Автомобильная дорога, ведущая к городу Душанбе

Ҳушдори БДА ба ронандагону мусофирон: бе зарурат ба сафар набароед

491
(Таҷдидшуда 11:14 23.11.2019)
Раёсати бозрасии давлатии автомобилии ВУД Тоҷикистон бинобар номусоидии боду ҳаво ба ронандагон ва мусофирон ҳушдор додааст

ДУШАНБЕ, 23 ноя — Sputnik.  Раёсати Бозрасии давлатии автомобилии ВУД Тоҷикистон ҳушдор медиҳад, ки аз 22 то 25 ноябр  пастшавии  ҳарорати  ҳаво,  бориши  барфу борон дар назар аст.

"Табиист, ки дар натиҷаи бориши барфу борон  дар роҳҳои мошингарди ҷумҳурӣ, ки  қисми асосии онҳо аз минтақаҳои кӯҳистон  мегузаранд, фаромадани сангпора, лағжиши кӯҳпора ва рух додани дигар ҳодисаҳои табиӣ аз эҳтимол дур нест", - омадааст дар хабари.

Ронандаҳо дағал, мошинҳо чиркин, мусофирон зиёд: раиси Душанбе 8 камбуди нақлиётро гуфт

Масъулини раёсати мазкур ба ронандагони воситаҳои нақлиёт тавсия медиҳанд, ки ҳангоми ҳаракат дар роҳҳо, махсусан тариқи минтақаҳои мушкилгузари кӯҳистон ва ағбаҳо ба талаботи қоидаҳои ҳаракат дар роҳ риоя намуда, ҷони худ ва дигаронро дар хатар нагузоранд.

Зимнан Раёсати Бозраси давлатии автомобилӣ  ҳушдор медиҳад, ки  ронандагон дар ин рӯзҳо  боэҳтиёт бошанду таҷҳизоти иловагии зиддилағжиш – занҷир, таноб ва дигар лавозимоти зарурӣ бо худ гиранд. Ба ҳолати техникии воситаҳои нақлиёт, махсусан болопӯши чархҳо диққати махсус дода, ҳангоми дидашавандагии нокифоя аз чароғҳои зиддитуманӣ истифода баранд.

Сардшавӣ ва боришоти барфу борон: ҳарорати ҳаво дар Тоҷикистон то 15 дараҷа поён мефарояд

Ҳамчунин иловатан тавсия дода мешавад, ки безарурат ба минтақаҳои кӯҳистон ва мавзеъҳои мушкилгузар сафар нанамоянд.

491
Барчаспҳо:
ронанда, мусофирон, ҳушдор, БДА
Ресторан Мерве в Душанбе

Даъвои ВУД аз тарабхонаву чойхонаҳои пойтахт: қоидаҳои беҳдоштиро риоя намекунанд

22
(Таҷдидшуда 12:21 28.05.2020)
Гурӯҳҳои сайёри Вазорати умури дохилаи Тоҷикистон ба ошхонаву тарабхона, кӯчаву хиёбонҳои шаҳри Душанбе, дукону фурӯшгоҳ, мағозаҳои фурӯши хӯроки умум ва дигар маконҳои гаштугузори шаҳрвандон амалиётҳои профилактикию корҳои фаҳмондадиҳию назоратӣ роҳандозӣ карданд

ДУШАНБЕ, 28  май — Sputnik. Вазорати умури дохилаи Тоҷикистон хабар додааст, ки зимни гузаронидани корҳои назоратии аз ҷониби милитсияи пойтахт маълум гашт, ки дар аксарият ошхонаву тарабхонаҳо ин қоидаҳо ба куллӣ риоя намешаванд.

Манбаъ таъкид доштааст, ки дар тарабхонаи “Мерве”, ки филиали он яке дар кӯчаи “Дӯстии халқҳо” ва дигаре дар хиёбони “Рӯдакӣ” мавҷуд аст, ҳангоми назорати оперативӣ маълум гашт, ки бо воридщавии мизоҷон ба тарабхона ҳарорати онҳо санҷида намешаваду дастҳояшон низ бо маҳлулҳои антисептикӣ безарар намегардад.

“Доир ба иҷро нагардидани ин ҳолатҳо аз кормандон пурсон шудем, вале ҳар гуна баҳона меҷустанду ҷавоби аниқ надоданд. Ҳамчунин баъзе аз пешхизматон бе ниқобу дастпӯшак фаъолият мекарданд”, - қайд кард манбаъ.

