Женщина плачет, архивное фото

Модар баъд аз 30 сол фарзандони гумшудаашро дар Тоҷикистон пайдо кард - навор

1490
(Таҷдидшуда 19:00 28.10.2019)
Модаре кушиш мекард фарзандони худро пайдо кунад ва ба хона баргардонад, аммо ҷои он аз Тоҷикистон номаи гирифт, ки дар он хабари марги фарзандонаш Рустаму Зарина навишта шуда буд

ДУШАНБЕ, 28 окт — Sputnik. Валентина Александровна Дрейко соли 1986, вақте, ки ӯро аз ҳаққи волидайн буданаш маҳрум карданд, бе фарзанд монд.

Вай нақл кард, ки бо шавҳари худ сокини Осиёи миёна дар Ҷумҳурии Коми шинос шудааст. Вай шахси низомӣ буд ва дар онҷо дар сафи артиш хизмат мекард.

“Мо бо ҳам зиндагиро шурӯъ кардем ва сипас ман соҳиби писар шудам. Исми писарам Рустам. Пас аз хизмат мо ба Осиёи марказӣ барои зиндагӣ куч бастем ва дар соли 1977 ман соҳиби духтар – Зарина шудам. Аммо, дар Тоҷикистон ман зиндагӣ карда натавонистам, чунки ман зани рус будам ва барои ман бисёр душвор буд. Ман фарзандонамро гирифтаму ҳамроҳ ба минтақаи Ухта рафтем. Онҷо ба майнӯшӣ даст задам. Ба ҳамин хотир, ҳукумат аз дасти ман кӯдаконро гирифт”, - гуфт Валентина.  

Сипас маълум шуд, ки аз хонаи кӯдакон Рустам ва Заринаро падараш гирифта ба Тоҷикистон бурд. Ӯ кӯдаконро бо худ бурд ва дар давоми 30-сол дар бораи модари худ хабаре надоштанд.

Талошҳои Валентина барои баргардонидани фарзандонаш бефоида буд, аммо рӯзе ба ӯ номае бо ному нишон расид, ки дар он дар бораи марги Рустаму Зарина навишта шуда буд. Аммо қалби модариаш ҳамеша мегуфт, ки фарзандонаш зинда, сиҳату саломатанд.

Рӯзе Валентина ба барномаи “Жди меня” номае равон кард ва дар он дар ҷустуҷӯи фарзандонаш кумак хост. Рӯзноманигорон ӯро ба барнома даъват намуданд. Ҳамон рӯзҳо ба рӯзноманигорон хабаре расид, ки Рустаму Зарина дар Тоҷикистон пайдо шуданд.

Ва ниҳоят баъд аз 30-сол фарзандони Валентина бо ашк дар чашм ӯро  дар студиёи барнома ба оғуш гирифтанд.

1490
Барчаспҳо:
Рустам, фарзанд, марг, нома, Тоҷикистон, модар
День 2 марта

Тоҷикистон ба узвияти СММ пайваст: имрӯзи таърих

7
(Таҷдидшуда 19:06 01.03.2021)
Соли 1992 дар ҷаласаи 46-уми Ассамблеяи Генералии Созмони Милали Муттаҳид Ҷумҳурии Тоҷикистон ба ин созмони бонуфузи ҷаҳонӣ аъзо шуд

Рӯзи 2 март дар ҷаҳон чӣ рух дод

Соли 1993 Шӯрои байниҳукуматии ИДМ оид ба нафту газ ташкил карда шуд.

Соли 1923 дар ИМА аввалин шумораи маҷаллаи "Time" нашр шуд.

Соли 2010 дар Париж дар қароргоҳи ЮНЕСКО маросими ботантанаи ифтитоҳи Соли байналмилалии наздикшавии фарҳангҳо доир гардид.

Рӯзи 2 март дар Тоҷикистон чӣ рух дод

Соли 1992 ҷумҳуриҳои Тоҷикистон, Қазоқистон, Озарбойҷон, Арманистон, Қирғизистон, Молдава, Туркманистон ва Ӯзбекистон  ҳамчун давлати соҳибистиқлол узви Созмони Милали Муттаҳид шуданд.

