Хуҷанд: Ифтитоҳи маҷмааи тиҷоратии «Масири олӣ»

Ифтитоҳи маркази боҳашамати хизматрасонӣ дар Хуҷанд ва дастури Аҳмадзода ба соҳибкорзан

312
(Таҷдидшуда 12:03 06.11.2019)
Дар шаҳри Хуҷанд соҳибкорзан Моҳинисо Ҳакимбоева, ки солиёни зиёд бо тиҷорати пардаҳои истеҳсоли хориҷӣ машғул аст, маркази боҳашамати хизматрасонӣ бунёд кард

ДУШАНБЕ, 6 ноя — Sputnik. Ба муносибати 25 солагии Рӯзи қабули Конститутсияи Ҷумҳурии Тоҷикистон дар хиёбони Раҳим Ҷалили шаҳри Хуҷанд бо ширкати раиси вилояти Суғд Раҷаббой Аҳмадзода ва раиси шаҳри Хуҷанд Маъруф Муҳаммадзода маркази тиҷоратӣ ва хизматрасонии "Масири олӣ" мавриди баҳрабардорӣ қарор гирифт.

Бино ба гузориши дафтари матбуотии раиси шаҳри Хуҷанд, маркази тиҷоратӣ ва хизматрасонии "Масири олӣ" аз таҳхона ва 4 ошёна иборат буда, аз ҷониби соҳибкорзани ватанӣ Моҳинисо Ҳакимбоева, ки солиёни зиёд бо тиҷорати таҷҳизоти ороишии хона, аз ҷумла пардаҳои истеҳсоли хориҷӣ машғул аст, бунёд гардидааст.

Гуфиа мешавад, ки дар таҳхона ва ошёнаи якуми бинои мазкур мағозаи фурӯши мебелҳои истеҳсоли Туркия ва як қатор кишварҳои Урупо ҷойгир буда, бо нархҳои дастрас пешкаши мизоҷон гардонида шудааст.

Дар ошёнаи дуюм мағозаи фурӯши пардаҳои дӯхти муосир, ки асосан истеҳсоли кишвари Туркия мебошад, ҷойгир карда шудааст.

Ҳамзамон дар қисмати рости бино сехи хурди дӯхти пардаҳо низ фаъол буда, соҳибхоназанҳои маҳаллӣ бо кори доимӣ ва маоши дастрас таъмин карда шудаанд. Маҷмуъан наздик 20 нафар сокинони шари Хуҷанд бо баробари истифодабарии он бо кори доимӣ таъмин гардиданд.

Қарор аст, ки дар ошёнаи 3-4–уми бинои мазкур меҳмонхонаи муосир бунёд карда мешавад, ки дар як вақт барои беш аз 50 нафар хизмат расонида мешавад.

Дар ҳамин ҷо Раҷаббой Аҳмадзода ба 4 нафар фарзандони оилаҳои камбизоат туҳфа ва маблағҳои пулӣ тақдим кардааст.

Роҳбари вилоят ин ҳама тадбирҳои ободониро самараи сиёсати одилонаи Президенти мамлакат муҳтарам Эмомалӣ Раҳмон унвон намуда, таъкид доштааст, ки ба шарофати Истиқлолияти давлатӣ ва Ваҳдати миллӣ соҳикборони ватанӣ доимо дастгирӣ меёбанд ва дар самти мубодилаи молу коло бо хориҷи кишвар тамоми шароитҳо муҳайё гардидааст.

Раиси вилояти Суғд Раҷаббой Аҳмадзода ба раҳбарияти муассиси маркази тиҷоратӣ ва хизматрасонии "Масири олӣ" дастур додааст, ки бо истифода аз имконот коргоҳи нави истеҳсоли мебелҳои ҳозирамонро бо шарикони тиҷоратии хориҷӣ бунёд намоянд.

312
Барчаспҳо:
ифтитоҳ, меҳмонхона, Хуҷанд
Судебный процесс по делу Зиёева Юсуфа Раджабалиевич по обвинению в изнасиловании трехлетней девочки

Муттаҳам дар таҷовузи духтари сесола: оғози мурофиаи парвандаи Зиеёв дар суди Душанбе: акс

1029
(Таҷдидшуда 00:00 04.07.2020)
Додгоҳи шаҳри Душанбе ба баррасии парвандаи марде оғоз кардааст, ки дар таҷовузи духтарчаи сесола муттаҳам мешавад

ДУШАНБЕ, 3 июл — Sputnik. Дафтари матбуотии додгоҳи пойтах бо нашри аксҳо аз оғози баррасии парвандаи таҷовузи духтари сесола хабар додааст.

Тибқи иттилои манбаъ, мурофиаи додгоҳӣ имрӯз, 3 июли дар толори судии суди шаҳри Душанбе бо парвандаи ҷиноятӣ бо айбдории Зиёев Юсуф Раҷабалиевич барои содир намудани таҷовуз ба номуси духтарчаи се сола оғоз шудааст.

