Раджаббой Ахмадзода, глава согдийской области

Нигаронии Аҳмадзода аз беаҳамиятии раисон ва холӣ мондани вазифаҳои давлатӣ

1130
(Таҷдидшуда 15:03 22.11.2019)
Раҷаббой Аҳмадзода, раиси вилояти Суғд, зимни баргузории ҷаласа мавзӯъи мубориза бо терроризмро муҳокима намуда, аз беаҳамиятии як қатор раисони шаҳру ноҳияҳо ва холи мондани вазифаҳои корӣ дар сатҳи ҳукумат ва ҷамоатҳо таъкид намудааст

ДУШАНБЕ, 21 ноя — Sputnik. Раҷаббой Аҳмадзода, дар ҷаласаи ҳукумати вилояти Суғд,  ҳолати иҷроиши Барномаи давлатии “Стратегияи миллии Ҷумҳурии Тоҷикистон оиди муқовимат бо терроризм ва экстеремизм барои солҳои 2016-2020” ро мавриди муҳокима қарор додааст.

Дар ин ҷаласа дирӯз ба ҳисоби раисони шаҳру ноҳияҳо, кормандони мақомоти ҳифзи ҳуқуқ, имомхатибон ва раисони ҷамоатҳо даъват шудаанд. 

Раҷаббой Аҳмадзода, ҳолати иҷроиши Барномаи милли Ҷумҳурии Тоҷикистон оиди муқовимат бо терроризм ва экстремизмро ба  муҳокима гузошта, аз камаҳамиятии раисони шаҳру ноҳияи Бобоҷон Ғафуров, Конибодом, Ашт, Хуҷанд, Исфара, Айнӣ, Панҷакент, Масчоҳ, Спитамен гуфтааст, ки як қатор вазифаҳои корӣ дар сатҳи ҳукумат ва ҷамоатҳои ин шаҳру ноҳияҳо холӣ мондаанд.

“Мувофиқи маълумот, 20 вазифаи кории мақомоти ваколатдори давлатӣ оид ба дин, 18 вазифаи кории соҳаи идеологӣ, 12 вазифаи кории бахши кор бо ҷавонон ва варзиш дар шаҳру ноҳияҳо холӣ аст” гуфтааст, Аҳмадзода.

Дар зимни баргузории ҷаласа, раиси вилояти Суғд инчунин аз холӣ мондани вазифаи мутахассисони бахши дин дар ҷамоатҳои деҳоти Зарзамин, Чашмасор, Исмоил, Ғозиён, Ҳайдар Усмон, Хистеварз ва  Ёва и ноҳия Бобоҷон  Ғафуров ва “бесоҳиб” мондани вазифаи мудирони шӯъбаи рушди иҷтимоӣ ва кор бо ҷомеа, бахши дин ва танзими анъана дар сатҳи ҳукумати ноҳия нигаронӣ намудааст.

Раиси вилояти Суғд, иброз намудааст, ки таъмини амният ва мубориза бо терроризм, вазифаи танҳо кормандони мақомоти ҳифзи ҳуқуқ набуда, балки дар ин масъала саҳми кӯчаки ҳар як нафар муҳим аст.

1130
Барчаспҳо:
вазифаҳои нав, муҳокима, мубориза бо терроризм, ҷаласа, Раҷаббой Аҳммадзода, Суғд
Люди в масках в городе

Ширин Исматуллозода дар бораи мубориза бо COVID - 19: "мо хотирҷамъ шудаем, ки хато аст"

2
Ширин Исматуллозода мусовини сарвазири Тоҷикистон гуфт, зарур аст, мисли рӯзҳои аввали пайдоиши COVID - 19 сарҷамъона корро ба роҳ монда байни мардум корҳои фаҳмондадиҳиро бештар кунем

ДУШАНБЕ, 10 авг – Sputnik. Муовини сарвазири кишвар Ширин Исматуллозода дар доираи сафари корӣ ба вилояти Хатлон 8 август аз муассисаҳои тандурустии шаҳру ноҳияҳои Восеъ, Ҳамадонӣ, Бохтар, Кӯшониён ва Вахш дидан намуда бо раиси вилояти Хатлон Қурбон Ҳакимзода Ситоди вилоятӣ оид ба пурзӯр намудани тадбирҳои зиддиэпидемиявӣ ҷиҳати пешгирӣ аз хуруҷи бемории сироятии коронавирус (COVID-19) дар вилояти Хатлон доир кардааст.

Ширин Исматуллозода дар ноҳияи Ҳамадонӣ аз мактаби рақами 42 дидан карда, бо ҷараёни омодагии ин мактаб ба соли нави ошно шудааст. Масъулини муассиса иттилоъ доданд, ки дар назди мактаб имсол бинои нави таълимӣ мавриди истифода қарор мегирад ва ҳамзамон дар паҳлуи мактаб бунгоҳи тиббӣ ба фаъолият шурӯъ кардааст, ки барои мактаббачагон ва ҳайати омӯзгорон хизмат мекунад, хабар медиҳад АМИТ "Ховар".

Муовини Сарвазир таъкид карда, ки дар шароити пандемия мактаб низ яке аз мавзеъҳои осебпазир ба ҳисоб меравад ва ба хотири пешгирӣ аз паҳншавии  COVID-2019 тамоми чораҳои беҳдоштиро биандешанд. Аз ҷумла, пӯшидани ниқоб ва ҳар лаҳза шустани дастонро ба хонандагон таъкиду ташвиқ намоянд.