Соли 1992 дар ҷаласаи 46-уми Ассамблеяи Генералии Созмони Милали Муттаҳид Ҷумҳурии Тоҷикистон ба ин созмони бонуфузи ҷаҳонӣ аъзо шуд.

День 27 февраля нац
© Sputnik/ Стас Этвеш/ Мария Вишнякова

Соли 2011 дар Тоҷикистон Шӯрои рушди тарбияи ҷисмонӣ таъсис дода шуд.

Соли 2012 дар шаҳри Душанбе вазъи вақт ва дурнамои ҳамкории Тоҷикистону Британияи Кабир баррасӣ гардид.

Соли 2016 аз ҷониби кишвардори Тоҷикистон Эмомалӣ Раҳмон ангораи ҷашни Наврӯз тасдиқ карда шуд.

Соли 2017 Эмомалӣ Раҳмон ба муносибати 25-солагии барпо намудани робитаҳои дипломатӣ байни Ҷумҳурии Тоҷикистон ва Ҷумҳурии Финляндия ба Президенти Ҷумҳурии Финляндия Саули Вяйнямё Нийнистё барқияи табрикӣ ирсол намуданд.

Ҷашнҳои рӯзи 2 март

  • Рӯзи байналмилалии гӯгирд.
  • Дар Ливия – Рӯзи тахлия.

Рӯзи 2 март дар Тоҷикистон кӣ таваллуд шуд

Соли 1946 - журналист Мухиддин Олимпур. 

Соли 1950 – ҳунарманди халқии Тоҷикистон Даврон Алиматов.

Соли 1959 – ҳунарманди хизматнишондодаи Тоҷикистон Акбар Мирраҷабов.

7
Барчаспҳо:
ҷашн, ҷаҳон, Тоҷикистон
Мужчина совершает молитву на кладбище

Даргузашти Фотима Ғуломова, ҳунарманди тоҷик пас аз як моҳи марги шавҳар

570
(Таҷдидшуда 22:08 01.03.2021)
Фотима Ғуломова, ҳунарманди номии тоҷик, модари коргардони тавонои тоҷик Барзу Абдураззоқов ва ҳамсари Ҳабибулло Абдураззоқов аст

ДУШАНБЕ, 1 мар – Sputnik. Фотима Ғуломова, ҳунарпешаи номдори театру синамо, модари коргардони машҳур Барзу Абдураззоқов ва ҳамсари Ҳабибулло Абдураззоқов, ҳунарманди номии театру синамо пас аз бештар аз як моҳи марги шавҳараш даргузашт.

Фотима Ғуломова, ҳунарманди номии тоҷик
Акс аз саҳифаи фейсбукии Хуршед Мустафоев
Фотима Ғуломова, ҳунарманди номии тоҷик

Аз даргузашти ҳунарпеша корбарони шабакаҳои иҷтимоӣ, ҳаводорони саҳна ва дӯстони фарзандаш Барзу Абдураззоқов хабар додаанд.

Писари дигари ҳунарманд Шаҳбоз Абдураззоқов ин хабарро тасдиқ карда, гуфтааст, модараш дар пайи беморӣ ҷон ба Ҷонофарин супурд.

Фотима Ғуломова 87 сол дошт ва бештар аз 40 сол дар саҳнаи Театри давлатии академии драмавии ба номи Лоҳутӣ фаъолият карда буд.

Фарзандонаш Барзу Абдураззоқов, коргардони тавонои тоҷик, корманди идораи Созмони Милал Шаҳбоз Абдураззоқов ва проффессори Консерваторияи Шветсия Ниссор Абдураззоқов ҳастанд.

Ӯ дар намоишҳои "Бой ва ғулом", "Шоҳ Лир", "Рӯдакӣ", "Рустам ва Суҳроб", "Мо аз боми ҷаҳон" нақшҳои асосӣ ва хотирмонро бозидааст.

Хомушии ситораи дигар: нақшҳои беҳтарини Ҳабибулло Абдуразоқов – видео

Марги Фотима Ғуломова дар ҳолест, ки ҳанӯз бештар аз як моҳ қабл, 19 январ ҳамсараш, ҳунарманди тавонои синамо ва театр Ҳабибулло Абдураззоқов даргузашта буд.

570