Эмомалӣ Раҳмон ҳангоми имзои санад, акс аз бойгонӣ

Қарори нави Ҳукумати Тоҷикистон дар бораи “Фароз” ва мусофирбарӣ

8527
(Таҷдидшуда 14:03 15.11.2019)
Эмомалӣ Раҳмон, раисиҷумҳури Тоҷикистон бо имзои қарори Ҳукумат ба ширкати “Фароз” барои бунёди терминал дар самтҳои Ҳисор, Шаҳринав ва Турсунзода замин ҷудо кард

ДУШАНБЕ, 15 ноя — Sputnik. Ҳукумат қарор кардаст, ки аз ҳисоби заминҳои хоҷагии деҳқонии “Эҳсон”-и ноҳияи Рӯдакӣ 3 гектар замин ба ҶСП “Фароз” барои бунёди терминали масири Ҳисор, Турсунзода ва Шаҳринав ҷудо карда шавад.

Бар асоси қарори Ҳукумат, ки Эмомалӣ Раҳмон моҳи равон имзо кардааст, ширкати “Фароз” муваззаф гардидааст, талафот барои аз гардиши кишоварзӣ берун мондани замини мазкур дар ҳаҷми 384 ҳазор сомониро ба буҷа пардохт кунад.

Тасмим барои сохтмони терминали ҷадиди масири шаҳру навоҳии Ҳисор, Шаҳринав ва Турсунзода дар ҳолест, ки феълан бисёри мусофирбарҳо дар ин самт аз маҳаллаи маъруф ба “Зарнисор”-и Душанбе ҳаракат мекунанд. Бархе аз сокинон шикоят мекунанд, ки бетартибӣ дар ҳаракати мусофирбарҳо аз ин маҳалла баъзан боиси танбашавии мошинҳо мегардад.

Мансабҳои домодҳои "эрка"-и раисҷумҳурони кишварҳои Осиёи Марказӣ

Моҳи сентябри соли равон Ҳукумати Тоҷикистон қарор карда буд, ки дар шаҳру навоҳии вилояти Суғд, аз ҷумла Панҷакент, Исфара ва Мастчоҳ ба ҷамъияти саҳомии пӯшидаи “Фароз” барои бунёди терминалҳои байналмилалии автомобилӣ ва хизматрасонии логистикӣ замин ҷудо карда шавад.

8527
Барчаспҳо:
ҶСП "Фароз", терминал, мусофирбарӣ, Душанбе, Тоҷикистон
Мавзуҳо:
Фармон, амр ва қарорҳои тозатарини Эмомалӣ Раҳмон (40)
Ресторан Мерве в Душанбе

Даъвои ВУД аз тарабхонаву чойхонаҳои пойтахт: қоидаҳои беҳдоштиро риоя намекунанд

22
(Таҷдидшуда 12:21 28.05.2020)
Гурӯҳҳои сайёри Вазорати умури дохилаи Тоҷикистон ба ошхонаву тарабхона, кӯчаву хиёбонҳои шаҳри Душанбе, дукону фурӯшгоҳ, мағозаҳои фурӯши хӯроки умум ва дигар маконҳои гаштугузори шаҳрвандон амалиётҳои профилактикию корҳои фаҳмондадиҳию назоратӣ роҳандозӣ карданд

ДУШАНБЕ, 28  май — Sputnik. Вазорати умури дохилаи Тоҷикистон хабар додааст, ки зимни гузаронидани корҳои назоратии аз ҷониби милитсияи пойтахт маълум гашт, ки дар аксарият ошхонаву тарабхонаҳо ин қоидаҳо ба куллӣ риоя намешаванд.

Манбаъ таъкид доштааст, ки дар тарабхонаи “Мерве”, ки филиали он яке дар кӯчаи “Дӯстии халқҳо” ва дигаре дар хиёбони “Рӯдакӣ” мавҷуд аст, ҳангоми назорати оперативӣ маълум гашт, ки бо воридщавии мизоҷон ба тарабхона ҳарорати онҳо санҷида намешаваду дастҳояшон низ бо маҳлулҳои антисептикӣ безарар намегардад.

“Доир ба иҷро нагардидани ин ҳолатҳо аз кормандон пурсон шудем, вале ҳар гуна баҳона меҷустанду ҷавоби аниқ надоданд. Ҳамчунин баъзе аз пешхизматон бе ниқобу дастпӯшак фаъолият мекарданд”, - қайд кард манбаъ.

