Открытие новой школы в Хатлоской области

Сафари корӣ ба Муъминобод идома дорад: Раҳмон се иншооти нав ифтитоҳ кард

279
(Таҷдидшуда 19:21 10.09.2019)
Эмомалӣ Раҳмон, раисҷумҳури Тоҷикистон зимни сафари корӣ ба ноҳияи Муъминободи вилояти Хатлон як зумра иншоотҳои гуногунро ифтитоҳ кард

ДУШАНБЕ, 10 сен — Sputnik. Тавре дафтари матбуоти раисҷумҳури кишвар хабар додааст, субҳи имрӯз  дар идомаи боздиди корӣ аз ноҳияи Муъминобод Президенти Тоҷикистон Эмомалӣ Раҳмон дар шаҳраки Муъминобод бинои наву замонавии Додситонии ноҳияро ифтитоҳ кард.

Тавре манбаъ иттилоъ додааст, бино аз 3 ошёна иборат буда, дар он 10 утоқи корӣ, як маҷлисгоҳ ва хонаҳои истиқоматӣ ҷойгир мебошанд.

Эмомалӣ Раҳмон аз кормандони прокуратура тақозо кардааст, ки ба волоияти қонун арҷ гузошта, вазифаҳои хизматии хешро содиқонаву софдилона анҷом диҳанд.

Инчунин тибқи иттилои дафтари матбуоти раисҷумҳур, Эмомалӣ Раҳмон, Президенти кишвар ҳангоми сафари корӣ ба ноҳияи Муъминобод, дар кӯчаи Исмоили Сомонии ноҳия ба фаъолияти Муассисаи давлатии “Маркази ҷумҳуриявии барқарорсозии бемориҳои дил” расман оғоз бахшид.

Зимни боздид масъулин ба Эмомалӣ Раҳмон иттилоъ доданд, ки ин иншооти табобативу солимгардонӣ дорои беш аз 100 кат, аз ҷумла 26 кати кӯдакона буда, дар ҳуҷраҳои он муосиртарин шароиту имкониятҳои  табобату солимгардонии беморони гирифтори дил фароҳам оварда шудааст.

Тавре манбаъ қайд намудааст, дар ҳамин ҷо раисҷумҳур дар вазъияти тантанавӣ ба 17 нафар шахсони имконияташон маҳдуд аробачаҳои маъюбӣ тақдим кард.

Манбаъ зикр намудааст, ки дар  Маркази ҷумҳуриявии барқарорсозии бемориҳои дил ҳамзамон як майдончаи варзишӣ бунёд карда шуда,  атрофи иншоот ба гӯшаи зебои фароғатӣ табдил дода шудааст.

Сипас Эмомалӣ Раҳмон, Президенти Тоҷикистон дар деҳаи Шаҳринави деҳоти “Деҳибаланд”-и ноҳияи Муъминободи вилояти Хатлон инчунин майдончаи варзишиеро, ки мутобиқ ба талаботи муосир бунёд шудааст, ифтитоҳ кард.

Инчунин дар шафати майдончаи варзишӣ барои машқу тамрин ва обу тоби бадан беҳтарин шароит фароҳам оварда шудааст.

Эмомалӣ Раҳмон аз насли ояндасози кишвар ва варзишгарони ноҳияи Муъминобод даъват кард, ки аз чунин имкониятҳои мусоид васеъ истифода намоянд, то ҳама намуди варзиш, аз ҷумла футбол дар ҷумҳурӣ рушди ҳамаҷониба пайдо намояд.

То ҷашни 30-солагиии Истиқлолияти давлатӣ дар ноҳияи Муъминобод корҳои созандагиву ободонӣ босуръат идома дошта, то соли 2021 дар ҳудуди шаҳрак ва ҷамоатҳои ноҳия боз даҳҳо чунин иншооти муосири варзишӣ  ба истифода дода хоҳанд шуд.

279
Барчаспҳо:
ифтитоҳ, иншоот, ифтитоҳи иншооти нав, ноҳияи Муъминобод, Раисҷумҳур, Эмомалӣ Раҳмон, Тоҷикистон
Мавзуҳо:
Раисҷумҳури Тоҷикистон Эмомалӣ Раҳмон (222)
Город Худжанд, архивное фото

Кам шуд, аммо ҳанӯз ҳаст: бӯи ғализ дар Хуҷанд кай бартараф мешавад?

11
(Таҷдидшуда 15:15 08.08.2020)
Сокинони шаҳри Хуҷанд мегуянд, ҳанӯз мушкили олудаги ҳаво бартараф нашудааст. Ин дар ҳолест, ки ахиран раиси Хуҷанд сарчашмаи паҳншавии бӯи ғализ дар шаҳрро гуфта буд

ДУШАНБЕ, 8 авг – Sputnik. Сокинони маҳаллаҳои соҳили рости руди Сир дар Хуҷанд мегуянд, то ба ҳол мушкили паҳншавии бӯи ғализ дар шаҳр ҷой дорад.

Нуриддин Шарифов як сокини маҳаллаи 17-уми Хуҷанд дар сӯҳбат ба Sputnik Тоҷикистон гуфт, ки ба ҳангоми вазидани шамол бӯи бад ба кӯчаву манзили онҳо паҳн мешавад.

“Дар гармои тобистон ҳама вазидани шамолро интизор мешаванд, аммо аз вазидани шамол мо дилгир мешавем, зеро дар вақти шамоли форам бӯи бад маҳаллаи моро фаро мегирад”, гуфт ӯ.

