Кинопленка, архивное фото

"Роҳ" - и занони зиндонӣ, бо оҳанги Далер Назаров: дар Тоҷикистон филми нав ба навор гирифтанд

394
(Таҷдидшуда 12:14 26.08.2019)
Филми нави Носир Саидов таҳти унвони "Роҳ" ба навор гирифта шуд

ДУШАНБЕ, 26 авг — Sputnik. Коргардони шинохтаи тоҷик Носир Саидов филми навбатии худро бо номи "Роҳ" рӯйи навор овардааст.

Дар ин бора ба мухбири АМИТ "Ховар" бо такя ба Муассисаи давлатии "Тоҷикфилм" иттилоъ медиҳад.

Бино ба иттилои манбаъ, муаллифи филмнома Сафар Ҳақдодов буда, он дар бораи рӯзгори бонувоне қисса мекунад, ки баъди адои ҷазои тӯлонӣ аз маҳбас баромадаанд.

Зикр карда шуд, ки  қаҳрамонҳои асоси филми "Роҳ" заноне ҳастанд, ки бо ҷурмҳои мухталиф паси панҷара нишастаанд ва ҷомеа нисбат ба занони маҳбусбуда чӣ бархурд нишон медиҳад. Зеро дар ҷомеаи мо барои мардум маҳбусӣ шудани зан як даҳшат ҳисобида мешавад. Барои бинанда зиндагии минбаъдаи ин гуна занон муаммост.

Дар   филм  нақшҳои асосиро ҳунармандони шинохтаи ҷумҳурӣ Зулфия Содиқова, Мавлона Наҷмиддинова, Ниссо Муҳаммадҷонова, Аловуддин Абдуллоев ва Абдукарим Машрабов бозидаанд.

Алексей Мячиков, ки тӯли чанд сол аст бо коргардон Носир Саидов ҳамкорӣ дошта, дар филмҳои "Муаллим" ва "Оинаи беҷило" чун коргардони дуюм ифои вазифа намудааст, мегӯяд, ки "мушкили рақами як барои филмофарон - ин пайдо кардани ҳунармандони нав дар мамлакат аст. Зеро яке аз меъёрҳои мавҷуда дар филм пайдо кардани чеҳраи нав мебошад. Хушбахтона, мо кӯшиш намудем, ки дар филми "Роҳ" бо дарназардошти омилҳои мавҷуда чеҳраҳои навро интихоб намоем. Ба монанди ҳунармандони ҷавон Мунира Зоирова ва Ҷовидон Маҳмадов, ки дар Русия мактаби ҳунарпешагиро хонда, имрӯз барои нақш офаридан ба кино ҷалб шудаанд".

Зикр гардид, ки  дар баробари Алексей  Мячиков барои офаридани филми "Роҳ"  Александр Голупсов ва Татяна Помисова низ барои сабти овоз ва пардозгарӣ аз шаҳри Москав даъват шудаанд. Онҳо  бори аввал аст, ки бо филмофарони тоҷик ҳамкорӣ мекунанд.

Бояд гуфт, ки муаллифи филмномаи "Роҳ" Сафар Ҳақдодов, коргардон Носир Саидов, наворбардор Георгий Дзалаев буда, филм дар вилояти Суғд ва шаҳри Душанбе наворбардорӣ шудааст. Оҳангсози филми мазкур Далер Назаров буда, тадвингари он Диловар Султонӣ мебошад.

394
Барчаспҳо:
"Тоҷикфилм", роҳ, филм, Суғд, Душанбе, Тоҷикистон
Люди в масках в городе

Эълони омори тозаи сироят, фавт ва шифоёбӣ аз коронавирус дар Тоҷикистон

627
(Таҷдидшуда 19:58 09.08.2020)
Вазорати тандурустии Тоҷикистон хабар медиҳад, ки дар як шабонарӯзи охир 45 нафар аз бемории коронавирус шифо ёфта, ба хонаҳояшон рухсат дода шуданд

ДУШАНБЕ, 9 авг — Sputnik. Вазорати тандурустии Тоҷикистон иттилоъ медиҳад, ки дар давоми 24 соати гузашта, 89 нафар гумонбарон зери назорати табибон қарор дошта, 45 нафар баъд аз муолиҷа ба хонаҳояшон рухсат дода шуданд.

Тибқи иттилои ин ниҳод, дар як шабонарӯзи охир дар ҷумҳурӣ 40 ҳодисаи нави бемории COVID-19 дарёфт гардида, дар маҷмӯъ шумораи гирифторони ин беморӣ ба 7785 нафар баробар гардид.

"То санаи 9 август дар мамлакат 6573 (84,4%) нафар аз бемории COVID-19 шифо ёфта, бар асари он 62 нафар фавтидаанд", - омадааст дар хабарнома.

Вазорат ёдоварӣ карда, ки  Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намудаистодаанд.

Ин ниҳод даъват карда, ҷиҳати пешгирии сирояти мазкур пеш аз ҳама қоидаҳои беҳдошти шахсиро қатъиян риоя намоянд, зеро, дар урфият беҳуда нагуфтаанд, ки табиби ҳар шахс худи ӯст.

