Ёдгор Файзов, председатель ГБАО

Файзов: "Моёншо Назаршоев ҷони худро барои ҳимояи Ватан ба душман бахшид"

1506
(Таҷдидшуда 10:00 13.10.2019)
Ба гуфти Ёдгор Файзов, маҳз ҷонбозиҳо ва хизмати чунин ашхоси миллати тоҷик буд, ки сулҳ ба Тоҷикистон баргашт ва давраи созандагӣ оғоз гардид.

ДУШАНБЕ, 13 окт — Sputnik. Рӯзи 12 октябр, бо ташаббуси мақомоти Вилояти Мухтори Кухистони Бадахшон, конфронси илми- назариявӣ бахшида ба 90 солагии арбоби сиёсию давлатӣ, академик Моёншо Назаршоев баргузор шудааст.

Бино ба гузориши хадамоти матбуотии мақомоти вилоят, дар ҳамоиш, раиси вилоят, Ёдгор Файзов, муовини якуми вазири корҳои дохилии Ҷумҳурии Тоҷикистон сардори ситоди байниидоравӣ ва таъмини амният дар вилоят Аламшозода Абдураҳмон Аламшо, раиси ноҳияи Шуғнон Гиёзода Азиз Қодир собиқадори меҳнат Соҳибназар Бекназаров, устодони Донишгоҳи давлатии Хоруғ, фаъолони ноҳияи Шуғнон, хешу наздикони академик Моёншо Назаршоев ширкат кардаанд.

Конфронсро раиси ноҳияи Шуғнон Гиёзода Азиз Қодир кушода эълон намуда сухани ифтитоҳиро ба раиси Вилояти Мухтори Кухистони Бадахшон Ёдгор Файзов додааст.

Раиси вилоят аз оғози фаъолияти кории Моёншо Назаршоев сухан карда қайд намудааст, ки Моёншо Назаршоев яке аз фарзандони фарзонаи миллати точик буд, ки ҷони худро баҳри ҳимояи Ватан ба душман бахшид.

"Тамоми ҳаёту фаъолияти ин марди ҳақиқатҷӯ ба он нигаронида шуда буд, ки Тоҷикистони соҳибистиқлол, бахусус Бадахшон ҳарчӣ зудтар аз бӯҳрони сиёсию иқтисодӣ, маънавию фарҳангӣ бароварда шавад. Моёншо Назаршоев ба тамоми гӯшаю канори ҷумҳурӣ сафар карда, ба ҳаёт ва зисту зиндагонии мардум аз наздик ошно мегардид ва онҳоро ба сулҳу осоиш, ризоияту ваҳдат ва ҳамдигарфаҳмӣ даъват мекард", - гуфтааст Файзов.

Раиси вилоят афзудааст, ки Моёншо Назаршоев моҳи феврали соли 1994 муовини Раиси Шӯрои Вазирони Ҷумҳурии Тоҷикистон таъин мегаргардид нав дар Ҳукумат аз ӯ масъулияти дучандро талаб мекард.

"Беҳтар намудани шароити таълиму тарбия дар мактабҳои миёна, миёнаи махсус, олӣ, зиёд намудани маоши коркунон ва кормандони муассисаҳои табобатию фарҳангӣ ва ғайраҳо ҳадафи ҳаррӯзаи фаъолияташ қарор мегиранд. Моёншо Назаршоев бисёр корҳоро анҷом медод, агар душманони миллат бо кирдори разилонаи худ риштаи ҳаёти ин ходими барҷастаи давлатиро моҳи марти соли 1994 барнамеканданд", - гуфр раиси вилоят.

Ба гуфти Ёдгор Файзов, маҳз ҷонбозиҳо ва хизмати чунин ашхоси миллати тоҷик буд, ки сулҳ ба Тоҷикистон баргашт ва давраи созандагӣ шурӯъ гардид.

Ҳамчунин дар ин ҳамоиш Бекназаров Соҳибназар собиқадори меҳнат, устоди Донишгоҳи давлатии Хоруғ Элъбон Ҳоҷибеков ва дигарон оиди зиндагинома ва фаъолияти кории Моёншо Назаршоев маърӯзаҳои худро пешкаши иштирокдорони конфронс намудаанд.

