Эмомалӣ Раҳмон зимни қабули туҳфа дар Данғара, акс аз бойгонӣ

Президент дар бораи бародараш: хоксору сахӣ буд, боре аз ман мансаб нахостааст-видео

1323
(Таҷдидшуда 10:01 16.09.2019)
Эмомалӣ Раҳмон, раисиҷумҳури Тоҷикистон дар ноҳияи Данғара аз бародараш Нуриддин Раҳмон, ки моҳи октябри соли 2017 дар синни 67-солагӣ даргузашт, ёд карда, изҳор дошт, ки марҳум хоксору сахӣ буд ва ҳеч гоҳ аз ӯ мансабу вазифае нахостааст

ДУШАНБЕ, 16 сен — Sputnik. Эмомалӣ Раҳмон ҳафтаи гузашта дар пайи қабули мусаввара ба ҳайси туҳфа дар ноҳияи Данғара, аз бародари марҳумаш Нуриддин Раҳмон ёд кард.

Раисиҷумҳури Тоҷикистон гуфт, бо бародараш Нуриддин Раҳмон таги як курпа калон шудаанд ва ёд надорад, ки ба ҳамдигар боре гапи сахт зада бошанд.

"Охирон солҳо роҳбари хоҷагии деҳқонӣ буданд, қариб 1000 коргар доштанд. Бисёр хоксор буданд, дасти сахо доштанд, кумак мекарданд”, - изҳор дошт Эмомалӣ Раҳмон.

Раисиҷумҳур афзуд, ки Нуриддин Раҳмон дар тарбияаш саҳм дораду борҳо ӯро барои хондан ҳидоят кардааст.

“Бисёр азоб мекашиданд. Дасту панҷаашро медидам, шабу рӯз меҳнат мекарданд. Чандин маротиба ҳидоят карданд, ки бародар аҳволи маро дидӣ? Ту хон. Падару модарро ман нигоҳ мекунам, ту хон”, - зикр намуд Эмомалӣ Раҳмон аз насиҳатҳои бародар.

Раисиҷумҳур бо таассуф гуфт, саломатияшро нигоҳ дошта натавонистанд ва дуо кард, ки Худо ҷояшро ҷаннат кунад.

Эмомалӣ Раҳмон дар хитоб ба ҳозирин таъкид намуд, ки ҳаёт бисёр тез, мисли оби дарё мегузарад ва бояд фурсатро ғанимат донисту корҳои нек анҷом дод, то аз худ ному нишони неке боқӣ гузорем.

1323
Похороны в Таджикистане, архивное фото

Мотам дар Донишгоҳи Хуҷанд: Масаид Шерматов, ихтироъкори маъруфи кишвар аз олам даргузашт

0
(Таҷдидшуда 10:34 26.01.2021)
Масаид Шерматов, профессори кафедраи физикаю техникаи Донишгоҳи давлатии Хуҷанд ба номи академик Б. Ғафуров дар синни 77 солагӣ ба зиндагӣ падруд гуфт

ДУШАНБЕ, 26 янв – Sputnik. Мусобек Мироватов, яке аз шогирдони марҳум дар тайиди ин хабар ба Sputnik Тоҷикистон гуфт, ки олими варзида, инсони ҳақиқатхоҳу хоксор Масаид Шерматов рӯзи гузашта аз дунё даргузашт.

“Рӯзи гузашта маросими поси хотира доир гардид ва дар он ба ҳисоби ректори Донишгоҳ, омӯзгорону ҳамкорон ва шогирдони марҳум иштирок карданд. Даргузашти Масаид Шерматов талафоти ҷуброннопазир дар соҳаи физикаи тоҷик аст. Ба аҳли хонавода ва наздикону пайвандони марҳум изҳори тасаллият баён менамоем”, зикр кард Мироватов.

Масаид Шерматов профессори кафедраи физикаи умумӣ ва ҷисмҳои сахти факултети физикаю техникаи Донишгоҳи давлатии Хуҷанд ба номи академик Бобоҷон Ғафуров 20 майи соли 1944 дар дехаи Хиштхонаи ҷамоати Понгози ноҳияи Ашт дар оилаи деҳқон таваллуд шудааст.

Таҳсили ибтидоиро нахуст дар мактаби ҳафтсолаи №13 ва баъдан дар мактаби №7 ба номи устод С. Айнӣ дар деҳаи Бободархон давом додааст.

Баъди хатми мактаби миёна соли 1961 барои идомаи таҳсил ба шаҳри Хуҷанд меояд ва ба факултети физика ва математикаи Институти давлатии омузгории шаҳри Ленинобод ҳозира Хуҷанд ба номи С.М. Киров (алҳол МДТ ДДХ ба номи академик Б.Ғафуров дохил мешавад.

Соли сеюми таҳсил Шерматов бо хохиши худ ба хизмати ҳарбӣ рафта, қарзи Ватан-Модарро сарбаландона адо намудааст.

