Празднование Дня Президента в Академии государственного управления при Президенте Республики Таджикистан

Академия расман Эмомалӣ Раҳмонро ба Ҷоизаи Нобел пешниҳод кард

705
(Таҷдидшуда 18:50 18.11.2019)
Академияи идоракунии давлатии назди Президенти Тоҷикистон дар поёни як нишасти илмию маърифатӣ дар робита бо Рӯзи Президенти Тоҷикистон Эмомалӣ Раҳмонро ба Ҷоизаи Нобел пешниҳод кард

ДУШАНБЕ, 18 ноя — Sputnik. Дар иттилоияи нашршуда дар сафҳаи расмии Академия омадааст, ки Абдухалил Ғафурзода, ректори Академияи идоракунии давлатии назди Президенти Тоҷикистон таҷлили Рӯзи Президентро “қадршиносӣ ва арҷгузорӣ ба хизматҳои шоиставу бузурги Пешвои муаззами миллат” ва қабули Қонуни конститутсионии Тоҷикистон "Дар бораи Асосгузори сулҳу ваҳдати миллӣ – Пешвои миллат" - ро зарурати таърихие арзёбӣ кардааст, ки “аз нигоҳи талаби вақт, тақозои замон ва ҳақиқати ҳаёт татбиқи он амри зарурӣ ва айни муддао буд”.

Фаридун Бобозода, декани факултаи муносибатҳои байнулмилалии Академия ташаббусҳои байналмилалии Эмомалӣ Раҳмонро муаррифии Тоҷикистон ҳамчун “давлати демократӣ, ҳуқуқбунёд, дунявии ояндадор ба ҷомеаи ҷаҳонӣ” тавсиф намудааст, ки зиёда аз 160 давлати дунё робитаи дипломатӣ кардааст ва 193 давлати ҷаҳон онро ба расмият шинохтааст.

Бино ба ин иттилоия, таҷлили Рӯзи Президент заминаи пешрафти истиқлолияти сиёсӣ буда, барои дарку эҳсоси ҳувияти миллӣ, шинохту эҳтироми рамзҳои давлатӣ мусоидат менамояд.

“Дар охир Раёсати Академия ва донишҷӯён пешниҳод намуданд, ки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Ҷоизаи Нобелии Сулҳ сарфароз гардонда шавад, зеро ҳамаи он талаботҳое, ки барои дарёфти ин ҷоизаи байналмилалӣ мавҷуд аст Президенти Ҷумҳурии Тоҷикистон муҳтарам Эмомалӣ Раҳмон дорост”, - навиштааст сомонаи расмии Академияи идоракунии давлатии назди Президенти Тоҷикистон.

 Як рӯзи қабл дар сафҳаи Академияи идоракунии давлатии назди Президенти Тоҷикистон дар Фейсбук ин хабар нашр шуда буд, ки пешниҳоди Эмомалӣ Раҳмон ба ҷоизаи сулҳи Нобел аз сӯи Афалшоҳ Бобозода, муовини декан ва Зарина Саидова, донишҷӯи соли сеюми факултаи муносибатҳои байналмилалии ин Академия дар як тандем – маърӯза, ё маърӯзаи муштарак эълон шудааст.

Таъйиди расмии ҳамчунин як пешниҳод Академияи идоракунии давлатии назди Президенти Тоҷикистон нишон медиҳад, ки ин тасмимро раҳбарияти Академия низ ҷонибдорӣ кардааст.

705
Барчаспҳо:
Президент, Раисҷумҳур, пешниҳод, Нобел, Ҷоизаи Нобел, Эмомалӣ Раҳмон, Тоҷикистон
Марзбони тоҷик, акс аз бойгонӣ

КДАМ Тоҷикистон моҷаро дар марз ва тирпаронии марзбонҳои қирғизро шарҳ дод

475
(Таҷдидшуда 22:44 25.10.2020)
Қӯшунҳои сарҳадии Кумитаи давлатии амнияти миллии Тоҷикистон моҷарои 25 октябр дар марз ва тирпаронии сарҳадбонҳои қирғизро шарҳ доданд

ДУШАНБЕ, 25 окт — Sputnik. Тибқи иттилои нерӯҳои марзбонии КДАМ, рӯзи 25-уми октябри соли 2020, соати 15:30 дақиқа, сокинони деҳаи Хоҷаи Аълои ноҳияи Исфара дар дохили деҳа қубури обгузарро, ки кӯҳнаву афсурда шудааст, иваз мекарданд.

