Эмомали Рахмон и его семья, архивное фото

Зодрӯзи Президент: суҳбати ғайрипротоколии Раҳмон ва тасвири Озода Раҳмон-видео

8909
(Таҷдидшуда 12:30 08.10.2019)
Эмомалӣ Раҳмон, раисиҷумҳури Тоҷикистон, ки ба иттилои котиботаш одатан зодрӯзро дар ҷои кор мегузаронад, 5 октябр 67-солагияшро таҷлил мекунад. Дар Тоҷикистон таҷлили зодрӯз танҳо дар доираи оила иҷозат дода шудааст

ДУШАНБЕ, 4 окт — Sputnik. Эмомалӣ Раҳмон дар зодрӯзаш аз ҳамтоёни хориҷӣ, роҳбарони созмонҳои байналмилалӣ ва аъзои Ҳукумат паёму шодбошиҳоро қабул мекунад. Раисиҷумҳури Тоҷикистон дар 66-умин солгарди мавлудаш - 5 октябри соли 2018 дар Ҷопон қарор дошт ва дар ҳошияи мулоқотҳою паёмҳои шодбошӣ ба муносибати мавлудаш, изҳор дошта буд, ки муҳим на зодрӯз, балки мулоқотҳоеянд, ки анҷом медиҳад.

Путин занг мезанад: тӯҳфаи махсус

Дар феҳрасти роҳбарони давлатҳои хориҷӣ, ки мунтазам Раҳмонро бо зодрӯз табрик мекунанду занг мезананд, ҳамто ва ҳамсоли русиягияш Владимир Путин мебошад, ки ҳар дуяшон моҳи октябри соли 1952 таваллуд шудаанд. Раисиҷумҳури Русия дар зодрӯзи гузашта зимни тамоси телефонӣ Эмомалӣ Раҳмонро аз сиёсатмадорони шинохта дар хориҷ аз кишвар гуфта, саломатии бардавом, некӯаҳволӣ ва муваффақият таманно карда буд. Яке аз туҳфаҳои Путин, ки ба муносибати 60-солагӣ ба Эмомалӣ Раҳмон тақдим карду дар сархати расонаҳо қарор гирифта буд, силоҳи “снайпер”-и муосири махсус буд.

Танҳо дар доираи оила: Озода Раҳмон фазои зодрӯзи падарро гуфт

Моддаи 8-и қонуни Тоҷикистон дар бораи танзими анъана ва ҷашну маросимҳо, таҷлили зодрӯзро танҳо дар доираи оила иҷозат дода, барои нақзи ин қонун ба шахсони воқеӣ ба андозаи аз 100 то 120 ва мансабдорон аз 250 то 270  нишондиҳанда барои ҳисобҳо ҷарима таҳдид мекунад.

Озода Раҳмон, роҳбари Дастгоҳи иҷроияи президент ва духтари Эмомалӣ Раҳмон, зимни тасвири ҷашни мавлуди падараш изҳор дошта буд, ки ин рӯз фарзандонро сари як дастархон ҷамъ меораду барои аҳли фарзандону наберагон ва пайвандон, як рӯзи пур аз шодмонию саодат мебошад.

Озода Раҳмон дар ҷашни 65-солагии Эмомалӣ Раҳмон аз номи аҳли оила сарвари хонадонро шодбош гуфта, таъкид намуда буд, ки “мо ҳама фарзандону наберагон қавл медиҳем, ки мисли Шумо падари азизам, даст болои дил, барои Ватану сарзамин ва халқи азизи Тоҷикистон содиқона ва бо виҷдони пок хизмат мекунем”.

Суҳбати ғайрипротоколии Эмомалӣ Раҳмон: фоҷиа баъди ҷашн

Худи Эмомалӣ Раҳмон, бар асоси суҳбатҳои берун аз протоколие, ки дар расонаҳо нашр шуданд,  ҷашни зодрӯзашро баъди соли 2017-ум чандон хуш надорад. Андрей Мамикин, вакили парлумони Аврупо дар пайи мулоқот бо раисиҷумҳури Тоҷикистон дар як ҳайати аврупоӣ изҳор дошт, ки баъди мулоқоти расмӣ, Раҳмон бо вакилони аврупоӣ суҳбати самимие дошт.

