Сирийский флаг на фоне разрушенного дома в сирийском городе Маалюля

Зубайдулло Зубайдов: Тоҷикистон аз ҳокимият ва истиқлоли Сурия ҳимоят мекунад

606
(Таҷдидшуда 19:36 05.10.2019)
Сафири Тоҷикистон дар Кувейт дар маъмурияти расмӣ ба Димишқ эълон кардааст, ки Тоҷикистон аз ҳокимият ва истиқлоли Сурия ҳимоят мекунад ва дар канори он барои мубориза бо терроризм, то расидан ба пирӯзии комил меистад

ДУШАНБЕ, 5 окт — Sputnik. Ба нақл аз хабаргузории Форс, Зубайдулло Зубайдов, сафири Тоҷикистон дар Кувейт, ки дар як маъмурияти расмӣ дар Димишқ ҳузур дорад, дар гуфтугӯ бо хабаргузории расмии Сурия, Сано пирӯзии Сурия ва мардуми он бар терроризмро "шигифтангез ва олӣ" тавсиф кард.

Вай гуфт, ин пирӯзӣ бидуни муқовимати мардум ва пуштибонии онҳо аз раҳбарии Башор Асад мумкин набуд.

Зубайдов бо ишора ба ин, ки кишвараш дар солҳои ҷанги дохилии худ низ дар даврони ҷангу бесуботии Афғонистон, аз терроризм ранҷ бурдааст, бар аҳамияти кишварҳо дар мубориза бо терроризм таъкид кард.

Кӯдаконе, ки аз Ироқ оварда шуданд ба оилаҳову наздиконашон дода нашудаанд

Фиристодаи Тоҷикистон ба Дамишқ ибрози умедворӣ кард, ки кишвараш битавонад дар марҳилаи бозсозии Сурия мушорикат кунад ва дар пеши рӯ шоҳиди табодули ҳайатҳо байни ду кишвар, бахусус дар заминаи гардишгарӣ бошад.

Зубайдов бо ишора ба дидори рӯзи ҷумъаи худ бо Файсал Алмиқдод, муовини вазири хориҷаи Сурия ва гуфтугӯ дар бораи тақвияти равобити дуҷониба, табодули ҳайатҳои дипломатӣ гуфт, ки  умед аст арзёбиҳои кишвараш бо Дамишқ ба зудӣ дар сатҳи Вазорати хориҷаи ду кишвар оғоз шавад.

Ҳамзамон вазорати умури хориҷаи Тоҷикистон хабар додааст, ки рӯзи 2 октябри соли равон дар шаҳри Димишқ мулоқоти Сафири Тоҷикистон дар Кувайт Зубайдзода Зубайдулло бо Муовини аввали Вазири корҳои хориҷии Сурия Файсал ал-Миқдод баргузор гардид.

Дар мулоқот тарафҳо масъалаи муайян намудани шахсияту шумораи шаҳрвандони Тоҷикистон дар он кишвар, роҳҳои баргардонидани онҳо ба Ватан, ҳамчунин густариши ҳамкориҳои дуҷониба миёни ду кишвар дар соҳаҳои гуногун, аз ҷумла мубориза бо терроризму экстремизм бо дарназардошти таҷрибаи фаровони он кишвар дар ин самт мавриди баррасии қарор гирифт.

Инчунин тарафҳо дар атрофи вазъияти минтақаи Ховари Миёна табодули назар карданд.

606
Барчаспҳо:
Зубайдулло Зубайдов, сафир, шаҳрвандон, баргардонидан, терроризм, ҳимоят, истиқлол, ҳамкорӣ, Сурия, Тоҷикистон
Ёдгор Файзов, раиси ВМКБ ҳангоми мулоқот бо ризокорон дар Хоруғ

Сахт андӯҳгин шудем: ҳамдардии Ёдгор Файзов бо хонаводаи Назарбегим Муборакшоева

21
(Таҷдидшуда 18:27 12.07.2020)
Раиси Вилояти Мухтори Кӯҳистони Бадахшон бо аҳли хонавода ва ёру дӯстони Назарбегим Муборакшоева изҳори ҳамдардӣ кардааст

ДУШАНБЕ, 12 июл – Sputnik. Ёдгор Файзов раиси Вилояти Мухтори Кӯҳистони Бадахшон дар робита бо даргузашти ходими сиёсӣ ва чамъияти Назарбегим Муборакшоева бо аҳли хонаводааш изҳори таслият кардааст.