627
Барчаспҳо:
вируси нав, омор, Тоҷикистон, Вазорати тандурустӣ
Мавзуҳо:
Пайомадҳои COVID-19 дар Тоҷикистон ва ҷаҳон
Российской военно-транспортной авиации 89 лет

Андӯҳи маорифи Хуҷанд аз даргузашти мудири кӯдакистон аз беморӣ

1185
Даргузашти нобаҳангоми Маърифатхон Ризоева, мудири кӯдакистон аҳли маорифчиёни Хуҷандро андуҳгин намудааст. Ризоева субҳи 8 август бар асари бемории саратон дар бемористони Хуҷанд ҷон ба Ҳақ супурдааст

ДУШАНБЕ, 9 авг – Sputnik. Идораи маорифи шаҳри Хуҷанд аз даргузашти Маърифатхон Ризоева, мудири кӯдакистони № 37 ҳамдардии амиқи худро изҳор намуда ба аҳли пайвандони марҳум сабри ҷамил хостааст.

"Шуъбаи маорифи Мақомоти иҷроияи ҳокимияти давлатии шаҳри Хуҷанд аз марги нобаҳангоми бонуи равшанзамир, шахси наҷибу нексиришт, Аълочии маорифи Тоҷикистон Маърифатхон Ризоева сахт андуҳгин буда, ба аҳли байт ва пайвандони марҳум изҳори ҳамдардӣ намуда, аз даргоҳи Худованд барояшон сабри ҷамил мехоҳад”, - гуфта шудааст дар тасаллиятнома.

Бино ба иттилоъи манобеъи Sputnik Тоҷикистон, Маърифатхон Ризоева ҳамагӣ 47 сол (1937 таваллуд шудааст) дошта, баъд аз хатми мактаби миёна дар Коллеҷи омӯзгории Хуҷанд ва Донишкадаи иқтисодии Тоҷикистон таҳсил карда, дорои ихтисосҳои омӯзгори синфҳои ибтидоӣ, ҳуқуқшинос, равоншинос ва мутахассиси муассисаҳои томактабӣ гардидааст.

"Руҳат шод бод, бародари азиз": таассуфи Шабнами Сурайё аз даргузашти Баҳром Ғафурӣ -навор

Фаъолияти кории худро дар кӯдакистони №33 и Хуҷанд оғоз намуда, баъдан ба ҳайси мушовири муассисаҳои томактабии шуъбаи маориф, мудири кӯдакистонҳои №7 ва 37 идома додааст.

67 – сола: даргузашти Мирзобек Каримов, собиқ сардори БДА – и Душанбе ва Суғд

Бар пояи иттилоъи Идораи маорифи Хуҷанд ӯ барои саҳми назаррас дар раванди таълиму тарбияи насли наврас борҳо бо ҷоизаҳо аз ҷумла бо унвони “Аълочии маорифи Тоҷикистон” қадршиносӣ гардидааст.

1185
Барчаспҳо:
даргузашт, ҳамдардӣ, Хуҷанд

Бомбандози Су-27 ду ҳавопаймои ҷосусии Амрикоро забт кард - видео

0
(Таҷдидшуда 18:56 09.08.2020)
Бомбандози Русия СУ-27 ду ҳавопаймои ҷосусии Амрикоро дар манотиқи бетарафи Баҳри Сиёҳ, забт кард. Низомиёни Амрикоро Қувваҳои дифоъи ҳавоии Русия ошкор карданд ва ба ҳаво бархостанд

"Экипажи бомбандози Русия оҳиста -оҳиста ба ҳавопаймо наздик шуда, онҳоро чун ҳавопаймои ҷосусии - RC-135 ва Р 8А "Посейдон" муайян кард. Нақзи марзи давлатии Федератсияи Русия аз ҷониби ҳавопаймоҳои ҷосусии Амрико иҷозат дода намешавад", - гуфт Вазорати дифоъи Русия.

Ин дуюмин қазияи ҳавоӣ дар масири Баҳри Сиёҳ мебошад. Бори аввал СУ-27 - RC-135 ва Р 8А "Посейдон" - ро ҳафтае пеш забт карда буд. Иғвогарӣ дар сарҳади Русия ҳамоно бештар мешавад.

Миёнаҳои моҳи июл бомбандозони Русия аз болои Баҳри Сиёҳ ду ҳавопаймои ҷосусӣ - боз ҳам ҳамон - Р 8А "Пасейдон" ва U-2S забт карданд.

Моҳи июн Қувваҳои ҳавоии Русия бомбандозони ИМА B-52H-ро забт карда буданд. Онҳоро ҳавопаймоҳои Су-30, Су-35 ва МиГ-31 ҳамроҳӣ карданд.

Моҳи май халабонони Русия бомбандози ИМА B-1B - ро дар масири Баҳрҳои Сиёҳ ва Балтик забт карда буданд.

Пас аз ҳар амали иғвогарона амрикоиҳо Русияро бидуни ҳеҷ далел, дар рафтори ношоям гунаҳкор мекунанд.

Вазорати дифоъи Русия ин айбдориро беасос мехонанд ва қайд мекунанд, ки доим тибқи меъёрҳои байналмилалӣ амал менамоянд.

Ин амалҳои иғвогарона авзоъи минтақаро муташанниҷ мегардонад. Вале бад шудани вазъият ва натиҷаҳои бебозгаштро танҳо бо касбияти халабонони Русия мешавад бартараф кард.

 

 

 

 

 

 

 

 

0
Барчаспҳо:
халабон, ҳавопаймо, Русия