Подпись документа, архивное фото

Қарордоди Тоҷикистону Русия ҳукми қонунӣ гирифт

599
Русия ва Тоҷикистон ҳамкориҳо байнидавлатиро дар соҳаи сайёҳӣ бо мақсади шинос намудани шаҳрвандон бо дастовардҳои илмӣ, иқтисодӣ, рушди иҷтимоӣ, фарҳангу табиат ва манзараҳо густариш медиҳанд

ДУШАНБЕ, 5 ноя — Sputnik. Қарордоди Тоҷикистону Русия дар мавриди густариш додани ҳамкориҳо дар соҳаи туризм, ки апрели соли равон ба имзо расида буд, ҳамакнун ҳукми қонунӣ гирифт.

Дар матни қарордод гуфта шудаст, ки Тоҷикистону Русия, ба хотири ошно намудани шаҳрвандон бо дастовардҳо дар соҳаи илму иҷтисод, фарҳангу табиат ва ҳамзамон муҷассамаҳои таърихӣ ва анъанаҳои қадимии мардум, бахши туризмро густариш медиҳанд.

Роҳи Помир ба панҷгонаи зеботарин роҳҳои дунё шомил гардид

Гузашта аз ин ҷонибҳо, барои тарғиби хатсайрҳои муштараки сайёҳӣ ба монанди Роҳи абрешим ва дигарҳо, тавассути конфронсу форумҳо ва семинару намоишгоҳҳо мусоидат хоҳанд кард.

Қайд мегардад, ки масъулияти иҷрои ин созишнома ба зиммаи Агентии федеролии сайёҳии Русия ва Кумитаи рушди сайёҳии Тоҷикистон вогузор гардидааст.

Савори қутос: хатсайри нави гардишгарӣ дар Мурғоб

Ин қарордод ба мӯҳлати 5 сол баста мешавад ва ба таври худкор ба муддати панҷ соли минбаъда тамдид карда мешавад, агар ягон тараф тарафи дигарро дар шакли хаттӣ дар бораи нияти қатъ кардани он огоҳ накунад.

599
Барчаспҳо:
қарордод, Русия, Тоҷикистон
Сотрудники санитарных служб проводят обработку улиц

Кӯчаву хиёбонҳои шаҳри Хуҷанд дубора безарар гардонида мешаванд

106
(Таҷдидшуда 19:45 12.07.2020)
Кӯчаву хиёбонҳои шаҳри Хуҷанд дубора поккорӣ мешаванд. Ин поккорӣ ба хотири пешгирӣ аз паҳншавии бемории коронавируси навъи COVID - 19 гузаронида мешавад

ДУШАНБЕ, 12 июл – Sputnik. Гурӯҳи безараргардонӣ ва пешнигрӣ аз сироят ба коронаирус СOVID-19 фаъолиятҳои поккорӣ дар иншооту муассисаҳо ва кӯчаву хиёбонҳои шаҳри Хучандро аз сар гирифт.

Бино ба гузориши КҲФ, ин гурӯҳ, ки аз аввали авҷи вируси корона дар Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикисон дар вилояти Суғд амал мекард, зарфи ду рӯзи охир ба фаъолиятҳои худ идома дод.

Ёдгор Файзов гуфт, ки чигуна Тоҷикистон тавонист коронавирусро пешгирӣ кунад

Дастаи имдод дар ин ду рӯз дар Беморхонаи клиникии вилояти Суғд ба номи С. Қутфиддинов ва даромадгоҳҳои биноҳои 5-9-ошёнаи истиқоматии маҳаллаи 12-умро бо истифода аз дорупошакҳои муҳаррикдор, маҳлули гипохлорид натрий поксозӯ карданд.

"Дар як рӯз аз ҷониби гурӯҳ беш аз 20 бино безарар гардонида мешаванд", - омадааст дар хабарнома.

Манбаъ афзуда, ки корҳои безараргардонӣ дар вилояти Суғд идома доранд.

Тибқи иттилои Вазорати беҳдошти ҶТ шумораи умумии гирифторон ба маризии коронавирус аз 30 - юми апрел то 11 - уми июл ба 6 505 нафар баробар аст.

Дар кишвар 5176 нафар ё худ 79,5 дарсади гирифторони COVID-19 шифо ёфтаанд.