"Мақомоти иҷроияи ҳокимияти давлатии ВМКБ аз марги нобаҳангоми ходими сиёсӣ ва чамъияти, собиқ муовини раиси Маҷлиси миллии Ҷумҳурии Тоҷикистон, муовини раиси вилоят, собиқ раиси ноҳияи Рӯшон ва шаҳри Хоруғ Назарбегим Муборакшоева сахт андўҳгин буда, ба пайвандон, хешу ақрабо ва наздикони марҳум изҳори тассалият ва ҳамдардии самимӣ баён намуда, аз даргоҳи Яздони пок барои онҳо сабри ҷамилро хоҳон аст", - омадааст дар таъзияномае, ки мақомоти ВМКБ нашр кардааст.

Назарбегим Муборакшоева ходими сиёсӣ ва чамъияти, собиқ муовини раиси Маҷлиси миллии Ҷумҳурии Тоҷикистон, муовини раиси вилоят, собиқ раиси ноҳияи Рӯшон ва шаҳри Хоруғ, дар синни 68 - солагӣ аз олам даргузашт.

Назарбегим Муборакшоева 7 марти соли 1952 дар ноҳияи Рӯшони Вилояти Мухтори Кӯҳистони Бадахшон ба дунё омадааст.

Соли 1974 Донишкадаи кишоварзии Тоҷикистонро бо ихтисоси ограном хатм кардааст.

Соли 1991 Мактаби олии партиявии шаҳри Тошкандро бо ихтисоси сиёсатшинос хатм кардааст. 

Фаъолияти кориашро аз соли 1974 оғоз кардааст. Пас аз хатми донишкада Муборакшоева чун сарагрономи колхози Шотемурови ноҳияи Шуғнон кор карда пасон дар бахшҳои гуногуни партиявӣ ва раҳбари шӯъбаи Шӯрои вакилони халқи ноҳияи Рӯшон фаъолият кардааст.

Аз соли 1997 раиси ноҳияи Рӯшони ВМКБ буд. Пасон ба ҳайси муовини раиси Вилояти Мухтори Кӯҳистони Бадахшон кор кард.

Солҳои 2000-2005 вакили Маҷлиси миллӣ Маҷлиси Олии Ҷумҳурии Тоҷикистон даъвати дуюм буд. Ӯ аз ҳавзаи 1-уми ВМКБ ба ҳайси вакил интихоб шуда буд. Муовини раиси Маҷлиси миллии Маҷлиси Олии ҶТ.

Узви Шӯрои Маҷлиси миллӣ, Маҷлиси Олии ҶТ. 

Аз моҳи марти соли 2007 то 15 апрели соли 2008 раиси шаҳри Хоруғ буд.

21
Барчаспҳо:
даргузашт, ВМКБ, ҳамдардӣ
Российской военно-транспортной авиации 89 лет

Даргузашти Назарбегим Муборакшоева, собиқ раиси шаҳри Хоруғ

283
(Таҷдидшуда 18:28 12.07.2020)
Назарбегим Муборакшоева имрӯз, 12 июл аз олам даргузашт. Ӯ ходими сиёсӣ ва чамъиятӣ, собиқ муовини раиси Маҷлиси миллии Ҷумҳурии Тоҷикистон, муовини раиси вилоят, собиқ раиси ноҳияи Рӯшон ва шаҳри Хоруғ, собиқ раиси шаҳри Хоруғ ва ноҳияи Рӯшони ВМКБ буд

ДУШАНБЕ, 12 июл – Sputnik. Назарбегим Муборакшоева ходими сиёсӣ ва чамъияти, собиқ муовини раиси Маҷлиси миллии Ҷумҳурии Тоҷикистон, муовини раиси вилоят, собиқ раиси ноҳияи Рӯшон ва шаҳри Хоруғ дар синни 68 - солагӣ аз олам даргузашт.

Дар ин бора журналист Улфатхоним Маҳмадшоева дар фейсбук дар гурӯҳи Pamir news хабар додааст.

Назарбегим Муборакшоева 7 марти соли 1952 дар ноҳияи Рӯшони Вилояти Мухтори Кӯҳистони Бадахшон ба дунё омадааст.

Соли 1974 Донишкадаи кишоварзии Тоҷикистонро бо ихтисоси ограном хатм кардааст.

Соли 1991 Мактаби олии партиявии шаҳри Тошкандро бо ихтисоси сиёсатшинос хатм кардааст. 