Дар шаҳри Бохтар Исматуллозода бо фаъолияти фабрикаи ресандагии ҶСШК «Ресанда», ки ба дӯхтани ниқобҳои тиббӣ, либосҳои муҳофизатии тиббӣ ва либосҳои мактабӣ машғул аст, шинос шудааст. Инчунин муовини сарвазир бо як коргоҳи дӯзандагии шаҳр ва омодагии занони бохтарӣ ба фасли зимистон шинос шудааст.

Ширин Исматуллозода боз бо дастури президент ба сафар баромад: ин дафъа ба Кӯлоб рафт

Дар беморхонаи клиникии вилоятии ба номи Бӯрӣ Воҳидови шаҳри Бохтар Ширин Исматуллозода бо табибону беморон ва наздикони онҳо суҳбат карда, ба масъулини беморхона таъкид намудааст, ки тамоми имкониятҳои худро ба хотири саломатии мардум истифода кунанд.

Дар ноҳияи Кӯшониён муовини сарвазир бо вазъи беморхонаи марказии ноҳия ва фаъолияти коргоҳи дӯзандагии ташкилоти ҷамъиятии «Наҷиба» шинос шудааст. Бино ба иттилои масъулин, соли равон коргоҳ бо чанд мактаби маркази ноҳия шартнома баста, онҳоро бо либосҳои мактабӣ таъмин менамояд.

Исматуллозода ҳамчунин аз шуъбаи қабул ва сироятии беморхонаи марказии ноҳияи Вахш дидан карда, бо кормандони ин муассиса оид ба пешгирии COVID-2019 ва сари вақт дарёфт кардану ба табобат фаро гирифтани беморон суҳбат кардааст.

Пас аз боздиду шиносоӣ бо муаасисаҳои таълимию тандурустии шаҳру ноҳияҳои болозикр, бо иштироки Ширин Исматуллозода ва Раиси вилояти Хатлон Қурбон Ҳакимзода Ситоди вилоятӣ оид ба пурзӯр намудани тадбирҳои зиддиэпидемиявӣ ҷиҳати пешгирӣ аз хуруҷи бемории сироятии коронавирус (COVID-19) дар вилояти Хатлон доир гардид.

Ширин Исматуллозода зикр намудааст, ки дар пешгирии COVID-19 аз рӯзи аввали бақайдгирияш сарҷамъона тавонистем шиддати онро дар ҷумҳурӣ паст кунем. Бо дастуру супоришҳои Президент тамоми сохторҳои давлатӣ дар ҳамбастагӣ кор карданд. 

"Мутаассифона, имрӯз як навъ хотирҷамъ шудаем, ки ин хатост. Моро зарур аст, ки боз ҳам мисли ҳамон рӯзҳои аввали пайдоиши ин беморӣ сарҷамъона корро ба роҳ монем. Байни мардум корҳои фаҳмондадиҳиро бештар кунем. Фаъолияти муаасисаҳои кумаки аввалияро тақвият бахшида, гашти хона ба хонаро аз нав эҳё карда, дар пайдо намудану сари вақт ба табобат фаро гирифтани беморон кумак намоем", — гуфт Ширин Исматуллозода.

Ӯ ҳамчунин таъкид дошта, ки дар арафаи соли нави хониш зарур аст, ки корро бо мактабҳо пурзӯр карда, хонандагонро бо ниқобҳои тиббӣ ва маводи антисептикӣ таъмин намоем.

2
Барчаспҳо:
бунёди табобатхона, мактабҳо, Хатлон, боздид
Мавзуҳо:
Пайомадҳои COVID-19 дар Тоҷикистон ва ҷаҳон
Девушка в наручниках, архивное фото

Ҳашт ҳазор доллар деҳ ба Донишгоҳи тиббӣ дохил мекунам: боздошти устоди Донишгоҳи Хуҷанд

134
(Таҷдидшуда 12:28 10.08.2020)
Агентии назорати давлатии молиявӣ ва мубориза бо коррупсия дар Тоҷикистон Негматова Мунира омӯзгори Донишгоҳи давлатии Хуҷандро бо иттиҳоми гирифтани пора боздошт кардааст

ДУШАНБЕ, 10 авг — Sputnik.  Бино ба иттилои дафтари матбуотии Агентӣ,  Негматова Мунира Мухамедовна ба чунин амал ҳангоми дар вазифаи омӯзгори Донишгоҳи давлатии Хуҷанд кор карда истоданаш даст задааст.

Манбаъ мегӯяд, боздоштшуда аз шаҳрванд “А” барои ба Донишгоҳи тиббии Тоҷикистон дохил намудани хешаш-шаҳрванд “Б”  бо роҳи фиреб ва суиистифодаи боварӣ маблағи 8000 доллари ИМА талаб намуд.

“Санаи 27 апрели соли 2020 дар натиҷаи гузаронидани чорабиниҳои оперативӣ-тафтишотӣ Негматова М.М. баъди аз шаҳрванд “А” гирифтани маблағи 8000 доллари ИМА дастгир карда шуда, маблағи мазкур аз ӯ ҳамчун далели шайъӣ дарёфт ва гирифта шуд”,- афзудааст манбаъ.

Боздошти мансабдор барои миёнаравӣ ва тамаъи пора

Агентӣ мегӯяд, дар ин асос нисбати Негматова М.М. бо моддаи 247 қисми 4 банди “б” Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтиши пешакии он идома дорад.

134