳои "Пахтакор" ва "Зарафшон" рӯзи 24 октябр бо ҳисоби 3:1 ба поён расид, вале миёни футболбозон ҷанҷол бархост.

Аҳлиддин Юнусов, котиби Федератсияи футболи Суғд дар суҳбат ба Sputnik Тоҷикистон гуфт, муноқишаи бархоста дар вақти баргузории бозии футбол миёни дастаҳои "Пахтакор" ва "Зарафшон" имрӯз зери роҳбарии Хуршед Зоидов, сардори Кумитаи интизомӣ-назоратии ФФ Суғд, мавриди баррасӣ қарор гирифта, ба футболбозон барои вайрон намудани одоби варзишӣ ҷарима муқаррар намудааст.

Бо қарори Кумитаи интизомӣ – назоратӣ, барои вайрон кардани моддаи 8 банди 16, яъне таъмин накардани тартиботи ҷамъиятӣ, бехатарии дастаҳо, тамошобинон, аъзои гурӯҳи доварон дар варзишгоҳ то анҷом ва баъди бозӣ, варзишгоҳи "Ҷавонӣ - и ноҳияи Ҷ. Расулов аз гузаронидани як бозӣ ва ба миқдори 500 сомонӣ муҷозот шуд.

Дастаи "Сипар" - и Хуҷанд нахустин бор қаҳрамони Тоҷикистон шуд

Ҳайитбой Отаҷонов бозингари дастаи "Пахтакор", барои зарба задани ҳариф бо мушт, аз панҷ бозӣ маҳрум ва нисбаташ 300 сомонӣ ҷарима таъйин карда шудааст.

Инчунин мураббӣ бозингари дастаи "Зарафшон", Камолиддин Ҷурабоев, барои вайрон намудани одоби варзишӣ, гуфторҳои гайримантиқӣ, даъвои беасос бар асоси моддаи 8 банди 19 аз се бозии тақвимӣ маҳрум ва дар ҳаҷми 500 сомонӣ муҷозот шудааст.

56
Барчаспҳо:
футбол, ҷарима, Суғд