Фаъолияти кориашро аз соли 1974 оғоз кардааст. Пас аз хатми донишкада Муборакшоева чун сарагрономи колхози Шотемурови ноҳияи Шуғнон кор карда пасон дар бахшҳои гуногуни партиявӣ ва раҳбари шӯъбаи Шӯрои вакилони халқи ноҳияи Рӯшон фаъолият кардааст.

Аз соли 1997 раиси ноҳияи Рӯшони ВМКБ буд. Пасон ба ҳайси муовини раиси Вилояти Мухтори Кӯҳистони Бадахшон кор кард.

Солҳои 2000-2005 вакили Маҷлиси миллӣ Маҷлиси Олии Ҷумҳурии Тоҷикистон даъвати дуюм буд. Ӯ аз ҳавзаи 1-уми ВМКБ ба ҳайси вакил интихоб шуда буд. Муовини раиси Маҷлиси миллии Маҷлиси Олии ҶТ.

Узви Шӯрои Маҷлиси миллӣ, Маҷлиси Олии ҶТ. 

Аз моҳи марти соли 2007 то 15 апрели соли 2008 раиси шаҳри Хоруғ буд.

283
Барчаспҳо:
Хоруғ, шаҳр, раис, собиқ, ВМКБ, даргузашт
Денежные купюры

Иқтисодшиносон аз коҳиши арзиши рубл ва гарон шудани доллар ҳушдор медиҳанд

0
Иқтисодшиносон тавзеҳ доданд, ки арзиши доллар ва рубл дар моҳи август аз кадом омилҳо вобаста хоҳад буд

ДУШАНБЕ, 12 июл — Sputnik. Феълан бозори асъори ҷаҳониро вазъи пандемияи коронавирус идора мекунад, гуфтааст коршинос  Марк Гойхман дар мусоҳиба бо "Российская газета".

"Сенарияи неки арзиши рублу доллар аз паси сар шудани давраи тезу тунди пандемия, хусусан дар Аврупо вобаста аст. Он дороиҳои хатарнокро тамоми ҳафтаи равон, аз ҷумла аксияҳо, нафт ва рублро дастгирӣ мекард. Аммо охири ҳафта афзоиши сирояти коронавирус ба бозор бетаъсир намонд", - гуфт коршинос.

Ӯ таъкид бар рекорди нави афзоиши сирояти коронавирус дар Амрико, Чин, Ҷопон ва Австралия кард.

"Ду тамоюли короновирусии бо ҳам муқобил, бо ҳам пайваст шуда, раванди таҷаммӯи дороиҳои хатарнокро суст карданд, ки байни онҳо рубл низ ҳаст. Онҳо дар мувозинати заифе монданд", - тавзеҳ дод вай.

Коршинос тахмин мезанад, ки рӯзҳои наздик барои рубл тағйирот меоранд. Сабаби асосӣ дар вазъи номаълуми натиҷаҳои рӯйдодҳои ахир ва вазъи бозор мебошад.

Бино бар пешгӯии коршинос, ҳафтаи сеюми июл доллар метавонад ба 68,9 то 72,5 рубл баробар шавад, евро 78,3-81,6 рубл хоҳад шуд. 

Ба арзиши рубл дар моҳи август панҷ омил таъсир мерасонанд, мегӯяд Гойхман.

Аввалинаш, ба гуфтаи вай, ба анҷом расидани давраи пардохти дивидентҳо аз ҷониби ширкатҳои русӣ ба анҷом мерасад. Дувум, мегӯяд коршинос, табдили фоидаи рубл ба асъор аз ҷониби саҳмдорони бузурги аксияҳои русӣ дар хориҷ мебошад.

"Пас аз коҳиши нархи калидӣ Бонки марказии Русия тадриҷан даромаднокии сармоя ба авроқи қарзии Русия аз ҷониби шахсони ғайри муқимро кам мекунад, ки ин омили севум аст", - афзудааст иқтисодшинос.

Ба гуфтаи ӯ, омили чорум аз ҷониби Бонки марказӣ кам шудани фурӯши асъор бо роҳи "қонуни буҷавӣ" мебошад. 

Ва дар охир, омили панум, зиёд шудани талабот ба асъори хориҷӣ бо далели воридоти амволи хориҷӣ пас аз карантин мебошад, афзуд вай.

Пешбинии коршинос: арзиши доллар тобистон поён мераваду рубл боло

Марк Гойхман боварӣ дорад, ки ин панҷ омил боиси поён рафтани арзиши рубл мешавад.

"Дар моҳи август арзиши доллар метавонад ба 73-74 ва арзиши евро ба 82-83 рубл баробар шавад", - мегӯяд коршинос.

0