Ба иттилои манбаъ Зиёев Юсуф  бо моддаҳои 138 қисми 3 банди “а”, 139 қисми 4 банди “а” ва 127 қисми 1 Кодекси ҷиноятии ҷумҳурии Тоҷикистон гунаҳгор дониста мешавад.

Дафтари матбуотии додгоҳи Душанбе ҷузъиёти пурраи парвандаро нашр накардааст.

Тибқи Кодекси ҷиноятии Тоҷикистон қисими сеюми моддаи 138 (таҷовуз ба номус нисбат ба духтари баръало ба синни чордаҳсолагӣ нарасида ё хеши наздик) – аз 12 то 25 соли зиндон ё ҳукми қатл ё ҳабси умрбод пешбинӣ шудааст.

  • Судебный процесс по делу Зиёева Юсуфа Раджабалиевич по обвинению в изнасиловании трехлетней девочки
    Судебный процесс по делу Зиёева Юсуфа Раджабалиевич по обвинению в изнасиловании трехлетней девочки
    Пресс-служба столичного суда
  • Судебный процесс по делу Зиёева Юсуфа Раджабалиевич по обвинению в изнасиловании трехлетней девочки
    Судебный процесс по делу Зиёева Юсуфа Раджабалиевич по обвинению в изнасиловании трехлетней девочки
    Пресс-служба столичного суда
  • Судебный процесс по делу Зиёева Юсуфа Раджабалиевич по обвинению в изнасиловании трехлетней девочки
    Судебный процесс по делу Зиёева Юсуфа Раджабалиевич по обвинению в изнасиловании трехлетней девочки
    Пресс-служба столичного суда
1 / 3
Пресс-служба столичного суда
Судебный процесс по делу Зиёева Юсуфа Раджабалиевич по обвинению в изнасиловании трехлетней девочки

Ҳамчунин қисми чори моддаи 139-и Кодекси ҷиноии кишвар барои ҳаракати зўроварии дорои хусусияти шаҳвонӣ нисбат ба шахси баръало ба синни чордаҳсолагӣ нарасида аз 15 то 20 соли зиндонро дар бар мегирад.

Қисми якуми моддаи 127 бошад дидаю дониста дар хатар монондан ва нарасонидани ёрӣ ба шахсе, ки дар вазъияти барои ҳаёт ё саломатиаш хавфнок қарор дорад ва аз сабаби хурдсолӣ, пиронсолӣ, беморӣ ё аз сабаби оҷизии худ имконияти андешидани чораҳои худмуҳофизатиро надорад, ҳангоме, ки шахси гунаҳгор метавонист ба ин шахс ёрӣ расонад ва вазифадор буд нисбати ў ғамхорӣ зоҳир намояд ё худаш ўро дар ҳолати барои ҳаёт ё саломатиаш хатарнок гузоштанро дар бар гирифта, ашхоси муттаҳам бо чунин моддаро ду сол зиндон таҳдид мекунад.

1029
Жители города Душанбе в защитных масках на улице

Бидуни фавт: 50 ҳолати ҷадид ва шифо ёфтани 72 нафар аз коронавирус дар Тоҷикистон

478
(Таҷдидшуда 19:01 03.07.2020)
Вазорати тандурустии Тоҷикистон омори ҷадиди сироятшавӣ ва шифоёфтагон аз маризии коронавирусро нашр намуд

ДУШАНБЕ, 3 июл — Sputnik. Шабонарӯзи гузашта дар Тоҷикистон 50 ҳолати нави сироятёбӣ ба вируси COVID-19 сабт гардидааст, хабар медиҳад Вазорати тандурустӣ ва ҳифзи иҷтимоии аҳолии Ҷумҳурии Тоҷикистон.

Ба иттилои манбаъ, шабонарӯзи гузашта ба мисли чанд ҳафтаи охир ягон мавриди фавти маризони коронавирус ба қайд гирифта нашудаст.

Зимнан, аз 30 апрел то 3 июл дар кишвар шумораи гирифторони COVID-19 ба 6108 нафар баробар шудааст, ки аз ин беморӣ то кунун дар мамлакат 4762 нафар шифо ёфтаанд.

Ҳолатҳои сироятёбӣ ба коронавирус дар Тоҷикистон якбора афзуд

Ҳамзамон, дар муддати зикргардида дар мамлакат аз ин беморӣ 52 нафар фавтидаанд.

Вазорати тандурустӣ ва ҳифзи иҷтимоии аҳолии мамлакат ҳамчунин хабар медиҳад, ки давоми шабонарӯзи охир 216 нафар гумонбарон зери назорати табибон қарор дошта, 72 нафар баъд аз муолиҷа ба хонаҳояшон рухсат дода шуданд.

Бояд гуфт, ки Ҳукумати Ҷумҳурии Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодааст.

478
Барчаспҳо:
омор, сироят, маризӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон