Сирийская армия освободила от боевиков территорию военных училищ в Алеппо

Дар соли 2018 дар даргириҳои Сурия ва Ироқ 470 шаҳрванди Тоҷикистон дар кушта шуд

102
(Таҷдидшуда 18:30 04.11.2019)
Вазорати умури хориҷаи Амрико бо интишори гузориши "терроризм дар соли 2018" аз кушта шудани 470 шаҳрванди тоҷикистонӣ дар даргириҳои Сурия ва Ироқ хабар додааст

ДУШАНБЕ, 4 ноя — Sputnik. Ба нақл аз хабаргузории “Parstoday”, дар ин гузориш таъкид шудааст, ки бар асоси омори додситонии Тоҷикистон аз миёни ҳазору 900 нафар аз шаҳрвандони ин кишвар, ки бо пайвастан ба гуруҳҳои террористӣ ба вижа ДИИШ ба Сурия ва Ироқ рафтаанд 470 нафар дар даргирӣ бо артишҳои ин ду кишвари арабӣ кушта шудаанд.

Ҳамчунин 450 шаҳрвандони Тоҷикистон дар зиндонҳои Сурия ва Ироқ нигаҳдорӣ мешаванд.

Дар гузориши Вазорати умури хориҷаи Амрико ба боздошт ва зиндонӣ кардани аъзо ва ҷонибдорони гуруҳҳои террористӣ дар дохили Тоҷикистон низ ишора шудааст, ки дар чорчуби барномаи мубориза бо терроризм амалӣ мешавад.

Теъдоде аз ин ашхос аз Афғонистон, Сурия, Ироқ ва Русия ба Тоҷикистон бозгашта ва ё ба дархости мақомоти қазоии ин кишвар ба Душанбе истирдод шудаанд.

Аз дидгоҳи мақомоти Тоҷикистон таҷаммуи аъзои гуруҳҳои террористӣ дар шимоли Афғонистон таҳдиди ҷиддӣ алайҳи амнияти миллии ин кишвар ва дигар ҷумҳуриҳои Осиёи Марказӣ ба ҳисоб меояд ва зарурати тақвияти марзи муштарак бо Афғонистонро барои муқобила бо таҳаррукоти эҳтимолии ин созмонҳо матраҳ месозад.

102
Барчаспҳо:
кушта шуд, даргириҳо, Ироқ, Сурия, терроризм, Амрико, Тоҷикистон
День 5 июль

Ҷашнҳои рӯзи 5 июл дар Тоҷикистон ва ҷаҳон

12
(Таҷдидшуда 20:10 04.07.2020)
Рӯзи панҷуми июл дар Венесуэла – Рӯзи Истиқлолият, дар Аргентина – Рӯзи кӯдакон, дар Арманистон – Рӯзи Конститутсия ва дар Украина – Рӯзи флоти ҳарбӣ-баҳрӣ мебошад

Рӯзи 5 июл дар ҷаҳон чӣ рух дод

Соли 1841  Томас Кук  аввалин маротиба дар таърихи ҷаҳон агентии сайёҳӣ кушод.

День 4 июля
© Sputnik / Стас Этвеш / Вишнякова Мария

Соли 1865 дар Лондон Созмони хайрияи «Артиши наҷот» ташкил карда шуд.

Соли 1918 Ҳизби коммунистии Украина таъсис дода шуд.

Соли 1924 дар Порис маросими ботантанаи ифтитоҳи Бозиҳои ҳафтуми тобистонаи олимпӣ баргузор гардид.

Соли 1954 аввалин маротиба пахши барномаҳои хабарии телевизиони Би-Би-Сӣ ба роҳ монда шуд.

Соли 1994 дар Чин истифодаи меҳнати кӯдакон манъ карда шуд.

Рӯзи 5 июл дар Тоҷикистон чӣ рух дод

Соли  2000 дар шаҳри Душанбе вохӯрии сарони давлатҳои СҲШ (Панҷгонаи Шанхай: Тоҷикистон, Русия, Чин, Қазоқистон ва Қирғизистон) баргузор гардид.

День 3 июля
© Sputnik / Стас Этвеш / Вишнякова Мария

Соли 2001 дар ҷараёни сафари давлатии Эмомалӣ Раҳмон ба Украина 10 созишномаи ҳамкорӣ дар самтҳои гуногун ба имзо расид.

Соли 2004 дар шаҳри Душанбе Аввалин бонки молиявии хурд ба истифода дода шуд.

Соли 2010 Эмомалӣ Раҳмон дар пойтахти Ҷумҳурии Қазоқистон — шаҳри Остона дар ҷаласаи навбатии Шўрои байнидавлатии Иттиҳоди иқтисодии Авруосиё дар сатҳи сарони давлатҳо иштирок намуданд.

Соли 2013 Президент дар Ҷамоати деҳоти Заргари ноҳияи Бохтар корхонаи нави пахтатозакуниро, ки бо технологияи нави каммасраф ва хушсифат муҷаҳҳаз гардонида шудааст, ба истифода дод. Корхона дар як сол то 20-25 ҳазор тонна пахтаро коркард намуда, нахи онро бо сифати баланд ҷудо мекунад.

Соли соли 2013 дар бӯстонсарои Мақомоти иҷроияи ҳокимияти давлатии вилояти Хатлон Сарвари давлат  муҳтарам Эмомалӣ Раҳмон бо 279 нафар мактаббачагону донишҷӯёне, ки аз падар ва модар ятим мондаанд, вохӯрии самимӣ анҷом доданд.

