Город Душанбе, архивное фото

Пешгӯии дақиқи ҳавошиносон барои имрӯз

138
(Таҷдидшуда 20:40 12.11.2019)
Ожонси ҳавошиносии кишвар ҳавои рӯзи 13 ноябрро офтобӣ гуфтааст. Танҳо дар баъзе минтақаҳо борони кутоҳмуддат меборад

ДУШАНБЕ, 13 ноя — Sputnik. Ҳарорати ҳаво рӯзи 13 ноябр дар Тоҷикистон то 18 дараҷа гарм мешавад.

Душанбе

Рӯзи 13-уми ноябр дар шаҳри Душанбе ҳаво бебориш хоҳад буд.  Шамол аз самти шарқ бо суръати 0-5м/с мевазад. Ҳарорат шабона  1+3°, рӯзона 15+17 дараҷа гарм мешавад, хабар медиҳад Кумитаи ҳолатҳои фавқуллода аз қавли Ожонси ҳавошиносии Тоҷикистон.

Ноҳияҳои тобеи марказ

Дар навоҳии тобеъи ҷумҳурӣ низ ҳавои бебориш дар назар дошта шудааст. Вазиши шамол аз самти шарқ  бо суръати 2-7 метр дар як сония мевазад. Ҳарорат дар водиҳо шабона 0+5°, рӯзона 13-18 дараҷа гарм, дар ноҳияҳои кӯҳӣ шабона -3+2°  ва рӯзона 11+16 дараҷа гарм мешавад.

Вилояти Суғд

Дар шаҳри Хуҷанд ҳавои тайирёбандаи бебориш.  Шамол аз самти шарқ бо суръати 0-5 м/c мевазад. Ҳарорати ҳаво шабона 0+2°, рӯзона 13+15° гарм мешавад. 

Дар вилояти Суғд  бориш намешавад, Шамол аз самти шарқ бо суръати 3-8м/с мевазад. Ҳарорати ҳаво дар водиҳо шабона -2+3°, рӯзона  12+17° гарм, дар ноҳияҳои кӯҳӣ шабона  1 - 6° сард, рӯзона 6+11° гарм мешавад.

ВМКБ        

Ҳавои шаҳри Хоруғ  бориш намешавад. Шамол аз самти шарқ бо суръати 0-5м/с мевазад. Ҳарорати ҳаво шабона  0+2°, рӯзона 12+14° гарм мешавад.

Дар ноҳияи Мурғоб ҳавои тағйирёбанда ва беборишоти назаррас. Шамол аз самти шарқ бо суръати 0-5 м/с мевазад. Ҳарорати ҳаво шабона 13-15° сард, рӯзона -1+1° гарм мешавад. 

Дар ноҳияҳои дигар ВМКБ   ҳавои бебориш. Шамол аз самти шарқ бо суръати 0-5м/с мевазад. Ҳарорати ҳаво дар ғарби вилоят шабона  - 4+1°, рӯзона 10+15° гарм, дар шарқи вилоят шабона 13 - 18° сард, рӯзона -3+2° гарм мешавад.

Вилояти Хатлон

Дар шаҳри Бохтар баъзе ҳолатҳо борон меборад, Шабона 2+4°, рӯзона 15+17 дараҷа гарм мешавад.

ш. Кӯлоб – Ҳавои бебориш дар назар дошта шудааст. Шамол аз самти шарқ  бо суръати 0-5м/с мевазад. Ҳарорати ҳаво шабона 1+3, рӯзона 14+16° гарм мешавад.   

Дар дигар навоҳии вилояти Хатлон баъзан борон меборад. Шамол аз самти шарқ бо суръати 2-7м/с мевазад. Ҳарорати ҳаво дар водиҳо шабона 1+6° гарм, рӯзона 13+18 гарм, дар ноҳияҳои доманакӯҳӣ шабона  -1+4°, рӯзона 9+14° гарм мешавад.

138
Барчаспҳо:
барои имрӯз, ҳушдори ҳавошиносон, пешгӯӣ
Министр экономики Завки Завкизода отдал подарки детскому дому в районе Нуробод

Завқӣ Завқизода ба кӯдакони ятими ноҳияи Нуробод либоси гарм бурд

11
(Таҷдидшуда 14:50 26.11.2020)
Вазири рушди иқтисод ва савдои Тоҷикистон таъкид доштааст, ки амалҳои хайру савоб, аз ҷумла ғамхорӣ зоҳир намудан ба ятимону бепарасторон, пирону эҳтиёҷмандон ҳамеша дар мадди назари Ҳукумати кившар аст

ДУШАНБЕ, 26 ноя — Sputnik. Завқӣ Завқизода, азири рушди иқтисод ва савдо ба Мактаб-интернати ҷумҳуриявии кӯдакони ятими ноҳияи Нуробод кӯмакҳои моддӣ дастрас намуд. Иттилоъ додааст дафтари матбуоти вазорат.

