Председатель Согдийской области Раджаббой Ахмадзода

Паёми табрикии раиси вилояти Суғд бахшида ба Рӯзи Рӯдакӣ

124
Раиси вилояти Суғд Раҷаббой Аҳмадзода Абуабдуллоҳ Рӯдакиро аз бузургмардон ва фарҳехтагони ҷаҳони шеъру адаб гуфт

ДУШАНБЕ, 22 сен — Sputnik. Раҷаббой Аҳмадзода мардуми Тоҷикистонро бо Рӯзи бузургдошти Абубабдуллоҳ Рӯдакӣ муборакбод гуфт.

Рӯзи 22 сентябр дар Тоҷикистон ҳамчун рӯзи бузургдошти асосгузори шеъри форсӣ Абӯабдуллоҳи Рӯдакӣ бо шукуҳу шаҳомат таҷлил мегардад.

Раҷаббой Аҳмадзода, ба ин муносибат, кулли сокинони вилоятро муборакбод гуфтааст.

"Устод Абӯабдуллоҳи Рӯдакӣ аз бузургмардон ва фарҳехтагони ҷаҳони шеъру адаб ба ҳисоб рафта, бо назми оламгир ва донишу истеъдоди фақулода дар шинохти ҳақиқати рӯзгор моро панди зиндагӣ додааст", - гуфтааст ӯ.

Дар идомаи табрикот раиси вилоят аз суханони Президенти Ҷумҳурии Тоҷикистон Эмомалӣ Раҳмон мисол овардааст, ки мегӯяд: “Устод Рӯдакӣ, ки воқеан падарсолори шеъри Аҷам ва асосгузори адабиёти классикии тоҷику форс дониста шудааст, аз ҷумлаи бузургтарин ва барҷастатарин шахсиятҳои таърихии миллати куҳанбунёди мо мебошад”.

Мавзуъҳои панду андарз, тарғиби некиву некӯкорӣ, дӯстӣ, хуш гузаронидани умр ва ба муҳтоҷону дармондагон дасти ёрӣ дароз кардан ҷавҳари ашъори Рӯдакиро ташкил дода, барои сарҷамъии мардуми олам хидмати мондагорро анҷом додааст.

Андарзҳои устоди назм имрӯз низ мақому маҳбубияти худро побарҷо нигоҳ дошта, дар тарбияи инсонҳои асил, тарғиби ахлоқи шоиста, накӯкорӣ, бо дӯст шоду масрур зистан, илму маърифатро чароғи раҳнамои зиндагӣ қарор додан нақши равшан дорад.

Шеъри оламгири Рӯдакӣ барои густариши ҷуғрофиёи забони тоҷикӣ дар ақсои олам мусоидат ва тӯли асрҳо барои поку муназзаҳ ҳифз гардидани ин рукни муҳими давлатдории миллӣ хизмат намудааст.

Рисолати шеъри Рӯдакӣ инсонгароӣ буда, шоир таъкид мекунад, ки инсон бояд дар ҳама кор ва дар давоми зиндагии худ ба халқ бо нияти нек хизмат карданро фаромӯш накунад, аз ин рӯ, ин таълимот дар камолоти маънавии халқҳо мавқеи беназирро ишғол намудааст.

124
Барчаспҳо:
нависанда, Шоира, асосгузор, Абуабдуллоҳ Рӯдакӣ, Тоҷикистон
Тестирование на коронавирус (COVID-19)

Вазорат омори тозаи сироят, фавт ва шифоёбӣ аз коронавирус дар Тоҷикистонро эълон кард

568
(Таҷдидшуда 19:51 03.08.2020)
 Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки дар як шабонарӯзи охир дар ҷумҳурӣ 43 ҳодисаи нави бемории COVID-19 дарёфт гардидааст

ДУШАНБЕ, 3 авг — Sputnik. Бино ба гузориши Вазорати тандурустӣ давоми 24 соати ахир дар ҷумҳурӣ 43 ҳодисаи нави бемории COVID-19 дарёфт гардида,  дар маҷмӯъ шумораи гирифторони ин беморӣ ба  7538  нафар баробар гардид.

"То санаи  3 август  дар мамлакат  6317 (83,8%)  нафар аз бемории COVID-19 шифо ёфта,  бар асари он 61  нафар фавтидаанд", - омадааст дар хабарнома.

Вазорати тандурустӣ қайд карда, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Ин ниҳод аз шаҳрвандон даъват дорад, ки ҷиҳати пешгирии сирояти мазкур пеш аз ҳама  қоидаҳои беҳдошти шахсиро қатъиян риоя намоянд, зеро, дар урфият беҳуда нагуфтаанд, ки табиби ҳар шахс худи ӯст.

