Секретарь Совета безопасности РФ Николай Патрушев

Тоҷикистону Русия масоили амниятӣ ва вазъи Афғонистонро баррасӣ намуданд

126
(Таҷдидшуда 00:17 31.10.2019)
Котиби Шӯрои амнияти Тоҷикистон Маҳмадалӣ Ватанзода ва котиби Шӯрои амнияти Русия Николай Патрушев масоили тақвияти ҳамкории дуҷониба дар мубориза бо терроризм, экстремизм ва ҷинояткории муташаккил, аз ҷумла қочоқи маводи мухаддир муҳокима карданд

ДУШАНБЕ, 31 окт — Sputnik. Рӯзи 30 октябри соли равон, дар Бӯстонсарои Ҳукумати Тоҷикистон дар шаҳри Душанбе ҷаласаи машваратии коршиносони дастгоҳҳои шӯроҳои амнияти Тоҷикистон ва Русия баргузор гардид, иттилоъ додааст хабаргузории АМИТ “Ховар”.

Тибқи иттилои манбаъ, зимни мулоқот масъалаҳои марбут ба тақвияти ҳамкории дуҷониба дар мубориза бо терроризм, экстремизм ва ҷинояткории муташаккил, аз ҷумла қочоқи маводи мухаддир муҳокима шуданд.

Ҷонибҳо инчунин масъалаҳои марбут ба вазъ дар Афғонистон, тадбирҳои муқовимат бо таҳдиду чолишҳо, вазъ ва дурнамои рушди ҳамкории ҳарбӣ ва ҳарбӣ-техникӣ, баланд бардоштани самаранокии ҳамкории Россия ва Тоҷикистонро дар соҳаи амнияти иттилоотӣ мавриди баррасӣ қарор доданд.

Ҳамзамон, иштирокдорони машваратҳо ба мувофиқа расиданд, ки ҳамоҳангсозии мавқеъҳои вазорату идораҳои манфиатдори Тоҷикистон ва Русияро доир ба масъалаҳои муҳими таъмини амният дар доираи СММ, СҲШ, ИДМ ва СААД идома диҳанд.

Манбаъ зикр намудааст, ки аз рӯи натиҷаҳои машваратҳо котиби Шӯрои амнияти Тоҷикистон Маҳмадалӣ Ватанзода ва котиби Шӯрои амнияти Русия Николай Патрушев Протоколи дахлдор ба имзо расониданд.

126
Барчаспҳо:
Маҳмадалӣ Ватанзода, Николай Патрушев, маводи мухаддир, ҷинояткорӣ, экстремизм, терроризм, масоил, амниятӣ, Русия, Тоҷикистон
Женщина в таджикском национальном костюме и маске

ТУТ: пӯшидани ниқоб дар Осиёи Марказӣ  ҷони беш аз 200 ҳазор нафарро наҷот медиҳад

28
(Таҷдидшуда 16:14 25.10.2020)
Пешгирии издиҳом, нигоҳ доштани фосилаи ҷисмонӣ, пок нигоҳ доштани дастон, ҷудо кардани гумонбарон, ҳолатҳои эҳтимолӣ ва тасдиқшуда ва карантин кардани тамосҳои онҳо бояд ба як одат ҳамарӯза табдил ёбад

ДУШАНБЕ, 25 окт — Sputnik. Ҳафтаҳои наздик интизор меравад,  шумораи беморони нави гирифтори COVID-19 дар минтақаи Осиёи Марказӣ афзоиш ёбанд, гуфт Бахтигул Карриева, намояндаи ТУТ дар Тоҷикистон.

Ӯ ҳамзамон гуфтааст, афзоиши марг низ дар заминаи ин беморӣ аз эҳтимол дур нест.

Намояндаи СУТ афзуд, ки вазъ метавонад дар ҳолати мубоширати бевоситаи одамон ва интиқоли вирус ба нафарони солхӯрда якбора бад шавад.

"Пешбиниҳоде, ки тавассуди намунаи эпидимиологии боэътимод ба даст оварда шудаанд, хурсандиовар нест. Бино бар ин намунаҳои, бардошта шудани маҳдудиятҳо метавонанд ба он расонанд, ки моҳи январи соли 2021 нишондодҳои марг аз коронавирус назар ба моҳи апрел 4-5 маротиба бештар шавад", - тавзеҳ дод коршинос.

Ба гуфтаи вай, муҳим аст, ки талаботи санитарию гигиениро сарфи назар накунем ва ниқобҳои муҳофизатӣ пӯшем, зеро онҳо метавонанд то моҳи феврали соли 2021 беш аз 200 ҳазор ҷони одамонро наҷот диҳанд.

Мутахассис илова кард, ки маҳдудиятҳои шадидтар дар мубориза бо пандемия самарабахштар хоҳанд буд.

Муҳим: тавсияҳои ТУТ барои гирифтор нашудан ба "коронавирус"

Пешгирии издиҳом, нигоҳ доштани фосилаи ҷисмонӣ, пок нигоҳ доштани дастон, ҷудо кардани гумонбарон, ҳолатҳои эҳтимолию тасдиқшуда ва қарантин кардани тамосҳои онҳо-ин  чизест, ки бидуни гуфтан бояд риоят шавад, хулоса кард Карриева.