“Дар пешам Раҳмон ба ҳайси як инсон зуҳур кард, ки аз хотироташ мегуфт. Баногоҳ нақл кард, ки чаро зодрӯзашро хуш надорад. Баъди таҷлили зодрӯзаш, бо гузашти чанд соат аз лаҳзаи хайрухуш бародари президент даргузаштааст, ки барояш бештар аз як бародар будааст. Ин хеле такондиҳанда буд”, - нақл кард Мамикин дар суҳбат бо Sputnik Тоҷикистон.

Ба иттилои  Эмомалӣ Раҳмон, ӯ бо бародараш Нуриддин Раҳмон хеле наздик буд ва ёд надорад, ки боре бо ҳам гапи баланд гуфта бошанд.

Аз устои барқ то Пешвои миллат: зинаҳои кории Эмомалӣ Раҳмон

Эмомалӣ Раҳмон 5 октябри соли 1952 дар ноҳияи Данғараи Тоҷикистон дар оилаи деҳқон, Шариф Раҳмон таваллуд шудааст.

Фаъолияти меҳнатиашро соли 1969, баъд аз хатми Омӯзишгоҳи касбию техникии № 40-и шаҳри Калининобод - ҳоло Сарбанд, ба ҳайси устои барқ дар Корхонаи равғанкашии шаҳри Қӯрғонтеппа - ҳоло Бохтар, шурӯъ намудааст.

Солҳои 1971-1974 дар Флоти уқёнуси Ором дар хизмати ҳарбӣ буд. Пас аз хизмати ҳарбӣ ба зодгоҳи худ баргашта, дар совхози ба номи Ленини ноҳияи Данғара кор кардааст.

Соли 1982 факултети иқтисоди Донишгоҳи миллии Тоҷикистонро хатм намуд.

Солҳои 1976-1987 дар вазифаҳои котиби раёсат, раиси Кумитаи иттифоқҳои касабаи совхози ба номи Ленини ноҳияи Данғара буд. Сипас дар мақомоти ҳизбӣ фаъолият дошт.

Аз соли 1987 то соли 1992 директори совхози ба номи Ленини ноҳияи Данғара буд. Соли 1990 Эмомалӣ Раҳмон вакили мардумӣ дар Шӯрои Олии Тоҷикистон даъвати ХII интихоб мешавад. Тирамоҳи соли 1992 раиси Кумитаи иҷроияи Шӯрои намояндагони халқи вилояти Кӯлоб интихоб гардид.

Рӯзи 19 ноябри соли 1992 дар иҷлосияи XVI Шӯрои Олии Тоҷикистон Эмомалӣ Раҳмон Раиси Шӯрои Олии Ҷумҳурии Тоҷикистон интихоб шуд. 6 ноябри соли 1994 Эмомалӣ Раҳмон бо роҳи овоздиҳии умумихалқӣ Президенти Ҷумҳурии Тоҷикистон интихоб шуд.

Ӯ 6 ноябри соли 1999 дар асоси алтернативӣ ва бо овоздиҳии умумихалқӣ бори дуюм ба мӯҳлати ҳафт сол Президенти Тоҷикистон интихоб гардида, 6 ноябри соли 2006 бори сеюм ба мӯҳлати ҳафт сол роҳбари Тоҷикистон шуд. Тибқи иттилои расмӣ, Эмомалӣ Раҳмон 6 ноябри соли 2013 бо 84,23% овози интихобкунандагон дар интихоботи навбатии Президенти Тоҷикистон пирӯз гардид.