Ҳамчунин ВУд зикр кардааст, ки ҳолати аз ин бадтараш дар ошхонаи “Шифо” воқеъ дар кӯчаи Назаршоеви ноҳияи Шохмансур ошкор гашт.

“Дар ин ошхона набудани ҳароратсанҷ, бе дастпӯшаку ниқоб кор кардани хизматгорон ва ифлос будани зарфҳои истифодабаранда ҳолати нигаронкунанда мебошад”, - афзуд ВУД.

Ҳамчунин ВУД таъкид доштааст, ки дар чойхонаи “Яхмос” воқеъ дар кӯчаи “Дӯстии халқҳо” ва сихкабоби “Тахтача” дар кӯчаи Зебунисои ноҳияи Шохмансур, ошхонаи “Фарел Хаус” ва ошхонаи “Озода” дар кӯчаи Лоиқ Шералии ноҳияи Исмоили Сомонӣ, тарабхонаи “Сафо” дар кӯчаи Носири Хусрав ва чанди дигаре маконҳои хӯроки умум одитарин қоидаҳои санитарии аз ҷониби Ситоди ҷумҳуривӣ пешбинишударо риоя намакунанд.

Ҳамзамон ВУД қайд кардааст, ки гарчанде дар баъзе ин ошхонаву тарабхонаҳо маҳлулҳои антисептикӣ ва ҳароратсанҷ вуҷуд дошт, вале мутаассифона чун намоиш дар гӯшае монда шуда, умуман истимфода бурда намешуданд.

Манбаъ зикр кард, ки зимни ошкор кардани ҳолатҳои ғайристандартӣ дар ин маконҳо аз ҷониби гурӯҳи корӣ бо масъуин корҳои фаҳмондадиҳӣ ба роҳ монда шуд.

Раёсати ВКД дар шаҳи Душанбе вобаста ба ҳолати мазкур аз кулли шаҳрвандон махсусан соҳибмулкони ошхонаву тарабхона, қаҳвахонаву дигар маконҳои хӯроки умум даъват кард,  қоидаҳои санитариро риоя намоянд ва беаҳмиятиро дур сохта, солимии худ ва аҳли ҷомеаро дар мадди аввал гузоранд.

22
Барчаспҳо:
роҳандозӣ, амалиёт, Душанбе, тарабхонаи беҳтарин, ВУД, Тоҷикистон
ОАЭ направляет медицинскую помощь Таджикистану в борьбе с COVID-19

Беш аз 10 тонна таҷҳизоти тиббӣ аз Аморати муттаҳидаи Араб ба Тоҷикистон расид

71
(Таҷдидшуда 11:51 28.05.2020)
Дирӯз як ҳавопаймои махсус аз Аморати муттаҳидаи Араб ба Тоҷикистон кумаки башардустона овард. Ин ҳавопаймо ба шаҳри Душанбе беш аз 10 тонна таҷҳизоти тиббӣ овард

ДУШАНБЕ, 28  май — Sputnik. Аморати муттаҳидаи Араб барои пешгирӣ ва муборизаи саривақтӣ бар зидди  вируси корона Тоҷикистонро бо таҷҳизоти  тиббӣ кумак кард.

Бино бар иттилои Агентии захираҳои моддии давлатии назди Ҳукумати Точикистон, кумаки башардӯстонаи  Аморати муттаҳидаи Араб дар ҳаҷми 10,7 тонна буда, он  аз маҳсулоти муҳофизатии тиббӣ, аз ҷумла хилъати тиббӣ, дастпӯшак, ниқоб, бахил, салфетка ва маҳлулҳои антисептикӣ иборат мебошад.

Инчунин ин кишвар барои муайян кардани COVID-19 беш аз 20 ҳазор адад тест равон кардааст.

Кумаки мазкур дар шакли лавозимоти тиббӣ аз ҷониби Аморати муттаҳидаи Араб ба Тоҷикистон ҳамчун нишонаи ҳамкорӣ ва бо мақсади таҳкими муборизаи муштарак бар зидди COVID-19 равона шудааст.

Тибқи иттилои манбаъ, кумакҳои мазкур аз ҷониби Ҳукумати Тоҷикистон ва Вазорати тандурустӣ ва ҳифзи иҷтимоии аҳолии кишвар ба беморхонаҳои ҷумҳурӣ  тақсим карда мешавад.

71
Барчаспҳо:
таҷҳизоти тиббӣ, Аморати Муттаҳидаи Араб, кӯмаки башардӯстона, башардӯстона, кумак, Тоҷикистон