Карим Рахим

Абдураҳими Кӯлобӣ ба Кабирӣ: мард бошӣ биё як ба як гап занем

4849
(Таҷдидшуда 14:46 19.09.2019)
Мулло Абдураҳим Кӯлобӣ, ки дар анҷумани Варшава аз ҳукумати Тоҷикистон намояндагӣ мекунад ахиран Муҳиддин Кабирӣ, роҳбари ҳизби феълан дар Тоҷикистон мамнӯи наҳзати ислом (ҲНИТ) ва Паймони миллии Тоҷикистонро ба суҳбати як ба як даъват кард

ДУШАНБЕ, 19 сен — Sputnik. Мулло Абдураҳим Кӯлобӣ бо пахши як навор дар шабакаи иҷтимоии youtube аз Муҳиддин Кабирӣ, роҳбари ҳизби феълан дар Тоҷикистон мамнӯи наҳзати ислом хостааст, ки агар мард бошад биёяд як ба як бо ӯ дар ҳузури шоҳидони бетараф суҳбат кунад.

Вай Муҳиддин Кабириро дар он муттаҳам кардааст, ки гӯё роҳбари ҳизби феълан дар Тоҷикистон мамнӯи наҳзати ислом барои суҳбат бо ӯ намояндагонашро мефиристодааст. Мулло Абдураҳими дар навор аз Кабирӣ хостааст, ки касеро нафиристаду худаш наздаш биёяд ва дар ҳузури шоҳидону ду тараф бо ӯ суҳбат кунад.  

“Мард бошӣ биё гап занем, шоҳидони мо бубинанд ва сипас баҳо диҳанд, ки ҳақиқат дар куҷост. Лекин агар мард набоши, ҳар касро пеши ман равон накун. Манро Мулло Абдураҳими Кӯлобӣ меган, ман аз ҳазор каси шумо наметарсам. Мард бошӣ биё як ҷо мешинем гап мезанем, аз ду тараф шоҳидони бетараф бошанд, бигзор онҳо баҳо диҳанд”, - таъкид намудааст Мулло Абдураҳими Кӯлобӣ.

Лозим ба ёдоварист, ки Мулло Абдураҳими Кӯлобӣ устоди Донишгоҳи исломии Тоҷикистон ва узви собиқи ҳизби дар ин кишвар мамнӯи наҳзати ислом (ҲНИТ) дар ҳошияи анҷумани САҲА дар Варшава соли гузашта бо Муҳиддин Кабирӣ, раиси ҲНИТ ва дигар аъзои ин ҳизб вориди баҳс шуда буд.

Мулло Абдураҳим, ки дар анҷумани Варшава аз ҳукумати Тоҷикистон намояндагӣ мекард, ҳамсафони собиқашро дар “ҷазир кардани Тоҷикистон” айбдор карда буд.

Муҳиддин Кабирӣ аз моҳи марти соли 2015 дар хориҷ аз Тоҷикистон қарор дорад. Соли гузашта Додгоҳи олии Тоҷикистон ӯро ғоибона ба “муддати тӯлонии зиндон” маҳкум карда буд. Аммо раҳбарияти ҳизб дар хориҷа ин ҳукмро дорои ангезаҳои сиёсӣ донист.

Ҳизби наҳзати исломӣ то соли 2015 дар кишвар фаъолият мекард. Мақомот онро ба барангехтани, ба гуфтаи онҳо, ошӯби нофарҷом дар моҳи сентябри он сол айбдор намуда, фаъолияташро манъ карданд.

4849
Барчаспҳо:
суҳбат, Муҳиддин Кабирӣ, Мулло Абдураҳим, ҷаласаи САҲА оид ба ҳуқуқи инсон, САҲА, Тоҷикистон
Таджикские мастера готовят подарок к зимней Олимпиаде в Пекине

Туҳфаи устоҳои тоҷик барои Бозиҳои зимистонаи олимпии Пекин

76
Ҷамшед Ҷӯраев ва Насим Негматов ду устои бомаҳорати тоҷик мебошанд, ки шӯҳрати наққошкориҳои онҳо берун аз Тоҷикистон ҳам паҳн шудааст

ДУШАНБЕ, 6 авг — Sputnik. Ҷамшед Ҷӯраев ва Насим Негматов ду устои машҳури тоҷик мебошанд, ки амалҳои ҷолиби наққошии онҳо иншоотҳои фарҳангӣ ва маконҳои дӯстдоштании кишварро оро медиҳанд. Ифтихори котиботи Созмони Ҳамкории Шанхай – толори рамзи қароргоҳи СҲШ – тариқи ҳамин ҳунар оро ёфтааст. 

Ҳамчунин, ороиши павилони СҲШ дар доираи Намоишгоҳи ҷаҳонии санъати боғдорӣ соли 2019 дар Пекин ба Ҷамшед ва Насим супорида шуда буд. Павилони СҲШ миёни меҳмонони намоишгоҳ машҳур шуд, хусусан ҳунари рассомон баҳои баланд гирифт.

