Национальный банк Таджикистана

Бонки миллӣ мехоҳад фаъолияташро яке аз чор ширкати бузургтарини ҷаҳон санҷиш кунад

243
(Таҷдидшуда 18:15 30.09.2019)
Бонки миллии Тоҷикистон барои гузаронидани аудити ҳисоботи молиявии бонк ширкатҳои аудиториро даъват намудааст

ДУШАНБЕ, 30 сен — Sputnik. Бонки миллии Тоҷикистон барои интихоби ширкати аудиторӣ ва гузаронидани аудити ҳисоботи молиявии бонк барои соли молиявие, ки 31 декабри соли 2019 анҷом меёбад, озмун эълон намудааст.

Дар ин бора дафтари матбуоти Бонки миллӣ хабар додааст. 

Тавре манбаъ қайд намудааст, озмун дар доираи чор ширкати бузургтарини ҷаҳонӣ, ки бо номи “Чоргонаи бузург” эътироф шудаанд, маҳдуд мегардад.

Бонки миллӣ муҳлати пешниҳоди дархостҳо ва ҳуҷҷатҳо барои иштирок дар озмун то 1 ноябри соли 2019 муқаррар намудааст.

Бонки миллӣ аз ширкатҳои аудиторие, ки барои иштирок дар озмун таваҷҷуҳ зоҳир мекунанд, хоҳиш намудааст, ки дархостҳои худро ба нишонии Бонкравон намоянд.

Ёдрас мешавем, ки аудити мустақили Бонки миллии Тоҷикистон, дар соли 2015 нишон дода буд, ки ин ниҳоди молиявӣ дар соли 2015 бештар аз 945 миллион сомонӣ ва андаке бештар аз 100 миллион доллар зиёни молӣ дидааст.

Дар аудити Бонки миллӣ, ки ширкати “Энрст энд Янг” соли 2014 анҷом дода буд,  гуфта шуда буд, ки бонк бештар аз 1 миллиард сомонӣ муодили 120 миллион доллар зарари молӣ бардошта буд.

243
Барчаспҳо:
озмун, Бонки миллии Тоҷикистон, санҷиш, ҷустуҷӯ, хориҷӣ, ширкат, Бонки миллӣ, Тоҷикистон
Ёдгор Файзов, раиси ВМКБ

Ёдгор Файзов гуфт, ки чигуна Тоҷикистон тавонист коронавирусро пешгирӣ кунад

18
(Таҷдидшуда 16:33 12.07.2020)
Раиси Вилояти Мухтори Кӯҳистони Бадахшон Ёдгор Файзов се омили асосии пешгирӣ шудани коронавирус дар Тоҷикистонро номбар кард

ДУШАНБЕ, 12 июл – Sputnik.  Ба гуфтаи Ёдгор Файзов, раиси ВМКБ омилҳои асосии пешгирии коронавирус дар Тоҷикистон ин муборизаи муштараки мақомоти давлатӣ, бахши хусусӣ ва шарикони рушд буд.

"Маҳз муборизаи муштараки мақомоти давлатӣ, бахши хусусӣ ва шарикони рушд буд, ки ҷумҳурии  мо тавонист аз паҳншавии густурдаи ин беморӣ пешгирӣ намояд ва вазиятро ба эътидол оварад", - иброз дошт вай.

Ёдрас мешавем, чанде пеш, баҳри пешгирӣ аз паҳншавии бемории сироятии COVID-19 ва табобати он ширкати "Хрустал"  ба  муассисаҳои тандурустии Вилояти Мухтори Кӯҳистони Бадахшон  кумаки навбатӣ расонид, ки он аз  либосҳои бисёркаратаи муҳофизатӣ, ниқобу маҳлулҳои зиддисептикӣ ва доруворӣ иборат мебошад.

Сардори раёсати тандурустии  вилоят Фарид Музаффаров мегӯяд, ки ин ширкат ба муассисаҳои табобатии вилоят 10 ҳазор ниқоб, 179 дона либосҳои бисеркаратаи муҳофизатӣ, маҳлулҳои зиддисептикию доруворӣ  тақдим  намудааст. Ҳамаи ин маводҳо дар анборхона захира карда мешаванд ва дар ҳолати зарурӣ ба муассисаҳои табобатӣ дастрас карда мешаванд.

Мақомоти ВМКБ овозаи гирифтории Ёдгор Файзов ба COVID - 19 - ро бепоя хонд

"Зеро назар ба таҳлилҳои коршиносони соҳаи тиб бемории COVID-19 ба як бемории маъмулии табдил ёфтааст ва имкон дорад, ки  дуввумбора ҳам хуруҷ кунад. Алъон дар ҷаҳон барои табобати ин беморӣ ягон намуди воксина  аз тарафи  олимони сироятшинос тасдиқ нашудааст ва ягона роҳи наҷот аз ин он  истифодаи ниқоб ва риояи гигиенаи шахсӣ мебошад",- илова кард номбурда.