568
Барчаспҳо:
омор, тандурустӣ, Тоҷикистон, Вазорати тандурустӣ
Министр экономразвития и торговли Завки Завкизода

Шабро шабу рӯзро рӯз нагуфта, музокира кардем –Завқизода дар бораи ҷалби маблағҳои хориҷӣ

297
(Таҷдидшуда 17:55 03.08.2020)
Вазири рушди иқтисод ва савдои Тоҷикистон мегӯяд, соли равон аз созмонҳои байнулмилаливу хориҷӣ беш аз 450 миллион доллар ҷалб кардаву хоҳад кард

ДУШАНБЕ, 3 авг — Sputnik. Завқӣ Завқизода, ки дар нишасти матбуотии ниҳодаш суҳбат мекард, гуфт, ҷалби маболиғи хориҷӣ ба иқтисодиёти Тоҷикистон ба хотири ҷилавгирӣ ва коҳиши таъсири иҷтимоӣ – иқтисодии пандемияи “вируси корона” буда, як гуруҳи ҳукуматӣ бо фармони Президенти кишвар Эмомалӣ Раҳмон таъсис ёфт ва бо институтҳои молиявии байнулмилалӣ ва шарикони рушд вориди музокирот шуд.

“Ин гуруҳ аз намояндагони вазорату идораҳои иқтисодӣ иборат буд, ки раҳбарияшро муовини сарвазир Давлаталӣ Саидзода бар дӯш дошт, ки аз рӯи реҷаи қариб 24 – соата кор мекард. Ман ҳам узви ин гуруҳ будам. Ин маврид ҳам буд, ки мо қариб то соати 4 – субҳ бо институтҳои молиявии байнулмилалӣ ва давлатҳои шарики рушд будем. Таври маълум, ба далели фарқияти вақт, ки бо бархе кишварҳо қариб 10 соатро ташкил мекунад, шабро шабу рӯзро рӯз нагуфта, ин гуруҳ кор кард ва ба натиҷаҳои назаррас расид”, - гуфт Завқӣ Завқизода.

Тибқи иттилои вазорати рушди иқтисод ва савдо, дар ин миён Тоҷикистон аз Хазинаи байнулмилалии асъор – 189,5, Бонки осиёии рушд – 50, Бонки исломии рушд – 9,4, Бонки ҷаҳонӣ – 11,3 миллион доллар ва аз ҳукумати Олмон – 1 миллион евро маблағҳои грантию қарзӣ ба даст овард. Бино ба ин манбаъ, Тоҷикистон муваффақ шуд, ки 28 миллион қарзи Бонки миллӣ пеши Хазинаи байнулмилалии асъорро аз эътибор соқит кунад ва пардохти 40 миллион доллар қарзи Бонки воридоту содироти Чин – “ЭксИмБонк” – ро ба таъхир гузорад.

БОР барои мубориза бо пайомадҳои COVID-19 ба Тоҷикистон 50 миллион доллар медиҳад

Завқӣ Завқизода, вазири рушди иқтисод ва савдо гуфт, гуфтушунидҳо барои ҷалби маблағҳо аз Бонки осиёии рушд – 70, Бонки ҷаҳонӣ – 27, Фонди Авруосиёии рушд – 50, Бонки осиёии сармоягузории инфрасохторӣ – 70 миллион доллар ва Иттиҳоди Аврупо – 78 миллион евро (бо назардошти 30 миллион евро маблағи қарзи Бонки сармоягузории Аврупо) идома дорад.

Тибқи иттилои вазорати молияи Тоҷикистон, дар нимсолаи аввали соли 2020 қарзи хориҷии кишвар 170 миллион доллар афзуда, ба 3 миллиарду 96 миллион доллар расидааст, ки 36,1% маҷмӯи маҳсулоти дохилии кишварро ташкил мекунад.

297
День 4 августа

Ҷашнҳои рӯзи 4 август дар Тоҷикистон ва ҷаҳон

0
(Таҷдидшуда 18:49 03.08.2020)
Рӯзи чоруми август дар ИМА – Рӯзи посбони соҳил, дар Украина –Рӯзи милитсияи миллӣ ва дар ҷазираҳои Кук – Рӯзи Конститутсия таҷлил мешавад

Рӯзи 4 август дар ҷаҳон чӣ рух дод

Соли 1777 дар Лондон нахустин Сирк дар ҷаҳон кушода шуд.

Соли 1870 дар Олмон аввалин мусобиқаи байналмилалии шоҳмот баргузор гардид.

Шахматы
© CC0 / Pixabay
Шахматы

Соли 1884 дар ИМА санги аввал барои бунёди пайкараи Озодӣ гузошта шуд.

© Sputnik / Алексей Филиппов
Города мира. Нью-Йорк

Соли 1942 дар Канада дар фурӯши чой ва қаҳва маҳдудият ҷорӣ карда шуд.