"Дар ин вақт 25-30 нафар сарҳадбонони мусаллаҳи Ҷумҳурии Қирғизистон ба назди деҳаи мазкур ҳозир шуда, аз сокинон талаб мекунанд, ки корро қатъ созанд.  Онҳо даъво пеш меоранд, ки маҳали кори шаҳрвандони Тоҷикистон минтақаи баҳсӣ дониста мешавад ва аз силоҳи оташфишон ҷониби сокинони Хоҷаи Аъло тир мекушоянд", - омадааст дар изҳороти КДАМ.

КДАМ таъкид кардааст, ки ин қитъа қаламрави Ҷумҳурии Тоҷикистон буда, иғвогарии навбатии марзбонони қирғиз ба мураккаб намудани вазъият дар хатти сарҳади ду давлат равона гардидааст.

Манбаъ афзуд, хушбахтона, аз тирпаронии марзбонони қирғиз сокинони Хоҷаи Аъло осеб надидаанд. Корҳо дар маҳали муноқиша муваққатан қатъ карда шуданд.

Байни сарҳадбонони Ҷумҳурии Тоҷикистон ва Ҷумҳурии Қирғизистон, бо иштироки намояндагони мақомоти иҷроияи ҳокимияти давлатии ду кишвар  гуфтушунид идома дорад.

Хадамоти марзбонии Қирғизистон қаблан бо нашри як изҳорот гуфт, марзбонҳои қирғиз барои ҳифзи ҳаёту саломатӣ ва ҷилавгирӣ аз шиддати вазъ ба ҳаво тир холӣ карданд.

475
Барчаспҳо:
тирпаронӣ, марз, Тоҷикистон
Сбор урожая хлопка в Турсунзаде

Раиси Суғд ба ғолибони озмун аз 5 то 20 ҳазор сомонӣ ҷоиза дод

38
(Таҷдидшуда 20:58 25.10.2020)
Раҷаббой Аҳмадзода, раиси вилояти Суғд, дар майдони “Ситораҳои Хуҷанд”-и маркази вилоят ба ғолибони даври дуюми мусобиқаи меҳнатӣ байни ноҳияҳо ва хоҷагиҳои пахтакор ҷоиза дод

ДУШАНБЕ, 25 окт — Sputnik. Раҷаббой Аҳмадзода, зимни маросими ҷоизасупорӣ аз зарурати рушди соҳаи кишоварзӣ, таъмини корхонаҳои саноатӣ бо ашёи хом ва таъсиси ҷойҳои корӣ гуфт.

Тибқи иттилои ҳукумати вилояти Суғд, дар ҷамъбасти давраи дуюми мавсими пахтачинӣ заркорони ноҳияҳои Спитамен, Мастчоҳ ва инчунин пахтакорони Ҷамоати деҳоти Ғулакандоз ғолиби мусобиқа дониста шуданд.

Манбаъ афзуд, раиси вилоят ба ғолибони мусобиқаи меҳнатӣ "Вимпели сайёр" ва мукофотпулиҳоро дар ҳаҷми 20 000 сомонӣ, 10 000 сомонӣ ва 5 000 сомонӣ тақдим намуд.

Ӯ изҳори боварӣ намуд, ки кӯшишҳои деҳқонони заҳматқарин барои беталаф ғундоштани ҳосили пахта ва дигар зироатҳои кишоварзӣ бо суръати тоза ҷараён гирифта, онҳо соли ҷориро бо дастовардҳои баланд ҷамъбаст менамоянд.

"Қайд кардан зарур аст, ки деҳқонони ботаҷрибаи хоҷагиҳои деҳқонии "Элёр"-и ноҳияи Ашт, "Иҷоракор"-и ноҳияи Бобоҷон Ғафуров, "Озодҷон"-и ноҳияи Зафаробод, "Ҳоҷидеҳқонбой"-и ноҳияи Ҷаббор Расулов, "Гули шодӣ"-и ноҳияи Мастчоҳ, "Зарбдор"-и шаҳри Конибодом ва "Турдиқул ҳоҷӣ"-и ноҳияи Спитамен ва дар маҷмӯъ дар миқёси вилоят 3648 хоҷагии кишоварзӣ дар ин давра ба марраи мурод расида, собит намуданд, ки ташкили дурусти кор, саъю талош, риояи қоидаҳои агротехникии парвариш ва сари вақт сафарбаркунии қувваҳо гарави муваффақиятҳо мебошад.

Ҳукумати Суғд зикр намудааст, ки пахтакорони вилоят азм доранд, ки соли равон дар ҳамаи шаклҳои хоҷагидорӣ наздик 130 ҳазор тон пахта истеҳсол намоянд. То имрӯз бошад наздик 100 ҳазор тонна "тиллои сафед" ба хирман рехта шудааст.

38
Барчаспҳо:
озмун, пахта, Тоҷикистон