Строительство Рогунской гидроэлектростанции на реке Вахш 1983 год

Муҳандисони эронӣ барои сохту сози нақби “Анзоб” ба Тоҷикистон меоянд

588
Муовини вазири нерӯи Эрон дар умури обу оби фозилоб аз такмили тарҳи нақби 6 километрии Анзоб дар Тоҷикистон аз ҷониби мутахассисони дохилӣ хабар дод

ДУШАНБЕ, 8 окт — Sputnik. Қосими Нақизодаи Хомисӣ дар ҳошияи Нишасти қоим мақоми вазири нақлиёти Тоҷикистон бо вазири нерӯи Эрон афзуд, ҳазинаи иҷрои ин тарҳ ҳудуди 10.5 миллион доллар аст, ки ниме аз онро Эрон ва боқимондаи онро  Тоҷикистон пардохт хоҳад кард, иттилоъ додааст хабаргузории Parstoday.

Тавре муовини вазири нерӯи Эрон афзуд, дарсададем бо такмили ин тарҳ фаолиятҳои бисёр бештареро бо ин кишвар оғоз кунем ва умедворем, то пеш аз баргузории Камиссиони муштараки ду кишвар битавонем ба натиҷаҳои мусбате барои тавсеаи ҳамкориҳои Душанбе-Теҳрон даст ёбем.

Вай бо ишора ба барномарезии сурат гирифта барои тамом кардани нақби Анзоби Тоҷикистон гуфт, ин нақб яке аз тарҳҳоест, ки аз ҷониби ширкатҳои эронӣ мароҳили ниҳоии сохти худро дар ин кишвар тай мекунад ва дар ин сафар муқаррар шудааст, то дар хусуси мароҳили насби таҷҳизоти боқимондаи нақб музокироти лозим сурат гирад.

Тақизодаи Хомисӣ бо баёни инки Вазорати нерӯи Эрон масъулияти Камиссиони муштараки ҳамкориҳои иқтисодӣ ва тиҷории Эрон ва Тоҷикистонро бар уҳда дорад афзуд, бар асоси барномарезии суратгирифта сездаҳумин Камиссиони муштараки ҳамкориҳои ду кишвар дуввум ва севвуми декабр дар Теҳрон баргузор хоҳад шуд.

588
Барчаспҳо:
ҳазина, маблағ, муҳандис, нақб, Эрон, Тоҷикистон
Здание налогового комитета в Душнабе, архивное фото

Дар Суғд 27,3 миллион сомонӣ пинҳонкории андоз ошкор шуд

10
(Таҷдидшуда 12:33 09.08.2020)
Дар миқёси вилояти Суғд 35 536 нафар соҳибкорони инфиродии бо патент фаъолияткунанда ба қайд гирифта шуда, аз ин ҳисоб ба буҷети давлатӣ 33,0 млн.сомонӣ андозҳо ворид шудааст

 ДУШАНБЕ, 9 авг — Sputnik. Дар Суғд 27,3 миллион сомонӣ пинҳонкории андоз ошкор шуд, гузориш медиҳад "Ховар".

Бино бар иттилои манбаъ, кормандони Раёсати андози вилояти Суғд дар доираи иҷрои қонунгузории Ҷумҳурии Тоҷикистон оид ба сари вақт пардохт намудани андоз ва ҳолатҳои саркашинамоӣ аз андозсупорӣ давоми шашмоҳаи  якуми соли 2020 нисбат ба фаъолияти 340 соҳибкори инфиродӣ ва шахсони ҳуқуқӣ санҷиши риояи қонунгузории андоз гузарониданд.

"Дар натиҷа ба маблағи 27,3 млн.сомонӣ ҳолатҳои пинҳонкунии андозро ошкор намуда, аз ин ҳисоб 24,6 млн сомониашро ба буҷети давлат ситонидаанд", - тавзеҳ медиҳад манбаъ.

Гуфта мешавад, дар давраи ҳисоботӣ дар самти маҷбуран ситонидани қарзи андозҳо 1531 адад қарор оид ба маҷбуран ситонидани андозҳо ба маблағи умумии 55,9 млн.сомонӣ қабул гардида, аз ин ҳисоб 40,1 млн.сомонӣ рӯёнида шуд, ки   нисбат ба ҳамин давраи соли гузашта 22,6 млн.сомонӣ зиёд мебошад.

Инчунин имрӯз мувофиқи ҳисобот дар миқёси вилояти Суғд 35 536 нафар соҳибкорони инфиродии бо патент фаъолияткунанда ба қайд гирифта шуда, аз ин ҳисоб ба буҷети давлатӣ 33,0 млн.сомонӣ андозҳо ворид гардид.

“Ҳисоби абҷад”: “Талко” қарзҳои андозро ғайривоқеӣ хонд

Шумораи соҳибкорон нисбат ба ҳамин давраи соли гузашта 904 нафар зиёд гардидааст. Вобаста ба имтиёзҳои пешбинишуда ҷамъоварии андозҳо нисбат ба ҳамин давраи соли гузашта ба маблағи 5,2 млн.сомонӣ коҳиш ёфтааст.

10
Последствия разрушений после селевого потока в Пенджакенте

Обшавии пиряхҳо ва фаромадани сел: ҳушдори Ожонси ҳавошиносӣ аз гармии тоқатфарсо

54
(Таҷдидшуда 12:31 09.08.2020)
Бино ба ҳушдори Ожонси ҳавошиносӣ, боду ҳавои гарми чанд рӯзи охир эҳтимолан боиси фаромадани сел мешавад

ДУШАНБЕ, 9 авг — Sputnik. Ожонси ҳавошиносии Тоҷикистон боду ҳавои гарм дар Тоҷикистонро пешгӯӣ кард.

Бино ба гузориши Ожонси ҳавошиносӣ дар ҳудуди Тоҷикистон то рӯзи 9 август ҳарорати 40 дараҷаӣ боқӣ мемонад.

Ҳушдори Ожонси ҳавошиносӣ аз гармии тоқатфарсо дар моҳи август

Танҳо дар ноҳияи дурдасттарини ВМКБ- Мурғоб ҳарорати ҳаво то 25 дараҷа гарм хоҳад шуд.

Чунин гармӣ боиси обшавии пиряхҳо шуда, сатҳи дарёҳоро баланд мебардорад ва эҳтимолан боиси фаромадани сел мешавад.

То 44 дараҷа: Ҳушдори Кумита аз гармои шадид давоми чанд рӯзи оянда

Дар ҳудуди вилояти Суғд ва қисмати ғарбии Вилояти Мухтори Кӯҳистони Бадахшон эҳтимоли обхезӣ вуҷуд дорад.

54
Барчаспҳо:
пирях, гармӣ, Ожонси ҳавошиносӣ