Бино бар иттилои манбаъ, бо мақсади омодагӣ ба фасли зимистон ва зимистонгузаронӣ як зумра маводҳои либоса, таълимӣ ва хурокворӣ супорида шуд.

Гуфта шудааст, ки вазир 110 дона курткаи зимистона, 135 ҷуфт пойафзол, 50 литр равған, 10 халта орд, 40кг гӯшт, 50 кг биринҷ, 50кг шакар, 200 адад ниқоби муҳофизатии тиббӣ, 20 адад моеъи антисептикӣ, 135 дона ручка, 135 дона дафтар ва 20 қуттӣ бур ба таълимгарони Мактаб интернати мазкур супорид.

Завқи Завқизода дар назди таълимгирандагон таъкид доштааст, ки   амалҳои хайру савоб, аз ҷумла ғамхорӣ зоҳир намудан ба ятимону бепарасторон, пирону эҳтиёҷмандон, маъюбону камбизоатон ҳамеша дар мадди назари Ҳукумати ҷумҳурӣ қарор дорад.

Айни замон дар Мактаб интернати ҷумҳуриявии кудакони ятими ноҳияи Нуробод 135 нафар хонандагон бо шароитҳои хуб таълиму тарбия мегиранд.

11
Барчаспҳо:
кумак, ятимхона, вазир, Тоҷикистон
Мэр города Исфара Баходурзода Баховаддин Баходур

Шаҳрдори нави Исфара муаррифӣ шуд: Баҳодурзода Баҳоваддин Баҳодур кист?

279
(Таҷдидшуда 13:52 26.11.2020)
Субҳи имрӯз дар толори мақомоти шаҳри Исфара шаҳрдори нави Исфара аз ҷониби муовини Сарвазири Тоҷикистон Сатториён Матлубахон ва муовини аввали раиси вилояти Суғд Хол Ҳайдар муаррифӣ шуд

ДУШАНБЕ, 26 ноя — Sputnik. Бино бар иттилои Иқбол Тешаев, сухангуи шаҳрдории Исфара гуфт, ки дар ибтидо муовини сарвазири Тоҷикистон Сатториён Матлубахон ҳозиринро бо фармонҳои Эмомалӣ Раҳмон, раисҷумҳури кишвар дар бораи ба вазифаи иҷрокунандаи раиси шаҳри Исфара таъин шудани Баҳодурзода Баҳоваддин Баҳодур шинос кард.

Бояд гуфт, ки шаҳрдори қаблии шаҳри Исфара Сулаймонзода Акрам Раҳим бинобар ба кори дигар гузаштан аз вазифаи раиси шаҳр озод шуд ва ба ҷои ӯ Баҳодурзода Баҳоваддин Баҳодур иҷрокунандаи ҳамин вазифа таъин шуд.

Иҷрокунандаи вазифаи раиси шаҳр Баҳодурзода Баҳоваддин Баҳодур зикр намудааст, ки ӯ дар фаъолияти минбаъдаи меҳнатиаш ба ҳайси раиси шаҳри Исфара тамоми донишу малака ва маҳорату таҷрибаи худро барои ободонӣ ва шукуфоии ин шаҳр равона сохта, сазовори боварии ҳам мардум ва ҳам роҳбарияти ҷумҳурӣ хоҳад гашт.

Манбаъ иттилоъ додааст, ки Баҳоваддин Баҳодурзода 10 феврали соли 1976 таваллуд шудааст. Миллаташ тоҷик, маълумоташ олӣ. Соли 1999 Донишгоҳи давлатии ҳуқуқ, бизнес ва сиёсати Тоҷикистонро бо ихтисоси ҳуқуқшинос хатм намудааст.

Баҳоваддин Баҳодурзода фаъолияти меҳнатиашро соли 1999 ба ҳайси мутахассиси Раёсати адлияи вилояти Суғд оғоз намуда, сипас дар солҳои гуногун дар вазифаҳои машваратчии Раёсати адлияи вилояти Суғд, машваратчии калони Раёсати адлияи вилояти Суғд, муовини сардори Раёсати адлияи вилояти Суғд ва нотариуси давлатии идораи нотариалии давлатии ноҳияи Ҷаббор Расулов кор кардааст.

Аз соли 2013 то 14 феврали соли 2019 дар вазифаи сардори Раёсати адлияи вилояти Суғд фаъолият дошт. Бо қарори Раиси вилояти Суғд аз 14 феврали соли 2019 муовини Раиси вилоят таъин гардидааст.

Рӯзи 24-уми ноябри соли 2020 бо Фармони Эмомалӣ Раҳмон, раисҷумҳури кишвар ба мансаби иҷрокунандаи вазифаи раиси шаҳри Исфара таъин шуд.

279
Барчаспҳо:
раис, муаррифӣ, сарвазир, Исфара, Тоҷикистон