Флаг Ирана на одной из улиц Тегерана

Сафири Эрон дар Душанбе вобаста ба даргузашти Валӣ Самад ба Тоҷикистон таслият гуфт

452
(Таҷдидшуда 18:16 04.11.2019)
Сафири Эрон дар Душанбе даргузашти устод Валӣ Самад адиб ва Шоҳномапажуҳи тоҷикро ба миллат ва давлати Тоҷикистон таслият гуфт.

ДУШАНБЕ, 4 ноя — Sputnik. Ба нақл аз хабаргузории "Parstoday", дар пайёми таслияти Муҳаммадтақии Собирӣ сафири Эрон дар Тоҷикистон омадааст, устод Валӣ Самад умри худро барои эътилои забон ва адаби муштараки Эрон ва Тоҷикистон сипарӣ кард.

Манбаъ ёдрас шудааст, ки устод Валӣ Самад мулақаб ба "падари забони тоҷикӣ" ҳафтаи гузашта дар сини 83 солагӣ даргузашт.

Маъруфтарин китоби ӯ дар Эрон  "Фирдавсӣ ва шоҳнома дар Қафғоз" аст.

Устод Валӣ Самад дар ин китоб баррасии пажуҳишҳои анҷомшуда дар бораи Фирдавсӣ ва шоҳнома дар ҳавзаи Қафғоз пардохта ва пажуҳишгарони баноми гурҷӣ, арманӣ ва туркманро, ки арзиши волои Шоҳномаро дарёфта буданд муаррифӣ кардааст.

Тибқи иттилои сомонаи Иттифоқи нависандагони Тоҷикистон, 20 январи соли 1936 дар деҳаи Ворухи ноҳияи Исфара зода шудааст.

Соли 1956 Омӯзишгоҳи педагогии Конибодом, соли 1961 факултаи филологияи Донишкадаи давлатии омӯзгории Хуҷандро хатм карда, нахуст ба ҳайси референти Ҷамъияти “Дониш”-и вилоят, сипас ба сифати муаллими донишгоҳи мазкур фаъолият бурдааст.

Соли 1964 шомили аспирантураи Донишкадаи давлатии омӯзгории Душанбе шуда, курси асосиро дар шуъбаи робитаҳои адабии Институти адабиёти ба номи Низомии АИ Озарбойҷон гузаронида, соли 1976 дар мавзӯи “Масъалаҳои умдаи пайванди адабии халқҳои тоҷику озар дар садаи XIX” рисолаи номзадӣ дифоъ кардааст.

Муаллифи 15 рисола ва 350 мақола дар бораи таърих ва паҳлуҳои гуногуни равобити адабии халқи тоҷик бо халқҳои русу озар, гурҷию арманӣ, туркману тотору узбек мебошад.

Китобу рисолаҳои “Масъалаҳои асосии равобити адабии халқҳои тоҷику озар дар садаи XIX”, (ба забони русӣ; Боку-Душанбе, 1975), “Пайвандҳои адабӣ–омили муҳимми рушди адабиёт” (1976), “Тӯшаи ҳамдилӣ” (1989), “Аз қаъри Хазар то авҷи Зуҳал” (1992), “Фирдавсӣ ва “Шоҳнома” дар Қафқоз” (Теҳрон, 2000), “Дурахши як ахтари сӯзон” (ҷ.1, 2001; ҷ.2, 2013), “Бозгашт ба Ироншаҳр” (Ереван, 2003; дар ҳаммуаллифии Вика Аракелян), “Шоҳнома”-и Фирдавсӣ ва Чернишевский” (2004, 2005) аз беҳтарин дастовардаҳои илмию адабии Валӣ Самад арзёбӣ шудааст.

Ӯ ҳамчунин муаллифи “Меҳрнома” мебошад, ки бахшида ба ҷашни 80-умин солгарди зодрӯзи устод Муҳаммадҷон Шакурӣ таълиф шудааст.

