Певец Кароматулло Курбонов, архивное фото

"Санги мазорам" : аз марги Кароматуллоҳи Қурбон 27 сол гузашт

720
(Таҷдидшуда 14:31 18.10.2019)
Имрӯз, 18 октябри соли 2019 аз қатли сароянда ва бастакори номии тоҷик, шодравон Кароматуллоҳи Қурбон 27 сол сипарӣ мегардад

27 соли пеш, 18-уми октябри соли 1992, Кароматуллоҳи Қурбон барои ширкат дар тӯйи арӯсӣ ба Ёвон рафт. Базми гарму зебое, ки то соати 16:00 рӯз давом кард, бо фоҷиаи мудҳиш анҷом ёфт.

Кароматуллоҳ яке аз қурбониёни Ҷанги шаҳрвандии Тоҷикистон шуд. Ӯ аз дасти Қумандон Восит дар ноҳияи Ёвон ба қатл расонида мешавад.

Зиндагиномаи Кароматуллоҳи Қурбон

Кароматулло Қурбонов 29 ноябри соли 1961 дар шаҳри Кӯлоб ба дунё омадааст. Кароматуллоҳ аз хурдӣ ба мусиқӣ шавқу ҳавас дошт. Ӯ нахустин сурудҳои худро дар овони мактабӣ суруда буд.  Пас аз хатми мактаби миёна ба Донишкадаи давлатии санъати Тоҷикистон ба номи Мирзо Турсунзода ба шӯъбаи "мусиқӣ ва суруд" дохил гардида онро бо мувафаққият хатм намуд.

Роҳи эҷодии Кароматуллоҳи Қурбон

Эҷодиёти Кароматуллоҳи Қурбон аз дастаи ҳунарии "Суғдиён" бо овозхони ҷавон Исматулло Холов ибтидо гирифтааст.

Баъди пайдо намудани шӯҳрат, ӯро ба оркестри эстрадии "Гулшан" - и  назди Телевизиони Тоҷикистон даъват намуданд.

Шоир Ҳабибулло Нозирӣ дар хотироташ мегуяд, ки сурудҳои "Шаҳри боронӣ", "Андак-андак", "Рақс бикун", "Зиндагӣ", "Бишнав, ки аз бунёди ман…" (ҳамагӣ 17 суруд) дар иҷрои Кароматуллоҳи Қурбон маҳсули эҷоди якҷояи онҳост.

Ҳунарнамоиҳои Кароматулло Қурбонов дар телевизиону радиоҳои ватанӣ бисёр намоён буд ва мардум сурудҳои ин санъаткорро бо ишқу муҳаббати беандоза гӯш мекарданд.

Ӯ дар баробари забони тоҷикӣ ба забонҳои русиву ҳиндӣ низ бо эҳсосоти пур аз муҳаббат месароид.

Кароматуллоҳ ба баъзе давлатҳои дунё, аз ҷумла кишварҳои шарқи наздик, кишварҳои собиқ шӯравӣ сафарҳои ҳунарӣ низ анҷом дода, шӯҳрати санъати тоҷикро боло бардошт.

Кароматулло Қурбонов тавонист тӯли умри кӯтоҳаш беш аз 7 албоми сурудҳои худро сабт намояд, ки аз 76 тарона иборат мебошанд.

Сурудҳои "Лаъли лабони ман биё", "Турки камонабрӯ", "Санги мазорам" аз ҷумлаи беҳтарин сурудҳои ҳофиз буда, солҳост, ки дар забону дили мардум боқӣ мондаанд ва худи Кароматуллоҳро ниҳоят шӯҳратманд кардаанд.

Сурудҳои Кароматулло ба мавзӯъҳои ишқу муҳаббат, модар, Ватан ва васфи зиндагӣ бахшида шудаанд. Ҳамаи 76 суруди Кароматуллоҳи Қурбон хубу беҳтарин ва бомазмуну рӯҳнавозанд.

Сурудҳои "Борони баҳор", "Ман агар мастам", "Ту ҳам ёде бикун аз ман", "Сабзак лаби ҷӯ", "Дигар марав", "Бо ман бимон", "Шаби ошиқони бедил", "Бо дили дарё нишинам", "Чӣ дидаму чӣ дидам", "Бишнав, ки аз бунёди ман", "Турки камонабрӯ", "Андак-андак", "Рақс бикун ҷоно", "Танҳо шудам", "Санги мазорам" ва "Хайрбод" то ҳол вирди забони ҳаводоони ҳунари асили Кароматуллоҳи Қурбон мебошанд.

Мероси падар хоҳӣ...

Замони аз байн рафтани Кароматуллоҳи Қурбон, сароянда соҳиби се фарзанд - ду писар ва як духтар буд. Фарзандони шодравон ҳанӯз кӯдак буданд, ки аз меҳри падарӣ маҳрум монданд.

Ба нақли дӯстони наздики хонавода, Кароматуллоҳ дар баробари серкор будан доим ҳушу гӯшаш ба фарзандонаш будааст. На ӯ на ва фарзандон аз дидори ҳамдигар сер ношуда монданд.

