Самолет авиакомпании Уральские авиалинии, архивное фото

Ҳавопаймои ширкати рӯсӣ баъд аз нишасти изтирорӣ дар Тошканд, ба самти Душанбе парвоз кард

361
(Таҷдидшуда 16:56 04.11.2019)
Ҳавопаймои ширкати "Уралский авиалиния", ки самти Маскав - Душанбе парвоз медошт, бо сабаби номусоид будани обу ҳаво ба таври изтирорӣ дар фурудгоҳи Тошканд нишаст ва пас аз панҷ соати интизорӣ боз ба самти Душанбе парвоз кард

ДУШАНБЕ, 4 ноя — Sputnik. Ҳавопаймои ширкати "Уралский авиалиния" ки аз Маскав - Душанбе парвоз мекард ва ба сабаби обу ҳавои номусоид дар фурудгоҳи Тошканд ба таври изтирорӣ нишаста буд, соати 10:45 боз ба самти Душанбе парвоз кард.

Қаблан намояндагони ширкати "Уралский авиалиния" хабар дода буданд, ки ҳавопаймои ширкат дар фурудгоҳи Тошканд нишасти изтирори анҷом дод. Қарор буд, ҳавопаймои мазкур соати шаш саҳар дар фурудгоҳи Душанбе фуруд меомад.

Сабаби нишасти ҳавопаймо дар фурудгоҳи шаҳри Тошканд, ин обу ҳавои номусоид дар пойтахт будааст.

Тибқи иттилои манбаъ, ҳавопаймои ширкати "Уралский авиалиния"  танҳо соати 10:45 ба самти пойтахти Тоҷикистон парвоз кард. ҳангоми нишасти изтирори ҳамаи мусофирон дар дохили ҳавопаймо мунтазир парвоз шуданд.

Ёдарс мешавем, ки ҳафтаи гузашта ҳавопаймои ширкати "Уралский авиалиния" , ки дар хатсайри Маскав - Кӯлоб  парвоз мекард пас аз анҷоми нишасти изтирорӣ дар фурудгоҳи Тошканд, пас аз муддати тулони ба парвози худ идома дод.

Ҳавопаймо бинобар номусоид будани вазъи ҳаво оҷилан дар фурудгоҳи Nошканд нишаст, вале пас аз мусоид шудани ҳаво низ ба идомаи парвоз шурӯъ накард, чун пас аз муоинаи ҳавопаймо мушкили техникӣ дарёфт карда шуд.

Гуфта шуда буд, ки ҳавопаймо дар хатти садамавӣ қарор дорад.

361
Барчаспҳо:
парвоз, Уралские авиалинии, ширкат, ҳавопаймо, нишасти изтирорӣ, Тошканд, Душанбе
День 29 ноября

Ҷашнҳои рӯзи 29 ноябр дар Тоҷикистон ва ҷаҳон

6
(Таҷдидшуда 18:43 28.11.2020)
Рӯзи бисту нӯҳуми ноябр дар албания Рӯзи озодкунӣ аз фашизм, дар Вануату Рӯзи муттаҳидӣ ва дар Югославия Рӯзи ҷумҳурӣ ҷашн гирифта мешавад

Рӯзи 29 ноябр дар ҷаҳон чӣ рух дод

Соли 1899 клуби футболи "Барселона" созмон дода шуд.

Соли 1942 дар Амрико барои фурӯш ва истеъмоли қаҳва меъёр муқаррар гардид.

 

Девушка пьет кофе
© CC0 / Pixabay
Девушка пьет кофе

Соли 1990 Шӯрои Амнияти СММ дар ҳолати озод накардани Кувайт истифодаи силоҳро бар зидди Ироқ зарур шуморид.

 

Рӯзи 29 ноябр дар Тоҷикистон чӣ рух дод

Соли 2008 дар Қатар раисҷумҳури Тоҷикистон Эмомалӣ Раҳмон ва Дабири кулли вақти Созмони Милали Муттаҳид Пан Ки Мун масоили татбиқи ҳамоҳангсозии кумаки беруна ба Тоҷикистон, пешгирӣ аз паҳншавии бемориҳои сироятии СПИД, сил, вараҷа ва ғайра, таҳкими ҳифзи сарҳадоти давлатӣ ва мубориза бо қочоқи маводи мухаддир дар Осиёи Марказиро баррасӣ намуданд.