Эмомалӣ Раҳмон аз соли 2016 дорои унвони Асосгузори сулҳу ваҳдати миллӣ – Пешвои миллат мебошад ва аз ҳаққи бемаҳдуди пешниҳоди номзадияш дар интихобот бархӯрдор аст.  Раисиҷумҳури Тоҷикистон оиладор ва падари нӯҳ фарзанд мебошад.

8909
Барчаспҳо:
тарҷумаи ҳоли президент, табрикот, номаи шодбошӣ, Рустами Эмомалӣ, Эмомалӣ Раҳмон, зодрӯз, Тоҷикистон
Самолет, на фоне заката

Тавофуқи Тоҷикистону Русия ба интиқоли нахустин гурӯҳи муҳоҷирон - вақти сафар маълум шуд

1033
Вазорати меҳнати Тоҷикистон ба интиқоли 434 муҳоҷири меҳнатӣ ба кор ба соҳаи сохтмон дар шаҳри Иркутск бо Русия ба тавофуқ расид

ДУШАНБЕ, 23 янв — Sputnik. Вазорати меҳнат ва шуғли аҳолии Тоҷикистон ба вилояти Иркутск 434 муҳоҷири меҳнатиро дар мувофиқа бо ширкатҳои сохтмонии Русия ирсол мекунад. Дар ин бора вазорат гузориш додааст.

"Вазорати меҳнат тибқи дастури муовини сарвазири ҳукумати Русия Татяна Голикова дар доираи ҷалби муташаккилонаи муҳоҷирони меҳнатӣ созишнома ба имзо расонид ", - омадааст дар иттилоия.

Инчунин қайд карда мешавад, ки қарор аз ҷониби ситод оид ба пешгирӣ аз воридот ва паҳншавии коронавирус дар Федератсияи Русия тасдиқ карда шудааст.

Тибқи созишнома, 434 муҳоҷири меҳнатӣ аз Тоҷикистон соҳиби ҷойҳои кории кафолатнок шуданд ва дар Иркутск дар ҶДММ "Промстроймаш", ҶДММ "Сибстальстрой" ва ҶДММ "СМПК-7" бо кор таъмин карда мешаванд.

Гурӯҳи якуми коргарон дар аввали ҳафтаи оянда ба Иркутск парвоз хоҳанд кард, ҳоло масъалаҳои ташкилӣ ҳамоҳанг карда мешаванд, илова ба Вазорати меҳнат.

Тибқи иттилои ин шӯъба, тамоми хароҷоти парвозҳо, карантини дуҳафтаина, ҳуҷҷатгузорӣ, хобгоҳ ва хӯрок аз ҳисоби ширкатҳои дар боло зикршуда пардохта мешавад.

1033
Председатель Демократической партии  Саидджафар Усмонзода

Саволи "хиҷолатбор"-и Усмонзода ба вазири мудофиа: медонем, ки чаро аз хизмат мегурезанд

1298
(Таҷдидшуда 23:06 23.01.2021)
Саидҷаъфар Усмонзода, вакили Маҷлиси намояндагон ва раиси Ҳизби демократи Тоҷикистон ба Шералӣ Мирзо, вазири мудофиа мавзӯи шиканҷа дар қисмҳои ҳарбии Тоҷикистонро ба миён гузошта, пурсидааст, ки вазир чи андеша дорад

ДУШАНБЕ, 23 янв – Sputnik. Усмонзода дар иҷлосияи маҷлиси намояндагон пас аз баромади Шералӣ Мирзо дар бораи шарҳи лоиҳаи қонуни нави ҳарбӣ мавзӯи муносибатҳои ғайриқонунӣ дар қисмҳои ҳарбиро ба миён гузошта, қайд кардааст, ки чунин ҳолатҳо ба худи вазир ҳам маълуманд.

"Муҳтарам вазир, муносибатҳои ғариоинномавӣ дар қисмҳои ҳарбӣ, агар гӯем маъмулӣ шудааст, хато намекунем. Аз ин хусус зимни суҳбату мулоқот бо интихобкунандагон волидайне, ки фарзандонашон хизмати аскариро ба ҷой меоранд, изҳори ташвиш мекунанд", - таъкид кардааст ӯ.