1506
Барчаспҳо:
ҳамоиш, ҷон, Ватан
Тотальный диктант в Душанбе

Хобгоҳҳо каму иҷорахонаҳо қимат: шикваи донишҷӯёни тоҷик аз гаронии нарх

191
То оғози таҳсил дар омӯзишгоҳу донишгоҳҳои Тоҷикистон, камтар аз 4 рӯзи дигар боқӣ мондааст, аммо мушкили камбуди хобгоҳ ва гароншавии арзиши хонаҳои иҷоравӣ бисёре аз донишҷӯёнро ба тавшвиш овардааст

ДУШАНБЕ, 13 авг – Sputnik. Донишҷӯёни тоҷик мегуянд, ба фарқ аз соли гузашта дарёфти хонаҳои иҷроравӣ дар шаҳрҳои Душанбеву Хуҷанд душвортар шудааст.

Иқбол Раҳимов шуморе аз донишҷӯёни Донишгоҳи тиббии ба номи Абӯалӣ ибни Сино дар шаҳри Душанбе мегуяд, қимати хонаҳои иҷоравӣ аз ҳар вақт дида ҳоло баланд шудааст.

"Ба 1000 сомонӣ ҳам ёфтани хонаи иҷоравӣ дар шаҳри Душанбе қариб ки номумкин шудааст. Соли гузашта мо бо ин қиммат хона иҷора гирифта будем, аммо имсол соҳибхона бо ин нарх хонаро ба иҷора намедиҳад", - гуфт Раҳимов.

Донишҷӯёни Хуҷанд низ аз мушкили дарёфти хонаҳои иҷоравӣ таъкид меварзанд.

Санҷар Шаропов, аз ҷумлаи донишҷӯёнест, ки баъди хатми таҳсили Коллеҷи тиббии шаҳри Хуҷанд азм дорад, имсол барои гирифтани маълумотии олии тахассусаш ба Донишгоҳи давлатии Хуҷанд ба номи академик Бобоҷон Ғафуров таҳсил намояд, аммо гарон шудани қиммати хонаҳои иҷоравӣ ӯро дар ташвиш гузоштааст.

"Дар соли қаблӣ мо 4 нафар донишҷӯён бар ивази 600 сомонӣ дар як хонаи як ҳуҷрагӣ иқомат мекардем. Ҳоло бо ин нарх пайдо кардани хонаи иҷоравӣ душвор аст. Нархи хонаҳо то ба 800 -1000 сомонӣ баланд шудааст", - гуфт донишҷӯ.

Ҳоло дар шаҳри Хуҷанд, чаҳор муассисаи таҳсилоти олӣ аз ҷумла Донишгоҳи давлатии Хуҷанд ба номи академик Б. Ғафуров, Донишгоҳи давлатии ҳуқуқ бизнес ва сиёсати Тоҷикистон, Донишкадаи иқтисод ва савдои Донишгоҳи давлатии тиҷорати Тоҷикистон, Донишкадаи политехкиникии Донишгоҳи давлатии техникии Тоҷикистон ба номи М. Осимӣ фаъолият мекунанд ва дар онҳо бештар аз 30 ҳазор донишҷӯ таҳсил мекунад.

Бемории 7 донишҷӯи тоҷик бо таби баланд дар Вуҳан маълум шуд: шарҳи сафорат

Аммо ин донишгоҳҳо дар мувозинати худ ҳамагӣ як ва ё дутоӣ хобгоҳ барои донишҷӯён доранд. Дар ин миён танҳо ДДХ ба номи академик Б. Ғафуров дар мувозинаи худ чаҳор хобгоҳ дорад, ки дар онҳо кам ё беш аз 2500 ҳазор донишҷӯ, умдатан онҳое, ки тибқи Квотаи президентӣ дохил шудаанд таъмин мешаванд, аммо беш аз 20 ҳазор донишҷӯи дигари ин донишгоҳ аз ҳисоби худ хонаи иҷорави мегиранд.

Дар ҳоли ҳозир донишгоҳҳои кишвар имкони бо хобгоҳ таъмин кардани шумори қобили мулоҳизаи донишҷӯёнро надоранд ва дарёфти хонаҳои иҷоравӣ барои донишҷӯён мушкили аслӣ боқӣ мемонад.

