Раджаббой Ахмадзода встретился с послом Пакистана Имран Хайдар

Дар бозорҳои Покистон нуқтаҳои фурӯши маҳсулоти истеҳсоли Тоҷикистон пайдо хоҳад шуд

114
(Таҷдидшуда 15:10 09.11.2019)
Сафири Покистон дар Тоҷикистон Имрон Ҳайдар зимни мулоқот бо раиси вилояти Суғд омодагии кишварашро барои ба роҳ мондани боркашониҳо тавассути бандарҳои баҳрӣ ва ташкили нуқтҳои фурӯши маҳсулоти истеҳсоли Тоҷикистон дар бозорҳои Покистон эълон дошт

ДУШАНБЕ, 9 ноя — Sputnik. Бино бар иттилои дафтари матбуоти ҳукумати вилояти Суғд, ахиран Раҷаббой Аҳмадзода, раиси вилояти Суғд бо сафири Покистон дар Тоҷикистон Имрон Ҳайдар дидору гуфтугӯ кард.

Манбаъ қайд намудааст, ки тарафҳо зимни суҳбат аз густариши робитаҳои иқтисодӣ, фарҳангӣ, илмиву техникии Тоҷикистону Покистон изҳори қаноатмандӣ намуда, дурнамои ҳамкориҳоро баррасӣ карданд.

Раҷаббой Аҳмадзода, раиси вилояти Суғд таъкид намудааст, ки тарафҳо метавонанд бо истифода аз имконоти мавҷуда робитаҳоро дар арсаи воридоту содироти молу маҳсулот ва илму маориф тақвият бахшида, тадбирҳои судмандро амалӣ созанд.

Дар навбати худ, сафири Покистон дар Тоҷикистон Имрон Ҳайдар, қайд кард, ки ҳадафи сафари дипломатҳои покистонӣ ба вилояти Суғд низ мустаҳкам намудани робитаҳои тиҷоратӣ ва пайвандҳои дӯстӣ миёни ду кишвар аст.

Ҳайати дипломатҳои покистонӣ зимни сафарашон ба вилояти Суғд аз муассисаҳои таҳсилоти олӣ, корхонаҳои истеҳсолӣ, мавзеъҳои таърихиву фарҳангии вилояти Суғд боздид намуданд.

Дар ҳамин ҳол, сафири Покистон дар Тоҷикистон Имрон Ҳайдар инчунин омодагии кишварашро барои ба роҳ мондани боркашониҳо тавассути бандарҳои баҳрӣ ва ташкили нуқтҳои фурӯши маҳсулоти истеҳсоли Тоҷикистон дар бозорҳои Покистон эълон дошт.

Тарафҳо ҳамзамон доир ба таҳкими ҳамкориҳо дар бахши илму маориф ва таҳсили ҷавонони покистонӣ дар донишгоҳу донишкадаҳои олии вилояти Суғд табодули афкор намуданд.

114
Барчаспҳо:
фурӯш, кишвар, ҳамкорӣ, Суғд, Покистон, Тоҷикистон
Пробирки с биоматериалом в лабораторном комплексе

Роспотребнадзор гуфт, сохтани ваксинаи ягона барои COVID-19 ғайриимкон аст

231
(Таҷдидшуда 20:30 04.06.2020)
Анна Попова, раҳбари Роспотребнадзор дар бораи омода кардани ваксина бар зидди коронавирус сухан гуфт

ДУШАНБЕ, 4  июн — Sputnik. Ваксинаи ягона барои коронавирус нахоҳад дошт, гуфт роҳбари Роспотребнадзор Анна Попова ҳангоми мубоҳисаи онлайн дар клуби “Валдай”.

Ба гуфтаи вай, дар Русия якбора якчанд доруҳои мухталифро барои табақаҳои гуногуни аҳолӣ истифода хоҳанд бурд.