18
Праздничный намаз на Иди Курбон в Душанбе

Дари тамоми масоҷиди Ӯзбекистон баста шуд

15
(Таҷдидшуда 15:18 12.07.2020)
Ӯзбекистон бо далели афзоиши рекордии сирояти коронавирус дар кишвар дари тамоми масҷидҳояшро баста, аз сокинон хоҳиш мекунад, ки намозҳояшонро дар хонаҳояшон гузоранд

ДУШАНБЕ, 12 июл — Sputnik. Идораи динии мусалмонони Ӯзбекистон аз таътилии тамоми масоҷиди ин кишвар то аввали август хабар дод.

Идораи динии мусалмонони Узбакистон дар сайти худ навиштааст, ки манӯият аз таърихи 10 июл сарфи назар аз ин, ки устон дар минтақаи "сабз" ва ё "сурх" қарор дорад, иҷроӣ мешавад.

Пештар комиссияи вижаи мубориза бо коронавирус тасмим гирифта буд, маҳдудиятҳои карантин дар ин кишварро дар бурҳаи замони ёдшуда ташдид кунад.

Гуфтанӣ аст, ниҳодҳои динии Ӯзбекистон, ки дар минтақаи "сабз" қарор доранд, аз 8 июни бо риояти муқаррароти беҳдоштӣ-эпидемиологӣ (пӯшидани иҷбории ниқоб) ва ҳамчунин доштани фосилаи иҷтимоӣ муҷаддадан оғоз ба фаъолият карда буданд.

Ёдрас мешавем, кишвар баъди бурузи вирус дар ҷумҳурӣ минтақаҳоро вобаста ба паҳншавии коронавирус ба минтақаи "сабз" ё "сурх" ҷудо карда буд.

Пештар хабар дода шуд, ки дар Ӯзбекистон шумораи рекордии гирифторони вабои аср ба қайд гирифта шуд.

“Ковипир”: Ӯзбекистон тасмим дорад истеҳсоли доруи зидди коронавирусро ба роҳ монад

Бар пояи омори ин ниҳод дар давоми 24 соати гузашта дар ҳудуди Ӯзбекистон 500 ҳолати нави гирифторӣ ба коронавруси навъи COVID - 19 ба қайд гирифта шуд. Шумораи умумии беморон аз 12,7 ҳазор кас бештар шуд.

15
Доналд Трамп бо ниқоб

Трамп нахустин бор дар замони COVID - 19 ниқоб пӯшид

0
(Таҷдидшуда 15:58 12.07.2020)
Раисиҷумҳури Амрико Доналд Трамп зимни боздид аз маркази ҳарбӣ-тандурустӣ ниқоби тиббӣ пӯшид. Аз як тарафи ниқоб муҳри тиллоии президентӣ дарҷ гардидааст

ДУШАНБЕ, 12 июл – Sputnik. Президенти ИМА Доналд Трамп нахустин бор дар ҷои умумӣ бо ниқоби тиббӣ пайдо шуд, хабар медиҳад нашриёти СBC.

Раисиҷумҳури Амрико Доналд Трамп зимни боздид аз шифохонаи ба номи Walter Reed дар наздикии Вашингтон ниқоби тиббӣ пӯшид. Раисиҷумҳур бо низомиёни захмишуда ва пизишконе, ки парастории беморони корононавирусро бар ӯҳда доранд, дидору мулоқот кард.

Трамп ниқоби рангаш кабуди баланд пӯшидааст. Аз як тарафи ниқоб муҳри тиллоии президентӣ дарҷ гардидааст. Қайд мешавад, ҳайтае, ки президентро дар ин сафар ҳамроҳӣ мекард, низ ниқоб пӯшида буданд.

Амрикоиҳо Трампро раисҷумҳури заиф донистанд

"Ман фикр мекунам ин кори хуб аст - пӯшидани ниқоб. Ман ҳеҷ гоҳ мухолифи пӯшидани ниқоб набудам, вале ҳамаи чиз макон ва замони худро дорад". - гуфт Трамп дар суҳбат бо рӯзноманигорон Доналд Трамп.

То ин дам Доналд Трамп дар ҷое ҳам бо ниқоби тиббӣ пайдо нашуда буд, аммо гуфта буд, ки мумкин ниқоб ба ӯ зебанда бошад.

Бар пояи омори Донишгоҳи Ҷон Ҳопкинс, дар Иёлоти Муттаҳидаи Амрико то имрӯз беш аз 3 миллиону 240 ҳазор кас ба коронавируси нав мубтало шудаанд.

0
Барчаспҳо:
ниқоби сиёҳ, ИМА, Доналд Трамп
Мавзуҳо:
Пайомадҳои COVID-19 дар Тоҷикистон ва ҷаҳон