Ноутбук, архивное фото

Таблиғи ифротгароӣ ва терроризм дар Интернет: Кумитаи дин аз он чигуна пешгирӣ хоҳад кард?

277
(Таҷдидшуда 18:12 08.10.2019)
Кумитаи дин, танзими анъана ва ҷашну маросими Тоҷикистон барои таблиғоти ифротгароӣ ва терроризм дар Интернет барномаҳои мушаххасеро роҳандозӣ намудааст

ДУШАНБЕ, 8 окт — Sputnik. Ба гуфтаи масъулини Кумитаи дин, танзими анъана ва ҷашну маросими Тоҷикистон имомхатибҳои кишвар дар масҷидҳо ҳамарӯза ва дар рӯзҳои намози ҷумъа ба муқобили падидаҳои ифротӣ, ба монанди терроризм ва экстремизм ва нақши интернет дар он миёни ҷавонон таблиғот мебаранд.

Ба гуфтаи масъулини Кумитаи дин, барои пешгирӣ аз падидаҳои ифротӣ ба монанди терроризм ва экстремизм дар интернет,  Кумита чораҳои зарурӣ меандешад.

“Мо барномаҳои мушаххас дорем. Нақшаҳои алоҳидаи Кумита ҳаст, вобаста ба иҷрои Стратегияи миллии Ҷумҳурии Тоҷикистон оид ба муқовимат ба экстремизм ва терроризм  барои солҳои 2016-2020 ва чанд нақшаҳои дохилӣ идоравӣ ҳаст, ки ҳангоми мулоқоту вохӯриҳо дар ҷамоатҳо ва ҳангоми  дидор бо сокинони минтақаҳои гуногун анҷом дода мешавад”, - таъкид дошт Масъулини Кумитаи дини Тоҷикистон .

Боздошти шаҳрванди Тоҷикистон бо ҷурми “ифротгароӣ” дар ФР

Ҳамчунин дар Кумитаи дин илова карданд, ки дар баробари таблиғот миёни мардум, барои имохатибҳо курсҳои омӯзишӣ ба роҳ монда шудааст.

Вай иттилоъ дод, ки ахиран барои иштирок дар курсҳои мазкур халифаҳои  Бадахшон омада буданд.

Кумитаи дин инчунин тавзеҳ дод, ки соли гузашта Кумита барои ҷилавгирӣ аз падидаҳои ифротӣ ба монанди терроризм ва экстремизм китобчаҳои махсус ба номи “Ислом муқобили террор” ба чоп расонда, миёни мардум паҳн намуд.

Ёдрас мешавем, ки ахиран Ҳикматулло Хоҷаев, сармутахассиси Маркази тадқиқоти стратегии назди Президенти Тоҷикистон таъкид намуда буд, ки  даҳсолаҳои охир рушди бесобиқа таблиғоти ифротгароӣ ва терроризм дар Интернет ба мушоҳида мерасад.

Вай таъкид намудааст, ки насли ҷавони имрӯза аз интернет вобастагии зиёд зиёд дорад. Аммо чун ҳар гуна падидаи иҷтимоӣ, он ҷанбаҳои  хеле манфӣ низ дорад. Ҷавонон ҳар чӣ бештар вақти худро дар назди телефон ва  компютер сипарӣ мекунанд ва ба ҷаҳони маҷозӣ нисбат ба воқеият афзалият мениҳанд ва бозиҳои гуногуни таблиғкунандаи зӯрию зӯровари  хушунат ба рӯҳияи ҷавонон таъсири ногувор мерасонанд.

277
Барчаспҳо:
таблиғот, таблиғ, интернет, экстремизм, терроризм, ифротгароӣ, кумитаи дин, Тоҷикистон
Пробирки с кровью для анализа на covid-19

Вазорат омори тозаи сироят, фавт ва шифоёбӣ аз коронавирус дар Тоҷикистонро эълон кард

263
(Таҷдидшуда 20:04 05.08.2020)
 Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки дар як шабонарӯзи охир дар ҷумҳурӣ 42 ҳодисаи нави бемории COVID-19 дарёфт гардид

ДУШАНБЕ, 5 авг — Sputnik. Бино ба гузориши Вазорати тандурустӣ давоми 24 соати гузашта дар Тоҷикистон 42 ҳодисаи нави бемории COVID-19 дарёфт гардида,  дар маҷмӯъ шумораи гирифторони ин беморӣ ба 7625  нафар баробар гардид.

"То санаи  5 август  дар мамлакат  6399 (83,9%)  нафар аз бемории COVID-19 шифо ёфта,  бар асари он 61  нафар фавтидаанд", - омадааст дар хабарнома.

Вазорати тандурустӣ ёдоварӣ карда, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Русия эълон кард, кай ваксинаи зидди COVID-19 миёни кӯдакон санҷида мешавад

Ин ниҳод даъват карда, ки дар ин лаҳзаҳои ҳассос  ҷиҳати пешгирии сирояти мазкур пеш аз ҳама  қоидаҳои беҳдошти шахсиро қатъиян риоя намоянд, зеро, дар урфият беҳуда нагуфтаанд, ки табиби ҳар шахс худи ӯст.