"Бешубҳа, ин як дору нахоҳад буд. Як қатор ваксинаҳо ва доруҳои мухталиф мавҷуданд, ки барои гурӯҳҳои гуногун истифода хоҳанд шуд" - гуфт Попова.

Дар хусуси таъсири ваксинаҳои таҳияшудаи зидди коронавирус ҳанӯз барвақт гуфтан, изҳор дошт роҳбари Роспотребнадзор.

"Мӯҳлати эълон (таҳия намудани ваксина) умеди касе аст. Аммо ба назарам, имрӯз ҳоло умедвор кардан барвақт аст. Мо метавонем бигӯем, ки кай таҳия ва иҷрои ваксина аз ҷиҳати техникӣ имконпазир аст, аммо мо итминон надорем, ки он барои шахс то чӣ андоза самарабахш хоҳад буд",- гуфт Попова.

Вай афзуд, ки бар асари коронавирус, мутахассисон бояд фавран ваксинаҳои зукомро омода кунанд. Тибқи пешгӯии Роспотребнадзор, мавҷи дуюми ин беморӣ дар давраи афзоиши беморищои шадиди роҳи нафас метавонад рух диҳад.

Тахмин меравад, ки дар ин ҳолат як бемор манбаи паҳнсозии ҳарду вирус - ҳам зуком ва ҳам коронавирус мегардад.

Номбурда гуфтааст, рухдоди чунин вазъ раванди вазнин хоҳад буд ва ин комилан, ин моро водор мекунад, ки ваксина алайҳи зукомро ба даст орем ва миқдори онро зиёд бардорем ва кӯшиш кунем, ки шумораи зиёди шаҳрвандон эм карда шаванд.

231
Барчаспҳо:
истеҳсол, вирус, табобат, дору, Тоҷикистон
Женщина в защитной маске на улице города Душанбе

Афзоиши гирифторони COVID - 19 дар Тоҷикистон: ба 4,3 ҳазор наздик шуд

701
(Таҷдидшуда 19:31 04.06.2020)
Вазорати тандурустии Тоҷикистон омори нави мубталоёни коронавирус дар кишварро барои имрӯз  4 июн нашр кард

ДУШАНБЕ, 4  июн — Sputnik. Тибқи иттилои дафтари матбуотии Вазорати тандурустии кишвар давоми шабонарӯзи ахир 98 ҳолати нави гирифторони коронавирус ба қайд гирифта шудааст.

Тибқи маълумот  то имрӯз 4 июн, шумораи умумии беморони коронавирус дар ҷумҳурӣ ба 4289 нафар расид.

Ҳамзамон, дар давоми як рӯзи охир, табибон тавонистанд 54 беморро табобат кунанд.

Сар аз оғози эълони ин бемори дар кишвар то кунун  2 401 нафар шаҳрвандон шифо ёфтанд.

Инчунин то имрӯз, 1418 сокин дар беморхона таҳти назорати кормандони тиббӣ қарор доранд.

Вазорати тандурустӣ гуфтааст,  давоми шабонарӯзи охир аз коронавирус ҳеҷ кас нафавтидааст. Теъдоди қурбониён то имрӯз аз  ин беморӣ дар кишвар ба  48 нафар мерасад.

Ин ниҳод афзудааст, ки ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ мешаванд ва дар ин лаҳзаҳои ҳассос аз тамоми сокинони кишвар даъват ба амал оварда мешавад, ки ҷиҳати пешгирии сирояти мазкур пеш аз ҳама, қоидаҳои беҳдошти шахсиро қатъиян риоя намоянд, зеро, дар урфият беҳуда нагуфтаанд, ки табиби ҳар шахс худи ӯст.

Вазорати тандурустӣ ва ҳифзи иҷтимоии аҳолии Тоҷикистон, рӯзи 30-уми апрел нахустин бор аз гирифтории 15 сокини кишвар ба бемории коронавирус хабар дода буд.

