В Худжанде вводят в эксплуатацию автобусы с электронной системой платежей

Пардохти роҳкиро дар автобусҳои шаҳри Хуҷанд тариқи кортҳои нақлиётӣ сурат мегирад

309
(Таҷдидшуда 19:24 21.11.2019)
Шаҳри Хуҷанд бо кумаки Бонки Аврупоии Таҷдид ва Рушд аз Русия 100 адад автобусҳои истеҳсоли Русия ворид кард, то ки сатҳи хизматрасонӣ дар соҳаи нақлиёти мусофиркаш беҳтару хубтар шавад

ДУШАНБЕ, 21 ноя — Sputnik. Дар доираи лоиҳаи “Рушди нақлиёти ҷамъиятии шаҳри Хуҷанд”, дар доираи лоиҳаи мазкур марҳилаи ба роҳ мондани пардохти ҳаққи роҳкиро пурра тариқи кортҳои нақлиётӣ оғоз ёфт, иттилоъ додааст дафтари матбуоти мақомоти шаҳри Хуҷанд.

Манбаъ қайд намудааст, ки низоми мазкур бо мақсади соддагардонии раванди пардохти роҳкиро дар воситаҳои нақлиёти автомобилии истифодаи умум роҳандозӣ гардидааст.

“Амалӣ намудани ин лоиҳа як қатор бартарият, аз қабили зиёдшавии даромади корхонаи мусофиркашонӣ, ба иқтисодиёти расмӣ фаро гирифтани ҳамаи маблағҳои гардиш, ҳалли баҳсҳо оид ба бозпасгирии бақияпулиҳо, назорати мунтазами гардиши молиявӣ, назорати рафтуомади воситаҳои нақлиёти мусофирбар, баланд бардоштани сатҳу сифати хизматрасонӣ, танзим ва назорати реҷаи гардиши воситаҳои нақлиётро дорад”, - таъкид намудааст манбаъ.

Дар доираи лоиҳа харидории таҷҳизоти лозима аз ҷумла насби терминалҳо пешбинӣ шудааст.

Алҳол марҳилаи якуми тендер гузашта, давраи омодагӣ ба марҳилаи дуюми тендер бо иштироки ширкатҳои “Авесто-гуруҳ”-и Тоҷикистон, “Микроэлектроника”-и Қазоқистон ва “Технодата” -и кишвари Чехия ҳамчун довталабони асосӣ иштирок хоҳанд намуд.

Дафтари матбуоти шаҳри Хуҷанд зикр намудааст, ки баъд амалӣ шудани лоиҳа хизматрасонӣ дар автобусҳо пурра тариқи кортҳои электронӣ сурат гирифта, шаҳрвандон метавонанд кортҳои электронии роҳкироро аз терминалҳо, марказҳои тиҷоратӣ ва ё худ бевосита аз ронандагон дастрас намоянд.

В Худжанде вводят в эксплуатацию автобусы с электронной системой платежей
© Пресс-служба председателя города Худжанд
В Худжанде вводят в эксплуатацию автобусы с электронной системой платежей

Дар марҳилаи аввал дар ҳар як воситаи нақлиёти мусофирбар назоратчиҳо фаъолият мекунанд, ки ҷараёни истифода ва пардохти электронии роҳкироро назорат хоҳанд кард.

Дар сурати надоштани корт мусофир метавонад маблағи роҳкироро ба назоратчӣ пардохт намуда, аз ӯ расид (чек) гирад.

Ҳамзамон кортҳои имтиёзнок барои иштирокчиёни барқароркунандагони сохти конститутсионӣ ва шахсони ба онҳо баробаркардашуд, наврасони то 10 сола ва то 50 фисад иимтиёз пешбинӣ шудааст.

Интизор меравад, ки амалишавии пардохти ғайринақдӣ аз оғози семоҳаи дуюми соли 2020 сурат гирад.

309
Барчаспҳо:
пардохт, нақлиётӣ, роҳандозӣ, корти пардохт, нақлиёт, автобусҳо, Русия, Бонки аврупоии таҷдид ва рушд, Хуҷанд
Таджикские милиционеры, архивное фото

Пеши роҳашро гирифту ишораи таҳқиромез кард: шикояти духтари ҷавон ва муҷозоти ронанда

58
Нисбати ронандаи дағал бо моддаи 460 Кодекси ҳуқуқвайронкунии маъмурии Ҷумҳурии Тоҷикистон парвандаи маъмурӣ тартиб дода шуда, барои баррасӣ ба Суди ноҳияи Шоҳмансури шаҳри Душанбе ирсол гардид

ДУШАНБЕ, 28  май — Sputnik. Рӯзи 22-юми май як ҷавондухтар, сокини шаҳри Душанбе бо ирсоли расми автомашинаи тамғаи "Хундай", рақамҳои қайди давлатиаш 1953 ТТ 05 мусофирбари ширкати "Olu4a Taxi" аз  милитсияи пойтахт хоҳиш намуд то нисбати ронандаи автомашинаи мазкур чораҳои қонунӣ андешида шаванд, хабар медиҳад РВКД дар шаҳри Душанбе.

