Пыльная буря в Душанбе

Ҳушдори обуҳавошиносон: чангу ғубор ва якбора то 7-9 дараҷа паст шудани ҳарорати ҳаво

81
Обуҳавошиносон ба таваҷҷуҳи сокинони кишвар мерасонад, ки рӯзҳои наздик ҳаво дар ҷумҳурӣ якбора номусоид шуда, рӯзона дар маҳалҳо ҳарорат метавонад то 7-9 дараҷа паст шавад

ДУШАНБЕ, 10 сен — Sputnik. Бино бар иттилои маркази обуҳавосанҷии Тоҷикистон, дар вилояти Хатлон ва ноҳияҳои тобеи ҷумҳурӣ, ба истиснои ВМКБ эҳтимол сар задани чангу ғубор ба назар мерасад.

Дар  шаҳри Душанбе ҳаво тағйирёбандаи абрнок ва бебориш шуда, ҳаво шабона 12+14 ва  рӯзона 26+28  дараҷа гарм мешавад.

Дар шаҳру ноҳияҳои тобеи марказ ҳавои тағйирёбандаи абрнок, дар минтақаҳо бебориш, дар баъзе ноҳияҳои кӯҳӣ борони кӯтоҳмуддат ва раъду барқ пешгӯӣ мешавад. Ҳаво  дар водиҳо  шабона 11+16  ва рӯзона 24+29  дараҷа гарм мешавад. Дар  ноҳияҳои кӯҳӣ ҳаво шабона 9+14 ва рӯзона 20+25 дараҷа гарм мешавад.

Дар Вилояти Мухтори Кӯҳистони Бадахшон ҳавои тағйирёбандаи абрнок ва дар баъзе минтақаҳо борони кӯтоҳмуддат меборад. Ҳаво дар ғарби вилоят шабона 6+11 ва рӯзона 22+27 дараҷа  гарм мешавад. Дар шарқи вилоят  ҳаво шабона аз 1 дараҷа хунук то 4 дараҷа гарм ва  рӯзона 9+14  дараҷа  гарм мешавад.

Дар вилояти Суғд ҳавои тағйирёбандаи абрнок, дар минтақаҳо боридани борони кӯтоҳмуддат, дар баъзе ноҳияҳои кӯҳӣ борони кӯтоҳмуддат ва раъду барқ пешгӯӣ мешавад. Ҳаво дар водиҳо шабона 10+15 ва рӯзона 19+24 дараҷа гарм мешавад. Дар ноҳияҳои кӯҳӣ ҳаво шабона 6+11  ва   рӯзона  13+18  дараҷа гарм мешавад.

Дар вилояти Хатлон  ҳаво камабри  бебориш шуда, ҳаво дар водиҳо шабона 14+19 ва рӯзона 26+31  дараҷа гарм мешавад. Дар  доманакӯҳҳо ҳаво шабона 11+16 ва рӯзона 21+26  дараҷа гарм мешавад.

81
Барчаспҳо:
Ожонси обуҳавошиносӣ, ҳароратӣ, паст шудани ҳарорати ҳаво, чангу ғубор, обу ҳаво, Тоҷикистон
Раиси шаҳри Исфара ба аёдати сокинон рафт

Занг зан: раиси шаҳр рақами телефонашро ба духтараки ятим дод

230
(Таҷдидшуда 17:29 23.01.2021)
Раиси шаҳри Исфара ба аёдати хонаводае, ки дар он духтараки ятиме ба сар мебарад рафт, ба ӯ ҳадяҳо дод ва ҳамзамон гуфт, ки метавонад аз мушкилиҳояш шахсан ба ӯ занг занад ва хабар диҳад

ДУШАНБЕ, 23 янв — Sputnik. Шаҳрдори Исфара ба духтараки ятиме рақамҳои телефонашро дод, то дар ҳолати пешомади мушкилоте мустақиман ба худи ӯ муроҷиат намояд. Дар ин бора дафтари матбуоти раиси шаҳри Исфара хабар медиҳад.

Гуфта мешавад, иҷрокунандаи вазифаи раиси шаҳри Исфара Баҳоваддин Баҳодурзода дар раванди сафари кории хеш ба ҷамоати деҳоти Лаккон аз аҳволи духтараки ятиммонда Тоҷибоева Гулсанам пурсон шуд ва ба дидорбиниву аёдати ӯ рафт.

Гулсанам Тоҷибоева хонандаи синфи 8-уми муассисаи таълимии №54 буда, барвақт аз меҳру муҳаббати падару модараш маҳрум мондааст ва айни замон тарбияти ӯро модаркалонаш ба зимма дорад.

"Баҳоваддин Баҳодурзода зимни суҳбати самимонае, ки бо Гулсанам дошт, аз ҳолу шароити зист, раванди таҳсил ва мушкилоту эҳтиёҷмандиаш пурсид, бо шароити зисту зиндагонии ӯ шахсан шинос шудаву дастовезҳои бо худ овардаашро ҳадя кард. Омодагии роҳбарияти шаҳрро ҷиҳати мусоидат барои ҳалли саривақтии ҳамагуна мушкилоту эҳтиёҷмандиаш баён намуд", - менависад манбаъ.