263
Барчаспҳо:
Вазорати тандурустии ҶТ, омор, тандурустӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Автобусы которые будут производить на новом заводе AKIA AVESTA

Дар Душанбе хатсайри нави автобусӣ ба роҳ монда мешавад

141
(Таҷдидшуда 18:21 05.08.2020)
Шаҳрдории Душанбе ба таваҷҷуҳи сокинон ва меҳмонони пойтахт мерасонад, ки аз хизматрасонии автобусҳои муосири тамғаи “АКИА” истифода баранд. Пардохти ҳаққи роҳкиро тариқи корти нақлиётӣ ба роҳ монда мешавад.

ДУШАНБЕ, 5 авг — Sputnik. Дар Душанбе хатсайри нави автобусии №41 ба роҳ монда мешавад, гузориш медиҳад дафтари матбуоти шаҳрдории Душанбе.

Бино бар иттилои манбаъ, шурӯъ аз 10 августи соли  равон дар шаҳри Душанбе  хатсайри нави автобусии №41 (Дарвозаи Ғарбӣ-Бозори Кӯшониён) ба фаъолият оғоз менамояд.

Автобусҳо дар хатсайри мазкур тавассути кӯчаву  хиёбонҳои Нусратуло Махсум, А. Навоӣ, Карамов,  Рӯдакӣ ва Ҳ. Шерозӣ ҳаракат менамоянд. 

"Мақомоти иҷроияи ҳокимияти давлатии шаҳри Душанбе  ба таваҷҷуҳи сокинон ва меҳмонони  пойтахт мерасонад, ки аз хизматрасонии автобусҳои муосири тамғаи “АКИА” истифода баранд. Пардохти ҳаққи роҳкиро тариқи корти нақлиётӣ ба роҳ монда мешавад", - менависад манбаъ.

Ёдовар мешавем, ки ду-се соли охир дар хатсайрҳои автобусии ҳудуди пойтахти мамлакат автобусҳои замонавӣ роҳандозӣ карда шуда, онҳо ба аҳолии шаҳр хизмат расонида истодаанд.

Тавре мутахассисон иброз доштанд, автобусҳои "AKIA"   дорои 26 ҷойи нишаст   буда,  таҷҳизоти гармидеҳу сардкунанда ва низоми идораи электронии он аз  дигар  автобусҳо бартарӣ доранд.

Муҳаррики он истеҳсоли ширкати "Мерседес Бенс" мебошад, ки дар миқёси ҷаҳон солҳои зиёд шуҳрати беандоза дорад.

"Бе кондуктор": дар роҳҳои Душанбе маршруткаҳои сохти Тоҷикистон пайдо шуданд - видео

Дар қисми болои дохили автобус мониторҳои калонҳаҷм насб шудаанд, ки барои пахши роликҳои таблиғотӣ ва маълумотдиҳӣ истифода мешаванд. Тугмачаи назди дари мобайн бо аломати маъюбон ба шахсони дорои имкониятҳои маҳдуди ҷисмонӣ имкон медиҳад, ки аз наздик шудани худ ба дар ронандаро огоҳ кунанд.

141
Наручники висят на дверной ручки, архивное фото

Дар Русия ҷавонеро дастгир карданд, ки дар Душанбе ҷустуҷӯ мешуд

0
Мақомоти ҳифзи ҳуқуқи Русия дар ҳудуди кишвар як муҳоҷиреро боздошт карданд, ки тайи 4 сол аз додгоҳи мақомоти Тоҷикистон фирор мекард

ДУШАНБЕ, 5 авг — Sputnik. Мақомоти Русия хабар медиҳанд, ки дар Магнитогорск як шаҳрванди Тоҷикистонро дастгир карданд. Ӯ тайи чор сол ба пайгард эълон шуда буд.

Ин шаҳрванди хориҷиро пас аз бонги изтироб аз яке аз шӯъбаҳои полис дастгир кардаанд.

"Кормандони шӯъбаи полис ба Росгвардия хабар додад, ки ба шуъба марди шубҳаангезе ворид шудааст. Пас аз тафтиш кардани ҳуҷҷати вай маълум гардидааст, ки ин ҷавони соли таваллуди 1992 дар Тоҷикистон 4 сол инҷониб ба пайгард эълон шуда будааст", - тавзеҳ медиҳад манбаъ.

 

Маълум аст, ки мақомоти Русия ҷавони боздоштшударо бо дархости ҷониби Душанбе мекофтанд. Аммо маълум нест, ки ӯ дар ватан ба кадом ҷиноят гумонбар дониста мешавад.

Боздошти сокини Петербург барои қатли муҳоҷири тоҷик: ҷавони 22 - соларо буғӣ карда кушт

 

0