Имрӯз, писари бузургии Кароматуллоҳ - Муҳаммадрофеъ ва духтараш Нозия роҳи ҳунарро интихоб кардаанд.

Онҳо бо бозхонии сурудҳои падар чандин бор толорҳои бузурги Тоҷикистонро аз тамошобин пур кардаанд.

Ба хотири ёдбуди падар ҳар сол Кароматуллоҳ ва Нозия дар зодрӯзи Каромматуллоҳ Қурбон, 29 ноябр барномаи консертӣ баргузор мекунанд.

720
Барчаспҳо:
сол, марг, Муҳаммадрофеъи Кароматулло, Кароматулло Қурбонов
Денежные купюры.

Бонки миллӣ арзиши рубл, доллар ва евроро барои имрӯз эълон кард

38
(Таҷдидшуда 01:21 21.10.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз, 19 октябр эълон кардааст

ДУШАНБЕ, 21 окт — Sputnik. Тибқи нишондодҳои Бонки миллии Тоҷикистон арзиши 1 рубли русӣ барои имрӯз 0.1324 сомонӣ  ва дар бозори нақд бошад 0.1350 сомонӣ нишон дода шудааст.

 Ин ниҳод қурби миёнаи фурӯши 1 доллари ИМА дар муассисаҳои қарзии Тоҷикистонро аз 10.3385 то 10.3400 сомонӣ арзёбӣ кардааст. 

Бонки миллӣ қурби миёнаи фурӯши 1 евроро аз 12.2077 то 12.4000сомонӣ арзёбӣ кардааст.

Дар бонкҳои дигари кишвар, аз ҷумла “Бонки Эсхата” нишондоди асъор  нисбат ба дигарон каме болотар нишон дода шудааст.

Ин бонк хариду фурӯши 1 рублро имрӯз аз 0,1370 то 0,1395 сомонӣ муқаррар кардааст.

Дар “Спитаменбонк” бошад арзиши 1 рубл аз 0.132 то 0.141 ва дар “Алифбонк” бошад 1 рубл аз 0,1325 то 0,1415 сомонӣ нишон дода шудааст.

Раиси Бонки миллӣ аз мардуми Тоҷикистон хостааст долларҳоро дар хона нигаҳ надоранд

БМТ огоҳ менамояд, ки “берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад”.

38
Барчаспҳо:
қурби асъор, Бонки миллӣ, Тоҷикистон
Заместитель премьер-министра Таджикистана Азим Иброхим, архивное фото

Пешниҳоди Расулзодаву дастгирии Раҳмон: Азим Иброҳим вазири нақлиёт вазифаи нав гирифт

240
(Таҷдидшуда 09:37 21.10.2020)
Азим Иброҳим, вазири нақлиёти Тоҷикистон, ки чанде пеш аз курсии муовини сарвазир ба ин мансаб расид, вазифаи нав гирифт

ДУШАНБЕ, 21 окт – Sputnik.  Номбурда дар баробари, вазири нақлиёти Тоҷикистон ҳамзамон раиси Комиссияи миллии Тоҷикистон дар Долони байналмилалии нақлиётии Аврупо –Қофқоз - Осиё  (ТРАСЕКА) таъин гардид, хабар дошдааст, дафтари матбуотии вазорат.

Ба иттилои манбаъ, номзадии вазири нақлиёт ба ҳайси раиси Комиссияи миллии Тоҷикистон дар ТРАСЕКА бо дарназардошти тағйироти кадрӣ дар Вазорати наќлиёт аз ҷониби Қоҳир Расулзода, сарвазири кишвар пешниҳод гардида, аз тарафи раисиҷумҳур Эмомалӣ Раҳмон  ин пешниҳод  ҷонибдорӣ ёфт.

Барномаи ТРАСЕКА соли 1993 дар асоси Эъломияи Брюссел бо иштироки Арманистон, Озарбойҷон, Гурҷистон, Қазоқистон, Қирғизистон, Тоҷикистон, Туркманистон ва Узбакистон таъсис дода шуд ва дере нагузашта, Молдова, Муғулистон ва Украина шомил шуданд. Соли 2000 - Туркия, Руминияву Булғористон ва соли 2009 - Эрон ба ин барнома ҳамроҳ шуданд.

Бар пояи барнома  бояд кишварҳои аъзо ба роҳҳои алтернативии рафтуомад ва интиқоли бор ба Аврупо имкон ёбанд.

Тоҷикистонро қаблан дар ин Долони байналмилалии “ТРАСЕКА” Худоёрзода Худоёр, вазири нақлиёти Тоҷикистон ва қабл аз ӯ Давлаталӣ Саид, муовини якуми сарвазири Тоҷикистон муаррифӣ мекард.

240
Барчаспҳо:
Эмомалӣ Раҳмон, Қоҳир Расулзода, Азим Иброҳим, вазири нақлиёт, сарвазир, президент, Тоҷикистон