Соли 2019 хабар дода шуд, ки паҳлавони тоҷик Фирӯз Мирзораҷабов дар рӯзи аввали Чемпионати Осиё оид ба гӯштин миёни наврасон, ки дар пойтахти Қазоқистон — шаҳри Нурсултон баргузор шуд, соҳиби медали тилло гардид.

Ҷашнҳои рӯзи 5 июл

  • Дар Венесуэла – Рӯзи Истиқлолият.
  • Дар Аргентина – Рӯзи кӯдакон.
  • Дар Арманистон – Рӯзи Конститутсия.
  • Дар Украина – Рӯзи флоти ҳарбӣ-баҳрӣ.

Рӯзи 5 июл кӣ ба дунё омадааст

Соли 182 — Сун Тсюан (соли даргузашт - 252), аввалин шоҳи қарни Се салтанат дар Чин.

Соли 1802 — Павел Нахимов (даргузашт 1855), адмирали рус.

Соли 1857 - Клара Тсеткин (даргузашт 1933), фаъоли ҳаракати коммунистӣ ва олмонӣ.

Рӯзи 5 июл дар Тоҷикистон кӣ ба дунё омадааст

Соли 1914 – журналист Ноёбшо Бодурбеков.

Соли 1930 – журналист Мадориф Шарифзода.

Соли 1931-1990 – олим - адабиётшинос Абдуллоҷон Ғаффорзода.

Соли 1933 – журналист Нусратшо Таваллоев.

Соли 1936 – доктор, профессор Муқаддама Ашрафӣ.

Рӯзи 5 июл дар Тоҷикистон кӣ вафот кард

Соли 1971 — Муҳаммадҷон Қосимов (соли таваллуд 1907), ҳунарманди тоҷик.

12
Барчаспҳо:
Тоҷикистон, Ҷаҳон, ҷашн
Мавзуъ
Ҷашнҳои рӯзи 29 июн дар Тоҷикистон ва ҷаҳон
Ҷашнҳои рӯзи 30 июн дар Тоҷикистон ва ҷаҳон
Ҷашнҳои рӯзи 3 июл дар Тоҷикистон ва ҷаҳон
Ҷашнҳои рӯзи 4 июл дар Тоҷикистон ва ҷаҳон

Омори тозаи сироят, фавт ва шифоёбӣ аз COVID-19 дар Тоҷикистон

957
(Таҷдидшуда 20:18 04.07.2020)
Шабонарӯзи гузашта дар Ҷумҳурии Тоҷикистон 51 ҳолати нави сироятёбӣ ба коронавируси навъи COVID-19 ошкор гардид

ДУШАНБЕ, 4 июл – Sputnik. Дар давоми 24 соати гузашта дар Тоҷикистон 51 ҳолати нави сироятёбӣ ба COVID-19 ошкор гардида, шумораи онҳо дар муддати аз 30 апрел то 4 июл ба 6159 нафар расид, хабар медиҳад Вазорати тандурустӣ ва ҳифзи иҷтимоии аҳолии Ҷумҳурии Тоҷикистон.

Тибқи иттилои манбаъ, то имрӯз дар кишвар 4809 нафар ё худ 78,1%-и гирифторони COVID-19 шифо ёфта, аз ин беморӣ 52 нафар фавтидаанд.

"Шабонарӯзи охир 220 нафар гумонбарон зери назорати табибон қарор дошта, 47 нафар баъд аз муолиҷа ба хонаҳояшон рухсат дода шуданд", — омадааст дар хабарнома.

Мавриди зикр аст, ки Ҳукумати Ҷумҳурии Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

Вазорати беҳдошт мегӯяд, дар 85 беморхонаи ҷумҳурӣ беш аз 7 ҳазору 500 табиб ва 25 ҳазор корманди миёнаи тиб сафарбар шудаанд. Ба ғайр аз ин, дар муассисаҳои кумаки аввалияи тиббию санитарии ҷумҳурӣ 7 ҳазору 600 табиб ва зиёда аз 24 ҳазор корманди миёнаи соҳаи тиб бо мақсади дарёфт, пешгирӣ ва расонидани кумаки аввалия ба мардум хизмат мерасонанд.

957
Барчаспҳо:
вируси нав, фавт, омор, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Специалисты министерства здравоохранения в аэропорту Ташкента

Шумори гирифторони коронавирус дар Ӯзбекистон ба 10 ҳазор наздик шуд

0
Вазорати тандурустии Ӯзбекистон омори нави ҳолатҳои ошкоршудаи гирифторони коронавирусро дар ин кишвар эълон кард

ДУШАНБЕ, 5 июл — Sputnik. Бино ба иттилои дафтраи матбуотии Вазорати тандурустии Ӯзбекистон теъдоди дардмандони коронавирус дар ин кишвар танҳо шабонарӯзи азир то 285нафар афзудааст.

Ҳамин тариқ шумораи умумии ҳодисаҳои коронавирус дар Ӯзбекистон тақрибан 9708 нафарро ташкил дод.

Ба иттилои манбаъ ҳоло дар ҷумҳурӣ 3220 гирифторони COVID-19 дар беморхонаҳо таҳти назорати табибон қарор доранд.

Манбаъ мегӯяд, ҳодисаҳои нав асосан дар байни шаҳрвандоне, ки дар қарантинӣ ҷойгиранд, ошкор карда шуданд.

Дар маҷмӯъ, дар Узбакистон 31 нафар аз коронавирус фавтиданд.

Ёдовар мешавем, ки аввалин ҳолати сироятёбӣ дар Узбакистон 15 март дар зане, ки аз Фаронса ба ватанаш баргашт, расман сабт шуд.

0