Пограничник на смотровой вышке. Архивное фото

Сарҳад қавитар мешавад: дидбонгоҳи ҷадид бо харҷи 900 ҳазор доллар сохта шуд

240
(Таҷдидшуда 19:14 01.11.2019)
Дар марзи Тоҷикистону Афғонистон дидбонгоҳи ҷадид бо харҷи 900 ҳазор доллар сохта ба истифода дода шуд

ДУШАНБЕ, 1 ноя — Sputnik. Ба иттилои котиботи сафорати Амрико дар Тоҷикистон, имрӯз маросими ба истифода додани дидбонгоҳи нави марзӣ Оқултон баргузор гардид.

Дар маросими ифтитоҳи дидбонгоҳи мазкур муовини қумандони Қушунҳои сарҳадии КДАМ ҶТ Абдусаттор Шоҳиён ва кордори муваққатии Сафорати Амрико дар Тоҷикистон Ҷон Гинкел ширкат варзиданд.

"Лоиҳаи сохтмон ба маблағи 900 ҳазор доллар аз тарафи Дафтари ҳамкориҳои ҳарбии Сафорати Амрико дар Тоҷикистон таъмин ва амалӣ карда шуд. Иншооти мазкур иқтидори Қушунҳои сарҳадиро дар назорати доимии марзи муштарак бо Афғонистон дар ноҳияи Шаҳритуси вилояти Хатлон таъмин мекунад", - гуфта мешавад дар хабари манбаъ.

Ҳукми сарбозе, ки бо силоҳ аз дидбонгоҳ гурехт

Зимнан, бо кумаки сафорати Амрико сохтмон ва таъмири 9 дидбонгоҳи сарҳадӣ ва 2 отряд дар марзи Точикистону Афғонистон анҷом дода шуд.

Сафорати Амрико мақсад аз таъмир ва бунёди додбонгоҳҳоро ба таҳкими амнияти сарҳади Тоҷикистон арзёбӣ намуд.

Қобили зикр аст, ки ҳукумати Амрико сар аз  соли 2005 инҷониб барои тақвияти марзи Тоҷикистон ба маблағи зиёда аз 100 миллион доллар кумак пешниҳод кардааст.

240
Барчаспҳо:
сарҳад, ифтитоҳи дидбонгоҳ
Молния в небе

Фавти ноболиғи 16 - сола аз оташак дар Панҷакент: подабонӣ рафт

48
(Таҷдидшуда 14:21 15.07.2020)
Кумитаи ҳолатҳои фавқулода аз рух додани офати табиӣ дар вилояти Суғд хабар медиҳад, ки ҷони ноболиғи 16 - соларо рабуд

ДУШАНБЕ, 15 июл — Sputnik. Оташак дар вилояти Суғд ҷони як кудаки 16 - соларо гирифт, хабар медиҳад КҲФ Тоҷикистон.

Ба иттилои манбаъ, ҳодисаи нохуш дар ҷамоати деҳоти Моғиёни шаҳри Панҷакент рух дод. Навраси 16 - сола ба хотири нигоҳубини чорва ба айлоқ рафт ва дар соати муайяншуда ба хона барнагашт.

Раъду барқ ва борон: пешгӯии дақиқи ҳавошиносон барои имрӯз

Дер омадани ӯ боиси нигаронии волидонаш шуда, онҳо ба хотири пайдо кардани фарзанди худ ба кормандони наҷот муроҷиат карданд.

Манбаъ меафзояд, наҷотбахшон бо гузашти як шабонарӯз ҷисми беҷони ноболиғро пайдо карданд ва мақомоти дахлдор таслим намуданд.

Муайян карда шуд, ки ноболиғ бар  асари оташак ҷон аз даст додааст.

48
Барчаспҳо:
ҳалокат, ноболиғ, раъду барқ, Панҷакент
Нефть

Саридораи геологияи гуфт, дар Тоҷикистон чи қадар кони нафту газ аст

55
Саридораи геологияи назди ҳукумати Ҷумҳурии Тоҷикистон шумораи конҳои нафту гази кишварро номбар кард

ДУШАНБЕ, 9 июл – Sputnik. Дар Тоҷикистон 24 кони нафту газ мавҷуд аст, гуфт сардори Саридораи геологияи назди ҳукумати кишвар Илҳомҷон Оймуҳаммадзода зимни нишасти хабарӣ дар Душанбе.

Ба гуфтаи Оймуҳаммадзода, то имрӯз бо 17 ширкат шартномаҳо оид ба истифодаи сарватҳои зеризаминӣ баста шудаанд.

Вай қайд кард, ки пас аз ҳамоҳангсозӣ бо вазорату идораҳо Саридораи геологияи Тоҷикистон чаҳор лоиҳаро барои баррасӣ ба ҳукумат барои ҳуқуқи гузаронидани корҳои иктишофи геологӣ пешниҳод кард.

Оймухаммадзода илова намуд, ки дар шаш моҳи аввали соли 2020 Саридораи геология дар доираи 22 лоиҳа таҳқиқотщои зериразминӣ гузаронидааст.

Корҳо оид ба ҷустуҷӯи конҳои металлҳои сиёҳ, ранга, қиматбаҳо ва нодир, сангҳои нимқиматбаҳо ва ороишӣ анҷом дода шуданд.

55
Грузовик, архивное фото

Бидуни шарҳ: марзи Туркманистон барои мошинҳои Тоҷикистон ҳанӯз баста аст

0
(Таҷдидшуда 14:38 15.07.2020)
Худоёр Худоёрзода, вазири нақлиёти Тоҷикистон, мегӯяд, марзи Туркманистон ҳанӯз баста буда, воридоту содирот ба кишвар аз роҳҳои алтернативӣ сурат мегиранд

ДУШАНЕБ, 15 июл – Sputnik. Худоёрзода имрӯз зимни нишасти матбуотӣ гуфт, Вазорати нақлиёти Туркманистон ба мақомоти тоҷик сабаби марзбандиро шарҳ надодааст.

Ӯ афзуд, феълан ҳамлу нақли бор ба Тоҷикистон тариқи роҳҳои алтернативӣ, ки аз қаламрави Гурҷистону  Озарбойҷон ва дигар кишварҳо мегузаранд, амалӣ мегардад. Ба гуфтаи вазир, ин роҳ дарозтар аст, вале ҷумҳуриҳои номбаршуда барои мошинҳои самти Тоҷикистон бархе имтиёзҳоро пешниҳод кардаанд.

Масъулини Вазорати нақлиёти Тоҷикистон мегӯянд, Туркманистон феълан ҳамаи гузаргоҳҳои худро на танҳо ба Тоҷикистон балки барои ҳамаи кишварҳо бастааст.

Мушкили мошинҳои самти Тоҷикистон дар марзи Туркманистон аз соли 2018 оғоз гардида, аз аввали соли 2019 тамоман баста шуд.

Моҳи августи соли 2018  ронандаҳои тоҷик дар марзи Эрон бо Туркманистон дармонда буданд. Дертар дар мактуби расмӣ Ашқобод дармондани мошинҳои самти Тоҷикистонро ба далоили амниятӣ рабт дод, аммо тафисолотро ироа накард.

0
Барчаспҳо:
марз, Туркманистон, Тоҷикистон