Российские военные в Таджикистане потушили пожар  в жилом доме на окраине Душанбе

Сӯхтор дар меҳмонхонаи нотамоми “Исмоили Сомонӣ” дар маркази шаҳри Душанбе - навор

938
(Таҷдидшуда 13:07 04.11.2019)
Имрӯз дар маркази Душанбе дар бинои нотамоми меҳмонхонаи панҷситорадори “Исмоили Сомонӣ” ба коми оташ рафт

ДУШАНБЕ, 4 ноя — Sputnik. Имрӯз, дар пойтахти Тоҷикистон дар  бинои меҳмонхонаи панҷситорадори “Исмоили Сомонӣ”, воқеъ дар хиёбони Рӯдакӣ-127 сӯхтор сар зад, иттилоъ додааст, хабаргузории ТоҷикТА дар истинод ба Сарраёсати хадамоти давлатии оташнишонии ВКД ҶТ иттилоъ додааст. 

Тавре манбаъ қайд намудааст, дар ҳоли ҳозир сабаби сӯхтор ҳанӯз маълум нест. Ҳамаи мошинҳои оташнишонӣ, ба ҷойи ҳодиса фиристода шуданд. Кормандони оташнишонӣ дар ҷои ҳодиса фаъолият доранд.

Ёдрас мешавем, ки бунёди иншооти мазкур беш аз 13 сол инҷониб давом дорад, тибқи нақша иншооти мазкур бояд то охири соли 2020 ба истифода супорида шавад.

Маросими оғози бунёди ин меҳмонхонаи панҷситорадор 15-уми марти соли 2006 оғоз шуда буд. Буҷаи умумии сохтмони ин иншоот дар он давра 30 миллион долларро ташкил дода буд.

938
Чемодан с деньгами, архивное фото

Бонки ҷаҳонӣ ба Тоҷикистон барои рушди тиҷорат ва нақлиёт 132 миллион доллар медиҳад

0
Маҷмӯи сармоягузорӣ ба инфрасохтори нақлиёт ва муосиргардонии расмиёти гумрукӣ ба Тоҷикистон имкон медиҳад, ки бозорҳои содиротӣ созмон диҳад ва барои соҳибкории хусусӣ имкониятҳои иловагӣ фароҳам оварад, мегӯяд Бонки ҷаҳонӣ.

ДУШАНБЕ, 4 авг — Sputnik.  Бонки Ҷаҳонӣ ба Тоҷикистон барои густариши тиҷорати наздисарҳадӣ ва беҳтар кардани ҳамлу нақл 132 миллион доллар грант медиҳад, иттилоъи медиҳад, намояндагии ин ниҳоди молӣ.

Гуфта мешавад, Бонки ҷаҳонӣ маблағгузории грантии марҳилаи чоруми "Барномаи беҳбуд бахшидани роҳсозиро дар Осиёи Марказӣ" тасдиқ кардааст.

Тибқи иттилои Бонки ҷаҳонӣ, 131 миллион долларро Ассотсиатсияи байналмилалии рушд таъмин медиҳад ва як миллион долларро Фонди Трастии “Барномаи Савдо ва Алоқаи Осиё” илова мекунад.

"Дар мавзеи баландкӯҳ, ки баромад ба баҳр надорад ва алоқаи маҳдуд дорад, Тоҷикистон ба гаронтарин хароҷоти нақлиёт ва савдо дар Осиёи Марказӣ рӯбарӯ аст" гуфт Ян-Питер Олтерс, роҳбари намояндагии доимии Бонки ҷаҳонӣ дар Тоҷикистон.

Вай таъкид намуд, ки маҷмӯи сармоягузориҳо ба инфрасохтори нақлиёт ва осонгардонии расмиёти гумрукӣ ба Тоҷикистон имкон медиҳад, ки бозорҳои содиротиро роҳандозӣ кунад ва барои соҳибкории хусусӣ имкониятҳои иловагӣ фароҳам оварад.

Таъкид шудааст, маблағҳо барои баланд бардоштани устуворӣ ва бехатарии инфрасохтори роҳ дар вилояти Суғд ва ВМКБ равона карда мешаванд.

Ҳамзамон бо мақсади мусоидат ба тиҷорати наздисарҳадӣ, навсозии платформаи технологияҳои иттилоотӣ ва коммуникатсионии Хадамоти гумрук пешбинӣ шудааст.

0
Добыча золота

Вазорати молия гуфт, ба чанд нафар барои истихроҷи тилло иҷозат дод

35
(Таҷдидшуда 11:47 04.08.2020)
Вазорати молия тоҷикистон мегӯяд барои истихроҷи инфиродии сангҳои қимматбаҳо ба беш ду ҳазор нафар иҷозатнома додаанд

ДУШАНБЕ, 4 авг — Sputnik.  Бино ба иттилои ин ниҳод, сар аз моҳи гузашта комиссияи вижаи Вазорати молия ба 2419 иҷозатнома барои истихроҷи маъданҳои пошхӯрда иҷозат додааст.

Ин ниҳод мегӯяд, сокинон пас аз коркард ва ба даст овардани тилло онро ба нуқтаҳое, ки барои харид омода шудааст, мефурӯшанд.

Ба иттилои вазорат ҳоло дар кишвар зиёда аз 10 нуқтаи хариди металлҳои қиматбаҳо кушода шудааст ва дар ин давра, ин нуқтаҳо аз аҳолӣ 5,3 кг тилло харидаанд.

Гуфта мешавад, шаҳрвандон метавонанд бидуни пешниҳоди ягон ҳуҷҷат металҳои қиматбаҳоро фурӯшанд.

Ёдовар мешавем, қаблан Оймаҳмадзода Илҳомҷон, роҳбари Саридораи геологияи тоҷик  гуфт бо дастури ҳукумат, то имрӯз дар кишвар 145 қитъаро муаян кардаанд, ки сокинон метавонанд дар он ҷой тилло шӯянд.

Ба иттилои манбаъ,  ин минтақаҳоро  дар ҳудуди 900 киллометир дар шаҳру навоҳии Айнӣ, Бохтар, Ванҷ, Дарвоз, Дӯстӣ, Лахш, Масчоҳи кӯҳӣ, Муминобод ва Мурғоб ҷудо кардаанд.
Ӯ гуфт, барои фаъолияти фардии тиллошӯйӣ баъзе талаботҳо ҳаст, ки яке аз он техникаи истифодашаван набояд аз 50 қувваи асп зиёд набошад.

Тоҷикистон ба истихроҷи тиллои пошхӯрда дубора оғоз кард

Файзиддин Қаҳҳорзода, вазири молияи Тоҷикистон низ гуфта буд, ки тарҳи ироаи иҷоза ба шаҳрвандон бобати истихроҷи тилло ва дигар фулӯзоти қиматбаҳо бо ибтикори раисҷумҳури кишвар таҳия шуда, ба шаҳрвандон ҳуқуқи истихроҷи мустақилли тиллоро хоҳад дод. Барои ин шаҳрвандонро мебояд танҳо аз вазорати молия иҷоза дарёфт кунанд ва бар асоси он дар ҷойҳое, ки дар ихтиёри ягон ширкат нест, метавонанд тилло истихроҷ кунанд.

35