Эмомали Рахмон в Бальджувонском районе Хатлонской области сдал в эксплуатацию автомобильную дорогу Кангурт — Бальджувон — Ховалинг

Раҳмон ба таҷдиду сохтмони роҳи мошингарди Кӯлоб-Муъминобод ҳусни оғоз бахшид

878
Субҳи имрӯз сафари кории Эмомалӣ Раҳмон ба ноҳияи Муъминободи вилояти Хатлон оғоз ёфт ва нахуст аз маросими оғози таҷдиди роҳи автомобилгарди Кӯлоб-Муъминобод шурӯъ шуд

ДУШАНБЕ, 10 сен — Sputnik. Эмомалӣ Раҳмон, раисҷумҳури Тоҷикистон зимни сафари корӣ ба ноҳияи Муъминобод нахуст аз иштирок дар маросими Лоиҳаи “Таҷдиди роҳи автомобилгарди Кӯлоб-Муъминобод” оғоз кард.

Дар ин бора дафтари матбуоти раисҷумҳури кишвар хабар додааст.

Бино бар иттилои манбаъ, масъулин ба раисҷумҳури Тоҷикистон Эмомалӣ Раҳмон иттилоъ доданд, ки тарҳи мазкур дар доираи марҳилаи сеюми “Таъмиру таҷдиди роҳҳои автомобилгард дар Тоҷикистон” амалӣ карда мешавад.

Иҷрои ин лоиҳа, 214,4 миллион сомонӣ пешбинӣ гардидааст. Таъмиру навсозии 35 километр роҳ ва таҷдиди 6 пул низ дар доираи ҳамин лоиҳа сурат хоҳад гирифт.

Раҳмон: он рӯз дур нест, ки Тоҷикистон ба давлати нерӯманду пешрафта табдил меёбад

Тавре манбаъ қайд намудааст роҳи автомобилгади Кӯлоб-Муъминобод аҳамияти ҷумҳуриявӣ дошта, давоми солҳои зиёд навсозӣ нашуда буд. Аз ин рӯ, ҳолати имрӯзаи ин роҳ ба талабот ҷавобгӯ нест ва боиси масрафоти зиёди роҳистифодабарандагон низ мегардид.

Дар асоси дастуру раисҷумҳур, таҷдиди ин қисмати роҳ оғоз гардид, ки нишонаи возеҳи татбиқи муваффақонаи стратегияи баровардани кишвар аз бунбасти коммуникатсионӣ ва табдил додани ҷумҳурӣ ба қаламрави воҳиди транзитӣ арзёбӣ мегардад.

Президент Республики Таджикистан Эмомали Рахмон
© Официальная страница пресс-службы президента РТ в Facebook.

“Бояд зикр кард, ки ноҳияи Муъминобод аз минтақаҳои муҳими сайёҳии ҷумҳурӣ ба ҳисоб рафта, яке аз мавзеъҳои ташрифи сайёҳони хориҷӣ маҳсуб меёбад. Аз ин хотир, ташкили инфрасохтори сайёҳиву бунёди роҳҳои ҷавобгӯ ба стандартҳои ҷаҳонӣ кафолати ҷалби бештари сайёҳони дохиливу хориҷӣ мебошад”, - зикр намудааст дафтари матбуоти раисҷумҳур.

Ҳамзамон манбаъ қайд намудааст, ки аснои иштирок дар маросими оғози Лоиҳаи “Таҷдиди роҳи автомобилгарди Кӯлоб-Муъминобод”, Эмомалӣ Раҳмон масъулонро барои бо суръату сифати баланд анҷом додани сохтмону азнавсозии роҳи мазкур вазифадор кард.

878
Барчаспҳо:
ноҳияи Муъминобод, маросим, роҳ, таҷдиди роҳ, Раисҷумҳур, Эмомалӣ Раҳмон, Тоҷикистон
Мавзуҳо:
Раисҷумҳури Тоҷикистон Эмомалӣ Раҳмон (222)
Город Худжанд, архивное фото

Кам шуд, аммо ҳанӯз ҳаст: бӯи ғализ дар Хуҷанд кай бартараф мешавад?

5
(Таҷдидшуда 15:15 08.08.2020)
Сокинони шаҳри Хуҷанд мегуянд, ҳанӯз мушкили олудаги ҳаво бартараф нашудааст. Ин дар ҳолест, ки ахиран раиси Хуҷанд сарчашмаи паҳншавии бӯи ғализ дар шаҳрро гуфта буд

ДУШАНБЕ, 8 авг – Sputnik. Сокинони маҳаллаҳои соҳили рости руди Сир дар Хуҷанд мегуянд, то ба ҳол мушкили паҳншавии бӯи ғализ дар шаҳр ҷой дорад.

Нуриддин Шарифов як сокини маҳаллаи 17-уми Хуҷанд дар сӯҳбат ба Sputnik Тоҷикистон гуфт, ки ба ҳангоми вазидани шамол бӯи бад ба кӯчаву манзили онҳо паҳн мешавад.

“Дар гармои тобистон ҳама вазидани шамолро интизор мешаванд, аммо аз вазидани шамол мо дилгир мешавем, зеро дар вақти шамоли форам бӯи бад маҳаллаи моро фаро мегирад”, гуфт ӯ.