Вай мисол овардааст, ки аз ҷумла, чунин ҳолат дар қисми ҳарбии марбут ба Кумитаи ҳолатҳои фавқулода, воқеъ дар ноҳияи Шаҳринав ва қисми ҳарбӣ, воқеъ дар шаҳри Душанбе, ба қайд гирифта шуда.

"Шумо аз он огоҳед", - таъкид кардааст Усмонзода ба Шералӣ Мирзо.

Ба қавли Усмонзода маҳз ҳамин ҳолатҳо, боиси дилсардии ҷавонон аз хизмати модар-ватан гардидааст.

"Чунин мисолҳои муносибатҳои ғайриоинномавӣ дар дигар қисмҳои ҳарбӣ низ ҷой дошта, боис шудааст, ки ҷавонони синни даъват ба ҳар роҳ мекӯшанд аз хизмат дар сафи Қувваҳои Мусаллаҳ сар печанд. Барои аз миён бардоштани чунин муносибатҳо чораҳои мушаххас андешидан зарур аст. Фикри шумо дар ин хусус чист?", - пурсидааст вай.

Шералӣ Мирзо дар посух гуфтааст, ки аз ҷой доштани чунин муносибат дар қисмҳои ҳарбӣ хабар дорад.

" Мутаассифона, чунин ҳолат ҷой дорад. Вазорати мудофиа ҳама чораро меандешад, ки ба чунин вазъ хотима диҳад. Ҳарчанд теъдоди чунин вайронкуниҳо тӯли солҳои охир ду — се маротиба кам шудааст, вале то ҳол он хотима наёфтааст", - изҳори нигаронӣ кардааст вай.

Шералӣ Мизо афзуд, бо қабули қонун дар таҳрири нав ба масъалаи зикршуда боз ҳам бештар диққат дода хоҳад шуд.

1298
Бокс, архивное фото

Воҳидов камарбанди WBO-ро гирифт: набарди дидании муштзани шикастнадидаи тоҷик-видео

0
(Таҷдидшуда 01:56 24.01.2021)
Асрор Воҳидов, муштзани шикастнадидаи тоҷик, дар мусобиқаи байналмиллалии “RCC Boxing Promotions” камарбанди WBO (Созмони ҷаҳонии бокс)-ро соҳиб гашт

ДУШАНБЕ, 23 янв – Sputnik. Ин рақобати нуҳуми Воҳидов буд, ки бидуни шикаст поён ёфт.

Мусобиқот шоми имрӯз дар шаҳи Екатеринбург баргузор гардида, Воҳид Асроров намояндаи Африқои Ҷанубӣ Тато Бонокоанеро шикаст дод.

Мавриди зикр аст, ки рақобат барои ҳарду варзишкор шадид оғоз шуд, аммо Воҳидов майдондориро аз даст намедод ва ин буд, ки пас аз зарбаҳои шадиди пайиҳам ҳарифашро дар даври 9-ум нокаут кард.

Гуфта мешавад, ин рақобат барои Воҳидов зарурӣ буд, зеро он барои камарбанди WBO Oriental баргузор шуда буд.

Видеои муштзании Воҳидови шикастнадида бо “Ракета”-и қазоқ: пирӯзӣ баъди нокдаун-навор

Ҳамакнун Воҳидови 26-сола дар 9 сабқати касбӣ 9 пирӯзӣ ба даст овард.

Ёдовар мешавем, Асроров ахири соли гузашта варзишкори украинӣ Данило Савченко ва қабл аз он Ержан Залилов, муштзани қазоқ, бо лақаби “Ракета”-ро шикаст дод.

Асрор Воҳидов 20 октябри соли 1995 дар Исфара таваллуд шудааст. Варзишгар дар вазнҳои то 52 кг ва то 56 кг баромад мекунад.

0