День 3 августа
© Sputnik / Стас Этвеш / Вишнякова Мария

Соли 1944 аввалин санҷиши ҳавопаймоҳои реактивии Англия — Gloster Meteor гузаронида шуд.

Соли 1963 Бонки рушди Африқо таъсис ёфтааст.

Соли 1976 дар Лондон аввалин мусобиқаи чирчирак миёни дастаҳои занона баргузор гардид.

Соли 1993 Парлумони Молдова оид ба ворид шудани ин кишвар ба Иттиҳоди Давлатҳои Мустақил ҳалнома қабул кард.

Рӯзи 4 август дар Тоҷикистон чӣ рух дод 

Соли 1997 Маҷлиси олии Тоҷикистон қарор "Дар бораи авфи иштирокчиёни даргириҳои сиёсӣ ва низомӣ"-ро қабул кард.

Соли 2009 миёни ҳукуматҳои Ҷумҳурии Тоҷикистон ва Фаронса Протокол оид ба сохтмони терминали нави Фурудгоҳи байналмилалии Душанбе бо маблағи 27 миллион евро ба имзо расид.

 Новый терминал душанбинского аэропорта. Архивное фото
© Sputnik
Новый терминал душанбинского аэропорта. Архивное фото

Соли 2009 дар Маҷмааи давлатии «Кохи Борбад» намоиши байналмилалии «Рушди энергетикаи Афғонистон» баргузор гардид.

Соли 2011 дар шаҳри Истаравшан дар Ҷамъияти саҳомии пўшидаи «Оби Зулол» бо иштироки Эмомалӣ Раҳмон коргоҳи нави коркарди меваю сабзавот мавриди баҳрабардорӣ қарор гирифт.

Соли 2016 Президенти Ҷумҳурии Тоҷикистон Эмомалӣ Раҳмон бо мақсади шиносоӣ бо ҷараёни иҷрои корҳои ободонӣ ба шаҳри Роғун сафари корӣ анҷом дода, ҳамчунин бо корҳои барқарорсозӣ дар Неругоҳи барқи обии «Роғун» шинос шуд.

Ҷашнҳои рӯзи 4 август

  • Дар ИМА – Рӯзи посбони соҳил.
  • Дар Украина –Рӯзи милитсияи миллӣ.
  • Дар ҷазираҳои Кук – Рӯзи Конститутсия.

Рӯзи 4 август дар Тоҷикистон кӣ ба дунё омадааст

Абдулазизова (Ҳаётова) Оиша (1921-2012) – актрисаи театр, Ҳунарпешаи шоистаи Тоҷикистон.

Бурҳониддин Баҳоваддинов (1953) – доктори илми тиб, профессор.

Андрей Волос (1955)- нависанда (зодаи Тоҷикистон).

Матлуба Ғаффорова (1954) – доктори илми тиб, профессор.

Мирзо Давлат (1953) – нависанда.

Ҷамшед Каримов (1940) –арбоби давлатӣ, доктори илми иқтисод, узви вобастаи АИ Тоҷикистон.

Ҳотам Солеҳбоев (1910-1987)- арбоби давлатӣ.

Табибӣ (Қосимов Абдулҳаким) (1935)- шоир.

Самеъҷон Уроқов (1947) – карнайнавоз, Ҳунарпешаи шоистаи Тоҷикистон.

Евгений Фала (1913 – 1988) – сарояндаи оркестр, Ҳунарпешаи шоистаи Тоҷикистон.

Рӯзи 4 август кӣ ба дунё омадааст

Барак Обама (1961)- 44-умин президенти ИМА.

Президент США Барак Обама
© Sputnik / Сергей Гунеев
Президент США Барак Обама
0
Барчаспҳо:
ҷашн, Ҷаҳон, Тоҷикистон
Мавзуъ
Ҷашнҳои рӯзи 24 июл дар Тоҷикистон ва ҷаҳон
Ҷашнҳои рӯзи 25 июл дар Тоҷикистон ва ҷаҳон
Ҷашнҳои рӯзи 28 июл дар Тоҷикистон ва ҷаҳон
Ҷашнҳои рӯзи 26 июл дар Тоҷикистон ва ҷаҳон
Ҷашнҳои рӯзи 29 июл дар Тоҷикистон ва ҷаҳон
Ҷашнҳои рӯзи 31 июл дар Тоҷикистон ва ҷаҳон
Ҷашнҳои рӯзи 1 август дар Тоҷикистон ва ҷаҳон
Ҷашнҳои рӯзи 2 август дар Тоҷикистон ва ҷаҳон
Ҷашнҳои рӯзи 3 август дар Тоҷикистон ва ҷаҳон