106
Барчаспҳо:
пешгирӣ, поксозӣ, вируси нав, Суғд
Мавзуҳо:
Пайомадҳои COVID-19 дар Тоҷикистон ва ҷаҳон
Мадина Акназарова - Бо ту / Madina Aknazarova - Bo Tu (2020) - YouTube

Мадина Ақназарова гуфт, чӣ гуна метавон аз COVID - 19 эмин шуд- видео

575
(Таҷдидшуда 19:09 12.07.2020)
Сарояндаи ҷавону машҳури Тоҷикистон Мадина Ақназарова дар як наворе фаҳмонд, ки чӣ гуна бояд худ ва атрофиёнро аз сироятшавӣ бо COVID - 19 муҳофизат кард

ДУШАНБЕ, 12 июл – Sputnik. Мадина Ақназарова, ки ахиран бо гурӯҳи тарғиботии мубориза бар зидди COVID - 19 дар Тоҷикистон пайваст, дар як наворе дар саҳифааш дар Instagram фаҳмонд, ки чӣ гуна бояд ниқоби тиббиро пӯшид.

Ӯ дар ин навор аз мардум даъват кард, ки ба зиндагии худ ва атрофиён бетараф набошанд ва ниқобро дуруст бипӯшанд.

Посмотреть эту публикацию в Instagram

#AKAH#covid19#besafe 🌿

Публикация от Madina Aknazarova (@madinaaknazarova_)

"Салом дӯстони азиз! Тамоми ҷаҳон мубориза бо COVID - 19 - ро идома медиҳад ва пӯшидани ниқобро касе манъ накардааст. Вазъи аксари мардум ваҳим аст ва бархе ҳам бидуни нишона ин бемориро аз сар мегузаронанд ва паҳнкунандаи сироят ҳастанд. Барои ҳамин биёед нисбати ин беморӣ ҷиддӣ муносибат кунем ва саломатии миллатамонро нигоҳ дорем", - таъкид кардааст Мадина дар навор.

Тибқи иттилои Вазорати беҳдошти ҶТ шумораи умумии гирифторон ба маризии коронавирус аз 30 - юми апрел то 11 - уми июл ба 6 505 нафар баробар аст.

Дар кишвар 5176 нафар ё худ 79,5 дарсади гирифторони COVID-19 шифо ёфтаанд.

Дар Тоҷикистон пӯшидани ниқоб ҳатмӣ аст. Тибқи тағйироти ҷадид ба қонунгузории Тоҷикистон, ки мавриди амал қарор гирифтанд, барои паҳн кардани бемориҳои сироятӣ, аз ҷумла коронавирус ҷазои маъмурӣ ва ҷиноиро пешбинӣ гардидааст.

Тибқи меъёрҳои ҷадиди қонунгузории Тоҷикистон, барои паҳни иттилои бардурӯғ дар шароити пандемия ва амалисозии чораҳои қарантинӣ шахсони инфиродӣ аз 580 сомонӣ боло ва шахсони ҳуқуқӣ то 11,6 ҳазор сомонӣ ҷаримабандӣ хоҳанд шуд.

Инчунин нақзи қоидаҳои ниқобпӯшӣ дар ҷойҳои ҷамъиятӣ, аз ҷумла дар боғҳо, бозор, мағоза, қаҳвахона, нақлиёт ва ҳатто ҷои кор ҷарима дар ҳаҷми аз 116 то 290 сомонӣ дар пай дорад.

Ҷаримаҳои алоҳида барои риоя накардани меъёрҳои санитарию эпидемиологӣ пешбинӣ гардидаанд. Аз ҷумла барои нақзи қоидаҳои беҳдошт ҳангоми паҳншавии бемориҳои сироятӣ ҷазои пулӣ дар ҳаҷми аз 2 то 5 маоши ҳадди ақал пешбинӣ шудааст.

Барои вайрон кардани қоидаҳои санитарию эпиемиологӣ ба шаҳрвандони қаторӣ аз 406 то 696 сомонӣ, ба соҳибкорон - аз 1160 то 3480 сомонӣ, мансабдорон - аз 3480 то 4640 сомонӣ, шахсони ҳуқуқӣ - аз 8700 то 11 600 сомонӣ таҳдид карда, дар сурати такрори қоидавайронкунӣ афзоиши ҷарима дар назар аст.

Инчунин бар асоси тағйирот дар қонунгузории Тоҷикистон, барои паҳнсозии бемориҳои сироятӣ ҷазои ҷиноӣ низ пешбинӣ шудааст. Аз ҷумла барои сирояти оммавии атрофиён аз 2 то 5 сол ва барои расондани зарари вазнин ба саломатӣ ё сироят, ки марг дар пай дорад, аз 5 то 10 соли зиндон дар назар аст.

575
Барчаспҳо:
вируси нав, муҳофизат, ниқоби сиёҳ, Мадина Ақназарова