Рустам Эмомали на заседании народных депутатов Маджлиса в Душанбе

Рустами Эмомалӣ қарори навбатиро ба тасвиб расонд

932
(Таҷдидшуда 18:31 09.10.2019)
Чорабинии "Пушидашавии мавсими мотосиклронӣ-2019" санаи 12 октябри соли равон баргузор мешавад. Қарори дахлдорро шаҳрдори Душанбе Рустами Эмомалӣ ба имзо расонд

ДУШАНБЕ, 10 окт – Sputnik. Раиси шаҳри Душанбе Рустами Эмомалӣ қароре ба имзо расонд, ки тибқи он санаи 12 октябри соли равон  маъракаи "Пушидашавии мавсими мотосиклронӣ-2019"  баргузор мегардад, иттилоъ додааст дафтари матбуотии Мақомоти иҷроияи маҳалии ҳокимияти давлатӣ дар шаҳри Душанбе.

Бар тибқи қарори мазкур, Рустами Эмомалӣ ба клуби мотосиклронҳои "Ирбис МСС Тоҷикистон барои баргузор намудани чорабинии мазкур рӯзи 12 октябр аз соати 12:00 то 15:00 дақиқаи ба вақти маҳаллӣ иҷозат додааст.

Манбаъ меафзояд, макони ҷамъшавӣ ва бақайдгирии иштирокчиён дар муассисаи давлатии "Наврӯзгоҳ" аз соати 12:00 то 15:00 муайян карда шудаст.

Зимнан, ҳаракати қатораи иштирокчиён бо ҳамроҳии  автомобилҳои роҳбонии шуъбаи Бозрасии давлатии автомобилии Раёсати ВУД Тоҷикистон дар шаҳри Душанбе аз хиёбони Ҳофизи Шерозӣ то Муассисаи давлатии "Боғи "Ғалаба" ва нигоҳдории  ҷангал" ба роҳ монда мешавад.

Қарори нави Рустами Эмомалӣ: кӯчаҳои пойтахт боз ҳам обод ва сабзу хуррам мегарданд

Шаҳрдори Душанбе ба хотири дар сатҳи баланд ҷамъбаст намудани чорабинии мазкур, ба раёсатҳои ВУД, КДАМ, тандурустӣ ва дигар ниҳодҳои дахлдор дастуру супоришҳои қатъӣ дод.

932
Барчаспҳо:
қарор, Рустами Эмомалӣ, Тоҷикистон
Марзбони тоҷик, акс аз бойгонӣ

КДАМ Тоҷикистон моҷаро дар марз ва тирпаронии марзбонҳои қирғизро шарҳ дод

441
(Таҷдидшуда 22:44 25.10.2020)
Қӯшунҳои сарҳадии Кумитаи давлатии амнияти миллии Тоҷикистон моҷарои 25 октябр дар марз ва тирпаронии сарҳадбонҳои қирғизро шарҳ доданд

ДУШАНБЕ, 25 окт — Sputnik. Тибқи иттилои нерӯҳои марзбонии КДАМ, рӯзи 25-уми октябри соли 2020, соати 15:30 дақиқа, сокинони деҳаи Хоҷаи Аълои ноҳияи Исфара дар дохили деҳа қубури обгузарро, ки кӯҳнаву афсурда шудааст, иваз мекарданд.

"Дар ин вақт 25-30 нафар сарҳадбонони мусаллаҳи Ҷумҳурии Қирғизистон ба назди деҳаи мазкур ҳозир шуда, аз сокинон талаб мекунанд, ки корро қатъ созанд.  Онҳо даъво пеш меоранд, ки маҳали кори шаҳрвандони Тоҷикистон минтақаи баҳсӣ дониста мешавад ва аз силоҳи оташфишон ҷониби сокинони Хоҷаи Аъло тир мекушоянд", - омадааст дар изҳороти КДАМ.

КДАМ таъкид кардааст, ки ин қитъа қаламрави Ҷумҳурии Тоҷикистон буда, иғвогарии навбатии марзбонони қирғиз ба мураккаб намудани вазъият дар хатти сарҳади ду давлат равона гардидааст.