191
Женщина в защитной маске в городе Душанбе

"Ҷанги мардумӣ": пирӯзии Басманда бар "вируси корона"

503
Сокинони деҳаи Басмандаи ноҳияи Деваштич дар пайи тадобири дастаҷамъона бо мақомоти маҳаллӣ тавонистаанд "вируси корона" – ро "фирор" диҳанд. Қаблан нозирони аҳвол аз гирифтории даҳҳо нафар ва эҳтимоли пеш омадани як фоҷиаи инсонӣ дар ин деҳа суҳбат мекарданд

 ДУШАНБЕ, 13 август — Sputnik. Як манбаъ дар Шифохонаи ноҳиявии Деваштич ба Sputnik Тоҷикистон гуфт, аз 17 сокини ин деҳа, ки бо гумони гирифторӣ ба "вируси корона" бистарӣ шуда буданд, ҳамагӣ ба по шуда, ба хонаҳояшон баргаштаанд.

"Аз чор ҳолате, ки бино ба ташхиси озмоишгоҳи шаҳри Хуҷанд, мусбат арзёбӣ шуда буданд, ҳамагӣ сиҳат ёфта, ташхиси такрории онҳо манфӣ баромадааст. Бақия 13 нафар пас аз як муолиҷаи кутоҳ рухсат шуданд. Ҳоло дар Басманда ягон ҳолати мусбат ва ҳатто маризи миёнаи вазнин нест", - гуфт ин манбаъ.

Қаблан манобеъи Sputnik Тоҷикистон аз чор мавриди мусбат ва гирифтории даҳҳо нафар дар деҳаи Басмандаи ноҳияи Деваштич хабар дода буданд. Он замон вазъи аксари гирифторон миёна арзёбӣ мешуд, зеро бо вуҷуди бархе аломоти "вируси корона" ҳарорати бадани онҳо аз 39 дараҷа боло набудааст.

Бино ба иттилои дарёфтӣ, ҳудуди 60 пизишку мутахассиси шифохонаи марказии ноҳия, ҳамчунин шифохонаи минтақаии Калининобод ва худи духтурони деҳа барои назорати вазъ дар деҳа эъзом шуда буданд.

Таъйиноти кадрӣ дар Суғд: Орипов сардори Идораи санитарию эпидемиологӣ шуд

Яке аз ин пизишкон ба Sputnik Тоҷикистон гуфт, талошҳои онҳо ва ҳам мардум барои ҷилавгирӣ аз густариши "вируси корона" тайи даҳ рӯз натиҷаҳои мусбати худро ба бор оварданд. 

"Дар ин миён тамоми онҳое, ки дар хонаҳояшон ба гумони гирифторӣ ба "вируси корона" таҳти назорати мо қарор доштанд, пурра шифо ёфта, як-ду нафари дигар боқӣ мондаанд, ки дар як – ду рӯзи дигар ба по хоҳанд шуд", - гуфт ин пизишк.

Ба қавли ҳамсӯҳбати мо, пирӯзии зудҳангоми ин деҳа бар маризии ҳамагир бар иловаи талошҳои шабонарӯзии пизишкони деҳаву ноҳия, аз иттиҳоди бесобиқаи мардум дар мубориза бо ин маризӣ низ вобастагӣ дошт.

Ба қавли ӯ, талошҳои муштараки мардуму мақомот боиси "фирор" - и ғайримунтазира ва бесобиқаи "вируси корона" аз Басманда шудааст.

Рӯ ба коҳишёбӣ ниҳодааст: омори нави коронавирус дар Тоҷикистон

Басманда бузургтарин деҳаи ноҳияи Деваштич (собиқ Ғончӣ) буда, дар 30 – километрии Ғончӣ, маркази ноҳия ҷойгир аст ва беш аз 12 ҳазор сокин дорад.

Аксари мардуми ин деҳа бо кишоварзӣ машғуланд ва мутахассисон бар инанд, ки боду ҳавои тозаи кӯҳистонӣ ва меҳнати сангини ҷисмонӣ мӯҷиби қавӣ шудани масъунияти бадани мардуми Басманда шуда, нагузоштааст, ки "вируси корона" ба таври маъмулӣ густариш ёбад.

503