Арчаи миллӣ бо розигии Президент: дастур барои насб пеши идораю хонаҳо - аксҳо

Кумитаи милли олимпии Тоҷикистон хабар медиҳад, ки устоҳои тоҷик омодагиро ба Бозиҳои зимистонаи олимпӣ, ки аз 4 то 20 феврали соли 2022 дар Пекин баргузор мешаванд, шуруъ карданд. Тилисми ин чорабинии бузурги варзишӣ – панда бо номи Бин-Дундун интихоб шудааст.

Зимнан, рассомони тоҷик тасмим гирифтаанд якчанд лавҳаро бо наққошии панда – ҳайвони дӯстдори миллионҳо нафар дар ҷаҳон – омода кунанд.

Дар доираи Бозиҳои олимпӣ, онҳо инчунин умед доранд, ки намоишгоҳ ташкил мекунанд ва ҳунарашонро ба пекиниҳо ва меҳмонони пойтахти Чин ошно менамоянд.

76
Барчаспҳо:
тоҷик, усто, туҳфа, Бозиҳои олимпӣ

Вазорати тандурустӣ фавти як дардманди дигар аз коронавирусро тасдиқ кард: омори нав

561
Шабонарӯзи гузашта дар Тоҷикистон боз як маризи дигари коронавирус ба ҳалокат расид. Вазорати тандурустӣ низ фавти як беморро тасдиқ карда гуфт, ки шумораи умумии қурбониён ба 62 нафар баробар шуд

ДУШАНБЕ, 6 авг — Sputnik. Вазорати тандурустӣ омори ҷадиди фавт, сироят ва шифоёбии шаҳрвандони Тоҷикистонро аз коронавирус нашр намуд.

Ба иттилои котиботи вазорати мазкур, шабонарӯзи гузашта боз як маризи дигар аз коронавирус ҷон бохт. Бо илова шудани ҳолати ҷадиди фавт, теъдоди умумии қурбониёни вируси COVID-19  дар кишвар ба 62 нафар баробар шуд.

Вазорат омори тозаи сироят, фавт ва шифоёбӣ аз коронавирус дар Тоҷикистонро эълон кард

Зимнан, вазорат таъйид намуд, ки дар як шабонарӯзи охир 99  нафар гумонбарон зери назорати табибон қарор дошта, 44 нафар баъд аз муолиҷа ба хонаҳояшон рухсат дода шуданд.

Инчунин,  дар як шабонарӯзи охир дар ҷумҳурӣ 40 ҳодисаи нави бемории COVID-19 дарёфт гардида, дар маҷмӯъ шумораи гирифторони ин беморӣ ба  7665  нафар баробар гардид.

Ҳамзамон, то санаи   6 август дар мамлакат  6443 нафар аз бемории COVID-19 шифо ёфтаанд.

561
Барчаспҳо:
омор, Вазорати тандурустӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон

10 миллион нафар дар Афғонистон мубталои коронавирус шуданд

0
(Таҷдидшуда 21:39 06.08.2020)
Вазири тандурустии Афғонистон изҳор доштаст, ки сеяки аҳолии ин кишвар ба маризии сироятии коронавирус мубтало гардидаанд

ДУШАНБЕ, 6 авг — Sputnik. Вазорати тандурустии Афғонистон бо нашри гузорише гуфт, ки дар ин кишвар ҳудуди даҳ миллион, яъне аз се як ҳиссаи аҳолии Афғонистон ба коронавирус гирифтор шудаанд.

Аҳмад Ҷавод Усмонӣ, вазири тандурустии Афғонистон дар нишасти матбуотӣ гуфт, ки ин омор пас аз баррасии натиҷаҳои тести 2500 нафар дар саросари кишвар ба даст омадааст.

Дар лоиҳаи буҷаи Тоҷикистон барои соли 2021 пандемияи коронавирус ба назар гирифта мешавад

Ин тестҳо ва баррасиҳо, ки бо кӯмаки Созмони Ҷаҳонии Тандурустӣ анҷом шудааст, таъмин мезанад, ки акнун 31,5 дарсад аз аҳолии Афғонистон ба ин вирус гирифта шудаанд ва бештарин ҳолатҳои гирифторӣ дар Кобул будааст.

Коронавирус дар моҳи феврали соли ҷорӣ бо бозгашти ҳазорон муҳоҷири афғон аз Эрон ба кишварашон ворид шуд.

Дар ҳоли ҳозир таҳқиқоте дар мавриди шумораи ҷонбохтагон ва гирифторон ба ин беморӣ дар Афғонистон идома дорад.

0
Барчаспҳо:
маризӣ, Афғонистон
Мавзуҳо:
Пайомадҳои COVID-19 дар Тоҷикистон ва ҷаҳон