Вывеска на здании Таджикстандарт. Архивное фото

“Тоҷикстандарт” аз анбори ширкати “Сомон 2017” 60 тонна равғани ғайристандартӣ пайдо кард

168
(Таҷдидшуда 16:43 01.11.2019)
Кормандони “Тоҷикстандарт” дар анборҳои ширкати “Сомон 2017” дар шаҳри Бӯстон ба маблағи беш аз 407 ҳазор сомонӣ равғани пахтаи ғайристандартӣ пайдо карданд

ДУШАНБЕ, 1 ноя — Sputnik. Бино бар иттилои дафтари матбуоти Раёсати “Тоҷиксктандарт” вилояти Суғд, мутахассисони “Тоҷикстандарт” дар вилояти Суғд дар шаҳри Бӯстон 60 тонна равғани пахтаи ғайристандартӣ, ки маблағи умумии он 407 ҳазору 261 сомониро ташкил медиҳад, ошкор намуданд.

Аз нозирот ба идоранишинӣ: ҷазои мақомдорони “Тоҷикстандарт” баъди шикояти соҳибкорон

Хабаргузории АМИТ “Хавар” дар истинода ба Раёсати “Тоҷикстандарт” дар вилояти Суғд таъкид намудааст, ки мутахассисони шуъбаи баҳодиҳии мутобиқат бо дархости ҶДММ “Элита Тиҷорат” дар анбори ҶДММ “Сомон 2017” дар шаҳри Бӯстон корҳои сертификатсионӣ гузаронида, аз 60 тонна маҳсулоти равғани пахта намуна гирифта, ба озмоишгоҳи санҷиши маҳсулоти хӯрокворӣ ва кишоварзӣ барои ташхис супориданд.

“Ташхис нишон дод, ки 60 тонна равғани пахтаи софкардашудаи доғнакардаи навъи якуми воридотӣ аз рӯи нишондиҳандаҳои номаълум будани санаи истеҳсол, мавҷудияти бӯйҳои бегона ва баланд будани рангнокӣ ба талаботи СБД 1128-75 ва Регламенти техникии Тоҷикистон “Тамғагузории маҳсулоти хӯрокворӣ” мутобиқат намекунад”, - қайд намудааст манбаъ.

Дар асоси талаботи Қонуни Тоҷикистон “Дар бораи бехатарии маҳсулоти хӯрока” соҳиби маҳсулоти хатарнок уҳдадор шуд, ки давоми 10 рӯзи корӣ онро аз қаламрави Тоҷикистон берун барорад.

Бо дарназардошти ин, дар ҳамкорӣ бо намояндагони Хадамоти гумрук миқдори умумии 60 тонна равғани пахтаи ғайристандартӣ, ки маблағи умумии он 407 ҳазору 261 сомониро ташкил медод, 30 октябр тибқи низоми “Реэкспорт” аз қаламрави Тоҷикистон берун бароварда шуд.

Раёсати “Тоҷикстандарт” аз ҳамаи соҳибкорону воридкунандагони маҳсулоти ғизоӣ хоҳиш кардааст, ки ҳангоми ворид намудани молу маҳсулот ба қаламрави кишвар манфиатҳои миллиро аз манфиатҳои шахсӣ боло гузошта, ба ворид гаштани маҳсулоти пастсифат ва ғайристандартӣ ба қаламрави Тоҷикистон роҳ надиҳанд.

168
Барчаспҳо:
пайдо, ғайристандартӣ, пастсифат, равған, ш. Бӯстон, ширкат, анбор, Тоҷикстандарт

Омори нави гирифторӣ, шифо ва фавт аз COVID-19 дар Тоҷикистон

279
(Таҷдидшуда 21:34 19.09.2020)
Вазорати тандурустӣ ва ҳифзи иҷтимоии аҳолии Тоҷикистон хабар дод, ки тайи шабонарӯзи гузашта дар кишвар 44 ҳолати нави гирифторӣ ба COVID-19 сабт шудааст. Рӯзи гузашта ин нишондод 45 нафарро ташкил дода буд

ДУШАНБЕ, 19 сен — Sputnik. Тибқи иттилои Вазорати тандурустӣ ва ҳифзи иҷтимоии аҳолӣ, то шоми имрӯз дар маҷмуъ дар кишвар 9 ҳазору 303 ҳолати гирифторшавӣ ба коронавирус ба қайд гирифта шудааст.

Манбаъ афзуд, ки аз шумораи умумии гирифторшудагон то имрӯз 8 ҳазору 66 нафар шифо ёфтаанд. Теъдоди фавт аз коронавирус тайи рӯзҳои охир бетағйир монда, ҳамоно 73 ҳолатро ташкил медиҳад.

Ахиран Созмони Миллал гузориш дод, ки коҳиши теъдоди беморон дар Тоҷикистон метавонад ба далели "камбуди зарфияти озмоиш дар ин кишвар" бошад. Аммо Вазорати тандурустии Тоҷикистон ин иддаоро рад намуда, таъкид кардааст, ки тавони кофии ташхис дар кишвар фароҳам аст.