День 26 ноября
© Sputnik/ Стас Этвеш/ Мария Вишнякова

Соли 2008 дар Давлати Қатар баҳри ба роҳ мондани ҳамкории судманд миёни телевизиони иттилоотии Тоҷикистон "Ҷаҳоннамо" ва телевизиони овозадори "ал-Ҷазира"-и Давлати Қатар мувофиқаҳо ҳосил шуданд.

Соли 2009  дар ноҳияи Ғончии вилояти Суғд хатти 500- киловолтаи "Ҷануб – Шимол" ва се хатти 220-киловолта ба истифода дода шуданд.

Соли 2015 раисҷумҳури Тоҷикистон Эмомалӣ Раҳмон барои иштирок дар Конфронси 21-уми тарафҳои Конвенсияи Созмони Милали Муттаҳид оид ба тағйирёбии иқлим ба Ҷумҳурии Фаронса сафар карданд.

Соли 2016  хонандаи тоҷик соҳиби Шоҳҷоизаи 14-умин олимпиадаи байналмилалӣ аз фанни забони русӣ ба номи А.С.Пушкин гардид.

Соли 2016 Эмомалӣ Раҳмон дар ҷаласаи Панели сатҳи баланд оид ба масъалаҳои об, ки дар доираи Саммити оби Будапешт баргузор гардид, суханронӣ намуданд.

Ҷашнҳои рӯзи 29 ноябр

Дар Албания – Рӯзи озодкунӣ аз фашизм.
Дар Вануату — Рӯзи муттаҳидӣ.
Дар Югославия – Рӯзи ҷумҳурӣ.

Рӯзи 29 ноябр дар Тоҷикистон кӣ ба дунё омадааст

Соли 1936 года – ҳунарманди синамо ва хизматнишондодаи Тоҷикистон Дилбар Қосимова.

Солҳои (1961-1992) – овозхони халқии Тоҷикистон  Кароматуллои  Қурбан.

Певец Кароматулло Курбонов, архивное фото
Певец Кароматулло Курбонов, архивное фото

Соли 1962 – рӯзноманигор, муассиси Медиа группа "Азия Плюс" Умед Бобохонов.

6
Сценарист и кинорежиссер Искандар Усмонов

Искандар Усмонов дар Теҳрон ҷоиза гирифт

84
(Таҷдидшуда 19:45 28.11.2020)
Коргардон ва драматурги тоҷик Искандар Усмонов дар як Ҷашнвораи байналмилалии филмҳо дар шаҳри Теҳрон соҳиби ҷоиза гардид

ДУШАНБЕ, 28 ноя — Sputnik. Дар шаҳри Теҳрон маросими ҷоизасупорӣ ба иштирокчиёни Ҷашнвораи байналмилалии филмҳои "Муқовимат" баргузор гардид, хабар медиҳад рӯзномаи Вечёрка.

Маросими мазкур санаи 23 ноябр баргузор гардид ва як намояндаи Тоҷикистон низ сазовори ҷоиза гашт.

Манбаъ меафзояд, муаллифи сенарияи филми "Дар марз", коргардон ва драматурги тоҷик Искандар Усмонов бо ҷоизаи "Сенарияи беҳтарини филми ҳунарии кутоҳмуддат" мукофотонида шуд.

Филм дар ҳамкорӣ бо коргардони қирғиз Тинчтик Абилқосимов дар "Киргизфилм" ба навор гирифта шудааст.

Филм барои +18 ё поинтар: тағйири қонуни Тоҷикистон “Дар бораи кино”

Қаҳрамонони филми "Дар марз" бо забонҳои тоҷикӣ, русӣ ва қирғизӣ ҳарф мезананд. Филм дар асоси саргузашти сокини солхӯрдаи як деҳаи Тоҷикистон, ки барои дидорбинии хешовандонаш ба деҳаи Қирғизистон меравад, таҳия шудааст.

Тавре коргардони тоҷик гуфт, филм 10 рӯз дар минтақаи Ботканди Қирғизистон ба навор гирифта шудааст.

Соли гузашта филми "Дар марз" дар озмуни байналмилалӣ дар VII Форуми филми ҷавони кишварҳои ИДМ "Умут" дар бахши "Мубрамияти ғоя" пирӯз шуда буд.

84