Гуфта мешавад, дар интиҳои аёдату суҳбати самимона ба Гулсанам рақами телефони мобилии худ ва ҳам роҳбари дастгоҳи раиси шаҳрро дод, то дар ҳолати пеш омадани мушкилу муаммое бевосита ба худи ӯ муроҷиат намояд.

230
Автобусы в городе Худжанд

Дар шаҳри Хуҷанд вазъи COVID-19 ба эътидол омад: мақомот пурра маълумот доданд

50
(Таҷдидшуда 17:28 23.01.2021)
Мақомоти шаҳри Хуҷанд аз ба эътидол омадани вазъи сироятёбии аҳолии шаҳр ба бемориҳои илтиҳоби шадиди шуш ва коронавируси нави COVID-19 хабар дод

ДУШАНБЕ, 23 янв — Sputnik. Тахмина Усмонова, сардори Маркази назорати давлатии санитарию эпидемиологии шаҳри Хуҷанд дар ҷаласаи ҷамъбастӣ оид ба натиҷаҳои фаъоляит дар соли 2020  таъкид доштааст, ки новобаста аз норасоиҳову камбудиҳо ва мушкилиҳо, мутахассисони соҳаи санитарӣ то имрӯз вазифаву ӯҳдадориҳое, ки Ҳукумати Тоҷикистон пеши онҳо гузоштааст, софдилона иҷро менамоянд.

“Барои пешгирӣ ва мубориза бо бемории сироятии Ковид-19 аз тарафи Мақомоти шаҳри Хуҷанд ба маблағи 460 ҳазор сомонӣ ҷудо карда шуда, харидории корҷомаҳо, дастпушак, ниқоб, респиратор, антисептик, сўзишворӣ барои гузаронидани корҳои безарагардонӣ, маводҳои безараргардонӣ таъмин карда шуданд”, - таъкид доштааст Тахмина Усмонова.

Вай ҳамчунин қайд кардааст, ки бо дастгирии маркази назорати давлатии санитарию эпидемиологии вилояти Суғд 9 900 кг маводи гипохлориди натрий захира ва истифода бурда шуд.

“Инчунин баҳри дарёфти саривақтии беморон ва гумонбарон бо Ковид-19 5860 адад тестҳои оҷилӣ дастрас ва истифода карда шуд”, - гуфт сардори Маркази назорати давлатии санитарию эпидемиологии шаҳри Хуҷанд.

Тахмина Усмонова афзуд, ки аз тарафи шуъбаи гигиенаи коммуналӣ дар соли 2020 114 адад протоколҳои ҳуқуқвайронкунии маъмурӣ нисбати шахсони масъули ба камбудиҳо роҳ дода тартиб дода шуда, онҳо ба маблағи 19632 сомонӣ ҷаримабандӣ шуданд.

Аз тарафи шуъбаи гигиенаи кӯдакон ва наврасон дар соли сипаришуда 125 муассисаҳои зериназоратӣ бо муоина фаро гирифта шуда, 20 адад протоколҳои ҳуқуқвайронкунии маъмурӣ тартиб дода шуда, ба маблағи 8846 сомонӣ ҷарима гардидаанд.

Ҳамзамон вобаста ба вазъи эпидемиологии сироятёбии аҳолии шаҳр ба бемориҳои илтиҳоби шадиди шуш ва коронавируси нави COVID-19 иттилоъ дода шуд, ки он ба эътидол омада истода бошад ҳам вазъи пандемикии давлатҳои дунё ташвишовар боқӣ мондааст.

Гуфта шудааст, ки фаъолияти муассисаҳои тандурустӣ дар сатҳи кӯмаки аввалияи тиббию санитарӣ ва бистарикунонӣ мувофиқ ба талаботи ситоди Ҷумҳуриявӣ ва вазорати тандурустӣ дар ҳолати пандемикӣ ба роҳ монда шудааст.

Ёдрас мешавем, ҳафтаи гузашта Рустамҷон Бӯрибоев, сартабиби Бемористони сироятии Суғд дар суҳбат ба Sputnik Тоҷикистон гуфта буд, ки танҳо як нафар дар дармонгоҳ аз "вируси корона" табобат мегирад.

Бино ба гуфтаи сартабиб, як моҳ ба ин тараф, хушбахтона муроҷиати сокинон дар мавриди бистаришавӣ аз COVID-19 сабт нашудааст.

 

 

50
Барчаспҳо:
вазъият, эътидол, вируси корона, Хуҷанд, Тоҷикистон

Ҳамсояҳо аз кӯдаки 9-сола ба пулис шикоят бурданд - навор

0
Кӯдак, ки мусиқинавоз будааст, ба гуфтаи шикоятбарандагон - ҳамсояҳо ба оромии онҳо доим халал мерасонидааст

 Дар шаҳри Челябински Русия ҳамсояҳо аз болои кӯдаки 9-сола шикоят бурдаанд. 

Тавре сокинони бинои серошёна қайд кардаанд, писарак шабона ғижжак менавохтааст ва ба оромии онҳо халал расонидаву онҳоро ба хоб рафтан намемондааст.

Ситораи мусиқии Русия ба ҷонибдории писараки мусиқинавоз бархостанд.

Гузориши пурраро аз навори мо тамошо кунед.

0