701
Боздиди раиси Хатлон, аз минтақаи офатзадаи Хуросон, акс аз бойгонӣ

Ҷамъияти Ҳилоли Аҳмар бо оилаҳое, ки офат онҳоро бехона гузошт, пул медиҳад

0
(Таҷдидшуда 20:37 04.06.2020)
Ҷамъияти Ҳилоли Аҳмари Тоҷикистон илова ба кумакҳои то кунун ба осебдидагони офати табиӣ дар ноҳияи Хуросон расондааш, тасмим гирифт ба 72 оилае, ки хонаҳои худро дар ин ҳодисаи табиӣ пурра аз даст додаанд, ба миқдори 150 франки швейтсарӣ ёрии яквақта расонад

ДУШАНБЕ, 4 июн — Sputnik. Ҷамъияти Ҳилоли Аҳмари Тоҷикистон ба 260 хоҷагии аз офати табиӣ  зарардидаи деҳаҳои Н.Асадулло ва 18-умин анҷумани ҳизби ҷамоати деҳоти С.Айнии ноҳияи Хуросон маводи ғайрихӯрокӣ тақсим намуд, хабар дод котиботи ҳукумати Хатлон.

Санаи 14-15 майи соли 2020 офати табиӣ ба хонаҳо ва қитъаҳои наздиҳавлигии сокинони як қатор минтақаҳои мамлакат зарар расонид. Аз ин офати табиӣ асосан 338 хоҷагӣ дар ноҳияи Хуросон ва 6 хоҷагӣ дар шаҳри Ваҳдат осеби зиёд диданд.

Бо назардошти вазъ, Ҷамъияти Ҳилоли Аҳмар лоиҳаи Бунёди вижаи вокуниш ба ҳолатҳои фавқулодаи Федератсияи байналмилалии Ҷамъиятҳои Салиби Сурх ва Ҳилоли Аҳмар (DREF)-ро тасдиқ намуд ва маблағҳои ҷудогардида аз ин Бунёд ва қисман аз захираҳои дохилии ҶҲАТ барои дастрас намудани маводи ғайрихӯрокӣ ба 338 оилаи осебдидаи ноҳияи Хуросон ва 6 оилаи осебдидаи шаҳри Ваҳдат пешбинӣ гаштанд.

Ин кумакҳо аз 344 бастаи маводи ғайрихӯрокворӣ, бистар, болишт, кампал, рахти хоб, бел, каланд, сатили пластикӣ, рӯйпӯши пластикӣ, 344 бастаҳои абзори ошхона, аз ҷумла, кафлез, обгардон, косаи калон, косаи хурд, қошуқ, чангак, дӯлча, ҷом ва 344 бастаҳои беҳдоштӣ, аз ҷумла сачоқ, собун, хамираи дандоншӯӣ, чӯткаи дандоншӯӣ, хокаи ҷомашӯӣ, хокаи безараргардонӣ, собуни моеъ, шампун, дезинфектант, маводи беҳдошти шахсии занона, уребча, собуни хоҷагӣ, бастаи селофанӣ, қоғази ташноб ва ғайраҳо иборатанд.

Дар доираи кумакҳои мазкур ба оилаҳое, ки бештар аз ҳама зарар дидаанд ва ё манзилҳои истиқоматиашонро аз даст додаанд, инчунин оилаҳое, ки саробонашон зан, шахсони пиронсол, кӯдакони хурдсол ва оилаҳое, ки бо дастгириҳои дигар ниҳодҳои дахлдор фаро гирифта нашудаанд, кумак расонида мешавад.

2 июни соли 2020 дар марҳилаи аввали тақсимоти кумаки мазкур ба 260 оилаи аз офати табиӣ осебдидаи ноҳияи Хуросон тибқи рӯйхати тасдиқгардидаи Комиссияи дахлдори давлатӣ маводи ғайрихӯрокӣ дастрас карда шуд. Марҳилаи дуюми тақсимот фарогирии боз 78 оилаи ниёзманди ноҳияи мазкурро дар бар мегирад.

0
Барчаспҳо:
офат, Хатлон, Тоҷикистон