Министр транспорта Худоёр Худоёров, архивное фото

Раҳмон ба Худоёрзода Худоёр вазири нақлиёти Тоҷикистон вазифаи нав дод

5835
(Таҷдидшуда 21:54 05.10.2019)
Вазири нақлиёти Тоҷикистон ҳамзамон раиси Комиссияи миллии Тоҷикистон дар Долони байналмилалии нақлиётиии Аврупо – Осиё – Қофқоз, Қафқоз Осиё таъин гардид

ДУШАНБЕ, 5 окт — Sputnik. Бо пешниҳоди Давлаталӣ Саид, муовини якуми сарвазири Тоҷикистон ва розигии Эмомалӣ Раҳмон, раисҷумҳури кишвар  Худоёрзода Худоёр, вазири нақлиёти Тоҷикистон раиси Комиссияи миллии Тоҷикистон дар Долони байналмилалии нақлиётиии Аврупо – Осиё – Қофқоз, Қафқоз Осиё – (ТРАСЕКА)  таъйин шудааст.

Дар ин бора дафтари матбуоти вазорати нақлиёти Тоҷикистон хабар додааст.

Бино бар иттилои манбаъ, то ҳол дар ин Комиссия Тоҷикистонро Давлаталӣ Саид, муовини якуми сарвазири Тоҷикистон муаррифӣ мекард.

“Барои таъмини сатҳи баробар бо дигар кишварҳои аъзои долони мазкур, аз тарафи худи муовини аввали Сарвазири кишвар номзадии вазири нақлиёт ба ҳайси раиси Комиссияи миллии Тоҷикистон дар ТРАСЕККА пешниҳод гардида, ин пешниҳод аз тарафи Эмомалӣ Раҳмон, раисҷумҳури кишвар ҷонибдорӣ ёфтааст”, - таъкид намудааст манбаъ.

Ёдрас мешавем, ки Иттиҳодияи Аврупо соли 1993 барномаеро бо номи Долон ё роҳрави нақлиётии  Аврупо – Осиё – Қофқоз, Қафқоз Осиё – (ТРАСЕКА)  матраҳ ва сармоягузорӣ кард. Бар пояи он ҳашт ҷумҳурии собиқ Шӯравии Осиёи Марказӣ ва Қафқоз бояд ба роҳҳои алтернативии рафтуомад ва интиқоли бор ба Аврупо имкон ёбанд.

5835
Барчаспҳо:
таъйинот, таъйиноти кадрӣ, нақлиёт, муовини сарвазир, Эмомалӣ Раҳмон, вазифаи нав, вазири нақлиёт, Тоҷикистон
Ҳалокати кӯдак дар пайи садама дар Ховалинг

Ронанда дар хати пиёдагузар ноболиғи 10 - соларо пахш кард

35
Вазорати умури дохилии Тоҷикистон аз ҳалокати кӯдаки 10 - сола хабар медиҳад, ки дар хати гузаргоҳи пиёдагардон зери чархи мошин мондааст

ДУШАНБЕ, 3 июл — Sputnik. Ҳодисаи нохуш рӯзи 1- уми июл, тахминан соати 22:00 дақиқа рух додааст.

Бар хабари Вазорати умури дохилии Тоҷикистон, ронандаи автомашинаи тамғаи "Деу-некси"  Ҷамии Ҳамиди 24 - сола, сокини ҷамоати деҳоти Рӯдакии ноҳияи Восеъ, дар хати пиёдагузар ноболиғро зер кардааст.

"Ронанда ҳангоми ҳаракат бо кӯчаи Н.Қарабоев аз самти кӯчаи Абая ба самти кӯчаи С.Шерозӣ, дар болои хати гузаргоҳи пиёдагардон, пиёдагарди ноболиғ, Исроилова Фарида Шодиевна, соли таваллудаш 2010, сокини ҷамоати деҳоти Русияи ноҳияи Рӯдакиро пахш намудааст", - таъкид мешавад дар хабар.

Садамаи мудҳиш дар Восеъ оилаи Комиловҳоро мотамзада кард: ду тан ҳалок ва дуи дигар захмӣ

ВУД Тоҷикистон мегӯяд, бар асари ин ҳодиса ноболиғи 10 - сола ҷароҳати ҷисмонӣ бардошта, ҳангоми ба беморхона дастрас кардан ба ҳалокат расидааст.
Манбаъ меафзояд, феълан аз руи ҳодисаи мазкур таҳқиқот идома дорад.

35
Барчаспҳо:
ҳалокат, пиёдагард, ноболиғ, садама
Сотрудник МЧС во время учений, архивное фото

Сӯхтор дар Панҷакент ба ҳалокати келини хонавода ва ду кӯдаки ноболиғаш анҷомид

344
(Таҷдидшуда 12:25 03.07.2020)
Бар асари сӯхтор дар манзили зисти сокини 56 - сола дар шаҳри Панҷакент келини хонавода бо ду фарзанди кӯчакаш ба ҳалокат расид

ДУШАНБЕ, 3 июл — Sputnik. Шаби 2 - юми июл дар манзили зисти сокини шаҳри Панҷакент сӯхтори шадид рух дод, хабар медиҳад Вазорати умури дохилии Тоҷикистон.

Ба иттилои манбаъ, сӯхтор дар манзили Солиев Баёни 56 - сола,  сокини деҳаи Баҳори ҷамоати деҳоти Лоиқ Шералии шаҳри Панҷакент ба амал омад.

Гуфта мешавад, бар асари сӯхтор келини соҳибхона Каримова Таҳминаи 43 - сола  бо фарзандонаш Солеҳзода Меҳваршои 4 - сола ва Солеҳзода Талабшои 2 - сола фавтидаанд.

Сӯхтор дар корхонаи коркарди нафт дар Тоҷикистон: ба корхона хисороти калон овард

Ҳамчунин, худи соҳибхона Солиев Баён, ҷароҳати сӯхтагии бадан бардошта, ба Шуъбаи эҳёи Беморхонаи марказии шаҳри Панҷакент интиқол ёфт.

Ба иттилои пизишкон ҳудуди 99 фисади бадан ва ҳамчунин 30 дарсади роҳҳои нафаси соҳибхона сӯхтаанд.

ВУД Тоҷикистон мегӯяд, зарар аз сӯхтор 7780 сомонӣ буда, маблағи молу мулки аз сӯхтор эмин нигоҳдоштаи кормандони Хадамоти давлатии оташнишонӣ ба 122 000 сомонӣ баробар аст.

Феълан омили сар задани сӯхтор муайян мешавад.

344
Барчаспҳо:
ҳалок, кӯдак, келин, сӯхтор, Панҷакент