Валӣ Самад узви раёсати Бунёди байналмилалии забони форсии тоҷикӣ аз июли 1989, узви ифтихории Иттифоқи нависандагони Озарбойҷон аз октябри 1993, узви ифтихории Ассотсиатсияи ховаршиносони Арманистон аз марти 2003, узви раёсати Анҷумани дӯстии Эрону Тоҷикистон аз марти 2003, узви ҳайати таҳририяи маҷаллаи “Рӯдакӣ”  (Эрон, 2000) ва маҷаллаи “Адаб” (Тоҷикистон, 2001) мебошад.

Марҳум аз аз соли 1994 узви Иттифоқи нависандагони Тоҷикистон буд.

 

452
Шанхай, архивное фото

Чин мӯҳлати пардохти қарзи 40-миллионии Тоҷикистонро ба таъхир андохт

92
Чин дар робита бо мушкилии молии пайи пандемияи коронавирус қабули пардохтҳои қарзиро аз 77 кишвар, аз ҷумла аз Тоҷикистон боздошт

ДУШАНБЕ, 5 авг — Sputnik. Пардохти қарзи Тоҷикистон ба Чин ба маблағи 40 миллион доллар муваққатан ба таъхир андохта шуд. Дар ин бора муовини вазири рушди иқтисод ва савдо Абдураҳмон Абдураҳмонзода хабар дод.

Ба гуфтаи вай, Чин вазъи мураккаби иқтисодии Тоҷикистонро дар робита бо пандемияи коронавирус ба назар гирифта, мӯҳлати пардохти онро тамдид кард.

Афзун бар ин, Чин дар робита бо мушкилии молии пайи пандемияи коронавирус қабули пардохтҳои қарзиро аз 77 кишвар боздошт.

Пештар Вазорати молия гуфта буд, қарзи умумии берунаи Тоҷикистон дар нимсолаи аввали соли 2020 3 миллиарду 96 миллионро ташкил медиҳад.

Маълум аст, ки қарзи бештари Тоҷикистон, 36 дар сади он, ба бонки Чин рост меояд, ки он 1 миллиарду 133,4 ҳазор доллар аст.

“Ҳисоби абҷад”: “Талко” қарзҳои андозро ғайривоқеӣ хонд

 

92
Пробирки с кровью для анализа на covid-19

Вазорат омори тозаи сироят, фавт ва шифоёбӣ аз коронавирус дар Тоҷикистонро эълон кард

516
(Таҷдидшуда 20:04 05.08.2020)
 Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки дар як шабонарӯзи охир дар ҷумҳурӣ 42 ҳодисаи нави бемории COVID-19 дарёфт гардид

ДУШАНБЕ, 5 авг — Sputnik. Бино ба гузориши Вазорати тандурустӣ давоми 24 соати гузашта дар Тоҷикистон 42 ҳодисаи нави бемории COVID-19 дарёфт гардида,  дар маҷмӯъ шумораи гирифторони ин беморӣ ба 7625  нафар баробар гардид.

"То санаи  5 август  дар мамлакат  6399 (83,9%)  нафар аз бемории COVID-19 шифо ёфта,  бар асари он 61  нафар фавтидаанд", - омадааст дар хабарнома.

Вазорати тандурустӣ ёдоварӣ карда, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Русия эълон кард, кай ваксинаи зидди COVID-19 миёни кӯдакон санҷида мешавад

Ин ниҳод даъват карда, ки дар ин лаҳзаҳои ҳассос  ҷиҳати пешгирии сирояти мазкур пеш аз ҳама  қоидаҳои беҳдошти шахсиро қатъиян риоя намоянд, зеро, дар урфият беҳуда нагуфтаанд, ки табиби ҳар шахс худи ӯст.

516
Барчаспҳо:
Вазорати тандурустии ҶТ, омор, тандурустӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон