Зиёрати оромгоҳи Мир Сайид Алӣ Ҳамадонӣ дар шаҳри Кӯлоб

Раҳмон оромгоҳи Мир Сайид Алӣ Ҳамадониро зиёрат карду оятҳо аз Қуръони карим қироат кард

440
(Таҷдидшуда 10:36 11.09.2019)
Раисҷумҳур дар оромгоҳи Мир Сайид Алӣ Ҳамадонӣ барои суботу оромии Тоҷикистон ва саодатмандию сарбаландии мардуми кишвар дуою фотиҳаи нек кард

ДУШАНБЕ, 11 сен — Sputnik. Шоми дирӯз дар идомаи сафари кориаш баъд аз ифтитоҳи иншоотҳои гуногун дар шаҳри Кӯлоб Эмомалӣ Раҳмон, раисҷумҳури кишвар аз оромгоҳи  Мир Сайид Алӣ Ҳамадонӣ зиёрат кард.

Дар ин бора дафтари матбуоти раисҷумҳури Тоҷикистон хабар додааст.

Бино бар иттилои манбаъ, Эмомалӣ Раҳмон дар оромгоҳи Мир Сайид Алӣ Ҳамадонӣ бо қироати оятҳо аз Қуръони маҷид барои суботу оромии Тоҷикистон ва саодатмандию сарбаландии мардуми кишвар дуою фотиҳаи нек кардааст.

1 / 3
Зиёрати оромгоҳи Мир Сайид Алӣ Ҳамадонӣ дар шаҳри Кӯлоб

Ёдрас мешавем, ки оромгоҳи Мир Сайид Алӣ Ҳамадонӣ, ки яке аз шахсиятҳои таърихии миллати тоҷик мебошад дар маркази шаҳри Кӯлоб мавқеъ гирифта, ҳамарӯза аз он бисёр сайёҳони дохилию хориҷӣ дидан ва зиёрат мекунанд.

Тибқи маълумоти масъулин, танҳо соли гузашта аз ин Оромгоҳ зиёда аз 20 ҳазор нафар дидан намудаанд.

Тавре манбаъ зикр намудааст, Эмомалӣ Раҳмон зимни боздид ва шиносоӣ бо шароити мавҷуда дар ин макони таърихӣ ба масъулин барои боз ҳам ободу зебо гардонидани атрофи Оромгоҳ ва риояи суннату анъанаҳои хоси миллӣ ҳангоми ташрифу боздиди сайёҳону меҳмонон аз ин ҷо дастуру пешниҳодҳои мушаххас дод.

440
Барчаспҳо:
сафар, Раисҷумҳур, Кӯлоб, Мир Саид Алии Ҳамадонӣ, зиёрати оромгоҳ, Эмомалӣ Раҳмон, Тоҷикистон