Як сокини дигари Хуҷанд аз маҳаллаи 8-ум ҳам зикр кард, ки шому саҳар ба ҳангоми вазидани шамол бӯю тафи бад ҳавои хонаю дари онҳоро олуда месозад. Ин сокини Хуҷанд гуфт, ин мушкил чанд вақт ба ин тараф ҳалношуда боқӣ мондааст.

“Паҳншавии бӯи бад дар шаҳр, назар ба як моҳи пеш нисбатан камтар шудааст, аммо ҳанӯз пурра бартараф нашудааст”, таъкид кард, ҳамсуҳбати мо.

Ин дар ҳолест, ки рӯзи 15-уми июл Маъруф Муҳаммадзода, раиси шаҳри Хуҷанд дар нишасти матбуотӣ манбаъи паҳншавии бӯи ғализ дар маҳаллаҳои Хуҷандро ошкор кард.

Муҳаммадзода таъкид кард, ки бӯи бад дар Хуҷанд аз ҳисоби порӯи мурғхонаҳое паҳн мешавад, ки дар ҳудуди маҳаллаҳои ноҳияи ба номи Бобоҷон Ғафуров сохта шудаанд.

"Паҳни бӯи бад дар шаҳр мо ҳама маъмурони шаҳрро нигарон кардааст. Мо оиди ин масъала 10-12 рӯз ба ин тараф машғул ҳастем. Гурӯҳҳои корӣ иборат аз кормандони санитарию эпидемологии шаҳр, Раёсати экология вилоят маълум намуданд, ки дар мавзеъҳои доманакӯҳи шаҳр, воқеъ дар ҳудуди ноҳияи Бобоҷон Ғафуров аз ҷониби баъзе ашхос фермаҳои мурғпарварӣ ташкил карда шуда ва порӯи чунин фермаҳо дар фазои кушод нигоҳ дошта мешудааст, ки ба ҳангоми вазидани шамол ба микроноҳияҳои шаҳр паҳн мегардад", - гуфт раиси шаҳри Хуҷанд.

Раиси шаҳри Хуҷанд он замон гуфта буд, ки унвонии Зариф Назирӣ, раиси ноҳияи Бобоҷон Ғафуров ва сардори Раёсати ҳифзи муҳити зисти вилояти Суғд мактуб ирсол намудаанд, то ин масъаларо ба баррасӣ гиранд.

Аммо бо гузашти қариб як моҳ ҳамоно паҳншавии бӯи ғализ дар Хуҷанд бартараф нашудааст ва сокинон аз ин вазъ изҳори нигаронӣ мекунанд. Воқеан порӯи мурғхонаҳо ҳавои шаҳрро олуда мекунад, ё чизи дигар? Оё бӯи ғализ дар Хуҷанд кай бартараф мешавад?

5
Барчаспҳо:
шикоят, Маъруф Муҳаммадзода, сокинон, бӯйи бад, Хуҷанд, Тоҷикистон
Тонущий человек, архивное фото

Яке худкушӣ карду дигаре аз беэҳтиётӣ ғарқ шуд: фавти бону дар Язгулому ҷавон дар Рашт

36
(Таҷдидшуда 14:58 08.08.2020)
Кумитаи ҳолатҳои фавқулодаи Тоҷикистон аз ду ҳодисаи нохуш хабар медиҳад, ки боис ба фавти духтари 20 - сола ва ҷавони 29 - сола гардид

ДУШАНБЕ, 8 авг – Sputnik. Дар ҷамоати деҳоти Язгуломи ноҳияи Ванҷ ҷавондухтари 20 - сола ғарқи об шудааст. Бар хабари Раёсати Кумитаи ҳолатҳои фавқулода дар Бадахшон, ҳодисаи мазкур рӯзи 7 - уми август, тақрибан соати 13:30 дақиқа рух додааст.

"Бонуи 20 - сола дар дарёи Язгулом оббозӣ карда ғарқ шудааст", - гуфта мешавад дар хабр.

Таъкид мегардад, ки ҷустуҷӯи ҷасади ҷавондухтар зиёд тӯл накашида, ӯро соати 14:35 дақиқа поинтар аз Дашти Язгулом пайдо ва ба наздиконаш супурданд.

Зимнан, кумитаи мазкур аз як ҳодисаи нохуш хабар медиҳад, ки ба марги ҷавони 29 - сола анҷомид.

КҲФ: дар кӯлу ҳавзҳои Тоҷикистон 28 нафар ғарқ шуданд: 9 ноболиғ

Ҳодисаи мазкур рӯзи 6 - уми август рух додааст. Ҷавони 29-сола бо қасди хуркушӣ кардан худро дар деҳаи Сайрон аз болои пул ба Сурхоб ҳаво дод.

Гуфта мешавад, марҳум аслан сокини ҷамоати Нушор буда, дар натиҷаи як муноқишаи хонаводагӣ даст ба худкушӣ задааст. 

Корҳои ҷустуҷӯӣ муддати ду рӯз идома доштанд ва дирӯз соати 11:13 дақиқа Дастаи наҷоти Кумитаи ҳолатҳои фавқулода дар ноҳияи Рашт ҷасади ӯро 12 километр дуртар аз ҷойи ҳодиса пайдо ва ба хешоандонаш супурданд.

36
Барчаспҳо:
Рашт, Язгулом, ғарқ, дарё