Як сокини дигари Хуҷанд аз маҳаллаи 8-ум ҳам зикр кард, ки шому саҳар ба ҳангоми вазидани шамол бӯю тафи бад ҳавои хонаю дари онҳоро олуда месозад. Ин сокини Хуҷанд гуфт, ин мушкил чанд вақт ба ин тараф ҳалношуда боқӣ мондааст.

“Паҳншавии бӯи бад дар шаҳр, назар ба як моҳи пеш нисбатан камтар шудааст, аммо ҳанӯз пурра бартараф нашудааст”, таъкид кард, ҳамсуҳбати мо.

Ин дар ҳолест, ки рӯзи 15-уми июл Маъруф Муҳаммадзода, раиси шаҳри Хуҷанд дар нишасти матбуотӣ манбаъи паҳншавии бӯи ғализ дар маҳаллаҳои Хуҷандро ошкор кард.

Муҳаммадзода таъкид кард, ки бӯи бад дар Хуҷанд аз ҳисоби порӯи мурғхонаҳое паҳн мешавад, ки дар ҳудуди маҳаллаҳои ноҳияи ба номи Бобоҷон Ғафуров сохта шудаанд.

"Паҳни бӯи бад дар шаҳр мо ҳама маъмурони шаҳрро нигарон кардааст. Мо оиди ин масъала 10-12 рӯз ба ин тараф машғул ҳастем. Гурӯҳҳои корӣ иборат аз кормандони санитарию эпидемологии шаҳр, Раёсати экология вилоят маълум намуданд, ки дар мавзеъҳои доманакӯҳи шаҳр, воқеъ дар ҳудуди ноҳияи Бобоҷон Ғафуров аз ҷониби баъзе ашхос фермаҳои мурғпарварӣ ташкил карда шуда ва порӯи чунин фермаҳо дар фазои кушод нигоҳ дошта мешудааст, ки ба ҳангоми вазидани шамол ба микроноҳияҳои шаҳр паҳн мегардад", - гуфт раиси шаҳри Хуҷанд.

Раиси шаҳри Хуҷанд он замон гуфта буд, ки унвонии Зариф Назирӣ, раиси ноҳияи Бобоҷон Ғафуров ва сардори Раёсати ҳифзи муҳити зисти вилояти Суғд мактуб ирсол намудаанд, то ин масъаларо ба баррасӣ гиранд.

Аммо бо гузашти қариб як моҳ ҳамоно паҳншавии бӯи ғализ дар Хуҷанд бартараф нашудааст ва сокинон аз ин вазъ изҳори нигаронӣ мекунанд. Воқеан порӯи мурғхонаҳо ҳавои шаҳрро олуда мекунад, ё чизи дигар? Оё бӯи ғализ дар Хуҷанд кай бартараф мешавад?

11
Барчаспҳо:
шикоят, Маъруф Муҳаммадзода, сокинон, бӯйи бад, Хуҷанд, Тоҷикистон
Тонущий человек, архивное фото

Яке худкушӣ карду дигаре аз беэҳтиётӣ ғарқ шуд: фавти бону дар Язгулому ҷавон дар Рашт

52
(Таҷдидшуда 14:58 08.08.2020)
Кумитаи ҳолатҳои фавқулодаи Тоҷикистон аз ду ҳодисаи нохуш хабар медиҳад, ки боис ба фавти духтари 20 - сола ва ҷавони 29 - сола гардид

ДУШАНБЕ, 8 авг – Sputnik. Дар ҷамоати деҳоти Язгуломи ноҳияи Ванҷ ҷавондухтари 20 - сола ғарқи об шудааст. Бар хабари Раёсати Кумитаи ҳолатҳои фавқулода дар Бадахшон, ҳодисаи мазкур рӯзи 7 - уми август, тақрибан соати 13:30 дақиқа рух додааст.

"Бонуи 20 - сола дар дарёи Язгулом оббозӣ карда ғарқ шудааст", - гуфта мешавад дар хабр.

Таъкид мегардад, ки ҷустуҷӯи ҷасади ҷавондухтар зиёд тӯл накашида, ӯро соати 14:35 дақиқа поинтар аз Дашти Язгулом пайдо ва ба наздиконаш супурданд.

Зимнан, кумитаи мазкур аз як ҳодисаи нохуш хабар медиҳад, ки ба марги ҷавони 29 - сола анҷомид.

КҲФ: дар кӯлу ҳавзҳои Тоҷикистон 28 нафар ғарқ шуданд: 9 ноболиғ

Ҳодисаи мазкур рӯзи 6 - уми август рух додааст. Ҷавони 29-сола бо қасди хуркушӣ кардан худро дар деҳаи Сайрон аз болои пул ба Сурхоб ҳаво дод.

Гуфта мешавад, марҳум аслан сокини ҷамоати Нушор буда, дар натиҷаи як муноқишаи хонаводагӣ даст ба худкушӣ задааст. 

Корҳои ҷустуҷӯӣ муддати ду рӯз идома доштанд ва дирӯз соати 11:13 дақиқа Дастаи наҷоти Кумитаи ҳолатҳои фавқулода дар ноҳияи Рашт ҷасади ӯро 12 километр дуртар аз ҷойи ҳодиса пайдо ва ба хешоандонаш супурданд.

52
Барчаспҳо:
Рашт, Язгулом, ғарқ, дарё