28
Барчаспҳо:
пешгирӣ, тадобир, вируси корона, Созмони ҷаҳонии беҳдошт, Тоҷикистон
Выборы президента в Таджикистане

Як қадам пеш: намояндаи ТУТ дар Тоҷикистон чораҳои мубориза бо COVID-19-ро арзёбӣ кард

246
(Таҷдидшуда 09:34 25.10.2020)
Чӣ гуна чораҳои маҳдудкунанда дар мубориза бо пандемияи коронавирус кӯмак мекунанд, шарҳ дод, роҳбари дафтари ТУТ дар Тоҷикистон Бахтигул Карриева

ДУШАНБЕ, 25 окт — Sputnik. Таҷриба ва дониш дар бораи COVID-19 ба андешидани чораҳои оптималӣ дар мубориза бо коронавирус мусоидат мекунад, гуфт намояндаи ТУТ дар Тоҷикистон Бахтигул Карриева дар муколама бо Sputnik Тоҷикистон.

“Тадбирҳое, ки аллакай амалӣ мешаванд ё ҳоло пешниҳод карда мешаванд, аксуламал ба вазъи кунунӣ мебошанд ва барои пешгирии бадшавии эҳтимолӣ пешбинӣ шудаанд. Ин чораҳо барои наҷоти ҷони инсон аз COVID-19 ва дар баробари ин пешгирии хатари марбут ба бемориҳои дигар ва таназзули иқтисодӣ заруранд ", - гуфт намояндаи ТУТ.

Карриева қайд кард, ки маҳдудиятҳо дар кишварҳои аврупоӣ шадидтар мешаванд ва ин ба афзоиши бемории коронавирус марбут аст.

“Тадбирҳои солимии ҷамъиятӣ ва иҷтимоӣ ҳамчун як гӯшаи маҳдудият боқӣ мемонанд: онҳо бояд мунтазам амалӣ карда шаванд, бо диққати махсус ба густариши пайгирии тамос.

Ҳукуматҳои маҳаллӣ ва ҷамоатҳо бояд барои чораҳои пешгирӣ ба пуррагӣ ширкат варзанд - муносибати тамоми ҳукумат ва тамоми ҷомеа калидӣ аст. Мо бояд як қадам пеш бошем ",-илова кард Карриева.

Намояндаи ТУТ хулоса кард, ки кишварҳо ҳанӯз ҳам бояд барои шикастани занҷирҳои интиқол ва наҷоти ҳарчи бештари одамон чораҳо андешанд: дарёфти гирифторон, таҳқиқоти кластерӣ, ҷудокунӣ ва нигоҳубини ҳама сироятшудагон, қатъи тамос, дастгирӣ ва муҳофизати кормандони соҳаи тандурустӣ ва ҳифзи осебпазиртарин қишр.

Карриева: СУТ аз афзоиши бемории COVID-19 Тоҷикистон ҳушдор медиҳад

Карриева изҳори умедворӣ кард, ки дар ояндаи наздик чораҳои мубориза бо паҳншавии коронавирус бо воситаҳои нави пешгирӣ ва табобат, аз ҷумла ваксинаҳо пурра карда мешаванд.

246
Барчаспҳо:
чораҳои ҷавобӣ, пешгирӣ аз бемориҳо, вируси корона, ТУТ, Тоҷикистон

4 фавт ва 600 маризи нав: омори Қирғизистон аз коронавирус барои имрӯз

0
Шабонарӯзи гузашта дар Қирғизистон аз маризии сироятии коронавирус дасти кам 4 нафар ба ҳалокат расиданд

ДУШАНБЕ, 25 окт — Sputnik. Ситоди фаврӣ оид ба коронавирус марги боз 4 қирғизистонии дигар давоми як шабонарӯз аз маризии коронавирусро тасдиқ намуд.

Ба иттилои манбаъ, шабонарӯзи ахир боз 606 мавриди нави гирифторшавӣ ба коронавирус сабт гардид. Аз ҳама зиёд ҳолатҳои мубталошавии шаҳрвандон дар вилояти Ҷалолобод (184) ба қайд гирифта шуд.

Ҳамчунин дар вилояти Ботканд низ 104 нафар тоза дардманди ин вирус гардиданд. Дар Ош 97 ва дар шаҳри Бишкек 88 мавриди нави гирифторшавӣ ба коронавирус сабт шудааст.

Олимони Ҷопон нишон доданд, ки коронавирус чӣ гуна паҳн мешавад - навор

Дар маҷмӯъ аз овоили хуруҷи ин беморӣ дар Қирғизистон 55 750 нафар гирифтори вируси COVID -19 гардидаанд.

Зимнан, бо илова шудани 4 мавриди фавт, теъдоди қурбониёни коронавирус дар Қирғизистон ба 1 134 нафар баробар шуд.

0
Мавзуҳо:
Пайомадҳои COVID-19 дар Тоҷикистон ва ҷаҳон