Бархе дар Тоҷикистон омори вазорати тандурустии ин кишвар марбут ба “вируси корона” - ро ба боди интиқод кашида, онро ғалат ва ғайривоқеӣ мехонанд. Ба иддаои онҳо, теъдоди гирифторону фавтидагон аз ин маризӣ аз он чӣ дар омори вазорат оварда мешавад, зиёд аст. Сабаби марги аксари онҳое, ки дар замони мубориза бо “вируси корона” дар Тоҷикистон фавтидаанд, расман илтиҳоби шуш, ишемияи дил, қанд ва дигар маризиҳои ҳамроҳ гуфта мешавад.

Аммо Александр Семёнов, раҳбари ҳайати “Роспотребнадзор” – и Русия, ки ба намояндагӣ аз Созмони ҷаҳонии тандурустӣ дар Тоҷикистон якуним моҳ ба ин сӯ қарор дорад, мегӯяд, усули ҳисобдорӣ ё сабти мавридҳои “вируси корона” дар ин кишвар дуруст роҳандозӣ шудааст.

279
Машина полиции

Майдаавбошии Одинаевҳо: барои дашному латукӯби ҳамсоя ҳабсу ҷарима шуданд - навор

305
(Таҷдидшуда 18:57 19.09.2020)
Саҳнаи дашномкунӣ ва латукӯби як ҷавон аз ҷониби ду бародар дар шаҳри Душанбе ба шабакаҳои иҷтимоӣ роҳ ёфт ва баҳси гармеро ба миён овард

ДУШАНБЕ, 19 сен – Sputnik. Кормандони Раёсати умури дохилаи шаҳри Душанбе ду ҷавонеро боздошт намуданд, ки дар якҷоягӣ ҷавони дигарро ҳақорат ва шадидан кӯфтанд.

Бар хабари котиботи раёсати мазкур, ин ҳодиса нисфирӯзи 16 - уми сентябр дар кӯчаи Соҳилӣ рух дод.

Бародарон Одинаев Фирӯз ва Одинаев Фаррух, ки сокинони кӯчаи Соҳилӣ мебошанд, ҳамсояи 30  солаашонро нахуст дашном дода, сипас ду каса ӯро шадидан кӯфтанд.

Қиссаи бедаракшавии муҳоҷири тоҷик: аз латукӯб то гум шудани хотира-видео

Аз рӯи наворе, ки ба дасти кормандони РВУД дар пойтахт расид, ҳар ду бародар боздошт ва ба идораи пулис оварда шуданд.

Манбаъ меафзояд, Одинаевҳо барои дағалона вайрон кардани тартиботи ҷамиятӣ яке ба 5 шабонарӯз ҳабси маъмурӣ равона шуда, дар нисбати дигарӣ, ҷарима ба андозаи 10 нишондиҳанда барои ҳисобҳо таъин карда шуд.

305
Барчаспҳо:
ҷарима, ҳабс, ҳамсоя, латукӯб, Душанбе
премьер-министр Узбекистана Абдулла Арипов

Санаи сафари сарвазири Ӯзбекистон ба Тоҷикистон маълум шуд

0
(Таҷдидшуда 21:34 19.09.2020)
Палатаи савдо ва саноати Тоҷикистон мегӯяд, сафари Абдулло Арипов, сарвазири Ӯзбекистон ба Душанбе ба рӯзҳои 28-30 сентябр рост меояд

ДУШАНБЕ, 19 сен — Sputnik.  Омодагӣ ба сафари Абдулло Арипов дар Палатаи савдо ва саноати Тоҷикистон баррасӣ шуд. Дар доираи ин сафар анҷумани соҳибкорони Тоҷикистону Ӯзбекистон рӯзҳои 28-30 сентябр ба нақша гирифта шудааст.

Инчунин зимни ин сафар ҷаласаи навбатии Комиссияи байниҳукуматии Тоҷикистон ва Ӯзбекистон баргузор мегардад

Дафтари матбуоти вазорати иқтисод ва савдои Тоҷикистон, мегӯяд, ҳоло омодагиҳо ба ҷаласаи навбатии Комиссияи байниҳукуматии Тоҷикистон ва Ӯзбекистон давом доранд.

Тибқи иттилои манбаъ, ин нукта зимни вохӯрии  Вазири рушди иқтисод ва савдои Тоҷикистон Завқӣ Завқизода ва муовини якуми Вазири сармоягузорӣ ва савдои хориҷии Ӯзбекистон Лазиз Қудратов, муовини Вазири иқтисод ва паст кардани сатҳи камбизоатии Ӯзбекистон Акмалхон Ортиқов, ки 18 сентябр дар шаҳри Душанбе баргузор гардид, мавриди баррасӣ қарор гирифт.

Ҳамзамон манбаъ таъкид доштааст, ки зимни вохӯрӣ ҷонибҳо инчунин вазъ ва дурнамои ҳамкории дуҷонибаро дар соҳаи тиҷоратию иқтисодӣ, аз ҷумла зиёд намудани нишондиҳандаҳои ҳаҷми гардиши савдои дуҷониба, таъсиси корхонаҳои муштарак дар минтақаҳои озоди иқтисодии Тоҷикистон баррасӣ намуданд.

0
Барчаспҳо:
ҷаласа, ҳамкорӣ, Ӯзбекистон, Тоҷикистон