Рустам Эмомали на заседании народных депутатов Маджлиса в Душанбе

Қарори нави шаҳрдори Душанбе: Wi-Fi - ро “Smart city” назорат кунад

932
Рустами Эмомалӣ, раиси шаҳри Душанбе зимни як қарор тартиби танзими кори интернети Wi-Fi дар ҳудуди пойтахтро маълум кард

ДУШАНБЕ, 19 ноя — Sputnik. Дар ин қарор, ки таҳти рақами 716, рӯзи 15 ноябри соли равон ба тасвиб ва дар сомонаҳои расмии шаҳрдории Душанбе пахш шудааст, ҳадаф “ҳифзи амнияти иттилоотӣ, таъмини бехатарии шаҳрвандон ва беҳтаргардонии хизматрасонӣ ба истифодабарандагони шабакаи иттилоотӣ-телекоммуникатсионии Интернет аз рӯи технологияи Wi-Fi дар ҳудуди шаҳри Душанбе” унвон шудааст.

Президент Таджикистана Эмомали Рахмон и мэр Душанбе Рустам Эмомали
© Официальная страница пресс-службы президента РТ в Facebook.

Қарор бар қонуни конститутсионии “Дар бораи мақомоти маҳаллии ҳокимияти давлатӣ”, қонунҳои “Дар бораи мақоми пойтахти Ҷумҳурии Тоҷикистон”, “Дар бораи иттилоотонӣ”, «Дар бораи ҳимояи ҳуқуқи истеъмолкунандагон” ва Қоидаҳои фароҳамоварии хизматрасонии Интернет дар ҳудуди Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 8 августи соли 2001, №389 тасдиқ шудааст, такя мекунад.

 Ин қонунҳо заминаи гирифтани тасмим ба хотири таъмини амнияти иттилоотӣ, бехатарии шаҳрвандон ва беҳбуди хизматрасонии интернети Wi-Fi – ро барои мақомоти шаҳри Душанбе фароҳам мекунанд.

 Бино ба қарори раиси шаҳри Душанбе, аз ин ба баъд ашхоси ҳуқуқӣ ва физикӣ, ки бо ироаи хадамоти интернет тариқи технологияи Wi-Fi дар пойтахт машғуланд, бояд иҷозаи расмӣ дошта бошанд ва аз сабти мақомот гузаранд.

Масъулин бар ин боваранд, ки танзими онҳо заминаи назорати фаъолияти қонунӣ ва ҳамзамон амнияти шаҳрвандонро фароҳам месозад.

Ниҳоде, ки ин гуна хадамот ва фаъолияти ироакунандагони онро муттаҳид ва назорат мекунад, тибқи қарори шаҳрдори Душанбе, корхонаи воҳиди давлатии “Шаҳри ҳушманд (Smart city)” хоҳад буд, ки дар тобеияти ҳукумати шаҳри Душанбе мебошад.

Дар ҳоли ҳозир ширкатҳои мобилии Тоҷикистон дар ҷойҳои ҷамъиятии пойтахт нуқтаҳои ироаи Wi-Fi худро фароҳам кардаанд, ки маъмулан як гуна имтиёздиҳӣ ба муштариёни онҳо ва ройгон аст.

932
Барчаспҳо:
интернет, танзим, тартиб, шаҳрдор, қарор, пойтахт, Душанбе, Рустам Эмомалӣ
Девушка в наручниках, архивное фото

Ҳашт ҳазор доллар деҳ ба Донишгоҳи тиббӣ дохил мекунам: боздошти устоди Донишгоҳи Хуҷанд

116
(Таҷдидшуда 12:28 10.08.2020)
Агентии назорати давлатии молиявӣ ва мубориза бо коррупсия дар Тоҷикистон Негматова Мунира омӯзгори Донишгоҳи давлатии Хуҷандро бо иттиҳоми гирифтани пора боздошт кардааст

ДУШАНБЕ, 10 авг — Sputnik.  Бино ба иттилои дафтари матбуотии Агентӣ,  Негматова Мунира Мухамедовна ба чунин амал ҳангоми дар вазифаи омӯзгори Донишгоҳи давлатии Хуҷанд кор карда истоданаш даст задааст.

Манбаъ мегӯяд, боздоштшуда аз шаҳрванд “А” барои ба Донишгоҳи тиббии Тоҷикистон дохил намудани хешаш-шаҳрванд “Б”  бо роҳи фиреб ва суиистифодаи боварӣ маблағи 8000 доллари ИМА талаб намуд.

“Санаи 27 апрели соли 2020 дар натиҷаи гузаронидани чорабиниҳои оперативӣ-тафтишотӣ Негматова М.М. баъди аз шаҳрванд “А” гирифтани маблағи 8000 доллари ИМА дастгир карда шуда, маблағи мазкур аз ӯ ҳамчун далели шайъӣ дарёфт ва гирифта шуд”,- афзудааст манбаъ.

Боздошти мансабдор барои миёнаравӣ ва тамаъи пора

Агентӣ мегӯяд, дар ин асос нисбати Негматова М.М. бо моддаи 247 қисми 4 банди “б” Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтиши пешакии он идома дорад.