Ҳамчунин ВУд зикр кардааст, ки ҳолати аз ин бадтараш дар ошхонаи “Шифо” воқеъ дар кӯчаи Назаршоеви ноҳияи Шохмансур ошкор гашт.

“Дар ин ошхона набудани ҳароратсанҷ, бе дастпӯшаку ниқоб кор кардани хизматгорон ва ифлос будани зарфҳои истифодабаранда ҳолати нигаронкунанда мебошад”, - афзуд ВУД.

Ҳамчунин ВУД таъкид доштааст, ки дар чойхонаи “Яхмос” воқеъ дар кӯчаи “Дӯстии халқҳо” ва сихкабоби “Тахтача” дар кӯчаи Зебунисои ноҳияи Шохмансур, ошхонаи “Фарел Хаус” ва ошхонаи “Озода” дар кӯчаи Лоиқ Шералии ноҳияи Исмоили Сомонӣ, тарабхонаи “Сафо” дар кӯчаи Носири Хусрав ва чанди дигаре маконҳои хӯроки умум одитарин қоидаҳои санитарии аз ҷониби Ситоди ҷумҳуривӣ пешбинишударо риоя намакунанд.

Ҳамзамон ВУД қайд кардааст, ки гарчанде дар баъзе ин ошхонаву тарабхонаҳо маҳлулҳои антисептикӣ ва ҳароратсанҷ вуҷуд дошт, вале мутаассифона чун намоиш дар гӯшае монда шуда, умуман истимфода бурда намешуданд.

Манбаъ зикр кард, ки зимни ошкор кардани ҳолатҳои ғайристандартӣ дар ин маконҳо аз ҷониби гурӯҳи корӣ бо масъуин корҳои фаҳмондадиҳӣ ба роҳ монда шуд.

Раёсати ВКД дар шаҳи Душанбе вобаста ба ҳолати мазкур аз кулли шаҳрвандон махсусан соҳибмулкони ошхонаву тарабхона, қаҳвахонаву дигар маконҳои хӯроки умум даъват кард,  қоидаҳои санитариро риоя намоянд ва беаҳмиятиро дур сохта, солимии худ ва аҳли ҷомеаро дар мадди аввал гузоранд.

22
Барчаспҳо:
роҳандозӣ, амалиёт, Душанбе, тарабхонаи беҳтарин, ВУД, Тоҷикистон
ОАЭ направляет медицинскую помощь Таджикистану в борьбе с COVID-19

Беш аз 10 тонна таҷҳизоти тиббӣ аз Аморати муттаҳидаи Араб ба Тоҷикистон расид

67
(Таҷдидшуда 11:51 28.05.2020)
Дирӯз як ҳавопаймои махсус аз Аморати муттаҳидаи Араб ба Тоҷикистон кумаки башардустона овард. Ин ҳавопаймо ба шаҳри Душанбе беш аз 10 тонна таҷҳизоти тиббӣ овард

ДУШАНБЕ, 28  май — Sputnik. Аморати муттаҳидаи Араб барои пешгирӣ ва муборизаи саривақтӣ бар зидди  вируси корона Тоҷикистонро бо таҷҳизоти  тиббӣ кумак кард.

Бино бар иттилои Агентии захираҳои моддии давлатии назди Ҳукумати Точикистон, кумаки башардӯстонаи  Аморати муттаҳидаи Араб дар ҳаҷми 10,7 тонна буда, он  аз маҳсулоти муҳофизатии тиббӣ, аз ҷумла хилъати тиббӣ, дастпӯшак, ниқоб, бахил, салфетка ва маҳлулҳои антисептикӣ иборат мебошад.

Инчунин ин кишвар барои муайян кардани COVID-19 беш аз 20 ҳазор адад тест равон кардааст.

Кумаки мазкур дар шакли лавозимоти тиббӣ аз ҷониби Аморати муттаҳидаи Араб ба Тоҷикистон ҳамчун нишонаи ҳамкорӣ ва бо мақсади таҳкими муборизаи муштарак бар зидди COVID-19 равона шудааст.

Тибқи иттилои манбаъ, кумакҳои мазкур аз ҷониби Ҳукумати Тоҷикистон ва Вазорати тандурустӣ ва ҳифзи иҷтимоии аҳолии кишвар ба беморхонаҳои ҷумҳурӣ  тақсим карда мешавад.

67
Барчаспҳо:
таҷҳизоти тиббӣ, Аморати Муттаҳидаи Араб, кӯмаки башардӯстона, башардӯстона, кумак, Тоҷикистон