Соли 1969 Донишкадаро хатм намуда, соҳиби дипломи аълои мактаби олӣ мегардад. М. Шерматов фаъолияти меҳнатиашро дар мактаби №1-и шаҳри Қургонтеппа, ҳозира Бохтари Хатлон оғоз намуда як сол баъд ба факултети физикаю математика дар Донишкада ба кор даъват карда мешавад. Аз ҳамин замон ин олими фарҳехта ба корҳои илмӣ-тадқиқотӣ машғул мешавад.

Солхои 1970-1971, Шерматов ба Душанбе сафар намуда, ба сифати муҳаққиқ-коромӯз дар Университети давлатии Тоҷикистон ба номи В. И. Ленин (алҳол Донишгоҳи миллии Тоҷикистон) адои вазифа менамояд. Соли 1972 ӯ ба шуъбаи аспирантураи Пажӯҳишгоҳи физикию техникаи ба номи А. Ф. Иоффеи шаҳри Ленинград (алҳол Санкт-Петергбург) дохил мешавад ва соли 1976 онро бомуваффақият хатм мекунад.

Соли 1978 М. Шерматов рисолаи номзадии худро дар мавзӯи “Хосиятҳои махсуси деформатсионӣ ва вайроншавии полимерҳои самтнокшуда дар шароити сохторашон ноустувор” аз рӯи ихтисоси физика-математика дифоъ мекунад.

Ҳаминтавр ӯ аввалин шогирди Донишкадаи омӯзгории Хуҷанд буд, ки дар ин марказ соҳиби унвони илмӣ гаштааст.

Профессор М. Шерматов замони таҳсилу фаъолияташро дар Ленинград аз беҳтарин даврони умри худ ёд намуда, иброз намудааст, ки маҳз Пажӯхишгоҳи физикаю техникаи ба номи А.Ф. Иоффе барои ӯ сирру асрори илми физикаро ошкор намуда, дари донишро барояш боз кардааст.

Ҳамкорӣ бо устодони пурмаҳсул ба монанди А. И. Слутскер ва В. С. Куксенкоро барои худ мояи ифтихор медонад. М. Шерматов аз соли 1981 то ин вақт 34 ихтироъи илмӣ карда, дар 30 тои он ба гирифтани патент комёб шудааст.

Ба ин далел ӯ аз муваффақтарин олимони тоҷик ба шумор меравад. Тадқиқотҳои ӯ дар аз ҷумла ба наххои табии - пахта, абрешим ва пашм нигаронида шудааст.

Соли 2009 М. Шерматов ба гирифтани унвони “Бехтарин ихтироъкори Ҷумҳурии Тоҷикистон” мушарраф шудааст. М. Шерматов 50 сол ин ҷониб ба шогирдон дарс мегуфт ва ба гирифтани унвони Аълочии маорифи Ҷумҳурии Тоҷикистон, узви пайвастаи Академияи муҳандисии кишвар ва аъзои фахрии Академияи улуми Ню-Йорки ИМА, сарвари ихтироъкорони Донишгоҳ, раиси Шӯрои собиқадорони факултети физикаю техника мебошад. Бино ба иттилоъи дарёфтӣ ҷанозаи М. Шерматов дар зодгоҳаш деҳаи Хиштхонаи ноҳияи Ашт ба хок супорида шудааст.

0
Президент Республики Таджикистан Эмомали Рахмон

Раҳмон аз пандемияву буҳрон гуфт: ҷаҳон чунинро тайи сад сол ёд надош

10
Эмомалӣ Раҳмон, раисиҷумҳури кишвар гуфт, пандемияи коронавирус буҳронеро ба миён овар, ки беш аз сад сол ҷомеаи ҷаҳонӣ ёд надошт

 

ДУШАНБЕ, 26 янв — Sputnik. Раисиҷумҳури кишвар ин нуктаро зимни паёми солонааш ба парлумон изҳор дошта гуфт, пандемия буҳрони шадиди иқтисодию иҷтимоиро ба миён овард, ки вазъи бекорӣ ба таври назаррас афзоиш ёфт.

Ба гуфти президент, дар ҳоли ҳозир давлате нест, ки буҳрони мазкур таъсир накарда бошад.

Ӯ гуфт, тибқи гуфтаи таҳлилгарони байналмила чунин буҳронро тайи 100 соли ахир ҷаҳон ёд надошт.

Раисиҷумҳур гуфт, пандемия ва буҳрони рухдода боиси таназзули иҷтисоди ҷаҳон шуд.

Тоҷикистон низ дар ин росто дар канор намонд, аммо бо сабаби андешидани чораҳои зарурию саривақтӣ рушди иқтисод муътадил нигоҳ дошт, гуфт президент.

Буҳрон дар пеш аст: Пас аз коронавирус иқтисоди Тоҷикистонро чӣ интизор аст?

Номбурда гуфит, соли гузашта 300 коргоҳу корхона сохта шуда, сатҳи рушди иқтисодӣ 4,5 афзоиш ёфт.

Раисиҷумҳур гуфт, соли гузашта бино бар бӣаста будани марзҳо ба ҷои 400 -450 ҳазори  ҳамасола танҳо 111 ҳазор муҳоҷир ба хориҷа рафтанд.

10