116
На улице в городе Душанбе, архивное фото

Гармии тоқатфарсо: пешгӯии дақиқи ҳавошиноcон барои имрӯз

109
(Таҷдидшуда 12:16 10.08.2020)
Имрӯз дар Тоҷикистон ҳаво камабр ва тағйирёбанда  шуда, ҳарорат дар шахри Душанбе рӯзона ба 35+37 дараҷа мерасад

ДУШАНБЕ, 10 авг – Sputnik. Бино ба гузориши Ожонси ҳавошиносӣ, имрӯз дар Вилояти Мухтори Кӯҳистони Бадахшон ҳаво камабр ва дар баъзе ноҳияҳо тағйирёбанда шуда, эҳтимоли бориши нисбатан сусти марҳилавӣ (0-0,5мм) дар назар аст.

Шамол аз самти шарқ бо суръати 3-8  метр дар як сония мевазад. Ҳаво дар ғарби вилоят шабона 12+17 ва рӯзона 28+33 дараҷа гарм  мешавад. Дар  шарқи вилоят  ҳаво шабона 3+8 ва рӯзона 18+23 дараҷа гарм мешавад, хабар медиҳад АМИТ "Ховар" бо такя ба Ожонси ҳавошиносӣ.

Ҳаво дар вилояти Суғд  камабр ва дар баъзе ҳолатҳо тағйирёбандаи бебориш мешавад. Шамол аз самти шарқ бо суръати 3-8 метр дар як сония мевазад. Ҳаво  дар водиҳо шабона 20+25 ва рӯзона 33+38 дараҷа гарм  мешавад. Дар ноҳияҳои кӯҳӣ ҳаво шабона 8+13  ва рӯзона 21+26 дараҷа гарм мешавад.

Дар вилояти Хатлон  ҳаво камабри бебориш мешавад. Шамол аз самти шарқ бо суръати  3-8 ва дар ноҳияҳои алоҳида бо шиддатнокии то 13-18 метр дар як сония вазида, чангу ғубор боқӣ мемонад. Ҳаво дар водиҳо шабона 20+25 ва рӯзона 35+40 дараҷа гарм мешавад. Дар  доманакӯҳҳо ҳаво шабона 16+21 ва рӯзона 29+34  дараҷа гарм мешавад.

Дар шаҳру ноҳияҳои тобеи марказ ҳаво камабр  ва тағйирёбанда шуда, бориши нисбатан сусти марҳилавӣ (0-0,5мм) дар назара аст. Шамол аз самти шарқ бо суръати 4-9  метр дар як сония  мевазад.  Ҳаво  дар водиҳо  шабона 16+21 ва рӯзона 33+38 дараҷа гарм мешавад.  Дар ноҳияҳои кӯҳӣ ҳаво шабона 12+17 ва рӯзона 29 +34 дараҷа  гарм мешавад.

Дар  шаҳри Душанбе ҳавои камабр ва  тағйирёбандаи бебориш пешбинӣ шудааст. Шамол аз самти шарқ бо суръати 3-8  метр дар як сония   мевазад. Ҳаво шабона 17+19 ва  рӯзона 35+37 дараҷа гарм мешавад.

109
Барчаспҳо:
обу ҳаво, гармӣ, Тоҷикистон
XIX Всемирный фестиваль молодежи и студентов. Дискуссионная программа

Донишгоҳҳои Русия барои донишҷӯёни хориҷӣ онлайн дарс медиҳанд

30
(Таҷдидшуда 13:05 10.08.2020)
Барои донишҷӯёни хориҷие, ки наметавонанд то 1 сентябр ба Русия биёянд, дарсҳо дар шакли онлайн баргузор карда мешаванд

ДУШАНБЕ, 10 авг – Sputnik. Аз 1 сентябр бархе аз макотиби олии Русия барои донишҷӯёне, ки ба сабаби ҳамагирии коронавирус наметавонанд ба донишгоҳҳо ҳозир шаванд, дарсҳои онлайн баргузор мекунанд, хабар медиҳад "Российская газета".

Интизор меравад, ки барои чунин донишҷӯён як гурӯҳ созмон дода мешавад, ки танҳо тариқи онлайн дарс хоҳанд хонд.

Аллакай маълум шуда, ки Донишгоҳи давлатии электротехникии шаҳри Санкт-Петербург, Донишгоҳи федеролии Қазон ва Донишгоҳи политехникии Томск барномаи таълимиро тариқи онлайн баргузор мекунанд.

Дар баробири ин барномаи омӯзишии онлайнро Донишгоҳи федеролии Балтики ба номи Иммануил Кант, Донишгоҳи федеролии Шарқи Дур, Донишгоҳи давлатии Новосибирск ва Донишгоҳи давлатии Тюмен тасдиқ карданд.

Толибилмон дар соли хониши нав чӣ қадар таътил доранд? Тақвими истироҳати хонандагон

Ҳамин тавр, ноиби ректори Донишкадаи техникии Маскав Марина Невская гуфт, дар баробари донишҷӯёни хориҷӣ донишҷӯёни русиягӣ низ, ки наметавонанд то 1 сентябр ба компус ҳозир шаванд, тариқи онлайн дарс мехонанд.

Пештар дар Русия қонуне қабул шуд, ки мувофиқи он донишҷӯёни хориҷӣ ҳуқуқ пайдо карданд, бидуни иҷозатномаи корӣ ва патент расман кор кунанд.

Барои кор кардан, донишҷӯ бояд аз донишгоҳ ё донишкада танҳо як ҳуҷҷати тасдиқкунандаи донишҷӯиро барои корфармо ҳозир кунад.

30
Барчаспҳо:
онлайн, омӯзиш, донишгоҳ, Русия
Мавзуҳо:
Пайомадҳои COVID-19 дар Тоҷикистон ва ҷаҳон