Ин ниҳод аз қавли муроҷиаткунанда мегӯяд, рӯзи 22-юми май ҳангоми дар кӯчаи Н. Муҳаммад, назди собиқ бозори Шоҳмансури шаҳри Душанбе тариқи велосипед ҳаркат доштан, ронандаи автомашинаи мазкур монеи ҳаракати ӯ шуда, ҳамзамон нисбаташ ҳаракати таҳқиромез нишон дода, шаъну шарафашро паст задаст.

Муроҷиати мазкур аз ҷониби кормандони Раёсати ВКД дар шаҳри Душанбе таҳти санҷиш ва баррасии ҳаматарафа қарор дода, муайян карда шуд, ки ронандаи автомашинаи мазкур шаҳрванд Самадзода Сомон Шарофатулло, соли таваллудаш 1989, истиқоматкунандаи шаҳри Душанбе мебошад.

"Бо назардошти он ки дар ҳаракатҳои шаҳрванд Самадзода Сомон аломатҳои кирдори майдаавбошона дида мешавад, нисбаташ бо моддаи 460 Кодекси ҳуқуқвайронкунии маъмурии Ҷумҳурии Тоҷикистон парвандаи маъмурӣ тартиб дода шуда, барои баррасӣ ба Суди ноҳияи Шоҳмансури шаҳри Душанбе ирсол гардид", - омадааст дар хабарнома. 

Бино ба иттилои манбаъ, додгоҳ дар навбати худ рӯзи 23-юми май нисбати ронанда ҷазои маъмурӣ дар намуди ҷарима ба андозаи 7 нишондиҳанда барои ҳисобҳо татбиқ намудааст.

Ҳамзамон номбурда ҷиҳати  минбаъд ба чунин амалу кирдори хилофи қонун даст назадан ба таври қатъӣ огоҳонида шудааст.

58
Барчаспҳо:
муҷозот, таҳқиромез, ВКД, Душанбе
Президент Республики Таджикистан Эмомали Рахмон

Таъкиди Раҳмон аз паҳншавии коронавирус: қоидаҳои беҳдоштро риоя кунед

16
Раисҷумҳури Тоҷикистон аз сокинони водии Вахш даъват кард, ки қоидаҳои беҳдоштро риоя кунанд. Ӯ ба роҳбарон супориш дод, то вазъи муассисаҳои тандурустиро беҳтар гардонанд

ДУШАНБЕ, 28  май — Sputnik. Эмомалӣ Раҳмон, президенти Тоҷикистон ҳангоми суханронӣ дар ноҳияи Ҷайҳун аз сокинони водии Вахш даъват кард, ки оидаҳои беҳдошти шахсиву ҷамъиятӣ ва тавсияҳои табибонро риоя кунанд.

"Бори дигар зарурати аз ҷониби ҳар як шахс риоя гардидани қоидаҳои беҳдошти шахсиву ҷамъиятӣ ва тавсияҳои табибону мутахассисонро хотирнишон менамоям", - гуфт президент.

Ӯ ба роҳбарони водӣ таъкид кард, ки беҳтар намудани шароити муассисаҳои тандурустӣ яке аз аввалин вазифаҳои онҳо дар шароити пандемия аст.

"Дар шароити имрӯза, ки паҳншавии бемории коронавирус боиси ташвишу нигаронии мардуми сайёра, аз ҷумла сокинони кишвари мо гардидааст, ҳалли масъалаҳои беҳтар кардани таъминоти муассисаҳои тандурустӣ аз ҷумлаи вазифаҳои муҳимтарини роҳбарони мақомоти иҷроияи ҳокимияти давлатии шаҳру ноҳияҳо мебошад", - афзуд Эмомалӣ Раҳмон.

Ёдрас мешавем, имрӯз 28 май президенти Тоҷикистон бо сафари як ба вилояти Хатлон рафт. Боздиди раисҷумҳур аз ноҳияи Ҷайҳун оғоз ёфт. 

Ӯ бештар таъкид ба истифодаи самараноки замину ҳосилғундорӣ кард.

16