Манбаъ афзуд, хушбахтона, аз тирпаронии марзбонони қирғиз сокинони Хоҷаи Аъло осеб надидаанд. Корҳо дар маҳали муноқиша муваққатан қатъ карда шуданд.

Байни сарҳадбонони Ҷумҳурии Тоҷикистон ва Ҷумҳурии Қирғизистон, бо иштироки намояндагони мақомоти иҷроияи ҳокимияти давлатии ду кишвар  гуфтушунид идома дорад.

Хадамоти марзбонии Қирғизистон қаблан бо нашри як изҳорот гуфт, марзбонҳои қирғиз барои ҳифзи ҳаёту саломатӣ ва ҷилавгирӣ аз шиддати вазъ ба ҳаво тир холӣ карданд.

441
Барчаспҳо:
тирпаронӣ, марз, Тоҷикистон
Сбор урожая хлопка в Турсунзаде

Раиси Суғд ба ғолибони озмун аз 5 то 20 ҳазор сомонӣ ҷоиза дод

35
(Таҷдидшуда 20:58 25.10.2020)
Раҷаббой Аҳмадзода, раиси вилояти Суғд, дар майдони “Ситораҳои Хуҷанд”-и маркази вилоят ба ғолибони даври дуюми мусобиқаи меҳнатӣ байни ноҳияҳо ва хоҷагиҳои пахтакор ҷоиза дод

ДУШАНБЕ, 25 окт — Sputnik. Раҷаббой Аҳмадзода, зимни маросими ҷоизасупорӣ аз зарурати рушди соҳаи кишоварзӣ, таъмини корхонаҳои саноатӣ бо ашёи хом ва таъсиси ҷойҳои корӣ гуфт.

Тибқи иттилои ҳукумати вилояти Суғд, дар ҷамъбасти давраи дуюми мавсими пахтачинӣ заркорони ноҳияҳои Спитамен, Мастчоҳ ва инчунин пахтакорони Ҷамоати деҳоти Ғулакандоз ғолиби мусобиқа дониста шуданд.

Манбаъ афзуд, раиси вилоят ба ғолибони мусобиқаи меҳнатӣ "Вимпели сайёр" ва мукофотпулиҳоро дар ҳаҷми 20 000 сомонӣ, 10 000 сомонӣ ва 5 000 сомонӣ тақдим намуд.

Ӯ изҳори боварӣ намуд, ки кӯшишҳои деҳқонони заҳматқарин барои беталаф ғундоштани ҳосили пахта ва дигар зироатҳои кишоварзӣ бо суръати тоза ҷараён гирифта, онҳо соли ҷориро бо дастовардҳои баланд ҷамъбаст менамоянд.

"Қайд кардан зарур аст, ки деҳқонони ботаҷрибаи хоҷагиҳои деҳқонии "Элёр"-и ноҳияи Ашт, "Иҷоракор"-и ноҳияи Бобоҷон Ғафуров, "Озодҷон"-и ноҳияи Зафаробод, "Ҳоҷидеҳқонбой"-и ноҳияи Ҷаббор Расулов, "Гули шодӣ"-и ноҳияи Мастчоҳ, "Зарбдор"-и шаҳри Конибодом ва "Турдиқул ҳоҷӣ"-и ноҳияи Спитамен ва дар маҷмӯъ дар миқёси вилоят 3648 хоҷагии кишоварзӣ дар ин давра ба марраи мурод расида, собит намуданд, ки ташкили дурусти кор, саъю талош, риояи қоидаҳои агротехникии парвариш ва сари вақт сафарбаркунии қувваҳо гарави муваффақиятҳо мебошад.

Ҳукумати Суғд зикр намудааст, ки пахтакорони вилоят азм доранд, ки соли равон дар ҳамаи шаклҳои хоҷагидорӣ наздик 130 ҳазор тон пахта истеҳсол намоянд. То имрӯз бошад наздик 100 ҳазор тонна "тиллои сафед" ба хирман рехта шудааст.

35
Барчаспҳо:
озмун, пахта, Тоҷикистон